berrycat的个人专页

之前這店在另一條小街，比較難留意到，現在搬了新位置比較方便，店面也大了，沒有座位，可以站立在旁邊小桌上吃。之前一直在大陸有吃肉夾膜，吃過翻尋味，但香港很少吃到，發現了這間這麼地道這麼正宗美食，強烈推薦肉夾膜、酸辣粉、熱干拌麵、涼拌老虎菜。…查看更多

返工想叫下午茶，叫咗越橋下午茶，但外賣完全唔掂，同平時出街食嘅西多士完全唔同好似扁晒咁👎🏻👎🏻👎🏻仲要好薄好細塊。紅豆冰都唔係出邊紅豆冰，唔好飲強烈推薦唔好食佢下午茶的西多士其他嘢可以試…查看更多

同朋友慶祝生日打算食中午自助餐，第1次來這間Three on canton, 打電話去訂位，問得好清楚中午有冇生蠔，接線生清楚表示有任食生蠔，後來去到點知話原來中午冇生蠔，嬲到我飛起，非常失敗的前台。及後出去取食物，熱食係唔熱，煮麵意粉個檔係經常冇人，我等咗10分鐘先有人行返去，煮完個師傅又走咗，我想問咁樣點會係自助餐？刺身蝦已經乾晒，唔新鮮，其他食物求其，蒸豆卜都叫一個餸。聽到其他2枱食客都話冇嘢食，款式少，話食物唔夠熱。非常差的第1次經驗，100分中我同朋友完全分別比分係25-30之間，永不再光顧😡😡😡😡…查看更多

我係酸菜魚愛好者，經常返大陸食唔同酸菜魚，疫情之後冇得再返大陸，周圍嘗試底下同事介紹咗呢間，一試之後愛上冇得再返轉頭，味道好似大陸食到既味，真係每日食都唔會厭，希望保持水準 ！…查看更多

好日不來屯門，突然想同朋友食燒味飯，經過屯門石排頭路翠林花園地下，整條街都是食店，終於比我們找到一間傳統燒味飯店，由於燒味店在馬路旁灰塵可能會較大，東主可能亦有考慮到這原因所以食物都比較衛生，全都有玻璃罩罩着，感覺格外安心。店內款式齊全，有不同種類傳統的燒味店，與店主攀談原來所有店內售賣的燒味都是有此間店舖員工親自燒，並不是交回來的，更加讓我們想一試，最後我們買了兩盒叉燒、一盒燒腩仔、一盒叉燒燒鵝飯、一盒叉油雞飯，另買半隻燒鵝回家斬料，店員更會為我更為我們返熱加汁，味道及香氣撲鼻，駕車回家後食物仍然是熱的。果然正宗燒味飯是要在小店才能食得到，非常滿意！…查看更多

同朋友們本不喜歡芝士奶蓋奶茶，但於朋友推薦下一試芝芝金鳳茶王轉奶茶，一喝之下果然名不虛傳，好喝至極，一喝即愛上的奶蓋味是喜茶獨有的特色！難怪之前開店有人願意排隊4小時一試！一試難忘！…查看更多

同朋友慶祝生日，坐室內，環境燈光幾吸引，想試下食物質素如何。我地一行8人，叫了幾道菜打算試下，點知每碟都一口既份量食物質素同喺屋企自己煮冇分別，一係食落口又冇乜味，一係就太咸，冇一道菜食左係令人覺得係signature dish. 非常失望加失敗。如果以咁既食物質素，價錢唔應該咁貴，成每碟2百蚊，最後埋單 $3,500！痴線！永遠唔會再光顧！…查看更多

突然好想好想食蠔！叫我个朋友陪我，為左可以平平地滿足我願望，我地當然係團購啦！ahahahah! 今日2個嚟到主係食蠔，一來到6:45pm已經坐滿左6成座位，我地咁啱坐喺蠔bar對面！正呀！好滿意！d蠔一出即時所有人蜂擁而至！一分鐘已經冇晒！我地坐得咁近蠔bar位置當然係冇得輸啦！我地每人都拎左6隻蠔！係新西蘭蠔來的，不是太大隻，但食落一樣juicy, 好好味～ 完全冇沙，好乾淨，隻隻都好平均！而d蠔一出基本上就比人拎晒，不過呢度人手好足夠，完全冇人偷懶～不停Fill ! 所以基本上係冇一樣野係消失好長時間，呢點我地非常滿意！蠔以外基本我冇乜食其他野，三文魚、蝦、青口都好新鮮！望落好juicy! 其他種類食物我每樣都有淺嚐，食物質素都好ok, 甜品都好美味！以正價食的話款式就略嫌不足左少少，團購價的話係絕對回晒本有餘的！P.S. 我最後食左40隻蠔！😂😂Yeah!!我朋友食1x隻！捧住個滿足既大肚走！好正呀！ 誠意推薦！可以考慮再返來食！…查看更多