95529294L的個人專頁

今朝約咗朋友喺黃大仙南館樂天冰室食早餐A餐：火腿鮑魚絲米粉煎雙蛋配餐包米粉煮得唔好食B餐：沙爹牛肉公仔麵炒蛋配丹麥酥個沙爹醬汁配牛肉入味，公仔麵都煮得啱啱好C餐雪菜肉絲米炒蛋配丹麥酥丹麥酥~幾好食脆軟杯奶茶同咖啡正常茶餐廳味道…查看更多

佳佳甜品搬咗後面街感覺地方大咗自己掃QR code招牌芝麻糊同杏仁露依然好香滑芝麻糊"芝麻味”濃郁得嚟又唔會太甜杏仁露一樣細緻幼滑搬咗舖都保持到之前一樣水準下次會試下楊枝甘露…查看更多

今日去元州街嘅「元朗冰室」食下午茶～叫咗兩個豬扒湯烏冬茶餐一個配咖啡，一個配杏仁霜豬扒真係厚切！炸得金黃乾身又香口，完全唔油膩，咬落去好juicy！湯底清澈鮮甜，烏冬彈牙又滑溜，超正！咖啡香濃順口，杏仁霜就係小時候嘅經典味道下次會嚟試"特價下午茶餐$38"雪菜肉絲拼五香肉丁麵仲有咸牛肉炒蛋菠蘿包…查看更多

今日係石硤尾南山邨「尋寶」，搵到一間小店，下午三點先開門，傳統街頭小食，價錢平！🥮 傳統格仔餅（只係$10！）塊面金黃香脆，內裡仲保持到微微軟身，滿滿雞蛋香同花生醬➕煉奶➕砂糖香，熱辣辣食最正，10蚊真係無敵🐣 外脆內軟雞蛋仔（一樣$10！）一出爐即刻聞到陣陣蛋香，每一粒都超脆口，掯開仲有煙出！內裡軟綿綿又帶少少彈牙石硤尾街坊，或者想食返兒時味道朋友$20食到兩款經典街頭小食👍…查看更多

經過荃灣去間街坊傳統小店上海舖食飯獅子頭配菜飯獅子頭一咬開，肉汁瞬間爆出，全部滲入底下燜得軟綿綿嘅白菜仔，啖啖肉香！菜飯係靈魂中的靈魂，米飯吸滿青菜鮮甜，熱辣辣撈勻一啖飯。仲送一碗青紅蘿蔔例湯，清甜飲完即刻暖笠笠茄子炆肉茄子完全變身「肉汁海綿」！每一嚿都吸飽曬豬肉同茄子汁，軟淋淋又入味 小籠包（重頭戲來了！）皮薄到近乎透明，一夾就見到湯汁在裡面搖晃晃，鮮甜豬肉餡，湯汁多到要用湯匙接住一籠5隻完全唔夠喉荃灣難得咁正宗又唔貴嘅上海菜，街坊價錢，真心推薦大家…查看更多

喺太子始創中心海港飲下午茶呢度下午茶真係好抵食，大中小點全部當小點價錢，$18.8一款今次食咗：黑糖馬拉糕（好濕軟，黑糖味夠）鮮竹卷（皮薄，餡多）雞包仔（普通正常味道）雞蛋叉燒腸粉最正係佢哋嘅叉燒腸，腸皮特別加咗蛋一齊蒸，蛋香好突出，叉燒又多釀青椒同釀茄子（茄子軟淋淋魚肉完全吸汁，青椒爽脆填滿魚肉，小小辣又入味，一啖咬落去超滿足）潮州粉果（皮薄，餡香口）真係$18.8一款，無論你點大點定中小點都係呢個價，份量又多，質素穩陣，強烈推介！…查看更多

