emilyemilyemily的个人专页

大角咀近港灣豪庭有好幾間泰國菜，隨便搵咗一間看起來坐得舒適的，價錢也很吸引，結果喜出望外，充滿驚喜，點了冬陰功金邊粉及凍青檸茶，冬陰功不是味精粉湯，味道很正宗，金邊粉也爽口，有三隻蝦，蕃茄係用車厘茄的，平常我會走椰奶，但係當日忘記咗，結果也喝了大半碗，凍青檸茶味道也是非常清新，消暑解渴，還有應該是大菜糕嘅甜品，好吃，味道清淡，吃得飽飽滿足的🩷聽說晚上非常多人幫襯，所以有空先來享受一下午餐可能更好…查看更多

今天想和家人吃泰國菜，一般比較熱門而性價比高的餐廳都需要限時交枱，除非價錢較貴的才可以讓你遲到遲退，由於budget所限最後還是選擇了只能夠坐一個半小時的Sun Thai 🥲book 6:45，結果家人慢吞吞要改為7:30，店員都好有耐性幫我處理，最後順利入座。 五個人Order了柚子蝦沙律、炸蝦餅、炒椰菜仔、鴨肉生菜包、咖喱蝦跟薄餅、鹽燒鱸魚、南瓜海鮮焗飯。全部都十分出色，份量足夠而且價錢合理，回味無窮。由於有時限，吃得有點急，但後段上菜速度太慢，所以我們還是超過1.5小時才離座. …查看更多

牛頭角老店，果然名不虛傳，不用多說，本身大把人讚，差不多晚上10:30也是人流源源不絕。食物一上已食指大動，色香味俱全，湯底冇味精，好味，魚旦麵的幼麵好吃，好香，魚蛋魚片出色，有4粒魚旦3片魚片，份量足👍🏻魚旦係大大粒好彈牙嗰種，魚片很順滑，多青更美味。牛雜河的牛雜都洗得好乾淨，入哂味. 好正！河粉正常好吃，下次要再試伴粗麵😋。店家親切友善，店舖環境簡單潔淨，相信未來日子會保持惠顧，試哂整個餐牌的美食。…查看更多

通常唔好食嘅嘢都唔想特別寫，本身寫食評只想分享美食感受，但真係覺得阿參既然已開了咁多分店，又有客源，為何不弄正常些，普通水準也談不上，真的超難吃。下單叫了2個主食2杯飲品，先上了咖喱雞撈麵，碟子崩了一大忽，麵條一看便知道煮太透了，救命已心知不妙，果然質素如表面，雞肉還算是正常味道，咖喱汁和阿參醬都不合格，好像是一個不懂煮食的人亂煮出來的味道。撈麵差不多吃完飲品及喇沙還未到，一直保持催促，等了好久後喇沙終於到了，誰知道這麼簡單的食物也是沒有味道的，麵條一半熟一半不熟，魚片、蝦肉、豆卜等全部冇味😩，飲品終於也到了，味道正常，但唔知點解咁簡單嘅嘢要等咁耐。本身都沒有太大期望但沒想過差成咁，其他枱客人也是和我們差不多面色，唉，希望好好改進一下吧，太傷食客的心。補充一下，店員服務態度是很好的，這個是值得讚揚。…查看更多

在商場看完電影近近地入咗北京樓飲吓嘢食下嘢，四人晚餐共點了2支紅酒，前菜係蔥油餅、花素蒸餃、素食的小籠包。蔥油餅好食，推介！餃子及小籠包水凖正常，不過俾蔥油餅搶咗風頭了。主菜點了黃金蝦球、炸蟹鉗4件，都是下酒菜式，這2個菜式非常有驚喜，黃金蝦球是大蝦蝦球，好大粒好彈牙，還有一些黃金蔬菜伴碟，夾著一起吃口感更豐富。炸蟹鉗跟外面的酒家有點不一樣，厚厚的蝦膠包住蟹鉗再上脆漿炸，一舊已飽飽，好有滿足感！埋單時發覺用Alipay消費券更可以享有大概八折優惠（酒水沒有折），原來的二千三百多元折扣後一千八百左右，人均$450，有美酒又吃得飽，坐得舒適服務又好，商場裏面都算係平價之選☺️…查看更多

晚飯時段套餐是$80主菜加飲品，另外可加小小食。我們order了會安生牛肉湯河配檸檬特飲，加$20木瓜絲沙律，另外再加了一份牛油香蒜大虎蝦。生牛肉湯河超級好味，湯頭好鮮甜，牛肉只有三塊不算多，但好吃。檸檬特飲不是我喜歡的味道，而且個人認為太細杯了，加配的木瓜絲沙律份量反而很足夠，酸酸的很開胃，好味！香蒜牛油虎蝦燒得非常香口，好好吃😋餐廳環境舒適，坐得舒服，亦很有異國風情，店員nice, 值得推介！…查看更多

