Fong Lai Wong的个人专页

呢間麻辣燙餐廳已經食過四次……份量好足好大碗，酸辣同金湯都好好味，而且好夠熱！！ 冬天食一碗好爽！ 最重要係食完唔會口渴。洛神花茶亦都好好飲，唔會太甜，非常解渴同介辣！ …查看更多

要搵到好食嘅Fish n chips一係貴，一係就唔正宗。之前喺網上睇過佢地嘅介紹，加上友伴食過話好味所以果日經過就黎。一入到去好靜，睇中佢可以暢所欲言。友伴留意到個餐牌唔同左，佢地想飲嘅酒基本上都無，最後叫左cider. 講返食物，因為我地坐可以直接見到廚房嘅枱，侍應落完order 化身廚司，我地叫左3樣野: fish n chips, mince pie , scampi. 炸魚有啲腥但係可以接受，薯條唔熱, gravy 一食就知用一粒粒果啲湯粒去整成，但又加唔夠水去煮，結果成件事就係一個字：鹹。 其餘兩樣食物好有雪藏味，應該係攞貨嘅，炸返熱焗翻熱俾你食。雖然我唔會再光顧佢哋嘅食物，但係有得睇波，嚟呢度飲嘢都係好嘅選擇。…查看更多

有朋友啱啱嚟香港，揀咗呢間餐廳，除咗景色優美之外，佢哋係pet friendly。順便帶隻狗出嚟散步。我哋每人嗌一樣嘢食share，要自己出去收銀處度Order俾錢，之後會有人送過嚟。印象中個cashier超Nice. 我地一共叫咗幾個拼盤，margarita pizza, nacho, Peking duck pizza, 幾杯啤酒同Prosecco 。覺得價錢相宜，場內氣氛亦都非常好，亦都唔會覺得食完就有人比眼色你睇叫你走。如果天氣可以繼續咁好，應該會經常光顧呢間餐廳…查看更多

以前食過嘅越南河都係用普通粉麵舖嘅河粉。直到去過巴黎食過正宗越南人開嘅越南粉，個河粉係煙煙韌韌嘅，好好食。諗住要去越南先可以再食到…..點知就係喺Brassspoon搵返，食過好幾次，其中一次食到一半要同個客人傾少少嘢，心諗個粉一定吸晒湯會無哂咬口，點知一啲都無😱！ 湯底濃味之餘，飲完都唔使再飲水！ 以呢個價錢食到呢個質素，個人非常喜歡！ 另外都食過佢地嘅雞湯河，住家味濃，幾清（個人比較喜歡牛肉湯）。炸雞翼都唔錯，值得一試！…查看更多

摸咗幾次門釘之後今日終於食到，係啱啱食完。用幾隻字總括：好多芽菜，好酸。本身好鍾意食米線，每間餐廳只比一次機會因為太多地方可以食。我用QR code叫咗個招牌酸辣紅薯粉中小辣，豬軟骨，加芽菜。首先個份量絕對唔係多，個湯底嘅酸應該係用白醋，有啲「近」，酸到我唔可以評分比個湯底，建議揀小酸。豬軟骨還可以，$10有3件左右。至於芽菜（可以加芽菜或轉芽菜底），我以為係正常面量加多少少芽菜俾你，點知變成2成麵，8成芽菜，麵得嗰兩條。食到最後放棄左。搵唔到返去食嘅理由。…查看更多

唔知我咁講會唔會有錯，越南牛河嘅精華就係湯入邊，特別第一啖。好多年前呢間餐廳就出名多人排隊，價錢合理。裝修咗之後價錢貴咗其實都好正常，但質量真係要keep返咁上下先得。嚟過大概五次，堂食份量（外賣除外），環境，座位樣樣其實都唔錯嘅…….問題就出現咗喺個啖湯到，湯嘅味道唔算特別濃，第一啖入口絕對唔會嘩一聲，越食越有河粉味，遮蓋晒成個牛湯味，而加湯好似係$28。食過佢嘅撈檬，又係個汁我覺得唔夠濃。最後真心建議如果要一前一後上主食，唔好隔太耐時間，等又唔係，河粉索晒啲湯又要俾錢又委屈….. 細節位都要對得住個價錢嘅…咁讚吓佢啦都。光線係非常好嘅，而且唔會有人吹你食完快啲走。佢個燒牛肉都燒得唔錯。…查看更多

