食都食窮我的个人专页

早排聽朋友講，佢試咗間位於西環嘅餐廳，食飯飲酒都唔錯，相約呢日帶埋我去試❤️兩層設計，下層酒吧區，上層用餐區，氛圍輕鬆又帶點工業風格調，非常適合朋友小聚或情侶約會～ 嗰日唔係話好肚餓，叫咗呢幾樣送酒：Bread & Butters of the Day $80牛油同麵包麵係 #自家製！呢日有 #老干媽 同 #海苔 味道！老干媽味道少少辣，用嚟搽包幾得意，我就鍾意海苔味，好香好襯搽包食～Cheese & Cured Meat Platter $320有3種肉肉，3種芝士，再加乾果同果仁，送酒一流❤️講到明嚟飲酒，緊係要揀 #WineFlights 🤭3 杯 wine flight $1805杯 wine flight $280店員會問想要咩酒～最尾我哋樣樣都試啲，有紅有白有橙～橙酒係白葡萄Fermentation 連皮一齊，我好似都係第一次飲😌最尾仲叫咗 Classic Peanut Butter Pie $78香濃花生醬味，好食！其實佢哋仲有set menu，2 course starter + pasta / pasta + dessert $1983 course starter + pasta + dessert $258有機會再嚟試吓佢啲意粉先🍝…查看更多

呢一日平日放假，其實係想去深水埗Cafe Hopping嘅，但係去到想食嗰間要等位，無諗過平日下午都無位🥹最尾等咗陣肚餓，轉咗去食 #餃子 😌早幾年前曾經食過「家後」，印象係比較早期湯餃個湯底係用真係煲湯嗰啲湯🫶🏻最後叫咗呢幾樣：🥟 餃子系列#雲耳椰菜豬肉餃 $40/8隻粒粒飽滿足料，雲耳爽口，湯底係粉葛湯，食完個餃子仲飲埋碗湯😌#洋葱豬肉餃煎餃 $40/8隻煎得金黃酥脆，記得配埋佢個 #辣菜甫 一齊食，個辣菜脯唔會太辣又非常惹味！🍹 飲品跟餃子+ $6 可以有嘢飲，叫咗經典 #凍檸茶 🍖 特色小食#滷水豬大腸 $27滷得入味👍#麻辣豬肚 $29 麻香帶微辣，豬肚有嚼勁另外叫咗🍰 #芝士蛋糕 無錯，呢間餃子店係有芝士蛋糕賣嘅！對上一次嚟太飽無食到，今次終於試咗❤️呢日有原味、焙茶、開心果、蘋果味，最尾揀咗 #焙茶味 同 #蘋果味 $35/件☕️焙茶味芝士蛋糕：茶味香濃郁唔苦澀，蛋糕口感綿密🍎蘋果味芝士蛋糕：淡淡蘋果清香，食到細碎果肉，清爽不膩！ 當日一路食一路有人入去買生餃子！証明餃子質素有保證！芝士蛋糕有驚喜～ 可以去試吓～…查看更多