看了YouTube好評介紹，第二天馬上想吃喇沙，到餐廳門口看到張貼在門外的報道，才知這裡是蔡瀾介紹過的150間常到餐廳之一，因店內有一班像是印尼華僑的食客，所以需要在門外輪候約10分鐘才能入座，但心想來對的地方了。點了海鮮喇沙摻摻及肉骨茶再加一杯檸檬薏米。店內不算寬躺，只能剛足夠放食物，如再點小食便放唔落。兩個菜式份量充足，喇沙湯是我喜歡的味道，雞蛋是流心的😋，海鮮量很多有青口、蝦、魷魚、豆卜等等，魚蛋魚片質素一般，不算太入味。肉骨茶很好，濃濃的藥材香，鮮甜，肉排夠霖、入味，支竹也好入味。食物味道據說是非常正宗的，值得一試，不過食完喇沙之後比較口乾，要飲好多水😝。…查看更多

今天在尖沙咀赫德道棉登徑一帶徘徊睇吓有咩日式料理選擇，見這間生啤$79買一送一，所以揀咗呢度🤭生啤是suntory 的，$79買一送一真是超值，生啤機係靚嘢，啤酒非常綿滑。清酒煮大蜆，湯好香甜，大蜆肉脹卜卜，飲埋個湯之後成個人暖笠笠。鮮赤貝刺身厚身爽甜，好鍾意食佢哋嘅Wasabi，很正宗。魷魚一夜干喺拌沙律醬，我將餘下嘅Wasabi撈埋落去個漿度😁自創新味道，魷魚唔會太乾身，配啤酒好味。仲有幾串串燒，串燒原汁原味為主，無添加，牛舌必吃，燒雞肝也很好吃😋總括來說，味道都是偏清淡，健康又好味，我和老公都是味精敏感的人，所以極為推薦👍🏻…查看更多

波仔記車仔麵已經開業40年，位於銅鑼灣鵝頸橋熟食中心一樓，老公話之前返工成日食，好好食，一定要帶我去試，波仔記每日收四點，所以夜晚係冇得食㗎。叫左一份魚餅牛筋腩大腸撈粗麵加腩汁，一份冬菇蘿蔔齋撈粗麵，一份蝦米腸粉，凍檸茶+凍齋啡。好正，蝦米腸粉係即蒸的，海量嘅蝦米，每一口也充滿蝦米香，腸粉薄身又滑，估唔到咁精緻，充滿驚喜！撈粗麵大大碗，大腸、牛腩、蘿蔔無論質感、味道都煮得恰到好處，魚餅是新鮮的，好好吃，撈麵的汁很香甜，量剛剛好，每一口麵都可以粘着汁吃。咖啡好飲，係期待中嘅港式茶檔咖啡味👍🏻波仔雖位於熟食中心內，但地方很潔淨，無論枱面、椅子、筷子筒、醬油瓶等等到好乾淨。好有心嘅餐廳❤️❤️…查看更多

YouTube 某channel 介紹完便變咗人氣Pizza店，到訪當天下午6點多，未有飢餓感，所以只簡單order了最傳統簡單的Margarita pizza及Peroni draught beer, pizza上桌時店員會在食客面前刨上芝士碎，Pizza絕對冇令我失望，味道非常簡單但充實，pizza 好juicy, 餅底非常之香，厚厚的邊皮充滿焦香，pizza dough 靚也不怕多吃一點😋。餐廳環境氣氛很好，職員也很友善，好值得chill 下hea下的小店😊❤️…查看更多

本人茹素二十多年，近年轉變為外出吃飯才吃點海鮮，所以不同國家及不同類型的素食我都喜歡並支持，最近喺YouTube看了一禪老闆娘的訪問，標榜新派、無味精、不用合成素肉，堅持所有材料自家製作，咁有心當然要朝聖一下。選擇了午餐時段，一份是照燒汁扒大啡菇堡，另一份是羽衣甘藍意大利青瓜意粉，配是日餐湯（忌廉南瓜湯）及飲品（凍Americano）：忌廉南瓜湯綿滑足料好喝，估唔到素食店有專業咖啡機及選用ethiopia 咖啡豆，所以order Americano ，咖啡也好喝。食物方面，自家製的羽衣甘藍青漿配搭青瓜意粉口感好清新也很開胃，蓮藕脆脆配菜都好味。啡菇堡是選用燒烤菇取代一般漢堡中之麵包，內裡夾著沙律菜、羽衣甘藍、蕃茄片及自家製淮山扒，配菜是蕃薯條，自己不太推薦這菜式，因為整個漢堡之配搭不是太match。整體來說價錢實惠，2人午餐合共$200，份量好足，睇得出店主好有心經營素食，新派素食在九龍城區不容易經營，希望大家支持有❤️小店😊…查看更多

