Stephanie.15的個人專頁

今日過尼試呢間餐廳，少有既粉嶺扒餐廳。入到去，有得揀意粉或者肉類。於是我哋嗌咗一個牛脷蕃茄意粉同埋牛肉鋸扒。前菜方面，正常都會有餐包同埋湯。佢呢個餐包就特別啲嘅黑糖麵包，蕃茄湯都濃味。飲品方面嗌左凍檸茶。牛脷焗肉醬意粉，牛脷都好大件同埋俾咗好多我哋，差唔多成隻碟咁多，鋪喺面，咁都幾豐富。面嘅硬度適中都唔會話泰林，牛脷啱啱好質感。蕃茄醬方面夠味，唔錯。牛樓鐵板，洋蔥可以煮熟多少少，不過鍾意食生洋蔥嘅話就會好鍾意，塊牛樓都唔會太細，同埋好口肉，虎蝦大概一隻手指咁大隻，薯條份量都多。肉質唔錯，而且蝦用鐵板上嘅感覺，好似烤完嘅蝦咁樣，整體來講好飽肚。價錢比較平民價始終係喺粉嶺但係嘢食來講都算唔錯其實值得一試…查看更多

今日嚟到元朗，見到圖書館對面有一間可以飲酒有好好笑嘅泰國菜，所以入去試吓～我哋嗌左一個晚市套餐，套餐係課兩個人嘅，我哋揀咗沙律，燒豬髀仔，同埋椒鹽魔鬼魚，菜方面就炒茄子。首先講吓個燒豬髀仔，本身以為一大舊豬髀肉，原來佢就好似牛仔骨咁樣一塊塊俾你，亦都好貼心咁喺舊骨嗰度包住個錫紙，唔會整到隻手一達達，肉質啱啱好，啖啖肉，醬汁方面就係泰式酸醬。呢個柚子沙律同出邊嘅有啲唔同，佢食落去個味道比較豐富。通常出面嘅柚子沙律都唔會有特別嘅醬汁，但係佢呢一個就有一個酸酸地鹹鹹地嘅醬，沙律都十分之豐富，有唔同配料。椒鹽魔鬼魚真係第一次食，佢有兩個醬汁俾你選擇，兩個都偏酸嘅，所以我來點炸魔鬼魚，就可以中和返油膩感。可以做到外脆內軟嘅效果，而且裏面嘅肉都啱啱好。環境都唔錯，不過怕熱嘅朋友可以睇吓裏便冷氣有冇位，今日坐出面，都感受到有少少冷氣，氣氛都唔錯建議夜晚過嚟食！…查看更多

住喺大埔咁耐，郭仔記真係由細食到大。不過之前就係喺大埔墟食，而家喺昌運中心新開左一間專食車仔麵嘅郭仔記！外在環境都好光猛，而且煮食嗰度呢有嘢罩住，所以呢間衛生程度我都唔太擔心！我嗰日係下晝2:00去到但係都已經過去食，大概等咗10分鐘左右就有位啦～食物種類都好多，其中推介嘅就係佢嘅豬腸，因為佢整得好入味，其他配料方面都不錯我就帶咗呢個魚皮餃水魷豬紅，沙嗲汁幼麵。其實都見到佢嘅材料都好豐富，面方面都唔會太少，我嗰陣時都食5矖。而呢一個呢就係牛丸豬腸紫菜配油麵，不過我覺得幼麵會好食啲，佢個口感會硬身少少。豬腸都有好多舊。飲品嗌咗凍檸茶！配車仔麵一流買單都係$117，因為我哋今次嗌既配料都多，如果我嗌少一兩樣，會好抵食！…查看更多

今日放工見八妹雞煲冇人等，所以就決定過嚟食✨入到黎裏面好寬敞同好有特色呢間最出名既都係雞煲，有半隻雞一隻雞揀。如果2個人，半隻雞都差唔多。因為都要再嗌食材好吸引。雞煲啲汁好濃，雞都好嫩滑。仲有好多配菜例如洋蔥芫荽等，當食到咁上下，啲汁收緊啲嘅時候，枱嘅隔離會有一樽上湯，倒落去就可以變成火鍋咁食。如果多人嘅話我諗我會帶多個火鍋嚟嘆吓！配菜我哋嗌左白鱔片，白鱔都好爽脆同埋有魚味！至於丸類個到，牛丸貢丸都不過不失，不過本身以為係手打😂竹笙真係勁大碗，食極都有！只要呢個響鈴本身都怕肥唔諗住嗌但係朋友叫我試下，佢同出邊嘅響鈴真係有啲唔同嘅。第一冇咁油，第二口感上面來講呢個會比較厚實啲，同埋感覺上脆啲，只不過兩個人食四舊響鈴真係太多啦，如果佢有細啲就好🥲肥牛方面其實望落去啲肉都靚，脂肪同埋肉嘅比例都OK唔會太肥。而嘢飲方面都好大杯！就好似一個大啤酒杯一樣！最後埋單兩個人食咗八百幾蚊，但係因為我哋嗌多咗，正常來講我諗六百幾都可以買到單！比起食放題來講，放題一定可以食到多啲唔同選擇嘅嘢食，但係如果係求質素，食高質嘅材料就可以試吓呢一間～…查看更多

