小海軍的個人專頁

店舖註明係 米芝蓮推介10隻 HKD 72 包括幾下東西：5隻白菜肉煎餃5隻韮菜肉煎餃辣椒醬生蒜蓉醋外賣盒筷子食後感： 餡多，皮可以，勁多味精。口喝，口鞋，喉確。飲左好幾杯水，3個幾鍾都未退。唔明點解有呢個推介。唔會再幫襯。完。…查看更多

好懷念10年前嘅味道。以前嘅湯底好清好有薑味豬潤味，一上枱就飲咗一半，食完整碗麵個湯已飲了9成。雖然現在豬潤都仲keep到以前老闆嘅質素，但湯底飲兩，三啖就會停，食完成碗麵都會乘好多湯，食完個湯米後個喉嚨感覺唔舒服，個湯底咁深色及味道感覺似加入了豉油，偏咸，一路食一路唔開心，仲想停下來就完。食湯粉麵湯底好重要。現在感覺無咗靈魂。好掛住以前老闆打理食店時嘅豬潤“湯”米。還有加蛋，以前隻蛋係煎蛋個蛋黃係熟嘅兩面係有少少濃嘅，今時今日加蛋個黃半熟兩邊都唔濃。真係唔同哂。係幾年前去都發現唔同咗，但今次比機會再試，可惜食物味道都無咩改變，我諗暫時都唔會再去喇。…查看更多

記起我今次係佢哋開業第5次幫襯。初開業第一，二次食過個包都係脆脆地，應該有焗過或煎過底和面，個包係甜包煎吓無咁膩無咁軟，漢堡內的餡料，如牛肉，味道比較適中，食時整體幾好食，唔會濕濕的，或太咸。當第三次去幫襯發現個包已經唔脆無煎過，食到個包連手都濕哂，整個漢堡包散哂，個肉又勁咸，講過話唔再幫襯。點知都係要比機會嘅。事隔很久去第四次和今次第五次食印象都係感覺比初開業太大落差，應該暫時會係最後一次幫襯。新產品芝士牛漢堡，不止勁咸，牛肉碎哂嘅，包又無煎咪軟冧冧爛哂囉。牛油果煙肉炸雞包，個炸粉勁咸，雞胸有醃嘅，煙肉仲有豬怪味，包無煎過連埋個醬令到個包濕哂散哂，個包甜嘅軟包，又唔煎就會感到膩和太軟而引至個包爛哂都好自然嘅事。一個牛芝漢堡，薯條，大可樂，一個牛油果煙肉炸雞漢堡，價值港幣193。真係唔值。個餐送雪糕。我哋係在門市用手機落單自取去公園食嘅。店舖無提供工具最後為有用飲管食雪糕，也無提供紙巾。…查看更多

上次經過還有紅紙蓋招牌，有6人左右等，未知咩食店，兩日後見電視介紹爆汁生煎包，店又近，去試吓。星期一好多長者排隊等位，天氣熱又曬，等咗約45分鍾，好多長者等，好彩有4張櫈坐，食店無限時真係好，令食客消化系統都好d。生煎包的底部脆真係好吸引人食，包內湯汁真係好多又熱，食時小心燙傷舌頭喔，包內的肉味不太濃 （佢好似話用本地豬，可能呢個原因所以無豬臭味），整體係唔錯。對我來說這是應有做食市的態度。讚～12粒小雲吞，內饀的肉應該與生煎包相同，瘦肉較多，雲吞皮都滑，個雞湯好濃雞味，本人感覺有點騷味不太習慣，但湯面真係太厚油，他們可能太忙吧。朋友食個炸醬拌麵，佢話咸咗d，但整體佢話係好食，佢都食咗4個生煎包都話好食哦。可能需節省成本和回枱要快，加上地方較窄，所以食店選用即棄餐具，不過真係對地球環境唔係太好。大家出門口或入門口記得順手關門喔～別讓冷氣逃之夭夭喔～要有心理準備，大圍店比較窄。服務方面還有空間改善。等外賣都要等40分鍾。客多便有收入，服務好客人便會回來。三大食店必備：品質，價格，服務餐S3 HKD54 鮮雞湯小雲吞12粒+兩隻生煎包 跟餐 +8元 coke炸醬拌麵HKD34 四隻生煎包HKD30一罐可樂HKD10。…查看更多