朋友生日，去咗食呢間位於中環擺花街嘅新派粵菜慶祝～餐廳2025年獲得 #米芝蓮推介 ，由兩位前米芝蓮餐廳大廚打造 中 x 法 創意料理，將傳統風味重新演繹，環境低調奢華，啱晒打卡同細味美食～ 我哋揀咗 10-course tasting menu （$1088/位），仲加配 4杯wine pairing（$568/位），酒鬼mode全開！🍷 #志趣三小碟酸薑魚子塔。剁椒醉牡丹。蜜汁叉燒鳝我鍾意食個蜜汁叉燒鱔，個面係好似叉燒酥咁，但入邊係鱔～#蔥油蚌伴麵蚌好鮮甜！面有啲豆，質感似爆珠，個麵一咬就斷，質感好得意🍷 配酒：Restless River Ava Marie 2020#蟹肉乾撈燕龍蝦汁好香濃，唔小心就飲晒😌啖啖蟹肉燕窩，同頂個脆片撈埋食口感超正，🍷 配酒： Le Colombera Piercarlo Semino Derthona 2021#花螺釀鳳翼雞翼去骨釀入花螺同菜甫，表面風乾到脆皮，一咬爆汁勁Juicy#鮑魚雞濃湯濃湯用本地三黃雞＋陳皮熬製，陳皮香氣撲鼻！ 仲有大大隻鮑魚～#鹹魚菜心苗新鮮馬友鹹魚油香十足，用咗少少鹽醃，深綠色嘅，係用菜芯整嘅汁🍷 配酒：15年 #東趣花雕一斟完已經聞到超～香嘅花雕味！😍#梅菜煎龍蝦個梅菜好特別，仲有紫蘇花，更加香～加埋豉油王汁煎個龍蝦，好惹味，加埋一小球白飯，送飯一流！#茅台花香鴨首先食咗鴨胸先，上面鋪滿香草，鴨胸嫩滑，好食！另一邊係豬耳豬肉鴨肉整成嘅雲吞🍷 配酒： KÖNIGSBECHER Pinot Noir GG 2017#老菜脯煨飯以為係飯？原來係米型意粉嚟！口感特別，加埋菜脯好香！呢個「飯」有驚喜❤️#白蔗筍雪葩甜品以白蔗筍雪葩收尾，清甜冰涼，完美解膩～ 「志」將粵菜玩到出神入化，每道菜都有驚喜！米芝蓮推介絕對名不虛傳，適合紀念日或想試新派中菜嘅食客。體驗同食材質素對得住價錢，會想encore！ …查看更多

上個月去完會展，喺灣仔分店食過一次，但嗰次帶病在身，唔敢食雞，又唔敢食凍野😂當時叫咗一個湯飯一個湯麵，兩個都好食😋呢日出開旺角再encore呢間！！呢間個裝修都唔錯，木系韓風，又坐得舒服💕今次都係叫 #ComboForTwo $308可以揀2款主食+2款小食+1款肉食，啱晒貪心又有少少選擇困難症嘅我😌主食叫咗 #雞湯麵第一啖飲咗個湯先，濃郁雞湯好飲，仲要有半隻雞，肉質唔嚡份量多！而且佢哋嘅刀削麵係自己整👍時間啱會見到有師傅喺入面搓😂#泡菜冷麵天氣開始熱，呢啲時間食冷麵爽丫丫，第一啖食到好香嘅麻油味，麵質彈牙。仲啖啖爽口嘅蘿蔔同泡菜，酸酸地開胃～小食叫咗 #豬肉餃子 & #泡菜餃子粒粒飽滿，皮薄餡多上次食咗冷白肉，今次試吓 #菜包肉 ！望落一層層，肥瘦均勻😍再點埋醬汁食，呢個都唔錯～每人仲跟咗泡菜、醃蘿蔔、一小碗飯～擺盤其實幾精美，賞心悅目😌另外加咗兩杯嘢飲，#凍梅子茶 $20酸酸哋，平時梅子糖嘅味😍 #甜米露 $15甜甜哋，一路飲一路有粒粒，呢個幾得意😂呢間無論湯飯定湯麵都唔錯，裝修環境舒適，有好幾間分店，可以去試吓🫶🏻…查看更多

呢日去咗觀塘食生日飯！呢間餐廳喺觀塘工業中心入面，地鐵站行過去方便～餐廳都幾大間，座位都幾多，白色木系裝修，環境幾舒適😊近門口有個位置，放咗綠茶、冬瓜茶、冰水，下午4-9點，買任何主食都可以無限添飲，特別個冬瓜茶幾好飲🤭叫咗呢幾樣，手撕巨無霸炸全雞 $198上檯嘅時候插咗生日蠟燭，仲有福如東海、壽比南山嘅牌😂 再加大大個壽字，都幾震撼😍隻雞熱辣辣，炸到金黃色，勁多肉汁，嫩滑，連雞胸都唔鞋👍搣嘅時候睇住焫親手😂😂紅燒牛肉湯飯 $78牛肉夠腍，跟咗個飯有大量粟米，仲有半隻溏心蛋～快樂地瓜球 $38勁Q彈，有少少煙煙韌韌咁，呢個好食！！小朋友食唔停口滷味拼盤 $48呢個滷水拼盤嘅開心，有豬耳，白蘿蔔，雞中翼，牛筋，全部都係我鍾意食嘅嘢，夠晒入味，個蘿蔔仲好腍！蒜味香腸 $35好耐無食台灣香腸，面頭有啲生蒜同胡椒粉～另外仲叫咗兩杯嘢飲～百香果蘇打 $23 加椰果 +$5蜂蜜柚子梳打 $25 加愛玉 $5兩杯都唔會過甜，味道剛好👍正宗台灣人主理，價錢實惠，喺觀塘都食到正宗台灣風味！推介推介🙌…查看更多

