kinjo的個人專頁

老公生日，梗係要同佢好好慶祝啦，但今年流感好勁，唔敢周圍走，留返喺馬鞍山睇戲食飯慶祝。新港城嗰邊好多餐廳都試過，今次行咗過去馬鞍山中心睇下，呢間新泰東南亞餐廳我哋未食過，門口望入去嗰個氣氛好似唔錯，就揀呢間:)老公發板點咗佢最鍾意食嘅軟殼蟹。用椒鹽炒，同我哋平時喺其他餐廳食嘅唔同，因為軟殼蟹細隻，所以畀啲配料搶咗鏡，但整體嚟講炒得好香口，唔會太鹹泰國菜必食海南雞我哋都有點，好味，分量好夠，雞皮好滑，啲肉夠彈牙。肉碎生菜包都幾好，有啲香葉落去炒肉碎，味道好有特色，夠曬惹味，用生菜葉包住食非常夾不過我欣賞都係個泰式炒花甲，好好好好好好味 有好多花甲肉，唔會淨係炒淨個殼啲配料又夠豐富，顏色繽紛，賣相已經靚， 味道仲啱啱好，唔會太辣。最後要讚下間餐廳個環境，好舒服。我哋坐長枱，每邊長凳有兩個泰國刺繡 cushion， 感覺好舒服，仲有啲浪漫，撐枱腳真係好正…查看更多

呢排心情唔多好，今日放假，老公帶我出去shopping 兼撐枱腳散心早兩個月經過呢道，老公已經話想食呢間北海道食堂，不過嗰次太多人排隊，所以放棄咗。今晚ok喎，等3張枱，10分鐘左右就有得入啦。佢個menu望落好豐富， 基本的日式飯、刺身、 shabu shabu 、串燒、壽司、沙律、小食、牛扒都有幾種可以揀 我哋點咗呢期推介嘅足量三文魚子爆丼 ( 有松葉蟹肉同吞拿魚蓉)呢個飯真係超級驚喜呀 店員拎碗飯上枱嘅時候係一碗白飯上面鋪咗一舊吞拿魚蓉 mix 松葉蟹肉，跟住，佢打開個木桶，一殼一殼一殼魚籽畢落去碗飯度， 足足3大殼，超勁滿足，真係見到都興奮，未食都已經滿 食落口都唔講得笑，啲魚仔好新鮮，喺個口度一粒粒咁爆，好鮮甜，正 吞拿魚蓉同埋長腳蟹肉好夾，成個飯都好好味 另一樣叫咗嘅係和牛味噌雜菜煮定食。個份量一樣係唔講得笑，$108 抵到爛。超大份和牛shabu shabu，個底有椰菜、芽菜、甘筍。最緊要係個蒸蛋，好食到冇朋友，又香甜又滑。叫咗兩個飯，所以我哋揀一個沙律做前菜。見到 MENU 有海葡萄，當然唔會錯過喇，我哋就點咗個海葡萄豆腐野菜沙律。OK，清清地，$40 份量啱啱好夠兩個人。 啲菜好新鮮，加埋滑溜嘅豆腐，同埋爽口嘅海葡萄，配搭唔錯 心情好返晒, 多謝老公 …查看更多

