BigShanShan的个人专页

Weekend日子想食好啲，順便去山頂行下，一早book了呢間餐廳。入到去餐廳好大好寬敞，座位之間都隔好遠先上前菜餐包同埋sparkling water, 餐湯都好飲 都重南瓜味而且唔稀。之後上左青口同埋沙律。個青口好好食，而且都大隻又juicy,我中意咁樣熟食多過生食青口！好入味啲汁～ 沙律份量也不少，去度呢度有少少飽喇哈哈！主菜 蟹肉忌廉菠菜意大利粉對我黎講岩岩好份量，對男仔就未必夠～ 蟹肉有啲少，如果可以多啲就好了～ 另外份m5和牛西冷叫左5成熟，肉質都鬆軟，可以一試 不過要加錢的～最後食埋個薯條就真係超級飽。weekend 空閑 就對自己好啲吧 ，很滿足的一個下晝…查看更多

今日同同事食飯，呢間餐廳我第二次食了，食物質素依舊好食 沒有下降。今次嗌左個香煎白䲞魚配日式麵豉汁，上次嗌左個意粉，今次仲好食啲呢！本身set lunch包左餐湯，一個餐包同餐飲。果日餐湯係蕃茄忌廉湯，一啲都唔稀，仲幾Kip，好中意 之後等左大約15分鐘，main course 條魚上菜喇！估唔到有兩塊，而且又唔細塊，所以一定夠食！伴菜又有薯仔粒，煎得好好食😋 反而 睇返menu先知係麵豉汁，我都食唔卡添😹…查看更多

首先講明我不太喜好台灣食物，所以是有保留的。但男朋友今晚突然開聲話想食，我就委屈地陪佢食呢餐吧🥲先不說食物，環境真係好鬼迫。我明白餐廳想做多啲生意…但真係迫到一張長枱坐8個人🙄只用3塊圍板隔住，隔離講咩我都聽到哂，自己講野又要就住就住，完全沒有空間🫠由於我不太好台灣野，為左揀自選餸麵最穩陣吧。嗌左3餸 （墨丸 貢丸 油墨菜）+王子麵。 老實說 叫我食多幾多次我都不太懂得欣賞個湯底，而且王子麵份量少得好可憐⋯男友嗌左呢個肉碎飯反而有驚喜地好食，甚至比我個麵更好！我哋仲嗌左炸雞，蛋餅同糖水。炸雞好熱幾好食，蛋餅就無乜味好啖… 雖然我不太中意台灣食物，但偶爾一兩餐也可以去的…查看更多

星期六無乜特別野做，想搵一間餐廳優閑咁坐。呢間餐廳bookmark左一段日子，今日決定去呢度！ 入到餐廳 環境非常之寬敞，而且仲有室外Area,見室外空間都大，寵物友善餐廳，打卡亦唔錯！餐廳用qr code落單。食物比想像中出菜快好多！個薯條份量不少，不過之前睇圖係有波浪形薯條，如果係波浪形我仲中意～ 我嗌左一杯凍朱古力，味道不算太甜 中規中矩，我個人中意甜啲。。 男友點了杯mocha,佢comment都係中規中矩！之後就上一道main course 牛肉肉醬意粉。原本以為只係普通一碟肉醬意粉，但食落去條脷有陣麻味。唔太識形容 好得意種感覺！我一向不吃辣，呢個絕對不是辣，個醬汁果種麻味好得意未試過嘅人我覺得都值得一試嘅！…查看更多

呢間餐廳喺大角咀開了好耐，一直都是佢捧場客，以前返工成日食。即使現在工已轉，屋已搬，我都依舊經常特登去食，阻唔到我對佢嘅喜愛 滑雞麵係我每次都會點的一道餸。以前會叫米線，最近轉了幼麵發覺仲好食 好配搭同雞肉 我weak不能吃辣所以就清湯。 個湯底雖然係清湯，但一啲都唔會啖。雞肉亦很爽滑👍🏿👍🏿另外，佢個雞翼係必嗌！即叫即炸 非常香脆可口，有時我哋仲會嗌兩碟添😆 土豆絲對我黎講會有啲飽，同埋要嗌少少辣先會好食啊…查看更多

