dorisngty的个人专页

打風日，超級熱的上環。下午茶時段好肚餓又想飲杯凍嘢，幾條街行黎行去都係去返科記。老闆娘依舊溫柔體貼，咁熱的夏天冷氣依然涼浸浸。下午四點雞翼賣曬，唯有食豬扒麵。豬扒麵個個人客都一定幫襯過，一塊實在的豬扒煎得香，有少許焦落係湯麵上面，肉質唔係多汁軟淋淋果款，係港式口味，阿媽住家個種，食完會痴牙，就係呢種有咬口、慢慢食落有味道。凍奶茶一絕，茶和奶分佈平均，茶底純香。一個人黎食就會進入兩難局面：要檸茶定係奶茶今次必必必推介係「黃山炒蛋多士」即係蔥火腿炒蛋治焊底一咬落去多士脆邊鬆軟，個黃山炒蛋一d都唔油、蔥炒到剛熟、我食第一啖時完全對眼碌大左一倍，用手掩住個嘴咁望住我老公然後講左一句「我要嫁比個蛋治」我老公從來唔食麵包邊，好彩我無飛邊，先可以食埋他食剩的邊，都係咁鬆脆好味我好想坐耐d,但係八號風球打到黎好趕返屋企。…查看更多

阿媽教落：閒日飲茶要趁早茶、下午茶時段划算啊。以為中環區好難搵到高質素早茶地方，驚喜一向午餐難訂位的碧儷苑竟然有早茶供應，入座時間11點開始，要求12:30前埋單。早茶時段和下午茶時段都係大中小點$35， 特點$45。點心紙上好多點心都屬於$35、$45類別，無取巧早茶時段環境很舒服，全場只有六桌，可以靜靜享受三個人來當早些食午餐（我媽媽當然係桌上客），叫了6個點心+1和甜品，份量剛好出色點心包括燒賣，好大粒好多隻蝦，彈牙，可以叫2粒份量另外一驚喜係灌湯餃，坦蕩蕩無湯咁係蒸籠上。我媽媽話係傳統做法咬落去有湯汁，唔漏唔油，內餡切得細細粒，精緻製作較為普通的係鮑汁鳳爪，鳳爪入味，汁都都起膠，但花生不夠入味不夠淋，鮑汁味亦未見特顯。但都係受歡迎既菜式，大碟頭，我老公一個人食四隻蒸芋頭蘿蔔糕可以滿足選擇困難症的朋友，一次過食到蘿蔔和芋頭蘿蔔絲大大條，鬆軟叉燒包和蝦餃水準OK，而全餐最香的是杏仁茶，未放落台已經好香，但質地偏稀，份量不多，只有碗的八分滿。整體早茶時段划算、高質素、難得的中環嘆茶好地方…查看更多

週末如果想食Brunch 而唔想清一色沙拉或者big breakfast 的話，Ninety’s 係一個唔錯的選擇，樂意滿足男人食肉和女人減肥的需要$138起的brunch board 有四款選擇加澱粉，我今次叫越光米，好大大一碗。同媽媽兩個人開心share 五款配菜，揀左黑松露炒蛋（媽媽食）、檸檬乳酪水煮蛋兩隻（我獨食）、乳酪、半隻燒雞（+$48）和羽衣甘藍沙拉，份量好足，兩位女士分享午餐係飽飽和滿足的$138起的brunch board 有四款選擇加澱粉，我今次叫越光米，好大大一碗。同媽媽兩個人開心share 五款配菜：揀左黑松露炒蛋（媽媽食）、檸檬乳酪水煮蛋兩隻（我獨食）、乳酪、半隻燒雞（+$48）和羽衣甘藍沙拉，份量好足，兩位女士分享午餐係飽飽和滿足的。食物質量見心思，口味相對清淡健康。沙拉醬汁清淡清新，燒雞不會乾身。另外一個set 選了主食兩款麵包➕五款配菜：燉羊肉、菇菇沙拉、烤椰菜花、乳酪和🦀️蟹膏薯蓉。 餐廳的薯蓉係主打菜色之一，係著菜單有得單點。呢個精緻細細碟的蟹膏薯蓉係今日十款食物裡最驚喜選擇！蟹膏香（蟹膏好難唔香，係咪）但係配搭薯蓉有一種得意既味道，唔唔惺，仲食得出薯仔粒的薯蓉，係手壓的效果先有咁嘅質感。下次一定叫大碟咖啡質素就唔特別提啦，一如既往穩定，咖啡豆的選擇係好適合配奶飲用嘅品種，有選擇果香或者朱古力香，隨杯送了三粒杏仁如果係塊有杏仁嘅餅會更加完美full moon 我相信…查看更多