公司附近個新商場 V WALK 都開左有成個幾月，今日收工同同事去 shopping，行到攰攰哋原本諗住走，但經過呢間日本餐廳漁釧，見到有人等緊位喎，吾執輸我地又去等埋一份，哈哈哈間餐廳好 full，但侍應話 bar枱唔使等，梗OK啦，gogogo~因為坐 bar 枱，俾我望到師傅啱啱砌起咗一個 “松葉蟹肉野菜沙律”，賣相超靚，睇見就肚餓，就決定食佢啦真係堅真材實料，勁多蟹肉，好鮮甜，啲菜又夠新鮮同埋吾會水汪汪，麻醬份量落得啱啱好，加埋蟹籽，$98超值, 無得輸我哋另外點咗個主食 “海蝦天婦羅稻庭烏冬”，又係好抵食呀~海蝦天婦羅+野菜天婦羅單點要 $78，但 $88就可以有埋個烏冬 (雖然少咗1隻蝦)可以睇住師傅親手炸啲天婦羅個感覺真係零舍唔同~ 天婦羅炸得好鬆脆，啲粉唔厚，稻庭烏冬好滑，湯底吾太咸兩個人 share 一份烏冬量剛剛好，肚仔仲有少少空間可以裝得落兩個小食 “鐵板香蒜牛柳卷” & “鐵板牛油焗帶子”2碟賣相唔錯，牛柳夠林，醬汁味濃，係D炸蒜有少少苦 ; 帶子都OK大隻，好香牛油味今晚最開心係食到個 “松葉蟹肉野菜沙律”，實在太好味，下次一定要嚟 encore …查看更多

同事今日放工帶咗我嚟旺角呢間一休居酒屋食日本嘢. 呢度同我去開嘅居酒屋都幾唔同, 餐廳好光猛, 裝修簡單. 啲侍應都好 nice, 好快就安排到座位畀我哋.睇完一輪餐牌, 發覺佢嘅刺身同埋壽司都貴, 但係拉麵、飯 、同埋 小食就好抵食.最後我哋決定 order 一個拉麵做主食, 留肚食多啲小食辛辣黑豚肉拉麵 ~ 個湯唔錯, 不過辣味唔夠, 如果有得畀我揀辛辣程度會更正. 拉麵夠爽口彈牙, 我最欣賞佢嗰三塊叉燒, 好好味蒜片和牛粒 ~ 啲和牛粒好好味呀, 夠味道但唔會太鹹, 肉質嫩滑但一啲都唔油鹽燒三文魚腩 ~ 超香口, 唔會好咸, 魚皮燒到脆卜卜但啲魚腩肉仲係咁嫩滑, 正到停唔到口啊燒酒煮蜆 ~ 蜆肉好肥美鮮甜, 好大鍋, 兩個人幾乎食唔曬雖然飽, 但女人係有另一個位食甜品㗎嘛, 梗係要食埋佢個 cheese cake 啦. 真係冇叫錯, 好好食呀! 芝士味夠香濃, 個蛋糕好鬆軟, 唔會實的的, 又唔會痴到我成口芝士. 如果唔係同事撳住我, 真係會 encore 多一件, 好滿足呀…查看更多

就快生日, 老公話提前慶祝, 請我去食放題, 梗開心啦, 佢知我怕肥所以揀午市放題, 仲一早訂定枱, 咁細心, 抵讚觀塘呢間極尚大瀛喜我地都食過幾次, 貪佢近地鐵站, 又無旺角咁逼人.佢個裝修幾靚ga, 樓底夠高, D位又OK寬落, 幾好坐.今次有新搞作喎, 轉左用手機apps 落單, 吾洗再畫紙仔, 吾怕入錯單, 好方便呀.嚟呢度當然要食我既至愛“御品飽汁燴花膠”啦, 正呀, 超大件花膠, 好滑, 彈牙, 話減肥我都食左2碗 今日仲有花膠虫草煲雞腳湯, 又一大碗, 超養顏囉, 哈哈 不得不提佢果D日式前菜, 真係好好味, 尤其是個海哲, 林得嚟仲彈牙, 調味啱啱好吾會太鹹, 好得. 個帶子裙邊又係超好食刺身一如以往咁新鮮, 最欣賞件象拔蚌, 又甜又鮮 比目魚好食喎! 吾油, D肉好滑黃金醬燒海虎蝦, 無得輸啦, 勁多芝士, 淨係個醬汁都好食到暈.燒牛舌都幾OK, 香口得嚟吾乾, 仲有D彈牙實在太多好嘢食, 講吾晒 …講下甜品, 有我最愛嘅椰汁燕窩 --- 真係呢, 一大匙燕窩ga, 呵呵呵仲有心太軟, 熱辣辣的外層, 流心嘅朱古力餡, 點忍到口先.呢餐生日飯好正, 多謝老公~…查看更多