平時去尖沙咀分店，朋友們最鍾意食佢個「金屋藏嬌」湯底😆早排網上見到有人食椰子雞煲好似唔錯，呢一日去咗試❤️今次去荃灣分店都幾大間，空間感十足，檯與檯之間又唔迫，我哋安排咗坐卡位，坐得非常舒適！一開始例牌撈個醬先～呢間有蔥頭油 ！我鍾意加呢個😍夠晒香叫咗呢啲食：#五指毛桃椰子雞湯 $198有半隻雞同兩個大椰青，湯底有椰子肉、紅棗、淮山、杞子，湯底清甜👍#極級本地手切肥牛 例牌 $338就咁望個碟牛都知正，雪花靚到犯規😍涮一陣就食得，牛味濃郁！#芝士墨魚丸 拼 #梅菜豬肉丸 $108墨魚非常彈牙，入面重芝士❤️我每次見到打邊爐有梅菜豬肉丸味都會點！！呢間個梅菜味好香好突出👍👍#招牌黑松露蟹餃 半份 $54一咬開黑松露香氣爆棚，入面塞滿蟹肉，真材實料#冰鎮鮑片 $70見到俾咗刺身豉油，就想叫刺身類嘅嘢😌叫咗呢個做頭盤～另外仲叫咗#皇帝菜 $45 #竹蔗水 $40/瓶#汽水 $19身份證上含有 1，5，7，9 四個字其中一個或以上即享有以下優惠： - 1個字9折 - 2個字85折 - 3個字8折 - 4個字75折（不計算重複及身份證括號內號碼；優惠不可與其他優惠/折扣及現金券同時使用）呢間間唔中都會食，荃灣分店坐得幾舒服，下次可以encore！！…查看更多

今日又去深水埗 #CafeHopping 因為想食埋嘢，上網睇吓邊間啲嘢食賣相吸引啲😂最尾揀咗呢間！！Cafe面積唔係好大，有少少室外嘅位，入面係長方形嘅佈局，「長窄」形嘅空間，一路行到盡頭會有多啲座位～#忌廉燒汁牛肉意粉 $106呢個好食！今次揀呢間cafe都係因為呢碟意粉～我上網見呢碟賣相吸引😂佢個燒汁夠晒惹味，意粉煮到剛剛好，唔會太腍，有啲咬口，不過略嫌牛肉有啲大塊，切返細少少開心啲😌另外揀咗個Seasonal 嘅#意大利煙燻豬腩甜粟貓耳朵 $118濃湯粟米汁，甜甜哋，豬腩肉同個汁都襯～呢個都唔錯～咖啡叫咗 #Latte 同 #Cappuccino 本身有諗過食埋甜品，不過今日得tiramisu無其他cake😂最尾無食到～ 呢間個牛肉意粉唔錯，有機會再encore😌…查看更多

近排無乜食中菜，呢日去開荃灣試吓呢間bookmark咗嘅潮州菜！餐廳都幾大幾多座位，打開menu，點心賣相好精緻！不過當時係晚飯時間，最尾都係叫咗呢幾樣～😂#滷水鵝肝 $129話說我好鍾意食肝👉🏻👈🏻豬肝、雞肝，愈邪惡嘅嘢食真係愈好食🤤呢個鵝肝無筋好滑身，好入味#滷水拼盤 $99食潮州嘢鍾意點呢個！樣樣有啲，啱晒貪心的me~都有幾多款，有墨魚、鵝、鵝肝、豆腐、腎！#鮑魚東坡肉飯 $129/位東坡肉一層層，明顯脂肪同肉間住～肥瘦均勻另外有好大隻乾鮑～呢排少飲湯水，叫咗兩個燉湯#油柑燉鮑魚 $69大隻鮑魚，第一次飲油柑嘅湯，有少少微酸幾得意#油柑燉角螺 $69呢個相對芫荽味重啲，角螺有咬口另外仲叫咗呢兩樣～#潮汕炸乳鴿 $49#豆漿蟹肉蕃薯葉苗 $89甜品試咗 #福果薑薯 $39白果 +薑薯整嘅糖水，薑薯都係第一次食😂賣相有少少似山藥，但無咁粉，爽口少少有機會再嚟食佢啲點心！賣相真係好吸引😂而家仲有新店優惠，全店9折！…查看更多