經過灣仔入敏華食下午茶滑蛋叉燒粒湯米$36真係經典之選！包杏霜，性價比幾高。佢個滑蛋真係滑到一個點，叉燒粒又香又唔柴，湯底都幾鮮甜，杏霜嗰陣濃郁杏仁香一飲就醒神沙爹牛肉湯意粉$38包咖啡都幾抵，佢嗰個沙爹汁真係香到爆燈！牛肉切得薄薄哋又入味，意粉吸晒汁，一啖咬食去成口沙爹香，怪不得一上檯就聞到。熱辣辣酥皮蛋撻同菠蘿包出爐各要一個每款$8菠蘿包就0k蛋撻敏華真係比唔上太子嗰間「傳奇級」茶餐廳（你懂我講邊間啦😏）。不過敏華勝在整體出品穩定、快、平尤其佢招牌黯然銷魂飯都保持到水準，平民下午茶之王名不虛傳…查看更多

今晚又去咗我最愛嘅茶木食晚餐啦！人均大概$100，超抵食！叫咗四款主餐：香酥鴨腿鮮茄野菌配手作麵 $92鴨腿皮超脆，鴨肉腍滑到飛起！三杯蚵仔淡淡滑雞配手作麵 $102蚵仔唔係細粒，粒粒肥美；雞肉好入味，超香！柑桔醬芥末蝦球配手作麵 $102蝦球爽口彈牙，一份起碼有8-10粒，好誇張咁多！黑醋味淋豬軟骨配飯$92豬軟骨淋到入味又軟糯，連幾塊蕃薯都好好食～最愛佢哋嘅手作麵，煙韌有咬口，真的好正！每款餐都跟一杯熱飲，打卡仲送流心蛋會員滿$100（會員再減$10），今次四個菜加飲品先$380幾，平均一個人$95左右，性價比爆燈！強烈推介！下次仲想試佢哋嘅新菜…查看更多

今日午市去咗銅鑼灣一間西餐廳食lunch有咁足料嘅海鮮雜錦燴飯同埋嫩滑嘅蒙古豬扒真係令人驚喜海鮮雜錦燴飯:海鮮份量多而且新鮮尤其2粒帶子大大粒，仲有大虾青口同魷魚其他海鮮，個飯有啲辣，未必適合"唔食辣”嘅朋友值得推介：蒙古豬扒厚切豬扒，切開仍保持粉紅色，肉質幼嫩，顯示火喉掌握得恰好烤雞胸廚師沙律好正雞胸烤得香口又嫩滑沙律菜新鮮爽脆，醬汁開胃輕盈，食完滿足又無罪惡感…查看更多

喺科學園發現一間高性價比茶餐廳$38下午茶套餐真心驚喜鐵三角主食一款揀咗榨菜雞絲米粉➕火腿絲奄列➕牛角包另一份揀雞絲公仔麵➕腿奄➕菠蘿包榨菜微辣爽口唔會過鹹味，雞絲份量足夠湯米粉多餸多全餐亮點絕對係即叫即煎嘅火腿絲奄列外層帶少少焦脆，入面保持嫩滑，仲要係爆喊級數，火腿絲多到每啖都食到火腿，誠意十足牛角包，酥皮鬆化，牛油味突出公仔麵煮得啱啱好掛湯力強，味道濃淡適中諗住跟餐，都好似某間快餐店個菠蘿包，細細個，估唔到呢間"蘇哥“唔算細外皮酥脆，內裡鬆軟以科學園地段來講$38有齊三樣嘢，份量夠飽，味道有驚喜絕對係園區內抵食之選…查看更多

觀塘華嫂午市$45粉麵套餐真係無敵好抵！豬扒湯米線餐煎豬扒金黃厚切內脆肉多汁湯底清鮮帶豬骨甜，米線彈滑幼溜，超滿足！牛肉湯米線更加誇張！牛肉片鋪滿整碗，完全見唔到粉，每塊牛肉都軟腍入味，湯底牛香濃郁，飲到啖啖甘。每碗粉都淥兩片生菜跟餐兩杯熱奶茶絲襪奶茶香滑，飲完即刻醒曬神！觀塘性價比無敵華嫂真係良心食店…查看更多