係D2睇完早場, 同老公喺附近逛下有冇新嘢食. 見到呢間 Pizza 舖頭櫥窗幾得意, 就推門入去試下啦~ 可能時間都仲早, 我哋入去嗰陣時一點鐘未夠, 只係得四枱客, 但都唔使半個鐘, 就幾乎坐滿曬, 仲有4枱客係預先訂左枱. 哈哈, 我地無入錯地方啦, 星期六係工廠區都咁多熟客, 呢間一定係好嘢第一次幫襯, 我哋都唔知食咩好, 當然係問店員意見啦~ 佢好nice, 介紹我哋食佢嘅 pizza, 話好食. 最後我地點左 2 個 set lunch, 其實 2個人食最後有啲 over, 但好味 先上2個西湯跟麵包.西湯係 blended 嘅, 飲得出吾係罐頭. 甘筍西芹蕃茄薯仔湯打蓉, 真材實料 .麵包夠熱, 外脆內軟, 好得. 店員話係外面訂返嚟, 吾係自家焗, OK呀, 訂個麵包都咁有水準, 讚!主菜1 --- 雙層芝士煙肉牛肉手工薄餅.認真的, 真係好好好好好好食 Cheese 吾算多, 牛肉碎同洋蔥好夾, 煙肉吾係乾身果隻, 焗完都仲好 juicy 彈牙, 餅底又薄又軟, 配埋蛋黃醬, 太正啦, 點可以好食到咁 ga … 主菜2 --- 澳洲A級肉眼扒. Sorry … 食完個pizza, 牛扒有d比下去左添…其實係好食嘅, 肉質夠林, 只係個 pizza 實在太出色啦 我地另外加左客巨型肉丸, 真材實料淡淡肉, 蕃茄醬好 fresh, 一定要砌碎面頭塊香葉一齊食, 會好加分. 甜品梗係吾少得啦 --- 香蕉拖肥批 餅底嘅牛油略為多左少少, 但中間果層香蕉醬幾吾錯, 同餅底個杏仁味幾夾.叫埋2杯餐茶, 埋單$355, 份量超夠, 味道又好, ok呀, 大滿足, 哈哈~ …查看更多

呢幾日天氣突然轉涼，同事講開想食韓燒，我即刻諗起呢間年頭食過嘅 Running 燒。 $258 包埋任燒海鮮，同事聽到即刻話正，book枱喇 哈哈，真係好在 book咗枱咋，今晚勁多人，有 2枱 walk in 客冇位。今餐我地主攻燒海鮮 : 生蠔、蒜蓉芝士生蠔、大蝦、帶子、扇貝、多春魚。。。放到一爐都係蠔，真係興奮到吾識形容不過最推介依然係帶子，好鮮味。跟住係多春魚、蝦、生蠔。。。牛肉係我地另一個target。薄切西冷牛扒真係唔可以唔提，我地足足encore 咗4次，真係好好食呀。肉質夠淋，啲香草啱啱好又唔會搶咗啲牛肉味，超正金菇肥牛都吾錯, 都encore 左3次。仲有牛肋骨、烤肥牛同雪花牛仔肉都好推介。食海鮮同牛扒食到超飽，所以豬肉同雞肉今次無咩點食到。小食試左個炸魷魚鬚，即炸，吾油益，好味。今晚發現咗佢有一隻 2%桃味飲品，好清香，少少少少甜， 淡淡水蜜桃味，啱曬我呢啲飲茶嫌淡飲汽水怕肥嘅人任食110分鐘，吾經吾覺就夠鐘，是晚超飽足~ 哈哈~~…查看更多

