Susuu的個人專頁

朋友請食飯，一於唔客氣去銀河新開既”蠔吧扒房”開飯。8點入座，因為無BOOK枱，得番吧枱可以坐，店仔細細，得20個食客左右，但職員開蠔都開到無停手，睇黎都好好生意下。講明蠔吧，一坐低就ORDER半打生蠔試試先，生蠔價錢由$18-$58不等，醬汁選擇有8種咁多，可惜半打只能試兩種醬，我地先試最平既$18生蠔($18X6=$108)，配蕃茄醬同紅洋蔥紫蘇沙沙汁，睇住職員即開即捧過黎，零舍新鮮。D蠔洗得好乾淨，海水味唔算重，入口兩啖就SIR落肚，淡淡蠔味而且冰凍新鮮，配沙沙汁同檸檬汁，酸味更能帶出蠔既鮮味，正到爆，話哂都五星級酒店，$18蚊黎講真係好抵食。點左杯grand marnier(橙酒)$40黎配生蠔，甜酒加生蠔衝擊味蕾既感覺真係堅正！面包係送既，好鬆脆，就算係個皮都唔會太硬，送湯一流。因為肚餓，食左兩塊先記得影相。橡果飼伊比利亞黑毛豬燒烤及鷹嘴豆燴葡萄牙辣香腸$388大大盆肉，岩哂食肉獸。可惜煎得太熟，食落好硬同無乜肉汁，可能因為怕生豬肉所以過左火，失望。醬汁酸酸地，幾開胃，有幾粒新鮮車厘茄，不過D香腸就超硬同埋唔覺得辣。薯條$38上碟熱辣辣，為食到爆炸既我差D辣親口，不過食落就好失望，因為外脆但內不軟，油溫控制得唔係咁好，而薯條本身亦都唔夠甜同唔夠粉。Gillardeau No3 $232最後試全店最貴既生蠔，$58一隻，Gillardeau，點左4隻，今次配香醋汁同GIN汁。今次呢隻生蠔除左鮮甜之外仲無渣，一啖吞落去成口都係鮮甜蠔味，滿足到爆炸。另一隻加哂兩隻汁落去，鮮蠔味之餘仲有醋味同GIN汁味，食落更有層次。服務方面，店員好有禮貌，換碟快，上菜移位都好細心。但Training就唔係好夠，我地兩個人食飯，傾緊計，正常都唔會在兩個人中間換碟，而係側邊換碟，但偏偏呢間就…可能新店關係掛，處理得未夠成熟。總結生蠔新鮮乾淨，勁多醬汁選擇，必食（強烈建議配酒食）熱盆麻麻地，有待改善飲品價錢相宜，橙酒$40，Perrier礦泉水$35，香港五星級酒店好少做到咁平另外，留意店內的MENU同官網係唔同，無得食粉紅生蠔，可惜可惜。…查看更多

今日荃灣搵食，為免晚市排大隊，5點左右就開始搵餐廳。經過魚米家見到坐到爆哂，仲見到個牌扁”香港第一魚湯米線”，好似好勁咁，於是5:45衝入去試，2個人，唔洗等位，正！茶餐宵夜餐，30幾蚊有好多選擇。我地揀左咖喱牛腩撈米線同咖喱雞扒撈公，加生菜同豆腐。咖喱牛腩雖然偏細粒，但份量都好合理，又無乜肥肉，細細舊方便食。至於米線就真係比普通餐廳軟滑好多，入口咬兩下就sir左落喉嚨，超好食！食左幾啖就已經後悔無叫魚湯米線，下次一次要再黎食。油菜只係加5蚊，但比想像中大碟，煮到岩岩好而且都好新鮮，讚！芒果乳酪係用芒果糖漿沖出黎，糖漿份量都幾多，酸酸甜甜，不錯！…查看更多

去馬灣HEA行，中午時間經過呢間小店，見價錢都好合理，未到12點半已經FULL FULL地，於是一試。一睇MENU，所有菜式都圖文並茂，好多選擇，中英兼備，小店MENU黎講都好認真下。睇左好耐，最後都係點番門口推介既”秘制豬手米線轉薯粉($40)，同埋腩肉牛肉米線($44)。豬手不愧係推介美食，炆到好淋好入味，腐乳味適中，啖啖豬皮勁多COLLAGEN，配左好多芽菜，至於薯粉就好彈牙，而且份量超多（正常茶記既1.5倍），食完飽足一個下午。本來想試埋土匪雞翼，好彩無點咋，唔係實食唔哂。加左罐加多寶(+$8)，大熱天時飲罐涼茶下火。…查看更多