星期六下午和同事有點公事要傾，本來打算到成業街4樓飲咖啡，但咁啱光顧開的咖啡店冇營業, 見到附近嘅90’s lazy Cafe好像不錯價錢又OK，所以入咗去，坐低之後見到隔離食客order嘅嘢食睇落都好吸引，雖然唔係好肚餓,但係都揀咗一個素食主義主義all day breakfast, 同事就選擇左lunch set 懶人包，都係all day breakfast 嘅一種, 兩款都有跟飲品。食物上枱時我們都很滿意，擺碟漂亮份量好多😁，食物分量大但飲品就偏細，可能因為跟餐送的關係，不過餐廳也有自助水吧，食客可自行拿水喝。講返啲食物，素食主義有誠意，牛油炒蘑菇菠菜好香，炒滑蛋滑嘟嘟，蕃茄煎得好味。同事的懶人包真的超級大份，有大薯餅，Egg Benedict 、大大條豬肉腸、大條煙肉、茄汁豆、粟米粒、沙律菜等等，見佢食到舔舔脷。觀塘上樓餐館始終比樓下茶餐廳性價比好，價錢差唔多但係你可以食到用心製作嘅食物，而且好夠飽，觀塘返工的話呢間都可以係飯堂選擇，當然經過開觀塘特登上嚟食都係值得推介。…查看更多

5人晚餐，前菜有金磚豆腐、蝦籽柚皮、金沙涼瓜，主菜是茘芋香酥鴨、雞油花雕聖子、凍蟹、豉汁蝦膠釀豆腐，甜品是芝麻卷及杏仁茶。前菜最喜歡金沙涼瓜，甜甜甘甘的味道很過癮，金磚豆腐及金沙涼瓜炸得脆而不油，好味😋。蝦籽柚皮入口即溶，5個人吃就有點不夠喉。茘芋香酥鴨也很酥脆香口，肉質柔軟，內裡夾雜住鴨油的芋頭非常美味，這個組合真係好正。雞油花雕聖子略嫌太水，如汁醬結實一點會更加好。凍蟹出色，非常新鮮，冇得輸，抵吃，此菜式必須預訂。豉汁蝦膠釀豆腐也是值得推介，蝦膠彈牙，份量又足。甜品芝麻卷又係好好食，店員果然冇介紹錯，濃郁的芝麻香而不膩，一碟有3件，一個人吃一份也沒問題😁。杏仁茶1份足夠三個人吃，家人非常喜歡。…查看更多

今次已是第三次惠顧，每次都係為咗炸雞。現在全日有七折，冇理由唔食，自己覺得平靚正，店員全部都係韓國人，更加增添食緊正宗嘅韓國餐的感覺。我們是Takeaway，叫咗半半炸雞，原味及蒜香醬，一份韓式炒年糕，返到屋企先食，炸雞都係脆卜卜，依然保持到高質水準，一盒12件，折扣後大約$123。韓式炒年糕內有d不同款式的韓式魚糕同一隻雞蛋，好足料，自己覺得唔夠辣，折扣後大約$90。始終都係炸雞最好，不過七折真係好抵❤️三個人食咗$214。…查看更多

四人一共點了四個菜式：粉絲大蝦煲、避風塘茄子、白切雞半隻、小炒王，好食到都唔記得影相。 白切雞是走地雞，大大隻，鮮嫩，只能用最老土的說法：真係雞有雞味😋。避風塘茄子好香口，脆卜卜，仲有啲韭菜花同豆豉粒粒，更增添惹味。粉絲大蝦煲一共有五隻大蝦，隻隻好巨型，爽+彈牙，但粉絲先係最正，汁醬充滿蝦油香味。最鍾意係小炒王，太遺憾冇影相，韭菜花、腰果、菜莆、爆脆蝦乾、大粒蝦球、大粒魷魚炒埋一碟，除略嫌偏油之外，係我哋一致認為是食過以來最好吃的小炒王👍🏻👍🏻👍🏻，下酒一流！好食到停唔到口，再加埋五支大啤，埋單五百幾蚊,超值超值！可惜都不知道何時可以再入嚟食了。…查看更多