媽媽同姨媽是日食素, 我同姨丈諗食咩好,  點知行過新城市, 竟然俾我地發現新驚喜, Hahaa~BRICK LANE 係新派西式快餐, 星期日好多等位啊, 我地攞左飛再慢慢望餐牌.有 Signature Vegetarian Burger 同 Truffle Mushroom Angel Hair, 掂晒, 一於食呢間.我地仲點左姨丈最愛嘅 Fish & Chips, 同 my favor ~ Chicken Burger.個黑松露天使麵超好食, 好香, 夠滑, super creamy, 下次一定會為左佢再返嚟, hahaa比較遜色係個素burger, 好dry, 吾夠味 炸魚薯條同chicken burger 都可以有80分, 吾錯4個 main course 加 4杯 drink $420 , 快餐嚟講有 D 貴, 尤其係咩都自助 (除左送餐), 又吾係咁好坐 ...但賣相好靚, 味道可以, 久吾久一餐, OK 啦.黑松露天使麵 ... 我好快再嚟啦~…查看更多

今日收工得閒, 又約同事去食好西 之前食過油麻地間辣雞煲唔錯, 今日去佢哋旺角間分店幫襯下.七點半上到去唔使等枱, 仲可以坐到窗邊睇夜景，so lucky 呢度嘅裝修同油麻地嗰間一樣，簡簡單單， 雖然枱枱都係食緊雞煲，但都唔會一陣油煙味，坐得幾舒服。 呢間個缸魚仲大過油麻地分店嗰缸，好多魚好靚吖同事食得辣, 所以今次我哋點咗中辣既花螺辣雞煲, 勁多花螺呀個雞煲麻多過辣， 勁多花椒啲雞好夠味，又嫩滑，上枱嘅時候已經熟曬，即刻可以起筷，唔使點等食完個雞煲，個胃仲有少少空間，我哋點咗一碟餃餃陣 ( 有韭菜餃, 鮮蝦餛飩, 蟹粉蟹肉雲吞, 魚皮餃 每款兩隻 ) $120/8隻餃有少少貴, 但係自家制, 出面食吾到喎, 樣樣都試下麻 我最欣賞佢個韭菜餃, 啲韭菜真係好香蟹粉蟹肉雲吞勁多蟹肉呀, 成個包滿曬, 又大粒, 好足料其餘2款餃都 OK.佢仲有尖沙咀分店, 已經約緊同事去喇, 哈哈…查看更多

薩莉亞呢幾年真係開咗好多間分店。又平又多選擇， 食物質素雖然唔算好高，但係絕對對得起個價錢， 最啱一大班親戚朋友gathering。今日放工同同事無無聊聊搵飯食，行咗去大角咀呢間分店碰下運氣。因為次次我去親石門嗰間都起碼要等一個鐘，呢度未幫襯過都有啲擔心要等好耐㗎。上到去見到唔多人喎，只係等兩張枱咋同事第一次食薩莉亞，我不停慫恿佢 : 唔使睇價錢㗎，盡情叫啦 我哋兩個人總共叫咗6樣嘢食，再加埋任飲飲品吧，埋單都只係 HKD183， 真係抵到佢唔信，哈哈。同事最欣賞佢嘅辣雞翼，幾乎想encore，但兩個人真係食唔到咁多我就最鍾意佢個牛油鐵板蜆，好鮮味以後收工食飯又多個選擇啦…查看更多