話說果日有活動喺西九龍。唔係成日行黎呢頭，果日完左活動就同男朋友一齊喺附近搵餐廳。因為之後無節目，所以都想搵一間寫意咁食野 傾下計。呢間餐廳裝修外形就係賣chill,岩哂！嗌左個set lunch有湯包埋，老實說個湯就一般不太濃。我個人就中意濃味磨菇湯。食All day breakfast 就最岩呢啲咁寫意嘅氛圍下享受。個大啡菇好好食，我覺得係成碟最出色。另外 蛋份量都唔少，絕對可以飽肚 加埋個小食薯條，真係可以慢慢食！ 餐廳有啲座位比較近室外，養狗人士都可以考慮下呢度～…查看更多

以前在大角咀返工lunch 都有食呢間，今次weekend 夜晚dinner入去食下先。 好耐冇食，差唔多3年，入面裝修依舊。只是估不到晚餐menu價錢跟平日lunch也沒相差太遠，而且味道各方面保持水準我嗌左個雞扒烏冬，雞扒份量一啲都唔少，而且醬汁也很入味好食😋 不過略嫌紫菜絲有啲過多😂 另外烏冬係用濃湯湯底黎煮，所以唔洗擔心會好啖。本身嗌set dinner仲有一個湯同兩件壽司包埋，$80左右真係抵！男友嗌左咖哩豬扒飯，佢話都好食，而且份量都夠一個男仔食…查看更多

呢間米線店 香港都好多分店。落單時我話要清湯 唔辣。上菜時個湯底卻變左小辣… 因為個人健康問題，我一啲辣都完全唔掂得。我食都未食，聞到湯就知道有辣味，已即時同返個waitress講…點知短頭髮的果個女人臉色勁黑，態度串串貢，仲好大聲喝鬧返同事「邊個落架呢張單？」 … 雖然最後都幫我換返湯底，但感覺有點不太好受😅 而且用餐期間，亦聽到幾次職員之間互相大聲喝鬧，請問這是正常的用餐氣氛嗎？😅不過話雖如此，呢度嘅雲吞係包得好大粒，皮亦都相對地無咁薄。雞翼亦都煎炸得好好食。員工服務態度確實要改善下😅😅…查看更多

又食一間餃子店！近來愈黎愈多餃子店，要做到點樣脫穎而出，好需要有自己獨特推出嘅口味而又岩大眾食！ 大眾對餃子嘅要求亦會愈黎愈高。 呢一間舖內位置較大，但亦都坐滿差不多9成，平日晚飯時間，可見香港人幾咁中意食餃😂本人芫茜腔！見到呢度有芫茜豬肉餃，二話不說嗌哂5隻！ 可惜咬落去芫茜味道一啲都唔出…食唔到芫茜味咁濟，如果我不知道是芫茜餃的話，純粹豬肉餃，咁我會無咁失望:(男朋友則點了雙拼：韭菜豬肉餃 & 白胡椒雜菌豬肉餃。佢評價都話一般，唔係難食，正正常常咁囉！ 最後我地有叫埋小食炸雞翼。4隻都好肥美 餐廳面積唔算好細，但座位之間都有少少迫。抹枱方面亦不算抹得好乾淨。希望餐廳可以留意下呢方面…查看更多

我的摯愛好友生日，今年帶左佢來呢度食，好彩佢未食過者！ 餐廳位於Rosewood酒店內，氣氛好優雅寧靜，格局裝修又靚，最適合慶祝節日不過～ 上主菜前都比左啲包我哋食。呢度中式西式都有，Menu有個神級叉燒飯 盛為$248，忍唔住叫左睇下有幾好食！ 叉燒的確幾肥美多汁，而且肉質不un,好有口感。飯亦採用山形大米蔥油飯，同一般白飯不同，整碟不能與一般茶餐廳的比較。不過若說到食過最好食的叉燒, 則未輪到呢間hahaha! 芝士磨菇意粉就普普通通，我覺得可以試吓其他dish~ 另外點的薯條反而有少少驚喜，炸得香脆 一啲都不淋 食落去仲熱但又唔覺得話好熱氣 最好當然唔少得朋友生日牌嘅甜品啦！我喺網上訂座時已在remark寫上字句。感激餐廳有幫我做到相關安排🙏🏿😆…查看更多