今日放工黎到近太和既木船，聽講佢哋嘅燒豚肉飯好正！餐廳裏面，有船既design，位置寬敞，成個環境都好舒適！晚餐價錢唔算好貴，定食連湯連小食同飲品都只係88以下炸！泰式醉辣鳳爪（9/10❣️）大大碟，酸汁都好夠味，而且仲有好多配材，例如：芹菜，洋蔥，青木瓜，紅蘿蔔等～酸酸甜甜又凍凍地，用黎做開胃茶一流❤️‍🔥招牌燒豚肉飯❣️（10/10）飯一黎到就聞到好香既燒肉味。肉燒得好香又嫩口！真係勁好食，飯既上面仲有好多青木瓜，所我食尾都唔會太油。冬蔭冬湯都係酸辣味為主，味道濃郁。呢個係青咖喱吉列豬扒飯，吉列豬扒一啲都唔吝嗇，有好多件俾你！青咖喱方面，咖喱唔會太辣，甜甜地，配埋飯好夾。整體來講，如果你想食一個平價又好味嘅晚餐，絕對要過嚟試吓，期待下次再過嚟食燒肉飯🥰🥰…查看更多

今日入到黎元朗，就真係好想試吓呢間INN，佢有好多分店，元朗呢一間依家夜晚都爆滿人。首先，其實佢裏面環境好chill好文青feel。每個午餐都會有一個湯同飲品。自己就勁中意飲蘑菇黑松露湯！佢係blend爛蘑菇到蓉，再估成既蘑菇湯，非常好飲❣️飲品❣️朱古力奶昔朱古力味好濃，唔似沙冰質地，反而係smoothie個種。另一杯係柚子檸檬疏打！如果淨係得柚子味相信會有少少苦澀，但佢呢個加埋檸檬既時候就會好清新，甜得黎好清❣️啱曬夏天！呢個真係好有驚喜！班尼迪蛋菠菜巴馬火腿配法法式班戟，佢呢間既pancake真心好食。配埋火箭菜，唔會太鹹，啱啱好！香燒豬肉眼配肉桂蘋果醬呢個都要大推！下面係薯蓉，上面豬肉眼都唔會太老，配埋蘋果醬，甜甜地又有肉味，再有薯蓉中和翻個味道，成件事好完滿！呢個質素，唔太貴既價錢，真係值得下次再尼元朗🤤…查看更多

今日尼到大埔呢間食星馬菜，都聽講過係好食同埋還境好舒適，所以今次特登前來一試究竟！環境舒適，裏面座位之間都有好多空位，唔會太迫。另外都有大枱供應，啱晒一大班朋友過黎一聚。❤️‍🔥海鮮叻沙海鮮非常足料，蝦、蟹柳、青口都各有2份。湯底方面，唔會太辣，而亦好有叻沙既味道。所以就算你食唔到辣既，都可以嗌到黎食❣️愈食愈中意秋葵大蝦沙律🥗沙律菜好新鮮，配合佢特調既酸汁好開胃🙈大蝦都好新鮮爽口重頭戲就一定係呢個！原隻軟殼蟹咖喱火山包🤤軟殼蟹炸得幾好，炸粉唔會太口，原隻上，十分滿足。火山包好大舊，可以切落黎yam汁食。包身有唔會太乾，而且仲有青口。飲品方面推介 #檸檬薏米水 佢薏米水好有味，唔會係就咁水+薏米，加埋檸檬，好清新，啱晒食完野飯🥰…查看更多

今日嚟到大美督既一間日本料理店，佢就係沙灘再入啲。裏面嘅環境寬敞，而且牆身好多日式裝修。食物都好多選擇🥰價錢好合理，而且好吸引❣️小食方面，嗌咗呢個雞泡魚乾。魚乾比較厚身，燒得好靚，好有嚼口，唔會太脆。咀嚼既時候，會有好濃既燒魚既香味，配埋沙律醬就啱啱好。黎到日本料理點，當然要嗌燒海鮮食啦。磯燒鮑魚好新鮮，食落去唔會太硬，啖啖肉，好滿足。燒蝦都好香，蝦用爽口親鮮。牛油帶子配蟹子，令到味道唔會太油膩，好新鮮。炸蠔係必嗌！❤️炸粉唔會太厚，蠔好大隻，食落去，蠔🦪都好嫩口，好鮮味！另外我哋仲帶咗炸芝士年糕，明太子燒雞翼，燒雞軟骨。佢每樣野都燒得剛剛好😋嫩口。雜錦魚生丼飯，魚生好新鮮，有帶子、三文魚、綢魚丶吞拿魚。食完再去新開既沙灘下🤤好享受既晚上！…查看更多