今日行西貢塔門去咗小島一間新惠和食嘢叫咗蝦醬鮮魷炒麵$68個鮮魷係食得出用新鮮魷魚好爽口又唔會死鹹配蝦醬炒麵好好味海膽煎蛋三文治$65用海膽嚟整煎蛋做三文治，好鹹香好特別，好好味，呢個值得讚另外叫咗飲品，無冰樽仔奶茶$32濃滑、香醇、口感冰涼爽口，帶有丁點點苦味回甘…查看更多

今日去白加士街嘅喜贏茶餐廳醫肚下午茶時段真係超級抵食！🍜 豬扒炒公仔麵$44豬扒厚切又 juicy，煎得金黃香口，汁同公仔麵炒得好乾身一啲都唔油膩🍛 星洲炒米（重料版！）$42呢個真係今日 MVP！有蝦仁、叉燒香口、火腿絲、炒蛋、紅椒、洋蔥... 材料多到要用個大碟先裝到晒！辣度適中，香氣四溢，米粉又多🦆 燒鵝瀨粉$42燒鵝皮超脆！一咬「啪」一聲，油香即刻爆出嚟，肉質嫩滑完全唔柴，湯底夠味又唔太鹹，瀨粉煙韌，仲有一大條菜心☕ 飲品部份下午茶凍飲熱飲同價，超抵！我哋三個一致決定叫熱飲：奶茶（絲滑茶味夠濃）熱咖啡（啡香到醒神）熱杏仁霜（香甜暖胃，超治癒！）整體環境乾淨舒適，侍應服務態度好好…查看更多

今日午市嚟到灣仔呢間泰國餐廳叫咗泰式肉碎九層塔煎蛋飯拎埋嚟聞到即刻流口水金黃脆邊煎蛋+爆香九層塔+辣度夠喉嘅肉碎,辛辣開胃,咸鮮得嚟又夠辣,超好食,呢個組合無敵,真係唔夠喉唯獨係青咖哩雞今日有啲失手味淡咗真係有啲掃興,尤其泰國菜最緊要係嗰團濃濃椰香同香茅辣勁衝擊,一淡就即刻失色,不過有時廚房出菜都會有狀態起伏,希望下次過嚟食會好啲不過肉碎煎蛋飯值得推介飲品：泰式綠奶茶甜品：鹹蛋果仁豆腐雪糕又鹹又甜衝擊味蕾…查看更多

今日經過觀塘南洋商業銀行樓上，見到恆生大酒樓已經靜悄悄轉咗名做「糧道酒樓」，招牌雖然換咗，所以上去試下早茶點心如何！平靚正孖寶套餐 $34.80（早茶粥／飯任選＋一款點心）叫咗三款孖寶，性價比真係無得頂！炒米粉唔係淨米粉那種！加咗少少韭菜、椰菜絲、火腿絲、紅蘿蔔絲、西芹絲，好香口，鑊氣夠，粒粒分明，完全唔油膩。叉燒腸粉叉燒切得厚厚的不碎屑，醬汁滲得均勻；最驚喜是腸粉皮超薄，入口即化，多年沒試過這麼薄的皮了！鳳爪排骨飯排骨腍滑入味，骨肉分離得靚；鳳爪中規中矩，夠入味不鞋口。可惜飯底淋了太多汁水，變得濕淋淋，喜歡乾身飯的我會有小小扣分。鮮蝦菜苗餃白菜苗切得幼幼的，爽口解膩；鮮蝦彈牙，仲吃到少少薑粒提鮮，熱辣辣上枱真係好好食！上湯鮮蝦水餃水餃個餃皮薄得透光，蝦肉餡多到爆，湯底清鮮，一啖一個超滿足。蜜汁叉燒包包皮鬆軟到扯得起絲，叉燒餡鹹甜比例剛剛好，唔會太甜膩，classic中的classic。11點半埋單，兩個人食到七七八八，茶位每人只係$8蚊！在觀塘區有呢個質素同價錢，真係難得。總結：環境同以前恆生大酒樓一樣，，點心水準完全保持到，性價比仲高過以前！下次真係可以早少少嚟試多幾款，強烈推介觀塘街坊同上班族試試這間「換咗名但冇換心」的糧道酒樓！…查看更多