倆口子食天下的个人专页

約咗親戚去食片皮鴨揀咗呢間非常有特色嘅餐廳鍾意呢間餐廳嘅環境服務，食物質素等等尤其係小朋友係全場最開心嘅一去到7樓樓面見到有獅頭去到周圍影吓相食北京片皮鴨嘅時候又可以做吓手工 將自己鍾意食嘅食物包喺皮入面慢慢品嚐每一件餐具裝飾用品及洗手間都有心思咁設計每一個小細節相信係專業人士，設計餐廳環境整體感覺輝煌富有傳統中國特色每一個親戚朋友都係7:00趕到去餐廳去到灣仔地鐵站D出口即舊時囍帖街行3分鐘左右到餐廳7樓其中一位親戚更加讚揚餐廳男經理服務非常好帶位由7樓上8樓大家進餐嘅時候都懷着開心嘅心情添茶嘅時候經理仲不時幫我哋換上新茶葉京牌炒飯 98hkd好好食，夠香又有鑊氣以淡味為主加埋辣椒醬食勁好食土豆絲 88hkd酸甜味道的前菜胡同刀削牛肉麵 98hkd啲面一陣間就浸到過咗龍否則好食最理想係湯麵分開上北京填鴨498hkd垂涎回味！點咗一隻北京填鴨肉質鬆化香濃惹味烤鴨醬唔咸、好正青瓜，餅皮，蔥既份量豐富糖醋魚片 128hkd10分推介糖醋比例正宗魚片大片士多啤梨拉絲 128hkd食落去好似食緊冰糖葫蘆賣相10分吸引士多啤梨非常新鮮老家拆骨肉 128hkd食物一般…查看更多

其實都通左關了，但係都係無咩意欲去旅行…橫店lunch hour，食住泰國野，嘗住泰國味，頂住當先又係最經典既《芒果糯米飯》平日食甜品多數凍食，呢味就係熱食的😁飯新鮮熱辣，加上濃厚椰漿同鮮切芒果，唔會太甜太滯肚之餘又有清新既感覺，已經好耐無食過呢種味道了唔會話好多冰既《珍多冰》味道話你知飲品無偷工減料，ok比足肉你既《海南雞飯》有脾有翼，夠嫩滑，肉地都比足，飯唔結口有油香百零蚊又一餐，又唔洗同人地大街鋪逼，一個人想點就點😋…查看更多

今日朋友帶我嚟到裕民坊既韓式餐廳小火焰，呢度嘅選擇好多，餐牌有成四五本，有一本聖經咁厚😂佢仲多個選擇入面，我哋揀咗拉絲BB豬肋骨，香芒炸雞沙律，同埋嘢飲方面，我哋叫咗杯比利時朱古力，同埋曲奇沙冰。之後甜品我哋叫咗個爐板燒布朗尼加芒果雪糕。每個選擇都唔錯，完全冇令我失望。首先香芒炸雞沙律既炸雞超好食，香脆得尼又有陣蒜香味。然後沙律新鮮。拉絲BB豬肋骨裡面好多料，醬汁稍嫌有啲多，好高卡路里。然後比利時朱古力少少苦澀，黑朱力味盡出。曲奇沙冰好大杯好足料。最後飯後甜品，有爐板燒布朗尼，果然冇令我失賣相好吸引， 打卡一流。 即係我地平時既心太軟。由於冇晒雲呢拿雪糕，就只有芒果雪糕，不過依然好食，但係要好快咁食晒佢，唔係嘅話啲雪糕會溶晒…查看更多

