草泥路姆西的个人专页

最近有個習慣，如果去小店又好食我都會打返個食評支持大家小店生存又到星期日想去一間Cafe chill吓，今日難得要上嚟上環，就上網搵吓邊間Cafe好上環其實好多間Cafe ，我都食過唔少其實呢間嘢嘅食物質素質素都真係幾好尤其是食佢個櫻花蝦辣油意粉其實幾惹味仲要一碟意粉加咖啡其實為起先百幾蚊我覺得性價比都幾高下All day Breakfast 整體所有嘢都好恰到好處Croffle 有少少失色所以對一個週末早餐怪嚟講，我覺得呢一間嘢我都會俾幾高分咁諗住OpenRice留個好評見大家就一面喺度投訴，服務態度差我唔知大家講緊個一男一女係咪我見嘅一男一女全程好好禮貌客人入嚟問可唔可以快少少都好有禮貌嚟講要等幾耐另外，有小朋友客人，佢都會特登問小朋友客人可唔可以加黑椒，我覺得好細心。另外個廁所香噴噴，我覺得店主好用心如果係針對pet friendly 呢件事店面係真係窄嘅，唔俾多過一隻狗入，都覺得可以體諒真係會經過踩到，咁岀面有位架麻，好多pet friendly 餐廳都係咁。…查看更多

今日有嘢喺K11做本身想去樓下食嗰間Cafe但係執咗然之後就搵到一間米坎佢喺K11入邊嘅隱世位坐得又舒服，又冇咩人好鬼驚佢有一日執笠，所以而家打食評嗰啲蛋包飯真係好出色首先，叫咗一個油鴨腿加漿果豚肉蛋包飯配呢一個蘋果燒汁(少少甜好清爽我好鍾意食)油鴨腿個皮好脆啲肉煮得好腍嘅豚肉亦都係好嫩口，佢個汁好一流另外嗌咗個lunch set牛肉蛋包飯上網見到有人投訴佢個肉好難咬但係我一入口個牛肉味勁濃又嫩可能今日餐廳冇乜人，所以佢好有心機整最緊要個蛋包好滑另外嗌咗個雞皮餃子都係好香啦，基本嘢配菜就正常發揮囉，食咗咁濃味嘅嘢淡淡地好正常啫，啲人唔好咁多要求…查看更多

我希望呢篇野老闆們睇到，令你哋之後有改善其實野食唔差，但我覺得我永遠都唔會再嚟其實你哋個廚房係極級應聲，回音勁大你哋嘅所有對話或煮食聲音，係會係成間餐廳共鳴係哄鳴今次早餐叫咗個手撕豬croffle, 牛油果大蝦sour dough, 72% mocha Total張單27x嗰手撕豬croffle 同大蝦sour dough其實算唔差，調味都幾岀色，如果喺油尖旺區Cafe食嘅croffle同sour dough 都算係中上質素選擇但mocha 就都好一般，首先第一口入去啲奶係凍嘅，然後Mocha朱古力粉完全唔融(唔知係咪故意), 但入口個口感好差朱古力味極之濃郁，但完全冇咖啡口感另外星期六朝早，想係間cafe輕鬆安靜地食個早餐特別係喺價格大約係150per head 嘅cafe 大家係希望食物及環境都舒服嘅地方用餐當日，餐廳得4,5個客廚房有6個staff ( 包括老闆 ) 不斷大聲及興奮地講野唔知係咪餐廳新開，大家好興奮可以一齊做嘢但你哋嘅高談闊論係嚴重影響客人嘅用餐感受，真係食物質素幾好都冇用當日上致你哋喺花墟買聖誕花幾多錢,你哋沖咖啡用咩奶, 甚至你哋着鞋唔着襪，好不幸地，我全部聽晒入腦，仲要餐廳無啦啦喺度洗地我唔知我究竟入咗一間餐廳食嘢定係入咗你哋嘅廚房後欄食嘢我感覺我用咗$300去買咗我一個鐘頭好難受呢個唔係我對一間餐廳用餐嘅期望希望你哋改善啦，因為我覺得你哋食物差，但係我真係唔會再嚟…查看更多

已經第N次黎魂作食已經成為附近街方必食串燒or居酒屋佢啲野食種類唔多，但基本上款款都好食同埋佢飲sake 同啤酒買一送一所以同friend過嚟食嘢都幾爽如果weekend過嚟次次食到佢夜少少成間居酒屋就好high 老闆仔好後生好笑容又好服務成日飲醉酒同佢吹水都好開心今次第一次食雞皮餃子然後俾佢隻雞皮餃子驚艶咗我一次叫咗兩碟雞皮好薄，但係又燒到啱啱好脆卜卜熱辣辣應該係我食過最好食嘅雞皮餃子最緊要係佢成間餐廳啲嘢食，其實唔算太貴所以食得好開心個人推薦 : 芝士酒盗海膽醬燒豆腐雞尾牛舌荔枝豚肉卷…查看更多