澳門平民海鮮，不得不提聚龍軒，碼頭落船坐3號巴士，半個鐘左右就到。今次同澳門朋友去食阿拉斯加蟹套餐，套餐優惠期有限，要食快手。我之前同朋友去聚龍軒單點海鮮，阿拉斯加蟹每斤160左右，加埋蟶子王、象拔蚌、龍蝦等等，$4XX埋單。今次一見有套餐就即刻BOOK，我地提前兩星期訂枱，10人席$2388，我地加3人(+$600) ，埋單每位$253。菜式方面，主打阿拉斯加蟹，用黎整芝士伊面，10人席有5斤蟹，我地13人，目測起碼有6斤，無呃秤，抵讚！蟹腳好粗，食落啖啖肉，每人都食到幾件。用蟹剪剪開黎食，美食當前，咩儀態都唔理了。雞煲翅，翅比想像中多同粗身，雞味濃，可惜唔係好膠。平時黎聚龍軒食海鮮多，第一次黎食翅，平均每人都有碗半（貪心的我食左3大碗！）清蒸大海斑，澳門海魚點都比唔上香港，肉質軟D同無咁魚味，海水味唔係好夠，但都算新鮮同大條。最後不得不讚蟹膏蒸滑蛋（阿拉斯加蟹兩食），講真，蟹膏唔算好多，但都有啖啖膏味，蛋真係蒸得好滑好滑，一食落口就直接SIR落肚，可以食一大碗白飯。其他菜式不逐一介紹了，自己睇相：平民價錢食到咁多海鮮，真心正，好耐未試過食得咁滿足，食剩好多菜，打包拎走唔好浪費。…查看更多

好耐無食澳門水蟹粥了，今次去呢間小店，雖然佢出名係水蟹粥，但反而覺得最好味既唔係水蟹粥而係蠔餅。店仔細細，店員好忙但態度都唔錯。一哥水蟹粥最出名既水蟹粥，粥底軟綿綿，但只有啖啖蟹味，一試無妨。蠔餅煎到金黃色岩岩好，好香蛋味，食落好蛋嫩又唔怕太生，蠔仔比較細隻，但相對價錢，蠔既份量都算多。牛腸用滑牛黎整，所以牛同腸粉都好滑，牛味唔算特別重。個人鍾意食布拉腸多Ｄ。豉椒炒蜆偏鹹，唔算特別鮮味，但都值得一試。…查看更多

星期日去一田SHOPPING，因為裝修，好多店都無左，有DD失望。揀左E間牛肉放題DINNER，6點半入座唔洗等，鴛鴦湯底又唔洗加錢，正！揀左特選牛（ ＄178），一入坐，店員已經搬三碟靚牛（見圖）+一碟豚肉上枱，切到好薄，一滾就熟，外面有任食蔬菜肉類，仲有汽水、檸茶、熱茶同軟雪糕。我地兩個人，食完三碟再三碟，三碟再三碟，出菜超快，轉頭就有，絶無黑面，重點係碟碟都係靚牛，抵讚！（有D店越出越差，但佢一直KEEP住靚牛肉）一個鐘已經食到好飽，最終食左15-17碟牛，滿足到爆炸。最後半個鐘食雪糕傾計都幾正。…查看更多

星期日去西貢，LUNCH時間都有下午茶供應，真係平靚正醫肚之選。我地揹住個大背包，阿姐特登吉張枱出黎比我地擺野，認真抵讚，市區既餐廳根本無可能咁好！揀左雞脾餐(雞脾+沙律/薯條+餐飲$33，凍飲特飲另外加錢），薯條炸到金黃色，火喉岩岩好，外脆內軟熱辣辣，偷食一條已經好邪惡；沙律都幾新鮮，大大粒，如果少D醬會更好；至於雞脾，又係炸到熱辣辣，岩岩好熟所以特別嫩滑，如果無咁咸就更正了。食飽飽再行街，大滿足。…查看更多