想你。見你 Set古早紅燒牛肉拌麵(1 份) 阿嬤手作蔥油麵(1 份) 310 溏心蛋(1 份) 蜜糖磚塊(青蘋果) (1 份) 脆脆黑糖瀑布珍珠奶茶(2 杯)蜜糖磚塊(青蘋果) (1 份)驚喜十足，12月， 同老公一齊出去食晚餐慶祝週年相識， 最最最令我食得開心嚇人脆脆黑糖瀑布珍珠奶茶， 從而四周咁 !巧! 都有四個人一齊食同一個餐， 個個見到蜜糖磚塊甜品上枱 ，都一定會發出哇一聲， 個個都好surprised...見到三層特厚方包， 藍莓及咖啡狀態嘅雪糕， 新鮮藍莓士多啤梨， 十個十個見到都愛嘅爆谷焦糖， 開心程度已經即時拎手機想約其他朋友12月再黎食多次，即~想你~ 食落蜜糖磚塊，都有驚喜，一塊一塊嘅磚塊，上枱時已經切成細細件，易入口一口一件， 多重口感多重味道， 我食咁多次茶木覺得佢地design升左級， 我同老公講， 只係入嚟食一食呢個甜品我都覺得好，正，心情令。 脆脆黑糖瀑布珍珠奶茶(2 杯)第二個驚喜係， 高質素新鮮製作珍珠奶茶，上層係奶蓋， 底層係黑糖，上層一串串三粒小丸子， 外層脆脆朱古力， 有煙煙韌韌珍珠口感， 層次豐富， 多重口感， 我唔駛五分鐘，食曬，仲食埋老公果份飲料。310 溏心蛋(1 份)糖心蛋溏心部分好似抽咗出嚟另外製作一樣 蛋黃做到係有少少黏地，輕輕似蛋黃醬，蛋白全熟， 青瓜爽口， 高質製作， 非常有心思。古早紅燒牛肉拌麵(1 份)牛肉麵同埋蔥油麵都係同一款麵，牛肉麵跟咗隻糖心蛋仲有台式牛肉，仲有豆腐同埋血， 唔會腥味道適中唔會太鹹， 豪華嘅牛肉麵 阿嬤手作蔥油麵(1 份)蔥油麵放喺面， 食落好似麵條口感， 油面每一口都好彈牙， 煙韌， 口感有啲似珍珠奶茶嘅珍珠。最後想提一提職員好細心，準備好嘅清水都會用藍cover， 避免口水飛沫塵埃飛入去…查看更多

果子店嚟地鐵站都大概有十五分鐘路程， 地鐵站出一程小巴先到，呢日天氣非常晴朗， 入到餐廳，點咗餐廳2個主打推介，我叫左海鮮喇沙摻摻，朋友叫左海南雞餐，等左10分鐘左右就齊哂野，有得食。熱檸檬薏米水 (跟餐送)自家製每次煮三小時，清甜可口，健脾去濕，清熱排毒，改善水腫，升價比高，值，抵過自己煮。薏米份量都多，質感夠厚， 平時薏米水都係配搭豆類甜品多，呢食酸性配搭， 試新野小食 沙爹雞肉串燒2串 22hkd沙爹醬係串燒嘅精華部分，雞肉串浸曬係沙爹醬入面，如果雞肉量多2倍，就更加吸引。海鮮喇沙摻摻 60hkd兩隻大蝦，蜆肉， 豆卜，雞蛋，魚蛋，喇沙湯底都夠甜， 配粗麵及米線。食完嘢，埋單好滿足，一個午餐就食左好多唔同既食物，好過屋企慢慢買餸，自己煮，餐廳食，直接買個簡單，方便…查看更多

餐廳都頗大間， 容納到好多人， 劃分咗做左右兩邊房仔，用QR code點餐，方便快捷。是日西湯係 蘑菇湯， 粒粒細緻蘑菇咬落有口感，冇加味精，食落冇調味或加鹽，但係啖啖都係蘑菇白汁濃湯味，唔洗一陣就食野挪威煙三文魚香草白忌廉意粉 58hkd 連西湯及凍檸水白汁好多， 用眼睛就咁睇，份量唔多，但係實際，食到超飽，因為份量都幾多下 ，最欣賞係，食到最後一啖，啲意粉都仲係熱辣辣，個碟型張溫度封住咗，整體嚟講賣相幾好，醃製三文魚份量都okay，唔會少。馬來咖哩牛腩飯 62hkd 連西湯及凍奶茶普通既少少甜味黃咖哩燴牛腩飯， 白飯非常多，好大食都夠食， 不過要讚一讚啲牛腩薯仔 炆得好冧， 入口即溶， 肥瘦比例恰當。煙三文魚巴馬火腿沙律 63hkd簡單沙律，有番茄仔，火腿，煙三文魚，杏脯連麻醬。。天氣熱，叫咗兩杯凍飲，夠凍震，cool…查看更多

平日經過青山道都好容易忽略 聯邦廣場，呢間茶樓， 半間餐廳，好多人打緊麻雀， 另半間做茶樓， 餐廳咩都有得食，晚市有鮑參翅肚，海鮮，酒品。。。就連潮州菜式最為懷念的，普寧蘿蔔都有，也是廣東人口中的蘿蔔絲餅.下次黎可以試一試明爐燒鵝飯 62hkd 送 南北杏排骨西洋菜燉湯西洋菜湯濃味，足料抵食， 上枱嘅鵝竟然係燒鵝最好食嘅部位，醬汁特別，自家酸咪咪味道，帶出燒鵝香口。肥瘦比例，恰到好處點心雖然比普通茶樓少一粒，但係勝在夠大粒， 都係嗰，足料， 用新鮮蝦好彈牙123點咗三款點心都係 用#蝦# 做主角 ，包括腐皮卷，鮮蝦蒸筍果，燒賣另外點咗山竹牛肉球， 食得出所有材料都係即日新鮮整嘅平日午市人流唔多， 職員招呼周到茶芥 16hkd免加一2人total 154hkd…查看更多