好少因為一間餐廳好食留食評，但作為大埔人都覺得呢間大排檔真係超好食，所以為咗佢可以喺悲觀環境都樂觀生存，所以我繼續可以食呢一間咁好食嘅大排檔，(🥹🥹你知而家市面上幾多收得價錢,貴嘢食,唔係特別好食淨係買名氣，呢間真係真材實料)我決定好落力咁樣幫佢寫食評。我甚至出去土瓜灣啲大排檔，我都覺得佢係好好食好多，係傳統多油多鹽，但係啲味道真係啱啱好，價錢又抵，比起出邊出晒名嗰啲土瓜灣深水埗大排檔更加好味。題外話，深水埗萬發入咗大埔，沙拉骨賣緊$150，呢間呀三真係吊打佢10倍。所以特登揸車返入嚟大埔食都好值得，另外附近都幾多停車場位時租都係$20 埋單$560仲要叫咗啤酒同埋汽水，上菜速度可以形容為光速我食到飽飽一個鐘頭仲可以攞返架車走。…查看更多

公司附近有間越南嘢成日經過，所以走咗去買外賣點知份量，少得可憐基本上食咗五啖我已經食晒個河粉仲要得兩塊牛肉(真係冇誇張，五啖食哂)$70個豬扒餐，佢話得一塊豬扒叫我哋加$10變成兩塊，結果$80個豬扒餐又唔包嘢飲蝦球粉絲$108 偏鹹好油，但份量都可接受真係搞唔掂，我仲係好肚餓🥲味道唔差嘅但係啲肉好嚡最緊要係佢嘅份量，唔可以稱之為一個午餐早餐都講唔過去題外話佢只可以收現金樓面得阿叔一個人幾識做生意, 特別係節省成本方面…查看更多

難得一至五放假，想喺深水埗搵一間Cafe想食吓深水埗有好多好餐廳，今日揀咗呢一間你入去之前就覺得個價錢已經偏貴Lunch set唔包嘢飲仲要收$86以上最後尾我哋叫咗一個全日早餐，加墨汁意大利飯全日早餐就正正常常發揮啦，蛋係炒得幾好嘅但係都係一堆極之普通睇落去亦都唔係好貴嘅材料炒埋一堆烚熟，跟住放咗喺隻碟上面然之後收咗我$130冇嘢飲，水要自己斟墨汁意大利飯軟硬度係適中嘅但係完全冇墨汁嘅香味感覺好似食緊一堆用（書法用)墨汁溝嘅意大利飯墨魚仲冇味就好似普通烚完加咗幾粒鹽放喺上面咁更加唔好同我講擺盤我就用咗$86佢食咗一個黑色嘅糊仔…查看更多

為左好人老闆同好好食嘅晚餐，我就獻上第一次食評喇。老實講，用心用靚料去做餐廳嘅人愈來愈少，希望岀一點點力，令呢啲餐廳唔係香港絕蹟。是咁的，前晚六個朋友食飯，又唔想食日本野個啲咁普通，我又記得呢到附近有間越南野就訂枱喇，原來轉左間新嘅，咁就照試！點知就一試難忘。個日我地就點左，兩個2人餐，其實份量都幾多。第一個令我驚喜就係個唔肥嘅豬肉煲，首先啲汁勁香，啲肥豬好似有幾層脂肪但一啲都唔油喎。第二個就係個生牛肉湯麵，我依家先知啲牛肉就半生熟咁食。一個字，好嫩！啲牛唔洗用牙咬！後來，老闆過黎搭嗲，放左條草落去食，搞到個湯又幾香喎。第三個，滴滴咖啡！老實講，本身唔想夜晚飲咖啡，但老闆又誠意推薦，就試下喇，點知又幾過引。首先佢個特別嘅漏斗慢慢滴啲咖啡岀黎，再混埋啲媡奶，老闆迫我地聞下，係一陣淡淡嘅香味，然後一定要加冰飲！超滑！平時咖啡熱先好飲，呢隻又奇怪喎，愈凍愈好飲。第四，手指公咁厚豬頸肉串燒。一個餐得兩串，本身以為唔夠要再加多幾串食（其實都要40蚊串），一上菜就嘩嘩聲，原來佢吉左塊扒仔岀黎，一舊肉分四舊食都仲得。仲燒到外脆肉軟。期間，我地已經聽哂老闆話喇，老闆話有私人推，餐牌冇，問我地食唔食。咁就再叫左個大蝦同貴價生牛肉。由於餐牌冇就淨係俾相，自己問老闆有冇得試喇。(個蒜好香但又唔係個隻勁濃嘅味，我地最後淨啪啲蒜）環境就好細，幾張枱咁。但野食就加哂分！溫馨提示，如果老闆話隻辣椒係甜嘅，唔好信呀。辣到傻，好彩有俾媡奶我解辣咋。6個人食，埋單約160(因為叫左碟貴牛同蝦，其實兩個二人餐就夠夠地)，可接受嘅晚餐價，但質素絕對超越呢個價錢，老闆嘅服務費都唔止。再食機會200%，支持下小店喇！…查看更多