力高夜遊人的个人专页

每次入嚟長洲，都會幫襯吓呢間小店第一次吸引我哋眼球嘅係奶油筒食落唔會太油膩，奶油香滑外層有糖粒雖然唔知一件有幾多卡路里但呢種小食真係買少見少，食咗先算啦同場再加映新鮮出爐熱辣辣曲奇皮蛋撻超好味，隻隻都脹卜卜識食蛋撻一定會食曲奇皮好難打到200字...所以評唔到分🙃…查看更多

大熱天，最好嘆返杯凍飲。喺大澳呢個咁深藍嘅地區要搵良心小店真係好難。不過總有唔怕俾人排斥嘅店主敢於表態，收銀機處有「香港加油」擺設，可惜無影到相。店舖有賣大澳土炮手工啤，有興趣朋友可試試。我哋買咗杯益力多沙冰，用料夠，味道不錯，非常消暑。店舖仲好環保，用粗支裝紙飲管，不過就有啲難督入去，要一下好大力咁直插先搞掂。疫情下，旅客去得大澳都只會幫襯地道食物，所以呢類城市都有嘅飲料店舖會比較少生意，希望小店會捱得住啦～…查看更多

依家食野都會靠良知地圖，突然想飲杯野就搵到呢間喺尖沙咀既台式水果茶小店。搵一搵資料先知道原來係今年8月先開，喺呢個時勢就更加應該支持一下。店鋪以藍色為主，好起眼，唔難搵。由於已經晚上十時多，店內有好多口味都無晒，最後選擇咗青提味加奶蓋 (奶蓋加$6）。700cc好大杯，又多果肉，無叫少糖(唔記得咗）都唔太甜，taste good!仲有小心意勉勵香港人 👍🏻另外！本人並未有享用此餐廳提供之任何優惠！！！…查看更多

2200 入座唔洗等，但一眼睇晒好明顯唔夠人手，樓面得一個人對36個位，所以成場既吉枱都係食完未執既碗&餐具。等咗45分鐘先有得食，結果黎碗咁既野。。。$18 關朝麵，$12 三片A菜，$12 兩隻瑞士雞翼 ，$10 兩隻蛋餃碗麵黎到好似人地食淨咁樣，湯底係所謂既美人湯，有兩舊桃膠但無特別。A菜少到不得了，蛋餃散晒既。麵就似乎未煮熟黏牙既。最正常係雞翼啦...飲品最後無黎到，寧願放棄唔要止蝕算...呢間野真係無下次。…查看更多

係附近住，每次見到都好想入去。但因為佢無tea set, 所以想lunch set時間先食。今次有機會啦，平日放假去，個lunch做到3pm! 幾好。食西餐，一定要試下佢D牛扒得唔得。叫咗呢個牛扒，五成熟，一D都唔生，剛剛好，唔un, 幾好味。可惜我唔太喜歡上面配牛油。個醬汁一般同埋好凍，如果可以熱既就好啦。配菜係焗薯仔，黃椒，小番茄。餐飲可以選擇蘋果汁，西柚汁，橙汁，普通餐飲免加錢。揀咗西柚汁，都幾大杯，最欣賞佢用紙飲筒，都算環保丫。係貴既，但都會再黎試其他食物。…查看更多

開門見山先，呢篇唔係食評，係投訴。去得茶餐廳就預咗唔太乾淨，但未至於要接受有怪味既食物丫。話說今日去食下午茶，叫咗下午茶餐，先黎杯凍檸茶，飲第一啖已經有怪味，飲多啖就覺得係D洗潔精味！俾男朋友試下，佢都覺得係，就叫阿姐換過第二杯。阿姐好驚奇同唔相信，我叫佢試下佢又唔會。問我想轉咩，我話都係想要凍檸茶，阿姐就串我話如果轉第二杯你又話有味㗎啦，飲汽水啦～我已經好婉轉話想飲凍檸茶，如果第二杯都有問題就係佢地D茶有問題啦。呢個阿姐就同第二個阿姐講。第二個阿姐就匆出黎拎住杯凍檸茶問邊個話有味，我舉手。呢個阿姐就兇我話：係你嗎？我依家就係你面前洗呢隻杯再沖過，依家你最巴閉啦！我聽完嬲到不得了，唔認自己D野有問題仲要將責任推落個客人度？！既然咩都無食過，即刻拍抬走人！以後都唔會再黎幫襯。…查看更多