之前經過見到呢間火鍋都幾多人食，呢日返咗馬鞍山，終於有機會試試～當日平日嚟，都坐滿座，我哋叫咗個#120分鐘澳洲200日穀飼牛 $349湯底揀咗：麻痹鴨 - 台灣麻神鴨血鍋QQ骨膠原 - 膠原豬王母鍋要特別提一提，佢哋啲醬汁幾特別，除咗平時豉油、芝麻醬、燒肉汁外，仲有台灣柚子醋、海鮮酸辣汁、台灣烏醋、當歸杞子，呢幾款少見啲～仲有近期我幾鍾意落嘅 #花椒油 ❤️牛試咗呢幾款：澳洲200日穀飼牛澳洲純和牛特級牛舌一鼎殼飼牛一鼎山野肥牛鍾意牛嘅我樣樣都試咗少少～前菜 #冰釀梅汁蕃茄呢個開胃菜，酸酸哋醒胃，encore咗次～ #台式小食 試咗 #紅噹噹蝦球外表似荔枝，表面啲手粒粒超脆！入面係彈牙蝦肉～有任飲生啤、罐裝、盒裝飲品之餘，推介佢哋嘅 #特色飲品 ，飲咗幾款都好飲！！！本身仲想叫，但真係飲唔落😂😂佢哋出面有做外賣茶飲，一杯都賣緊$2x-3x #芝士琥珀呢個有驚喜！個芝士奶蓋好飲夠rich！平時鍾意飲芝士奶蓋要飲！個茶底係珍珠奶茶個茶底，#百香果三重奏超多椰果粒粒+波波寒天！每飲一啖都有😍#香水爆檸勁爆檸檬，平時喺街都鍾意飲呢個，微酸可以解膩！食完仲可以叫糖水，#養生桃膠銀耳羹滋潤！打完邊爐食呢個啱晒👍另外有雪糕機可以自己唧，3.5牛乳軟雪糕 & 白桃乳酪配料有核桃碎、開心果碎、Oreo碎、朱古力醬、草莓果醬😍呢幾款口味我like🥰 馬鞍山而家愈嚟愈多選擇，有機會試吓呢間一人一鍋+台式飲品～…查看更多

呢日去開AIRSIDE附近，順便去咗商場搵嘢食！呢間餐廳就喺地下嗰層，路過見到門口menu啲丼飯望落唔錯，決定試吓～餐廳面積唔算好大，全部都係吧枱位對住師傅～我哋叫咗呢幾樣💕#三味吞拿魚丼 $248粉嫩嫩嘅顏色，超吸睛！！有三款吞拿魚，每款各三片，全部都好新鮮！特別大拖羅，勁肥美，入口即溶🤤🤤#火炙漁夫丼 $208呢碗原來都有好多款刺身喺入面！有6款魚再加帶子！分別係金線鯛、梭子魚、黑鯥鯛、右口魚邊、大拖羅、鰹魚，灸燒過，香味出晒嚟，仲有啲應該係炸牛蒡絲喺面～每碗丼飯仲跟咗碗 #鯛魚茶漬湯個魚幾滑，湯香濃嘢飲叫咗 #荔枝乳酸梳打 $38#麻原酒造非常桃酒 $68 最尾仲叫咗#開心果味雪糕 $38淡淡開心果味，見到有啲開心果碎粒粒，食埋雪糕，完滿嘅一餐😌鍾意食刺身丼飯嘅要試吓呢間～…查看更多