2021年11月25日出過一份食評。今次又再出。兩份食評之間我都幫襯過兩，三次。再去幫襯原因係因為佢哋肯改變。之前話佢啲嘢食唔夠熱。 再比機會佢果然有驚喜。而家啲嘢食熱辣辣特別個湯底。食物熱辣辣就令到味道很突出。佢哋嘅味道真係唔錯㗎。鹽味拉麵: 叉燒係肥咗d，好彩個湯夠熱辣辣。但叉燒都係瘦少少會好d喔。隻蛋唔錯，好軟喔。醬油拉麵: 勁熱嘅湯，好幸福。叉燒都係肥咗少少。雞蛋好入味。熱辣辣餃子，煎得脆脆的，好味道喔。以上總數成為 345元。10月21日前嗰次係食以下食物，10月7日。都係熱辣辣 醬油拉麵。證明佢真係好味啦，成日都叫呢款。熱辣辣脆皮銀雪魚定食， 忘記價錢。呢個好熱又脆又滑。影遲咗。看他的員工工作時很有壓力。希望公司都能明白對他們好一點，體諒多一點，相信他會便自然為公司努力。公司文化培養得好真係唔容易，但是重要的。…查看更多

新店試吓先。等得都有點耐，新店應該係會咁。吧檯位置抽氣不足，有油煙味，食兩食就感覺飽， 仲有烏蠅飛嚟飛去。準備食物位置與客人好近感覺有點不衛生。天婦羅蔬菜反而好食感覺清新，可能由於空間油器味影響。裝嘢食個盤有防滑設計，好細心。坐吧檯就見到兩個金波，原來係炸野時防止弄到客人。忘記影沖繩苦瓜天婦羅，最好食係佢，好清新。黎到先知天婦羅下面有個白飯，好大食咁，但其實份量唔多。 上菜較吸引，其實都普普通通。新店幫襯有野送，手巾仔，但張貼紙貼手巾仔爛咗。好飲呢個牌子。呢個地點開店價格自然高了點。味道來說有點差距。…查看更多

圍板相片勁吸引，終於開業喇！整體味道唔錯㗎！由入門口服務講起。記得自己在門口按掣攞飛。叫枱號個喇叭超大聲。 門口叫飛個中肥姐姐把聲都好大聲。 其實個商場好細，樓頂唔高，咁就嘈史人，似等枱飲茶情況。有枱時，門口職員無比個QR Code我哋， 只畀咗兩個餐牌我哋自己攞住，有人帶你入坐，我哋找人寫單囉，才知道佢哋miss咗個QR Code比我哋自助點餐。2人位比較窄，又無餐具，唯有找職員幫手，點知全場最年長個嬸嬸職員指住話: 隔離枱有。（佢講呢4個字同時出手一指，就插落我個前額處，好彩我無被指甲插傷 (佢唔駛咁衝動嘅)。而佢呢4個字意思，即是要我地自己起身，伸隻手跨過塊膠板係人哋食緊野嘅中間囉餐具? 唔係卦?）我哋當然無咁做，最後佢幫我哋攞咗，仲好懶惰係我左手邊位置叫道: 唔該，唔該 。（原來我無奈貼住膠板坐係阻住佢放餐具，鬼叫個位咁窄咩。真係認唔住出聲: 其實我右邊係上菜位囉🙄！)。 另一個問題，收集用具餐車非常近我，係有點驚嘅，避免回彈用具或餸汁嘛，留意到大部分女職員都好細力放野入去，只有年長嬸嬸和少年男職員比較大力。（示意圖如下）。大部份女職員都好有禮貌，又細細聲，又有先知會客人，希望佢哋嘅服務態度可以keep到。我哋食完都一陣子，收餐具都係好正常事，又係個年長嬸嬸出場粗聲問: 要唔要? (我哋未有即時回應) 佢就不耐煩話: 唔要就收咗佢，所以問你哋仲要唔要囉！ (真係咩態度? 佢有時唔出聲就伸隻手入黎收野，其實點解唔先知會食客?）我諗呢位嬸嬸真係要好好培訓下咩叫服務。講野食:麻辣鴨腎 : 有麻味，但無咩辣味，仲好硬。應該煮得未夠淋。整體尚可。車仔麵形式點餸，d丸就真係麻麻，應該唔係自己造。而那個腐皮造得很出色，軟而入味 （讚）。整體一般呢兩杯好飲。xx烏龍茶。xx柚子茶。（忘記名）眷村懷舊排骨滷肉飯係咪少咗梅菜? 滷肉好味軟軟的，好入味，唔太咸，味道適中，可惜唔夠多用來撈飯。飯沒食哂。豬扒無淹，如果淹滷水可能好味點。埋單二百幾蚊。…查看更多

