Gelbb620的个人专页

平時都係喺荃灣活動，喺網上見到有新開嘅child cafe，當然要帶小朋友去玩。約咗平日11點左右去到，都好靜冇乜人，我地玩到1:30，都只係見到一對家庭黎，絕對唔會迫。環境方面都係乾淨，始終係新開，波波池同埋sir滑梯都係好新淨。廚房係open kitchen，可以睇到廚師喺入面煮野，配合聲音同埋香氣，令食物嘅分數可以更加提升。食物方面，咖啡係相當唔錯，推介flat white! 可以做到Silk smooth的感覺。煮餐叫咗一個意粉，因為小朋友都可以食。味道都相當唔錯。餐廳嘅職員亦都相當友善，會主動同小朋友玩。消費亦都唔貴，平日一歲以上每位 $40/hr + min order $40。我同小朋友兩個人去逗留大概兩個鐘，叫咗一個意粉一杯咖啡，總消費係330左右。其實同X樹先生消費差唔多，不過呢度就少人啲。相信下次都會再來。…查看更多

今日黎開新都會，見salted pig已經開左張就幫襯一下。新裝修好有自己嘅特色，平日都無set menu，可能off peak 3點去食。食物係ok的 叫左個蜆肉意粉，味道係不錯，可惜好多殼碎都有少少沙，可能用上新鮮蜆的壞處。整體係不錯，會再黎。…查看更多

今日去食下午茶點左一個炸脾 一個常餐常餐嘅瑞士雞翼撈天使麵，瑞士雞翼，雞翼都好juicy。陪他嘅滑蛋多士，雞蛋亦都好滑，多士都脆。係唔錯嘅。但下午茶既炸脾就真係唔得，係脆不過炸到乾哂，好似食肉渣咁。真係唔會再食。環境裝修係特別嘅，又有卡位坐都算闊落，不過食物質素真係一般。…查看更多

生日揀間廚師發板慶祝，呢間之前老公食過話幾好食質素高價錢又唔太貴。去之前兩日訂枱，冇晒吧枱，不過有獨立房，私隱度極高。壽司方面質素真係好高，全部都係好好食好新鮮，仲要配合唔同嘅茶，食壽司嘅次序，呢啲質素簡直唔可以同一般壽司店比較。有味道比較淡嘅壽司，好似池魚、金木鯛等，再度吞拿魚拖羅、鰻魚等，每樣都會照顧周到。我最鍾意嘅就係有柚子味嘅魚，同埋昆布海膽都係好正嘅。壽司飯已經調左未亦都落芥辣啦，所以乜嘢都唔使點就咁食就可以啦。服務方面都係一流嘅，會觀察你食嘢嘅速度去為你服務，走嘅時候師傅仲會出嚟送你。價錢方面又唔太貴$680餐都食得飽，可以每隔幾個月都嚟一次。…查看更多

又有一日去到九龍站，餐廳嘅價格相對比較高，所以搵呢一間餐廳，價錢相對比較優惠。每一次去西餐廳，都會叫all day breakfast。其實食呢啲都唔會難食，所以都正常。反正杯咖啡就堅正。…查看更多

有同事介紹呢間日式放題有優惠又高質，搵個平日晚上試了試。點了最高質的放題，牛肉黎到真係幾靚，有入口即溶既感覺。其他配料方法就反而比較小，麻麻地。環境夠大坐都舒服。…查看更多

呢間星期六都有午市套餐，算係最抵食。如果要一個湯麵加一份小食都似係幾十蚊，份小食仲要係正常份量唔係偏小的。朋友叫咗個擔擔麵感覺一般過得去，反而嫩雞湯面就好好食，又夠肉又夠菜。小食方面抄手都係不錯的選擇，但個人喜歡雞絲粉皮又香濃的麻醬亦是不錯。…查看更多

每次要一個人食飯，都會選擇譚仔。一你係方便快捷，二來都多人一個人食冇咁尷尬。每次食都係會叫麻辣五少竹笙豬膶竹笙豬膶，其實不嬲都食開。不過唔知點解近排好似辣左咁，咁唔知係咪轉左師傅。…查看更多

平日有得去九龍城食午餐，當然要食泰國菜。有午餐優惠叫粉面有冬陰公湯送，仲要有甜品送。份量都大碟，飲埋湯食埋甜品其實都食唔晒，都真係幾抵食。今次要泰式炒粉，比起平時的酸，不過都算係唔錯抵食。…查看更多

去完睇醫生，貪方便就喺海港城覓食。見到有午餐優惠就入去試吓，價錢都比較貴套餐又唔係特別大份，食完都唔係好飽。海南雞無乜特別，唔係好滑，不過都尚算接受。特別之處係佢可以轉粉，薯粉比較煙un，唔錯。…查看更多

好多人都會去三聖邨食海鮮，貪佢新鮮抵食。上次去左海鮮檔旁邊嘅大酒樓，覺得麻麻地，味道一般。今次母親節去呢度好有驚喜，同事推介了叫我試呢間。嘢食真係幾好食都係推介米粉底，有鮮味好好食。因為母親節嘅關係佢分咗兩個時段，我哋六點就去到，可能比較早所以冇乜人。好驚喜地職員一位母親都送上康乃馨，餐廳真係又好食又有良心啦。下次去三聖一定會再幫襯！…查看更多

餐廳我差唔多每個星期嘅週末都會去午餐，今日放假經過見到原來平日係差唔多$30。服務態度就一般般，啲人好似好忙咁冇乜笑容。食物方面我會推介烤雞，因為真係滑，就算雞胸都唔會乾。…查看更多

荳子餐廳一向都好好評，今日親身試過都過就知道了。裝修風格是舒適最似係屋企嘅感覺，服務態度都好好。焦糖香蕉都做得好好，有脆糖的效果。滑蛋都香滑，配啲忌廉都好好食。係價錢比較貴，不過質素好。…查看更多

去到機場入左境，如果唔入lounge ，想喺出面求其食少少野，都可以去下。本身池記都出名貴，但考量到出差要成個星期先番，就想食個雲吞麵。麵係爽既，雲吞都大粒，但價錢略高。…查看更多

本身打算食第二間，不過見太多人又好似好耐無飲茶所以都係揀咗呢度。環境都比較狹窄坐得唔舒服，點心質素都係一半半，相對比較多遊客可能都係慕名而來。比較好嘅係菠蘿叉燒包都可以一試。…查看更多