紫薯湯 72hkd鮭魚和風白醬意大利飯 set特飲檸檬梳打紫薯湯 75hkd白味噌比目魚 set 凍檸水餐廳地點好就腳，地鐵一出就係，今日同bb一齊嚟食，揀咗啲，唔同嘅食材咩都畀佢試下， 平時唔鍾意食魚，但努力不懈，點咗比目魚及三文魚，職員揀咗個地方有隻卡通公仔 喺隔離結果炸比目魚set有意外驚喜，配搭生椰菜絲 mix咗好幾種醬汁，包括有沙律醬，麻醬，芥末醬，發現好 bb 鍾意食芥末醬，時唔鍾意食三文魚，今日都開金口肯食。 估唔到簡簡單單嘅醬汁令佢可以肯開金口，食魚。平時出街都冇特別準備小朋友餐具， 今日小朋友冇餐廳跌咗兩次餐具，職員都非常主動，換番支新嘅餐具畀我哋， 非常細心， 耳朵都好靈敏職員見我哋有小朋友，亦都另外準備咗一套趣緻 hello kitty 餐具， 引佢食飯， 本來一直喺度搗蛋，大叫， 拎住左支膠餐具之後就靜曬， 乖乖地坐低慢慢食， 玩膠叉。飲品方面突意叫咗 bb最鍾意嘅檸檬， 食完嘢之後，一個人可以飲半支。平時bb都唔鍾意食蕃薯，紫薯，因為都真係幾難吞， 不過用咗餐湯嘅方式，佢就亮毫冇抗拒，雖然都唔係食好多總括而言餐廳嘅食物軟度 (易吞)鹽份 控制職員細心都係拎滿分…查看更多

好耐都冇食過牛扒，難得有飯友都想一齊食，就去咗呢一間pokka cafe。原先荃灣廣場都有一間，但係已經冇做，變咗淨係得返千色店呢一間有做。鋸扒果陣除咗提供一次性嘅圍裙之外，疫情期間提供客人專用消毒鹼負離子分解液， 連埋坐檯嘅消毒水解噴霧，等大家都可以食得安心啲。紐西蘭肉眼牛扒set B套餐跟黑椒汁/蒜蓉汁食肉眼牛扒最忌有筋，呢一間嘅肉眼扒就冇，之前食過幾間都會黐牙，但係就算黐牙都好，若果佢話有跟，都擺咗張牌喺度話你可以換， 唔係有幾多間扒房可以幫你做到。脂肪分佈平均，肉質幼嫩。上菜時五成熟慢慢煎到熟ok忌廉蘑菇湯 凍菠蘿荔枝鮮果茶 凍野莓鮮果茶特色飲品都唔會太甜，有新鮮嘅生果響入面 都ok。 忌廉蘑菇湯中規中矩，性價比唔錯…查看更多

查實要食牛，響屋企都食到。但食新鮮熱辣既鐵板及石板牛，唔知大家覺唔覺，愈黎愈買少見少。今日又黎到呢間牛極，堅食牛肩，問你死未。牛肩脂肪較低，所以即煎食時千萬要記得唔好煮過龍，如果唔係會肕同嚡。最好放煮7-8成熟，羅個碗煎好切好放一邊，慢慢享受。呢間牛肩厚切、新鮮，我得閒都會再過黎食。雖然呢度飯任添，但唔一定要送飯，我最近戒澱粉，所以就甘點鹽同黑椒食就ok，送沙律同湯會更健康，兩者都足料。like👍…查看更多

三文魚奶油蘑菇飯 128hkd 加一3點 搵個地方休息一下用下wifi做私人嘢 去咗一間貓貓cafe入到去見到兩隻藍眼 貓貓放咗個籠入面貓貓好乾淨衛生好乖 又會同人玩同 笑女僕店員講咗 要等 多一陣先至可以上到菜時間又悠悠地過咗一個鐘等候期間可以四周圍行下參觀一下過咗半個鐘左右有啲好香嘅牛奶味出嚟食物終於上枱三文魚有少少骨對女仔嚟講大概八成飽食材都健康奶油好香，刺激食慾喺啲飯入面亦有少量三文魚加咗係飯入面Relax 咁坐左玩下貓貓就過左3個鍾…查看更多