第一次來印象麻麻。碗..太細，還是麵太多? 最後麵無食哂。要附加一隻碗來放蛋和叉燒，這樣比較舒服方便。麵..較粗不太習慣，好似食緊上海麵，也有鹼水味。🙈湯底不錯，唔太咸，味道平均。👍加12元一隻半熟蛋，可惜超咸外，還有很濃烈的豉油味，自己回家造都可以。因太咸都無食哂。🙈叉燒表面有烤過的香味，可惜肥肉位置太肥，可以再出多少少油先上枱。多椰菜多芽菜，因為呢個叫野菜拉麵。蒜蓉無咩幫助。坐吧枱位沒有位置放袋。全部侍應都很年青，站在客人附近就勿太大聲說話/講笑，以免影響客人進餐。…查看更多

經常晚飯時間勁多人等位。同事曾講過佢嘅乳鴿好食。終於鼓起勇氣一試。今日晚上7點15分星期六唔多人。奇怪～😊一入去見到透明又濶嘅玻璃窗原來係廚房，望入少少見到六層左右乳鴿無遮掩放在廚房枱等上菜。即係佢哋一早造好乳鴿，客人下單了，去一翻熱便可上枱。沙田乳鴿好似有南乳味，熱辣辣。有手套供應。無香味，越食越咸，有少少火爐味。沙薑豬手沙薑考刀功? 一粒粒。整體味道較疏離。但比起其他幾樣菜，已經比較正常。蘿蔔蝴蝶酥以前食北x樓嘅蘿蔔絲酥勁正。呢間味道可以，芝麻味香，但發現牛油紙好油，又可惜一啖咬落去表面有點靱，原來條紫菜和表面酥皮叠埋左一齊就靱了。鳳梨饅頭呢個造得都幾好，外脆，內裡是鳳梨，第一次食唔太甜。小聚梅酒 200ml本身味道唔錯，食咸野再飲佢就應該舒服哂，可惜唔能夠keep住有冰。個杯應該大d再加3，4粒中型方冰就正，依家咁就太甜。臘味煲仔飯好多油，臘鴨，臘肉，麻辣潤腸勁咸。麻辣潤腸勁咸又肥又粗。加瘦臘腸以美x貨。潤腸味一般。好唔明點解食店要用呢款木架? 又無安排2人上菜。個煲勁熱要1人上菜。請問1隻手拿著托盤 另1隻手可以點樣攞佢上枱? 真的不好拿。感覺傳菜員好辛苦，易生工業意外。食店真係要檢討一下。用scan QR code 落單show嘅價錢未係最準確。等到埋單至係正確。因為小菜會有優惠。空間濶，但環境好嘈。張櫈好舒服。沙田鼎x豐的食物咸度會比較接受得多。…查看更多

呢間舖位代替之前“豚”。看外表估食物會唔平，坐位有點窄。未試過都要入去試試嘅，不可以只聽聞。坐門口位，好彩門口叫飛呀姐唔太大聲，客人來來回回就管不了。整體服務不錯。日本人上菜，真係聽不明白，也因為忘記麵名。個人喜歡熱辣辣食碗湯麵，可惜呢間店暫未能帶給我這個感覺。湯麵不夠熱，便會感覺油膩。個人腸胃敏感，吃完1小時便要緊急辦大事了。味道方面只是一般。餃子都不夠熱，饀料一般。價格和味道比較，便感覺有點貴喔。鹽味拉麵湯底可以清一點。麵感可以軟一點。餃子價錢忘記了。厚厚熱毛巾很渦心，但真的不環保。…查看更多

聽聞好味，自己要試下先得嘅～1點半出爐，我剛45分到，好彩。買了一個【極生】吐司，有奶有蛋成份的。熱辣辣的。她們替我用紙袋包好 （用紙好環保，紙設計又靚，公司logo字型好日本風）。一小時後回到家還暖暖的，竟然沒有水蒸氣影響吐司質感，讚～切開吐司，一啖咬落去，真的很軟綿綿，好像吃蛋糕似的，皮也薄薄的。讚～本人應為甜度高了點。奇怪的是，吐司剛出爐辣辣時有練奶味，但食下去時感覺不到，利害～我還刻意留起3片待第2天吃，可惜忘記吃。當第3天咬下去，這片吐司仍能保持水份，軟綿綿的感覺差了一點點，但仍能接受。原來它經過18小時低溫發酵，水份也持久，真係大師級。下次有機會可以試下果醬和牛油。製作麵包不容易，造出好味和好口感的麵包更難，造到幾天後麵包質量也能保持水準難上加難。所以Saki moto係勁嘅～HKD50 一個真心貴。…查看更多