想食西環既阿元來了好耐啦，可惜一直無機會。知道觀塘開咗新店就更方便，不過星期日係唔開既，因為係工廈入面。去到鴻圖道28號，搵黎搵去搵咗幾個字都搵唔到係邊，唯有打電話去問，店員話係巷仔轉右再轉右。奇怪在跟本見唔到巷仔，忍唔住問大厦保安，先知原來係地址既轉左再轉右既後巷。但頭先去到28號時其實係有間無門牌既台式飲品店但有位著住阿元來了既製服既阿姨企係度。咁就明點解啦，又係食環做既好事。因為去到已經晚上9點，所以唔洗排隊。係後門一入到去，好似去咗另一個世界，去咗個片場咁，地方好大，好有舊台灣既懷舊feel，一邊播住台灣歌，一邊有扮台灣人既香港妹妹侍應召乎。佢地有部分人既台灣腔好似，估計係老闆刻意陪訓要佢地間中講國語令人有台灣感覺。但從句子上既語句就知一定係香港人。看看菜單，食物選擇唔多，食物價錢係台灣價既四倍。。。明既，香港土地不足，都係食租金。叫咗以下食物：蚵仔大腸麵線：麵線唔夠淋，同西門町差太遠，不過算大碗雞排：都可以，食到最後一舊有D 䶢台南蝦卷：如果閣下有食過台南好出名個間蝦卷，就會覺得呢度唔好食，仲好油，而且得兩條⋯不過得意在有wasabi汁係底滷青菜：普通小棠菜，而且送頭髮一條...冷盤小菜：海蜇加三色瓜，海蜇太少啦，得幾條奶蓋東瓜茶 & 咖啡磚奶茶：好味，尤其是咖啡磚奶茶，即係珍珠變成咖啡粒，喜歡❤️～最後叫埋九份芋圓，份量少到嚇死人，無影相。埋單$216，2人總括黎講，得雞排同飲品ok但我自己一個如果好得閒可能會再黎既，想試魯肉飯又可以止台灣癮。同朋友就未必推介，食物普通，位置太不便。只係食環境同支持台灣人係香港創業囉…查看更多

小食館係我二十幾年前由小六食到中五畢業既地方，大家知道老闆將會榮休一月尾結業都好唔捨得！人潮不斷！連久未露面既老闆都要親自落場，老闆說係平日生意既4倍！所以約番中學時既飯腳一齊去懷緬一下，事前明知無得賣炸老旦，炸老柴，汽水，即「聯合國」(將幾種汽水溝埋一齊）都唔會有，因為炸唔切，汽都打唔切。雖然有點可惜，不過都無損我地既心情^^一行六人，等咗半個鐘左右，終於等到啦，仲可以坐係老闆水吧前既坐位，超開心！先黎豆腐花，其實係蜜瓜味既大菜糕黎既，唔好誤會呀，亦係特色之一。再order咗雜錦（即豬皮，蘿蔔，豬紅），炸旦，炸紅腸，炸魚餅，墨鬚，公翅（即碗仔翅撈公仔麵），翅針(即碗仔翅撈銀針粉), 翅撈大腸加豬紅，生菜魚肉，另外記得一定要叫多碟沙嗲醬，因為係自己炒㗎！我叫既翅撈大腸加豬紅好大碗，呢度既翅腸豬紅好好食，絕無偷工減料無溝水，真正既平民美食！最後6個人食咗$360，真係勁飽勁滿足。好想再去食……查看更多

住係呢區廿幾年，最痛苦就係搵食！要食個lunch, tea就只係得幾間茶餐廳選擇，相信係附近返工既人，搵地方食lunch都係一種懲罰⋯難得有間與別不同既小cafe係度，就去試試。我記得前身唔係呢個名，當時仲要無得當食。依家相信係轉咗手。一去到門口，令我驚訝既竟然係呢個串草不生既石門，竟然有咁多明星歌手藝員幫親？以為係藝員開既添，再看看，估計老闆係幕後工作者，先會有咁多藝員新張俸場。睇一睇餐牌，um...係呢個地段黎講都幾貴下，三文治餐$44-60不等，包一杯普通咖啡/Twining tea/juice, +$8可以選其他咖啡我楝咗三文魚三文治$52+earl grey latte$8三文治料唔多，但佢個芒果醬好出色，同三文魚都好夾，好好味！Earlgrey latte 就一般般，都ok唯一不滿係員工無笑容同埋有隻烏蠅成日飛黎飛去。。。如果老闆見到，可以留意下。下次試下其他食物先，不過價錢係石門黎講真係幾貴呢…查看更多