行街行到攰，等戲院開場，見呢間餐廳無乜人，裝修又靚靚地咁，於是走入去求其速食醫肚。下午茶時間，入面得6,7枱食客，但就得一個待應，又上菜又落單咁，等左好耐佢先行過黎。揀左個壽司飯定食$36，魚生自選既，揀左赤貝+左口魚裙邊。碗飯都幾大，相對D急凍魚生又細又薄，配平價WASABI同豉油，爭鮮D細細包WASABI都好食過佢，D飯又乾爭爭咁。其實本身入去既時候已經無乜期望，但食左兩啖，真心覺得走入去超市買盒壽司食好過。都算，沙律醬勁咸，真係估佢唔到，只好掃開D沙律醬黎食。無下次……查看更多

同朋友去荔枝角工廈食生日飯，食品選擇不多，基本上都係一碟一碟咁上菜，邊食邊傾：煙三文魚沙律份量偏小，兩塊煙三文魚配新鮮蔬菜。炸魚薯條炸魚薯條炸到金黃色，感覺都健康D，份量雖然比較小，但薯條大條同飽滿，而且魚肉炸到岩岩好，外脆內軟，配沙律醬同茄汁，味道不錯。吉列蠔粉漿勁厚，蠔好細隻，唔算新鮮，不值一試。越式豬肉春卷春卷色澤偏黃，豬肉份量少，只食到春卷皮味。澳洲肉眼扒點左半生熟，但煮到全熟，肉質好靱似食像筋，不值。大蝦意大利飯飯既份量又係好少，三四啖食哂，但飯質地不錯，煙靱彈牙，而且好入味，可惜隻蝦得個”大”字，又靱又無味。八爪魚長通粉長通粉太乾太硬，無乜味，煮過既八爪魚太老，呢個配搭真係好古怪，呢個菜完全失敗。（份量又係好少）食到9:45，枱面D 野都未食完，店員走埋黎同我地講話收十點，叫我地快D食。得果15分鐘，相又未影，甜品又未上，就叫交枱，真係唔明點解唔早D講，佢D菜又上得慢，根本唔夠時間。但又唔想阻人收工，只好快手快腳食，甜品打包出去門口食算了。打開甜品，見佢地只係將D甜品倒落個紙杯度，勁肉酸。味道麻麻，好似飲奶咁。整體份量細，工廈黎講實在偏貴。之前去過兩個月澳洲，都未食過咁難食既澳洲菜。…查看更多

星期日中午同朋友去旺角食放題，無訂位，12點WALK IN有位，正！開放式廚房，感覺上應該乾淨D。食物方面，第一盤魚生整整齊齊大大舊亦好新鮮，唔錯！朋友鍾意食飯，點左好多壽司，我只係試左鰻魚同火灸胡麻三文魚壽司，兩件都唔錯！黃金焗蠔雖然唔算大隻，芝士味唔重，但焗得幾香，估唔到放題都有得食，而且店家唔”姑寒”，唔會炸炸帝漏單或者好慢先上菜，我食左三隻，滿足！但芝士大蝦金龍船就普普通通，D蝦焗得太韌而且唔入味，浪費左。第二盤壽司，有砌得好求其。甜品選擇都幾多，除左雪糕、大福、焦糖菠蘿同泡芙，仲有富士蘋果一口大福同荔技糯米磁，值得留肚食多幾件！至於櫻花水信玄餅，賣相唔錯，味道清淡，唔食甜品既人都可以一試！ …查看更多

星期六打邊邊，訂定位是常識吧，我地一行五人訂左位，六點半入去即刻有位坐，入坐無耐就拎醬比我地揀，基本野都有。第一ROUND點左好多海鮮肥牛，10分鐘上菜，都算快，但例牌係上左D丸丸菜菜先啦，上左一大堆，等多10分鐘左右先上肥牛，肥瘦均勻，質素唔差，好味！但得果幾片，一分鐘無哂，唯有再加單，再等多大約20分鐘先再出肥牛，之後只好不斷話加肥牛，唉，加一次單只係食到一片，勁唔夠喉，最後點左四碟，一人4, 5片肥牛咁大把囉！D蝦同蟶子就等左大半個鐘先出，食完加單，等大半個鐘都未有，似係漏單，只好再叫過，無奈～D蝦係新鮮蝦，蟶子無沙又新鮮，唔錯！但D蝦同蟶子每人只係食左兩隻囉，咁叫任食？唉！一分錢一分貨！聽講E間野服務態度麻麻，所以都無乜期望，貪佢2.5小時任食，無咁趕。服務都唔算太差，但上菜太太太太慢，無心比人任食，就唔好做任食啦！…查看更多