早陣子終於試咗！！！但早兩日見到做到年尾😭因為之前聽聞好難book位，所以一直無試😂直到有朋友日本返嚟，講起想打邊爐，於是試吓book位！網上book位早2個星期開放，較咗鬧鐘準時搭正12點就book😂 最尾都幾順利！餐廳位置就喺蘭桂芳附近，舖頭細細，一眼望晒，全場大約十張檯～唔怪得話難Book，因為真係好少檯！當晚book咗20:40，20:35去到門口已經有一堆人，一夠鐘就放人入去😆裝修都幾有特色，牆上貼咗啲有趣嘅揮春😂我哋坐中間，同隔離檯貼住咁濟，座位之間都幾迫🫢湯底叫咗 #潮州沙茶湯 $188之前已經聽聞呢度啲牛好食！！叫咗 #老蘭嫩牛四併 M $368有封門柳、牛頸脊、匙柄、胸簽肉眼可見啲肉肉顏色已經好靚！😍4款都好食！👍👍店員仲介紹 #活墨魚 $98呢個我平時好少叫，只要輕輕淥一淥就食得，估唔到咁新鮮彈牙，呢個有啲驚喜～👍#鮮製三寶手打肉滑 $158店員話係: 蝦+豬+羊滑羊肉食得多，羊滑真係第一次食，完全唔羶！#香酥腐竹 $68炸完大大舊，呢個又係淥一淥就食得~#生面 配蔥油、豉油 $48煮完個麵擺返落隻碟撈蔥油、豉油撈完啲香味出晒嚟~呢個都推介🙌🏻嘢飲我哋叫咗 #自製羅漢果  $88/揸唔會好甜，打邊爐熱氣飲呢個啱晒！佢其實仲有 #伯爵凍檸茶 呢個都好似幾吸引~下次想試呢個~~另外仲叫咗:#西洋菜 $58 #豆苗 $68#生根 $48店員仲請飲咗一杯嘢飲同甜品，仲好盞鬼咁叫我地擺pose影相😂呢間嘢食係唔錯，係坐得迫啲，不過氣氛搭救!! 😂早兩日見到原來做到年尾咋🥹最近仲推咗宵夜時段！！把握機會呀！！呢間餐廳質素好，又唔算貴，推介推介，希望佢哋搵到新舖搬啦！…查看更多

King Ludwig Beerhall絕對係一間我好鍾意嘅德國餐廳十幾年前已經幫襯佢哋，之前基本上咁多間分店都去過😌 （除咗赤柱😂）最鍾意飲佢哋Maisel's Weisse啤酒，麥味香唔苦，襯豬手+腸一流🥹🥹！那些年同同事去，會叫成個大桶飲😂真心好飲🥹今次個酒鬼朋友話佢哋出咗個set好抵，會員價$520，包好多嘢食之餘，仲包Free flow 啤酒/ 紅酒/白酒 兩個鐘！！！啱晒我哋😌Free flow有得揀盧雲堡啤酒、白酒、紅酒！！我哋食嘢嘅時候飲啤酒，食完再飲紅酒一路食一路傾一路飲，爽丫丫頭盤有挪威煙三文魚 柑桔 西柚 橙 藜麥沙律好多生果，酸酸哋好開胃！迷你黑森林火腿德式薄餅我同朋友食第一下係有叮一聲，一擺低已經聞到芝士好香～中間仲要有落芝士醬，而且皮係厚身嗰隻（我鍾意食厚底😂）好食！！主菜有得揀紅酒燴澳洲羊膝配波菜 薯蓉 珍珠洋蔥或者#招牌烤脆皮豬手 （半隻）嚟到一定要食豬手！平時單點係全隻嘅份量，呢個餐係半隻～啱晒兩個人，可以食其他野💕豬手皮脆肉厚，一上枱襯個皮脆，要快啲食🫶🏻另外主菜仲有帆立貝 鮮蝦 車打芝士蝸牛通心粉芝士人表示好滿足❤️最後仲有甜品，特濃朱古力蛋糕配燴雜莓完滿嘅一餐成個餐有頭盤x 2主菜x 2甜品x1任飲2小時呢個餐飽到一個點😂男士絕對夠食！而家join佢哋個會員而家只係$480，仲送$300現金券，好抵🥹 鍾意豬手啤酒唔好錯過！🙌…查看更多