幾年前黎過，我地突然想再食，親未閂門去，門口依然咁多人排隊，排咗15分鐘就入得。坐低後, 我地叫咗雞絲奄列，蛋牛治烘底，牛腩河，瑞士鷄翼，朱古力奶昔。老闆娘話假日唔做雞絲奄烈，得火腿奄列。我地就話ok la~先來個價值$53勁厚火腿奄列(好貴呀), 再來朱古力奶昔。之後有趣既事情就發生喇…伙記放低咗個鮮牛治，我地問係咪黎錯咗呀，D蛋呢？老闆娘走過黎：你地係叫鮮牛治我：唔係，係蛋牛治老闆娘：你地係叫鮮牛治，因為我地假日無蛋牛治賣既，所以你睇下個牛治D牛係俾多D我地: 嚇？明明我地(指住個餐牌張圖)要蛋牛治老闆娘：唔係，我地假日唔做蛋牛治既，唔信我拎張order你睇 (心諗拎張order俾我睇有咩用)我: 咁（指住隔離枱）個個咩黎？老闆娘：個個係碎牛蛋治我：哦～～咁我落order時你唔講，仲話我叫咗鮮牛治？痴線㗎老闆娘: (繼續repeat) 我地假日唔做蛋牛治既，我以為你地知咪照落單，你地又話知知知（餐牌無註明只限平日發售）我地: 我地知咩？點知你地餐牌有但原來無？老闆娘：你咁想食蛋，咪係個奄列夾D落個鮮牛治咪一樣囉我倆：（無言）有無搞錯，明明要蛋牛，係都要迫我食鮮牛？老闆娘：得！你係咪要蛋先？你係咪要蛋先？佢: 咁取消佢啦老闆娘 : 明明你地話要鮮牛治佢: 我叫你同我取消佢呀！老闆娘 : 得得得…老闆娘再繼續同其他食客講明明我地假日唔做蛋牛治認真mode: 個個食客都係睇餐牌落order，點會知你間鋪咁串假日有咩唔賣又唔寫呢？除非你淨做熟客囉。黎呢到都係貪你間鋪D蛋夠厚(但唔香)，貪你個牛咩😂講返味道先：火腿奄烈$53：得個大字，無蛋香味，火腿絲都多既，落咗豉油就破壞晒朱古力奶昔$29：好味，唔係好希好水個種，有少少冰沙feel牛腩河$27：無特別瑞士雞翼$33: 好飽滿，幾好味，有6隻，雞肉好滑我俾喊係因為老闆娘既態度，如果唔係，會俾ok…查看更多

期待已久，沙田終於都開分店了，今天新開張，一定要來試試～其中一頁的餐牌，價錢也預料之內點了厚切餐肉蕃茄+火腿炒旦拼多士套餐+凍奶茶(+$3)等餐期間，員工都不時睇睇食客既order到咗未，服務好好，可能因為是新開張吧先來凍奶茶，味道一般啦，唔會有咩特別驚喜。再來火腿炒旦拼多士炒旦一如已往，又厚又滑，好味！再來厚切餐肉蕃茄意粉嘩！呢個餐肉既份量係我意料之外！平時今翠華，太興個D都無咁大份呀！正呀！個茄湯好濃，如果稀返少少同埋加D茄肉就好啦環境舒服，會再來丫…查看更多

我無睇星星，但因為個人都喜歡吃炸野，心血來潮都好想食下韓國炸雞是日5點多，一個人無理由食正餐，就試下呢間小食店（前晚好想試，但炸雞已賣完）。小小鋪，唔洗等位，內面有三個員工，其中兩個應該係韓國人，仲有一個後生既靚姐姐煮野食呢度落單只可落一次咋！我叫咗炸紫菜包米粉，韓式甜辣炸雞，一罐梨汁先黎呢個炸紫菜包米粉，好似十幾蚊。口感幾得意，唔油，d 粉仲軟㗎之後先黎梨汁，平時最鍾意飲，貪佢有果蓉，呢度賣$9， 隔離阿之媽賣$10 ga最後等咗二十分鐘左右，先到主角出場！韓式甜辣炸雞，$40/5粒賣相不錯！第一口咬落去，外脆內軟！D雞仲好滑添！都係一D都唔油，酸酸甜甜，DD辣好好味呀！食完呢5粒都已經好飽lu:)走時六點，已經有人排隊！食物價錢少貴，埋單$67！不過一定會再幫襯個炸雞:)，真係好好味！…查看更多

見又有新食店進註新城市，原來是豚王！來試一下吧！下午3點半，不用等位。裝修很特別，很開掦。最喜歡吊燈係麻繩做服務態度ok, 可惜明明有好多吉枱，硬要張食客搭枱:(我選豚王湯底，濃，肩肉，扁麵(普通），洋白菜，小辛…等的時候，枱麵只有芝麻，沒有其他配料，我去過其他的拉麵店都不會只有芝麻…有點失望大概幾分鐘後，麵到了配料比我想像中少好多，紫菜都無…算吧…只要湯㡳好味便可…可惜…太鹹了！！！濃不等於鹹吧！:(麵&肉都ok, 但湯底真係麻麻地，鹹到我未試過去呢類價錢既拉麵店個湯係唔想飲到底…$83 wor...唔值下次睇下有無心情再睇下俾唔俾多次機會想試既朋友，湯揀普通或淡便可…查看更多