不是第一次光顧的懷石料理。第一次是他開業來的午餐。那次坐在廚師檯，看到老闆很認真的烹調，認真得好像日本劇一樣，連廚房檯面都不停摸，每一樣東西有固定位置放好。上次午餐是老公生日飯，看到有獨立房間可以訂，所以今次朋友生日就訂房間晚餐，看一下闊別兩年水準會否維持一樣。晚餐需要交訂金，亦有職員提早聯絡有否食物敏感或節日慶祝，除了廚師，職員亦有兩位是日本人。餐牌是廚師發版的，廚師每个月跟新餐牌是一個令我佩服的速度。晚餐有八道菜，最令人深刻的是刺身，十分新鮮，魷魚很厚生肥美。豆腐自家做，不是軟綿綿的中式豆腐感，有點糯糯的像布丁的感覺，似京都豆腐料理試過的。中間會配搭一些清新口味的菜，好似間牆，比如湯麵，很溫柔舒服的，同埋蔬菜類白蘆筍配魚子醬。廚師一晚餐單會表演他所有拿手廚藝的：天婦羅不會用一般的材料，今晚用小蝦、蓮藕和葉。醬炆鮑魚是一般的高水準，雖然不是特色菜，但可見老闆配搭貴價食材另餐單價錢物有所值。兩次最難忘的其實都是最後的一道菜：一整鍋熱騰騰的㰞飯，上次是肉，今晚是鰻魚。三個人完全已經飽到食唔到，要成鍋打包，店員係十分樂意幫客人用日式飯盒好似便當咁包好。而每次有人生日，餐廳都會準備甜品，旁邊好日式咁用果醬係碟邊寫好祝福語，全部店員都唱生日歌。雖然晚餐價錢係$1800左右，但係我覺得係值得去支持的一間店。鋪頭食物唔係好精緻賣弄色相類型，但係好踏實有老闆個人風格的。看他裝修花大部分空間做入門玄關、洗手間和廚房，亦只設計少量餐檯便可以感受到老闆對餐飲的堅持。…查看更多

泰國正忠味道！有鍋氣！CP值超高！平日午餐時段來九龍城找地道泰國菜，下午兩點有幾間午休，有幾間要晚市先開，所以行過黎試新野。在最旺的泰國街旁邊，店鋪乾淨，老闆娘親切友善！過了午飯時間都有街坊熟客幫襯緊。午餐有兩頁選擇：海南雞飯、炒飯、炒河、湯粉等，全部均一價$55，另外飲品多選擇，加$3有泰式奶茶，加$5有特飲珍多冰等。叫了海南雞飯，好彩未沽清。雞肉厚實，黃油皮，皮爽。雞飯醬食得出自家做，有薑絲香料，不太鹹，食完一碟醬再添一碟。另外叫了辣肉碎炒公仔麵，一落單後就聽到廚房鑊氣聲，炒完捧出來一看就流口水🤤，大碟頭配好多菜，彩椒要落去微辣，有金不換、洋蔥、泰式椰菜花、番茄仔、青豆角，當然有幼身泰國公仔麵。香口濃味完全唔洗加辣椒粉。飲品都值得一讚：奶茶香濃有茶葉香，就算少甜都無遺和感。珍多冰都幾多椰奶，我老公係珍多冰粉絲要求高都覺得唔錯🤣絕對值得返黎再試其他菜式，唔比其他出名泰國菜館遜色，反而仲有一番地道風味！…查看更多