收工約同事去旺角shopping, 兼且試左間新餐廳. 呢度 7點已經差吾多full 晒, 應該幾好, 哈哈.間Café 個裝修都幾特別, 牆上面畫滿香港風情畫, OK好feel.地方細細但吾算逼, 坐得都算舒服.雖然 full, 但係D waiter 同waitress 好醒目, 快手快腳又有禮貌, nice~今餐我地2個share 左一個餐同叫左d小食, 每樣份量吾細, 好夠食呀.跟餐龍蝦湯同碗仔翅同價, 我地當場揀左龍蝦湯啦. 個湯好濃味, 幾似係歐洲飲果種味.小食上先, 吉列蟹肉忌廉薯餅同埋芝士牛油焗蠔.芝士牛油焗蠔真係好好味.D蠔好大隻, OK多芝士, 焗完都仲好 juicy, 調味啱啱好~蟹肉薯餅好夠脆, 一D都吾油, 伴碟既 green salad 配芝麻醬好得~到主菜 --- 鐵板美國黑毛豬件豬扒超勁厚, 燒到焦焦地, 望到都流口水啦~豬扒醃過, 吾落汁都好夠味.最驚喜係舊超甜粟, 真係好好好好甜呀~跟餐個齋啡好得, 讚!點解2口個人share一個餐? 因為要留肚食甜品嘛 --- 朱古力心太軟伴雪糕真係超超超超超好味, 賣相又靚, 無得輸.朱古力雪糕吾係太甜, 夠硬又夠凍.心太軟朱古力味夠濃, 好軟綿綿.伴埋綿花煻同爆谷,  好滿足~…查看更多

年尾無咁忙, 又就快放假, 心情超靚. 呢期係咁約 friend 出嚟食飯, 今晚揀左係公司附近食韓燒放題 雖則心情靚, 但為左新年要著果堆靚衫, 所以就算係放題都提醒自己要就住食 (請原諒我係個女人, hahaa). 揀呢間都係因為佢有埋海鮮任食, 感覺無咁 guilty  佢既海鮮總類都好多下, 生蠔 / 芝士生蠔 / 扇貝 / 帶子 / 多春魚 / 大蝦 / 燒酒蝦 … … 話就話就住食, 結果我都起碼食左4隻蠔, 2隻扇貝 , 6粒帶子, 6條多春魚, 3隻蝦 … … 仲有牛豬雞羊樣樣試左少少 .. 同埋我最愛既韓式炒炒絲, 哈哈, 大件事店員好細心, 上海鮮會特別提醒我地一定一定要煮熟 環境都吾錯, 有音樂但吾會 over, 可以傾到計今餐D多春魚同帶子好好食, 又易熟, 全晚最 like 佢地.大蝦啖啖肉, 排第2~牛仔骨好入味, 排第3~炒粉絲夠彈牙, 排第4~沙律菜夠fresh, 醋汁吾太酸, 食肉吾可以無左佢, 排第5啦~汽水任飲, 仲有雪條, 同friend傾左成晚計, 好滿足呀 …查看更多

今日灣仔會展個show last day, 收工約同事去食飯慶祝, 試左間新嘅川菜館.上網search嘅時候覺得佢個餐牌有啲貴㗎, 要HKD340/人, 不過辛苦咗咁多日,慰勞下自己都要嘅.我哋兩個都好辣, 所以全部點曬辣嘢~涼菜可以揀兩個, 我揀重慶口水雞, 同事就揀五香滷牛肉熱菜三樣, 我哋揀咗鍋巴回鍋肉, 紅燒牛肉, 同埋香辣魷魚蝦重慶口水雞好好味~已經點咗大辣, 但係都唔係好辣.我最欣賞佢個辣椒油加豆豉, 好惹味, D雞又夠滑五香滷牛肉我哋都係點大辣, 佢原來係牛肉薄片上, 跟五香辣椒粉, 自己點牛肉本身吾辣, 薄片, 唔乾, 唔韌, 就咁食都OK鍋巴回鍋肉同平時食開嘅都幾唔同喎, 唔知係咪因為係川菜, 煮法同上海菜吾同.比較少汁, 回鍋肉亦都比較乾身, 但煙煙韌韌幾好咬同夠惹味.可能都係因為汁少, 所以D啲鍋巴好脆, 整體嚟講都係好好味.紅燒牛肉都同平日食開嗰啲好唔同, 加咗蒿筍落去炒.萵筍好爽甜, 牛肉夠林, 芡汁有啲麻辣, 好夾全晚重頭戲我覺得真係呢個香辣魷魚蝦啦。見到啲辣椒乾真係好興奮, 急不及待夾左幾粒入口, 啲辣椒乾好乾脆, 勁好味!蝦殼炸到好脆, 脆到我連蝦頭都食埋, 哈哈D蝦本身有啲椒鹽, 所以好勁惹味魷魚爽口都唔錯, 不過蝦好味D。每個套餐都送咗一碟油麥菜, 蒜蓉炒, 都炒得幾香。食咗咁多辣嘢, 有返啲青菜食, 老闆真係窩心一開始覺得個餐牌貴, 但係見到上嚟嘅菜式真係覺得自己賺咗免收加一, 兩個人680, 喺出面邊度食到咁多嘢, 份量多到食唔曬, 仲要白飯任裝, 全部嘢味道同埋相都好得。真係吾怪得知呢間舖唔起眼, 但未到7點就滿座, 真係值得!我同同事都話下次要再來試埋佢其他菜色~…查看更多