今日嚟到呢間食烤魚，聽聞係新開嘅而且網上都好多人讚，所以特登過嚟試吓係咪真係咁好食呢！入到去，環境寬敞，牆壁都有藝術設計，好有特色。入到去既時候，服務員好nice，介紹我哋烤魚嘅有邊啲口味。泰式酸辣烤魚🤤唔係太食到辣又鍾意食酸嘅朋友可以試吓！烤魚一嚟到比我想像中多好多材料。除咗大大條魚之外🥰仲有好多芽菜，雲耳，娃娃菜，海帶係底！條魚有好多肉，大大啖，仲要食極都有，2-3人share一條差唔多。至於味道方面，啱啱好，好好食，特別係去到之後啲蔬菜吸收啲汁，十分好食🤩除咗烤魚其他串燒都超好食，特別係燒茄子。千祈唔好覺得佢好普通，佢係相當之大條，而且燒得好有味，唔會太油，又可以帶到個種蒜香茄子味道。其他串燒都好好食，而且有兩個醬汁俾你揀！飲品方面可以揀呢個水果茶，其實佢菜單裏面嘅飲品全部都係一jar，大概有四五杯，食烤魚配水果茶簡直絕配！…查看更多

今日尼到呢間位於上海街既蘇媽，環境有特色，同普通嘅餐廳好唔同。食物方面，叫左喇沙、咖央多土、炸香蕉同飲奶茶。喇沙味道唔同泰國既，佢係偏酸同辣，但好有味道。咖史多士冇牛油，同斑斕醬，唔會太甜，特色之選❤️而炸香蕉，佢係用春卷皮包住香蕉，再炸，仲會有雪糕🍦配搭，一凍一熱，好滿足🥰奶茶方面，feel到茶底濃郁，唔會好似普通奶茶咁甜，好好飲！所以我下次一定再過嚟食，有個叫做老鼠粉好想試，期待下次！…查看更多

今日去咗大埔食晚餐☺️首先，呢度環境好好，地方都寬敞。服務好好，一入到去，服務員好有禮貌，幫我哋安排座位。晚餐方面，我哋叫咗❤️牛油果蟹子蟹肉沙律。呢個，如果牛油果控既你真係必嗌，佢牛油果會blend好，所以口感好smooth，配埋蟹籽同蟹肉好新鮮。❤️小食拼盤（小），好扺食，春卷裏面好豐富，蔗蝦係喺拼盤之中最好食。如果兩個人叫嘅話就啱啱好。❤️生菜包，呢個跟一個優惠set，會跟一杯大啤酒，杯啤酒都幾大下。肉碎方面，好香，唔會太濕，而且辣度都適中，蔬菜方面都俾得好多🤤所以夾埋一齊食好好食😋❤️青咖喱雞。如果食到辣嘅話，可以嗌呢個，佢辣到同埋咖喱味好balance，雞嫩口。可以追加薄餅/蒜蓉包。蒜蓉包好好食！佢係焗番熱俾你，好脆口，有蒜蓉係中間，好有誠意！總括嚟講，呢間泰國菜有水準，黎到大埔必食～…查看更多

如果講抵食又好味黎講，呢間真係冇得頂。飯方面唔會太肥，啲雞都好嫩，而且好多肉，仲有佢秘製醬汁❣️飲品方便都有好多俾你揀，最鍾意飲嘅係佢龍眼冰，唔會太甜可以解油膩，亦都可以試埋佢嘅金邊粉，雖然有少少濃，但都係好好食嘅❤️…查看更多

我一直都有食開呢間既，如果食夜晚會比較貴。午餐嘅話呢會比較平，有好多定食同餐比你選擇，每個餐都會有麵豉湯，蒸蛋同甜品跟。食材方面非常新鮮，好有鮮味，環境十分好，有bar枱可以直接對住師傅，別有一番風味🥰❣️…查看更多

呢間係我一直食開嘅食堂，佢每日都有唔同嘅餸菜俾你揀，值得一試嘅係佢哋嘅雞，好嫩口。至於佢抵食嘅地方就係只要嗌一個餸，就會有湯飯同埋甜品送，服務態度都好好。食物質素唔錯，平均一個餸75蚊左右，如果加埋飲品都係咁$6，十分之飽肚❤️…查看更多

呢間我由細食到大，佢嘅魚蛋魚皮全部都係自己做，湯底方面都唔係落味精。呢個魚蛋粉清得來又有味道，如果你揀唔到要咩面底，不妨嗌佢個鴛鴦，加魚皮，服務態度方面就見仁見智，係比較有人情味嘅❣️…查看更多