之前見到有人食雞翼放題好似好開心😂呢日去挑戰吓！！餐廳喺中環上半山自動扶手電梯嗰條路上去～轉角7仔隔離嗰棟，好容易搵😊店舖唔係好大間，我嗰日平日去都好滿，最好book定位！!#90分鐘任食 有幾款餐；▶️ 3款雞翼｜平日$138 五至日$148▶️ 10款雞翼+任飲汽水｜平日$188 五至日$208▶️ 所有口味雞翼+小食+任飲啤酒汽水｜平日$260 五至日$278最後我哋揀咗 #10款雞翼+ #任飲汽水 😂😂 可揀✨水牛城醬 🌶️✨紐奥良香粉🌶️✨加州風情✨死神醬🌶️ 🌶️ 🌶️✨咖啡燒烤醬✨中式海鮮醬✨黑椒檸檬✨蒙古燒烤🌶️✨田園風味✨泰式甜酸醬檯面寫住雞翼 #無激素 #不含抗生素 ，仲用 #歐盟認證走地雞 食多幾隻都唔怕😂上菜速度快，汽水落咗幾轉都係秒出！！👍勁有效率～用QR code落單，每款嚟4隻，每次max可以叫6款雞翼都好快到，隻隻都Juicy唔會太乾，我哋今次叫咗呢幾款試：泰式甜酸醬、加州風情、蒙古燒烤🌶️黒椒檸檬 、田園風味 個人推介💁🏻‍♀️#泰式甜酸醬 - 呢個醬無得輸，平時我都鍾意食😍 個面有啲炸蒜，酸酸甜甜夠惹味！#加州風情 - 有蒜蓉, Parsley, Parmesan Cheese，芝士味香👍 #黒椒檸檬 - 落埋新鮮檸檬汁，檸檬味出晒嚟另外 #蒙古燒烤 幾香孜然粉味，不過估唔到都幾辣😮😮我見到死神醬有成3個辣椒，食辣初哥的me唔敢試😂😂其實我最想試係醉雞翼，可惜佢係要最貴個plan先食到，我對自己食量太無信心😂我今次食咗12隻😀好想知大家試過嘅話，可以食到幾多隻？😂😂😂留言話我知！！！！…查看更多

呢日諗住喺紅磡食飯，點知經過呢間舖頭，屋企嗰一大一小「包餅」粉絲就俾門口啲嘢食吸引咗過去😌門口個姨姨話平時呢個雞蛋肉漢堡，一出就好多人排隊買，見姨姨咁講，當時又未有人排，一於睇住佢煎，買個試吓～我哋一買完，就開始有人排隊，姨姨無講大話😂😂#雞蛋肉漢堡 $12一咬落去，個面煎到非常脆口！！😳佢唔係exactly包嚟，係類似粉漿煎到好脆，有啲油，不過我覺得可接受😂中間夾住蛋同肉，有少少似豬柳蛋漢堡咁豬肉梅菜餡餅 $16爆餡，咬落Juicy，不過呢個相對普通啲呢間舖頭細細，淨係得外賣，個雞蛋漢堡有啲驚喜，可以去試吓～…查看更多

成日睇韓劇，啲韓國人飲完酒就會飲解酒湯，之前見到呢間喺韓國人氣餐廳嚟到香港，決定要試試！！餐廳位於灣仔，好高樓底，地方都大～主打牛，包括牛嘅內臟！有牛肚、牛腩、牛蹄、牛腸仲有煎餃子、湯餃子～本身想試牛腸火鍋，但因為驚辣，我呢啲食辣初哥驚頂唔住，最尾揀咗 #牛腩湯火鍋 （中） $388😆😆呢個有個爐熱住，湯底望落清清地，但飲落好濃，鮮甜，店員介紹食嘅時候，要用牛腩夾住酸洋蔥，估唔到好夾！！而且牛腩淋～#解酒餃子年糕片湯 $108有餃子、年糕、紫菜、蛋碎、蔥湯係米白色，好香紫菜味，個餃有少少泡菜喺入面，食落有少少酸酸地，Size勁大隻，成隻碗咁大！仲有年糕食，正～#馬格利米酒 $130食韓國嘢要飲韓國酒，今次叫咗米酒☺️☺️下次多啲人食，可以試吓佢個辣牛腸火鍋😍仲有解酒煎餃子！…查看更多