前幾日見到一個10年前嘅同事，講開以前我哋好鍾意食橋鄉園，之後我就特登嚟咗呢度食。真係攞命，叫咗牛肝菌麻辣米線（+3），唔使1分鐘就上枱，我對呢啲唔使1分鐘就上枱嘅食物有啲保留。第一啖湯飲落去係暖嘅唔算特別熱。米線係un 嘅，至於個湯底……….完全冇回憶嘅味道。我就諗可能都過咗10年，老闆同廚師都可能換咗幾個，但係以湯底同米線黎計，我比4/10。唔會再去。謝謝…查看更多

之前食過尖沙咀嘅分店，非常好味！今日經過中環突然醒起有分店，就決定入去試吓。條隊唔算長，等咗5分鐘左右，坐樓下。叫咗個水煮牛肉同埋素菜香鍋…….等咗大約10分鐘水煮牛同兩碗飯到咗….水煮牛肉基本上只有三樣嘢，湯底，牛肉，芽菜。芫荽蔥都慳返，唔會話難食，但個廚師一定係冇心機整。食到一半就吹佢俾埋個香鍋我哋……超大碟。所謂香鍋香鍋，梗係要香先至得，唔香嘅話就變咗係辣炒雜菜，同前面一樣，唔係難食，只係個廚師將所有嘢兜埋一齊。價錢方面，喺中環來講都算係合理嘅，亦都冇加10%，lunch包嘢飲同一個前菜，都算係咁啦！只可以話一間分店好食，唔好期待第二間分店都一樣好食。就算第一間好食，唔代表下次返去都係同一個師傅。總結就係中環呢間我就唔會再返去，尖沙咀會再試。…查看更多

Came here for the third time a while ago, not going to mention exactly what happened . Simply we didn’t have a good experience, we were forced to follow their policy that we weren’t aware, there was NO ARGUMENT the whole time. we decided to leave, but leaving wasn’t good enough , we were forced to fulfill their rule still. My husband decided he won’t come back ever again…..We love cafe, and know it’s not easy to survive under covid but in order to survive, have a flexible and professional manager to handle any CS issues. Good luck …查看更多

幾個月前朋友邀請我哋去呢間餐廳食飯，星期一夜晚有買一送一優惠（唔知係唔係晚晚都有）。後黎到我請朋友食飯，我地就諗起呢間餐廳，大家都食得好開心。我哋鍾意呢度嘅原因主要有三個1:裝修靚2:價錢相宜3:服務次次都好好所以請朋友食飯絕對適合。今次要記住影低啲食物相！ HERE WE GO ….個chocolate ganache 好好食😍😍😍😍我哋叫咗四個餸+四個飯+ 1 個free flow=$1100左右…查看更多

今日喺堅尼地城放完工，個肚古古聲，諗起其實我未食晏。以前住堅尼地城嘅時候呢間餐廳的舊舖成日都好多人，食過一次但對味道已經冇印象，今日我就試吓食多次。大約4:30，餐廳冇人嘅。坐低叫咗個香茅豬扒湯河… 大約3分鐘食物就上枱喇，通常食越南河，我一定會飲啖湯先，不過我未食見到個色，奶白色我就知道一定有啲野。湯底我唔知佢點樣整，但就一定唔係越式，但又無咩豬骨味…..個豬扒好好食，應該係預先炸咗，之後再放入微波爐叮返，唔會太多脂肪和太鞋（唔知有無用鬆肉粉）啲河粉正常。 呢一碗$38 「越式」香茅豬扒河可以話係一碗幾冇心機做嘅麵食。只可以話同區有更好嘅選擇…查看更多