今日就觀塘返工嘅朋友，一班人約咗收工後去觀塘 食飯. 朋友仔帶咗我去極尚大瀛喜，真係喜出望外!往時出油尖旺食放題食得多，次次夜晚都人山人海迫到爆，估唔到原來喺觀塘食 buffet，可以坐得咁舒服, 仲食得好好，招呼又好好我哋提早訂定位，所以都唔使等。七點半去到即刻有得入座，仲畀咗個好靚嘅位我哋坐朋友仔負責點第一Round，我就出去走咗個圈嘩… 出面個自助吧真係唔講得笑，勁多嘢食… …等我返到埋位，朋友仔已經落完單，仲開始上菜啦花膠好正，味到夠濃，超多花膠，件件都咁厚但唔會漿口皮蛋浸豆苗，香口爽脆，都好好味芝士鰻魚玉子燒 cheese好好好好味，蛋味好香又滑，encore 完再encore 同 encore，哈哈全晚咁多款肉我最like羊架，唔會好騷，去到骨位好肥美，羊味十足仲有帝王蟹棒天婦羅，好脆滑，啖啖肉，好有份量，口感十足，都係encore 完再encore 同 encore，哈哈哈哈鹽燒鯖魚都吾錯，少少燶燶地好好味，唔會腥太多正嚠食啦，飽到幾乎連甜味都食吾落，最後成功KO左杯乳酪，滿足~…查看更多

都有3-4個月冇嚟九份十分, 原來佢餐廳啲 waiter 同餐牌都轉咗喎~ 但新餐牌依然係有咁多選擇, 有選擇困難症嘅我足足揀咗廿分鐘先至落到單小食我哋揀咗涼拌貓耳, 湯浸肉燥娃娃菜, 蚵仔煎同兩隻忌廉芝士蘑菇雞翼.涼拌貓耳ok爽口, 如果可以再濃味啲就更好~湯浸肉燥娃娃菜超好味!勁多肉燥, 個湯又甜又夠濃, 娃娃菜亦夠林, $48大大碟, 無得輸!!蚵仔煎味道唔錯, 煙煙韌韌, 都幾有台灣feel.忌廉芝士蘑菇雞翼絕對絕對係正到冇得彈.雖然望落好似燶燶地, 但係裏面個忌廉芝士蘑菇餡真係好得, 超好味, 炸到外脆內軟, Too good~主菜係店長推介畀我哋嘅台南咖哩牛腩筋手抓餅.賣相靚, 味道都唔錯. 咖哩辣得嚟容易入口, 又夠濃味, 好夾個手抓餅. 又勁多牛腩喎, 仲要係我最鍾意嘅牛筋腩~ 正正正!!! 原本諗住食完飯叫埋個甜品 (menu入面款款都好吸引), 但似乎我哋已經點得太多, 食唔落啦…老公最後叫咗杯凍珍珠奶茶微甜, 咁食法埋單都吾洗3百, 是日勁滿足, 哈哈.…查看更多