ting9的个人专页

沙田廣場間三哥有兩位同事態度非常惡劣，我手機落單叫左個下午茶，米線配炸醬飯(炸醬飯我揀左走酸菜)之後果位姐姐拎碗無走到酸菜嘅炸醬飯俾我，我就同佢講叫左走酸菜喎，佢竟然話我無揀要走，我即時望返我手機落單記錄，我係有揀走酸菜，我俾埋佢睇點知佢仲要同我拗，話我米線揀走酸菜，炸醬飯無揀，我想問米線只可以走芽菜，腐皮同韮菜，何來有個走酸菜俾我揀？我有截圖做證據，俾埋佢睇仲要堅持同我撐落去，本身一件好簡單嘅事都可以搞到咁，如果真係我錯我食返無問題，但我俾埋佢睇佢都仲可以拗，仲堅持係我落錯，點解服務態度可以差成咁，我都係做服務業，咁簡單嘅事明明可以好容易解決，仲要係有兩位女同事同我拗(其中一個係黑色衫收銀)…查看更多

呢間津津我食過好多次，之前係太子返工，所以經常去幫襯，諗住今日又再經開太子就順便去食，點知就出晒事😪入到去叫咗碗大雲吞堂食，坐低咗無幾耐，突然就聽到有個女人大叫話有老鼠，我望住佢指住個方向果然見到有隻老鼠，我嚇到即刻跑出去門口外面，我本人係勁驚老鼠，我見到有個阿叔係度同隻老鼠搏鬥緊，我驚隻老鼠會週圍走，我唔敢行返入去之後就有個姐姐就話我碗野已經煮好，佢仲話你驚嘅不如將碗野攞走，我問返佢我攞走去邊度食？佢竟然叫我坐係公園食😳，結果最後我都係被迫攞走…查看更多

因為今日落雨想近近地食lunch,就揀左呢間，印像中好耐以前試過呢間西多士係幾唔錯😋😋😋，於是今次再叫流心西多士，跟住幫我落單個位伙計問我飲咩，我話唔飲，點知呢位伙計唔答我，😡😡😡只係用支筆指住枱面一行字，我望一望果行字，係寫住堂食每位最低消費一杯飲品，果刻我好想問，呢一句意思唔係話就算唔叫野食最低消費都要飲杯野咩？我有叫西多士喎，最後我都叫左杯凍檸茶，等既時間勁耐，杯檸茶同西多士等左起碼半個鐘，食食下仲睇見有隻烏蠅飛咗落我支叉度，即刻叫伙計同我換😤😤印象中好耐之前食過兩三次都係有烏蠅，估唔到隔左咁耐都係無改善，服務態度亦都好差，老老實實佢西多士同菠蘿包係好食，但要係出面食到咁既質素西多士同菠蘿包亦都唔難，點解我要忍受咁既價錢同咁差既服務態度👿…查看更多