呢間人氣店,之前在土瓜灣食過, 今次就食西環呢間分店! 朋友一早大約在幾日前用電話預約, 好彩地又能順利預約到6人~餐廳現時已改用手機掃QR CODE落單, 確實方便~ 先上椒鹽九肚魚,食開大排檔呢碟都走唔甩, 好熱岩岩煮好, 所以點整都咁好食又惹味~ 其實碟碟都岩岩煮好就即刻上枱, 所以都好有鑊氣。比較特別的是 手工乒乓波牛丸, 因為牛丸炸過之餘, 入面滿滿黑松露芝心, 好食夠特別! 不過份量就得8-9粒, $105,  平就一定唔係話平架喇, 但志在一大半班人share, 食得開心無妨! 總之,  一 大班朋友聚餐, 呢間確實係一流地點, 不過人氣關係, 建議早D打電話去預約!…查看更多

第一次食點心放題，是日星期六12:00，早去左10分鐘、要攞籌。入座起計90分鐘，落單時間就得60分鐘，所以要捉緊時間落單喇，好在呢度係用手機掃qr code 落單，咁就唔驚無侍應啦！喺海雲天網店買左2位，每位$208，去到現場會再額外收你茶位$23/位+服務費，總之Total $250一位啦！食物選擇都唔算少，質素中規中矩，但有一樣野真係好難頂！因為早攞籌關係，分配左海景窗旁座位 （我並沒有要求）。景觀打卡雖然一流，但係超 級 多 大 烏 英！！😨😨從未諗過光天化日 咁多 仲要好大隻烏英挨哂窗度，有啲直頭飛左落我張枱 / 窗旁啲假花度….. 飛黎飛去，真係好影響食慾！直頭衰過我去食街邊大排檔！當時有想提出過調枱，但眼見已經差唔多坐滿、同埋得60分鐘落單 廢是啲單亂哂我又無得食…… 希望酒店方面留意下！真係好鬼得人驚😓😓😓…查看更多

之前有一日假期晏晝想食，但太多人食唔到。終於搵左一日平日放工時間去食了晚餐。平日晚上唔見特別多人，但都差不多滿座。兩個人嗌左6樣野。黑金流沙包好好食🤤 入面好多奶黃，中意食黑金流沙包嘅人唔可以錯過呢一碟！ 燒賣亦都好好味，蝦很新鮮，入面都有蝦撈落啲肉入面不過呢，其他野食 例如個浸菜心就好一般, 煮得非常之硬 而且無味。蘿蔔糕亦都太粉味，食完二人頓時覺得好濟😑 眼見其他大部分客人都係嗌點心籠嘅野食，食後亦感覺相對地出色啲…查看更多

經常黎長洲食不同的餐廳。成日經過呢間餐廳，但都無食到！今日入去食了～兩個人，一人嗌左一個main course。 先上左個海南雞飯。飯不是油飯，ok 無所謂。但雞肉也不能夠痗吧。 雖然份量挺多，但雞肉不夠新鮮，作為Sell泰式美食的餐廳，海南雞也不能夠煮好，實在有點失望。之後上香葉肉碎飯。價錢不平，而且沒有煎蛋🍳，就咁肉碎飯 收你$98。 味道正正常常。，始終肉碎也很難煮得難食吧。值得一提是，呢間餐廳容許客人完全走辣，對不吃辣的客人友善👍🏿我哋都嗌左小食 炸雞翼同焗蠔。 我諗成餐最好食是兩道小食。雞翼係單邊雞翼，份量都ok多。焗蠔都唔錯嘅味道！最後總結，餐廳收費略貴，同樣價錢在長洲亦能吃到更好的質素。 性價比不高。食物送上枱時 不知道為什麼好多都不熱。室內冷氣很凍。 如果追求Chill，建議直接坐室外算。另外，也不太推薦呢間的主食，真的很一般…查看更多

朋友介紹呢間餃好食。作為餃子腔，見到有芫茜餃，老遠都特登走過來食！嗌左10隻湯水餃雙拼 $49 。 韭狗菜 味道同其他食嘅差不多。不過呢度包嘅料真係好足，隻餃脹卜卜 完全無偷工減料！下面張圖就係我最愛的芫茜肉餃喇 真係我食過咁多間 最好食最滿足嘅芫茜肉餃！ 芫茜份量極度充足，滿口芫茜味, 中意芫茜嘅你一定會食唔喉！ 啖啖芫茜味勁開心好滿意男朋友嗌左雙拼餃+都。佢話粟米肉餃好食喔！舖頭不算大，去咗兩次也剛巧不用等位。但坐落去也能感受到呢間舖的人情味，街坊都同店員相處融洽。即使再遠，我都會再黎食佢嘅芫茜餃👍🏿…查看更多