繼上次食完樓下冰室荃灣分店後， 呢間蕃茄18有條件可以同佢做比較， 首先 餐廳比較闊落空間感比較多， 每個座椅下面都有一個儲物空間，用盡曬成間餐廳嘅每一個位置。奇怪嘞下午茶時段， 食到差唔多尾聲嘅時候，我發現到差唔多每一個人都點個豬仔包加飲品， 諗住 點，點知賣哂，下次要抽時間再試試。精選餐餐廳主打番茄同米線，所以今日一定要試下。鮮茄濃湯通粉配牛肉好香濃嘅蕃茄湯底，配新鮮蕃茄，牛肉軟熟， 唔使牙力都可以到。牛乳炒蛋牛油厚多士用麵包機看烘左之後 加上少少加上牛油，夠香口，配 紅湯食一流。 炒蛋香滑， 冇得頂。綠椰冰係紅豆冰嘅 好朋友， 綠豆全部去衣，好食過 紅豆冰， 鍾意紅豆冰嘅人應該都會鍾意綠椰冰菠蘿冰…查看更多

入到餐廳可以用q r code去， 做點菜動作。 喺將軍澳地鐵站b出口過咗馬路就已經到餐廳， 交通非常便利， 疫情期間所有餐桌童餐桌之間都用咗 ，膠板去隔開 ，食客同食客之間嘅距離， 膠板上所有熊貓都帶上咗口罩好cute， 中午時分，雖然人多但係仍然 有少量位置唔使等位。走辣酸菜魚配酸梅湯 68$ 必食次次去到12味都必食嘅菜式， 一如既往魚嘅份量非常多， 加咗大量雞髀菇入去， 增加口感， 酸菜湯底酸味十足， 整體講呢啲餸比較重味道所以最好連埋白飯一齊食最好食。桂花冰釀 8$一粒粒嘅桂花沉積係酒樽嘅底部， 飲之前可以輕輕搖勻 ，倒入小酒杯入面飲用， 略帶微香桂花味，唔會甜。麻辣香鍋牛肉 64$原先諗住一個鍋甘樣上菜…原來係我誤會左😂麻辣炒牛肉仲有唔同既菜。牛肉好滑同新鮮，辣度易入口椰子水 10$罐裝椰子水，幫助下火。幺妹兒冰粉 26$餐廳內唯一嘅甜品， 亦都係必食推介， 一大顆啫喱狀嘅果凍，啜落口滑嘟嘟， 望落材料唔多但係食落口感好得意， 軟綿綿得嚟又有口感。…查看更多

因為疫情關係所以揀咗一間衛生程度比較嚴謹嘅餐廳，餐廳提供咗獨立清潔餐具既清潔包，所以吸引左入去試試。蝦仁炒蛋 49hkd成碟餸都唔會過鹹～味道剛剛好～急凍蝦人用蛋漿炒起份量ok揚州炒飯 46hkd整體揚州炒飯都炒得幾香口， 材料款式唔算太多,簡簡單單, 家常便飯。咖哩星洲炒米 48hkd本來點咗炒貴刁因為貴啲賣曬 、所以轉咗咖哩星洲炒米， 食得出廚師用咗咖哩粉去炒米線今餐最精華嘅地方,係呢兩碗免費送上嘅,排骨老火湯, 豬骨大大件,好新鮮, 原汁原味材料豐富, 值得推介～兩個人去食份量剛剛好、每人八成飽送咗一杯熱檸茶btw.....餐廳職員好勤力，好有禮貌應該係由於疫情嘅關係，差唔多九成嘅人都係點咗外賣， 見到佢哋都做到踢曬腳，辛苦了…查看更多

一入到餐廳嗰種感覺，好舒服，好似返咗屋企咁，見到大梳化， 猛烈嘅陽光， 陽光輕輕地射到去食物之間，畀人感覺悠閒寫意， 餐廳人流量多 ，停留時間短， 所以等位好快就有得。 餐廳晚市菜式會更多加工技巧嘅菜式，聽講有咖哩蟹， 好想試下。平時都煮開複雜菜式嘅佢哋難怪下午茶餐時間， 難怪食物上枱速度咁快。多瑙河特飲(藍色) 6hkd菠蘿特飲(黃色) 兩杯飲品嘅味道差唔多， 菠蘿蔔有冇比較重菠蘿香味， 位置太陽夠光猛，所以今次飲品冰塊分量剛剛好， 飲到底剛剛好溶曬。牛肉冬陰功金邊粉船粉 54hkd唔太鹹，味道適中，酸辣程度可口，好掛住曼谷既味道。有肉丸、牛肉滑嫩，船粉無浸淋，成個配搭恰到好處， 冬陰功粉麵已經非常夠味所以都冇再用調味料調配…查看更多