下晝四五點，一個人在觀塘等朋友，諗住入東廣坐下，見到E間COFFEE SHOP細細間，佈置精美，於是啡一啡。店內只有兩個埋緊單既客人，佢地走左我就包場了。下午茶時間，見D TEA SET都幾抵，點左個G餐”意式芝士菠菜雲吞配鮮茄醬”＋"玫塊咖啡”（$ 54+＄18）。等左一陣就上台了，玫塊咖啡真係拉花拉左朵玫瑰出黎，高手！仲放左D玫瑰碎，聞落好香玫瑰味，入口細滑，玫瑰香甜配合咖啡苦澀，係多數女生喜歡的口味。意式雲吞，水牛芝士味略嫌蓋過了菠菜味，配上微酸既鮮茄醬，相對無咁饇，但如果菠菜比例再多D，會比較迎合香港人口味。至於綠茶多士，多士烘得唔夠脆，而綠茶味亦唔算好突出，僅屬普通之作。…查看更多

朋友要OT，夜晚9點先搵食，餐廳選擇少好多。於是試左附近呢間新開既餐廳。因為呢間餐廳裝修都幾靚，睇佢門面都幾驚貴唔係好敢入，睇MENU都OK，普通西餐價錢。餐具精美餐前酒：微酸，夠凍，都算易入口餐包：因為好肚餓既關係，D餐包一上就掃哂，當中最好味既係中間個香蔥蒜包，軟綿綿，好香好好味36個月西班牙伊比利亞火腿：食落甘香，無乜羶味。白酒香茜蒜片炒蜆 ：炒蜆好惹味，白酒味濃，好多汁，西餐黎講都算大隻。扒黄鰭吞拿魚伴薯蓉,配黑醋汁：吞拿魚扒好硬，都係魚生好食D；薯蓉軟綿綿，超好食。即磨咖啡： 好香濃，關落己經好香咖啡香味，飲落苦澀香濃，唔錯！ …查看更多

位於澳門關閘口岸既全球居茶餐廳 ，步行五分鐘就可以過關去珠海。食店特別多，好多過關／岩岩到澳門既人都在此醫肚。今次黎點左個西洋焗海鮮飯（＄37）加咸檸蜜（＄10）。個飯等左大約15分鐘，滿心期待，個賣相都唔錯，但食落，個飯完全無芝士味（感覺好似己經番左大陸咁），海鮮明顯係急凍個D海鮮，以蟹柳，凍蝦為主，無乜味，個飯係炒飯底，比較淋，整體都係普普通通。至於咸檸蜜，係用甜漿開出黎，好酸，加左D水先飲到，唔怪之10蚊咁平。呢個價錢真係唔能夠要求太多，醫肚算。…查看更多

位於白鴿巢附近既沙欄仔, 有兩間出名既地道火鍋店, 文哥就係其中一間出名海鮮煲, 見圖, 大大個海鮮煲有鮑魚, 沙白, 蝦, 蟹, 蜆, 青口等海鮮, 再加其他簡單配菜, 賣$380, 我地單點左其他配菜, 生蠔, 肥牛, 炸墨魚丸, 珊瑚桂花蚌刺身(勁新鮮), 六個人, 食飽飽, 埋單每人都係$120, 好味又抵食!生蠔，大大隻，幾新鮮下，大家都爭住食珊瑚蚌＋桂花蚌刺身，點WASABI食，勁新鮮，珊瑚蚌彈牙爽口，桂花蚌夠爽滑，用冰鎮住凍冰冰，打邊爐食一流！小店既炸墨魚丸真係唔會差得去邊，新鮮滾熱辣，外面米通脆卜卜，墨魚丸勁彈牙。MENU：平民價錢…查看更多