路過幾次都唔捨得食。怕仲伏嘛，市場實在太多了?但...唔試唔知有幾好味。以下前菜是每set 必包。當我剛吃蒸蛋時便上主菜。如果可以選擇的話我想先食冷(生野)後才食熱(熟野)，因為我有腸胃敏感。蒸蛋最頂的一層有約半cm透明的東西，應該是濃湯吧? 可以再造淡一點。玉子、必滑。波菜沒泥味，讚～餐牌最貴的 lunch set [幸匠、海鮮丼] HKD358. 整體味道不錯，特別是隻蝦，好鮮甜又爽口，勁讚～海膽味道極不鮮甜外還有點怪味(不是壞了)，不想吃下去了。最肥美拖羅，入口即溶。飯不太多，真好喔～如果店舖可以介紹一下碗內是什麼類魚生便更好了。唔平嘅 [特上壽司御膳（10貫）] HKD238。朋友話呢個好味，特別是蝦，很甜很新鮮爽口，勁讚～海膽味很難接受，快想吐出來了。以上是10貫，能數出10款壽司，但對照餐牌上相片10貫和以上10貫好像有點不同。…查看更多

肚餓找食。係門口個餐牌只註明飯餐，而食物價格好貴，百幾蚊一個牛腩飯。係呢區個價格有點離地。隨後見到原來有麵食，價錢四五十蚊碗，總算合理點，去一試。入店前一刻才睇到佢哋曾攞過3年米之蓮。食物送到，第一個反應嘅係，點解牛腩只有4件? 兩件蘿蔔都合理，河粉會唔會太多? 一飲湯底，味道適中好味，飲後唔覺口喝。河粉柔軟，但太多。牛腩軟熟，每件邊緣都帶有牛脂肪，唔騷，有一件好有牛腩的脂肪香味。咖哩牛腩配河粉有點奇怪，咖哩越食越辣，牛腩軟熟，可惜食唔到牛嘅香味，仲有非常淋嘅薯仔。凍檸茶少甜，茶底味不足，下次都係走甜比較好。有個亞姐是員工，她講野好大聲，講私人野講到怒氣。本身食店環境清靜，好可惜亞姐咁樣影響食客心情。…查看更多

2018開業，第一次來幫襯。店舖位置不太明顯，有點影響。起初給他的大塊牛扒，雞扒嚇襯有點卻步，最終都係唔可以以貌取人去挑戰一下佢。午餐有7樣左右給你選擇。午餐包野飲，特飲當然要加錢啦。包野飲類別指定幾款，但都吸引，可惜無檸茶提供。橙汁係minute maid, 帶點酸。有朱古力選擇感覺好好呀。什菌意粉都唔錯，味道較濃，意粉軟硬度適中，什菌很爽口。牛扒飯或意粉，朋友話幾好食。牛扒實物都不太厚大，當初真係給相片嚇到，實際份量適中。他們將整片牛扒遮蓋整個飯或意粉是此店特色。試了一少片牛扒，有胡椒粉香味，本人不太喜歡，牛扒中心呈現粉紅色，以為會較軟熟，吃下去都有點𡁻口，肉味不太分明。無加一服務。客流量不多，可能疫情影響，真的為他們擔心。廚師不知是否老闆，他好nice, 經常留意我們有什麼需要。bar枱如果有個勾掛袋就好喇! 我很喜歡坐Bar 枱，因為可以看著廚師造菜，很好看喔。與廚師談話才了解到魚缸內隻小龍蝦好惡㗎。經過換殼小龍蝦才會長大。原來小龍蝦要餵食蝦肉，係咪一個諷刺 ? 他會唔會有一日大到要食咗佢呢？…查看更多

新食店外表簡潔，內部裝修簡單而舒適。有天然光線射入令店內感覺寫意。店內以貓，狐狸裝飾作襯托份外輕鬆活潑。安排好坐位，須自行到收銀處點餐，須付現金，後提供送餐服務。午餐價格較合理。味道平均。可再回歸回味。希望味道可以保持吧。疫情下開店真的不簡單。全日早餐價格與其他店相比較下算便宜。份量合理，味道也平均，朵花就是煙三文魚哦。冬陰功蝦焗飯，等待時間不太長，味道越來越辣㗎，唔食得辣嘅朋友要注意喔。蝦好大隻哦。味道有點帶酸味，可接受。肉醬意粉，有口感，芝士味可以多少少。朋友話底層味道較淡，但整體可取。加15蚊有38蚊以下飲品選擇。薄荷朱古力，薄荷味較濃，好味。朋友說 Mocha 咖啡朱古力味較濃，都ok呀可以下次再飲，竟然有拉花，讚。朋友說Lime Soda好大杯，味道ok呀，竟然給整個青檸，是驚喜。使用的器皿優雅!坐下來就不想起身了，太舒適。枱數量不多。祝生意興隆，keep住做落去。我哋會再光臨。…查看更多