同朋友一家四口嚟呢度食佢哋嘅刨冰🍧🍧🍧個地點唔係好就腳，行到身水身汗先去到，但刨冰巨大嘅外型真係好適合愛黎打卡…… 亦都讓我諗起小丸子夏天食刨冰😂😂 六個人叫咗三個🍧🍧🍧開心share都夠嘅，唯獨後來想追加係唔得嘅。 雖然個刨冰係好靚，味道亦都唔錯，但係算貴。 印象中佢哋係採用優質嘅水做冰，但係始終係冰，唔使10分鐘就開始溶化，所以要快啲食，唔好講咁多嘢。如果想休閒同朋友傾吓偈食吓嘢，呢個地方就可能唔多適合。真係要食得快過快餐 ……. 順道一提我哋叫咗個Pana cotta😖😖😖上枱果下我都嚇咗一跳，個冰可以整到咁靚，個panacotta以一pat嘅形態上台😰😶‍🌫️😶‍🌫️😶‍🌫️完全唔記得佢個味道…..自己得個一pat 嘢好唔開胃,扣左好多分。整體來講，我會想再返去食嘅，但係就唔會特登。…查看更多

上星期一個好朋友嚟我哋屋企，佢話今次想請我地試吓呢間店嘅出品，佢話超好味。佢買咗兩個Biryani 飯，同埋一個牛肉沙律。個飯好味，會連一份細細地嘅雜菜沙律，整體來講唔算特別。 但係個牛肉沙律🥗真係好好味，個汁同啲肉都好好味。 肉嘅份量都相當多。好彩係夜晚食，因為食完真係成口洋蔥味……🤣🤣🤣…查看更多

臨急抱佛腳嘅家庭主婦（我），呢個絕對係好選擇。成日都見到有好長人龍，咁就上網睇吓佢有咩咁特別，呀～～～原來都有個故事，咁就一於買來試吓，店外可以見到店內職員點樣整，態度亦都好好。調味啱啱好，唔會太濃味，雞肉好滑。$65半隻食完唔夠喉！ 之前有朋友都自己整咗手撕雞，味道都同佢差唔多， 下次有時間都可以試吓整先 🐔 …查看更多

特登向老公請假同女朋友黎呢到食個晚餐。由大埔墟站坐的士過嚟大約$31 🚕 ……….女朋友一早訂咗位，佢話好難book 📞 ，但當晚人唔算多，由食到離開都唔係爆場。接待員安排咗吧枱俾我哋，好快就有三片麵包送上，但係點解冇牛油嘅🧈？之後我問個waitor係唔係本身冇跟牛油 🧈，佢問返我轉頭你係咪想要牛油……總之呢，佢就攞咗啲牛油俾我哋，但就唔係一塊果啲，應該係佢自己鏟入個兜仔入邊， 賣相係有少少唔開胃嘅🤨🤨🤨……. Anyway,晚餐我地叫左個鴨胸， 牛扒配鵝肝， 黑松露薯條……..我朋友食開唔錯嘅餐廳都話鴨胸好唔錯，至於個medium rare牛扒 同鵝肝，質感方面冇問題，不過個searing做得麻麻， 我諗只係呢次失手。 薯條係同個黑松露醬分開上。甜品本來好期待叫cream brûlée, 但果晚無🥲整體來說，我相信好多人真係專誠坐車揸車入嚟呢間餐廳，對佢有期待嘅，要留得住啲客就真係要繼續加強食物同服務嘅質素來吸引回頭客。 如果想去吓寧靜嘅地方同打下卡，呢間餐廳值得推薦。但係如果只係為咗食物入嚟，咁就唔推薦。 如果下次再嚟會試吓對面嘅金鷺湖，期待有驚喜😉…查看更多