爰吃之人的个人专页

一心諗住食熱狗，所以今日食完林德記之後，就行下街，等到２點半先去大家樂食一個熱狗下午茶餐。因為幾個月前在北角新都城的大家樂食過一次好好味道，所以就好想食多次。兩點半去到，先買票要一個熱狗＋熱奶茶，跟住去排隊攞食物，因為要即做的關係，所以要等叫號碼，不過唔緊要啦，要食好野，一般都係要等既。到我的號碼出現，就去攞食物回來，好開心，先用濕紙巾抹手，飲一啖奶茶，唔錯夠熱，不過就係無茶餐廳咁香茶味，跟住就開始食熱狗了，一攞上手已經知道唔好食啦，因為個包係凍架，跟住咬落口，條腸雖然係暖，不過都接近凍的，如果唔係有沙拉醬，我諗我都未必會食晒。唉，真係好失望呀，如果熱ｄ就好食好多了，所以下次我都唔會再來這間食了。…查看更多

這日的下午，約了朋友相聚，行了一陣街，我們就選擇了這間食一個下午茶。我們分別叫了咖哩牛腩飯跟凍奶茶，友人叫了東菇豬軟骨烏冬加杯凍咖啡。咖哩牛腩飯：來到的時侯有很香很濃的椰汁味，食落口牛腩跟飯都有點硬，只得椰汁香味，還好的是，來到時都是熱的，如果唔係，就好難食落口了。可能是天氣很熱的關係，覺得凍奶茶都可以接受，不過覺得茶餐廳比它還要好。東菇豬軟骨烏冬:友人說幾好，不太差。如果無試過的朋友，可以一試既，或者我叫的不好食，因為這間的下午茶，都提供很多款式的。不過，如果約朋友傾下計，食下tea，這間都可以的，因為環境都唔錯而且價錢都不太貴。…查看更多

其實在奧莎買過好多次包食，不過就無寫過任何食評，今日寫開其他就一於寫埋。這間包店真的有很多不用選擇，不論中式包點、西式麵包、蛋糕、批餅，中式唐餅（皮蛋酥等等）都有。我自己除了中式包點、蛋糕、批餅之外，差唔多都試過了，始終都覺得這間的麵包最好食。這間做的麵包真的很軟熟，就算隔了一晚食都唔會好硬身，咁當然啦，新鮮就是最好的。而且見到佢地工場都幾乾淨，所以都食得幾放心，呵呵。紫菜吞拿魚肉鬆包：吞拿魚卷著在麵包內，外面用紫菜包圍，麵包兩旁沾上肉鬆，咬落口，有多重口味 (無為意係$6.50定$6.00)肉鬆包：都唔錯，沙拉醬是甜甜的，面上鋪滿肉鬆，幾好　(唔記得$5.50定$5.00)栗子包:本人覺得栗子不香，無栗子味，只得甜　$5.00吞拿魚包: 吞拿魚跟沙拉醬混合一起，味道剛好，不會過多沙拉醬紅豆包：一般　$5.00皮蛋酥: 就可以不試了，除了皮唔得之外，裡面的餡都不太好食　(不記得幾錢)個人認為中式西餅都是曾志偉買廣告個間<<香港終於有手信了>>好食好多。牛奶方包: 很軟滑牛油典奇餅: 我覺得好普通，比起J餅店，就無咁重牛油味，可能因為咁，咬落口就唔鬆化，不過覺得比起普通麵包店做的牛油典奇餅，除了唔夠香之外，食落口又無咩“趙”頭，原因可能係因為典奇餅太過簿身了其實以上所提及的品種，是我之前有買過，只是今次一次過寫出來，現在來講，我一般入去都只是買紫菜吞拿魚肉鬆包的。他們現在做緊買３送１的優惠（只限同價錢）俾３個錢，有４個包食，點都抵過集團店鋪啦，而且麵包質量好軟熟。…查看更多

今日去開上水，於是前一日在Open Rice睇下有咩好介紹，當然今日就去石湖墟市政大廈搵食了。１２點幾去到，一入去見到完整層都係食客，好多唔同既食店，好開心，想每間都試下，不過得我一個人，食得有限，等下次同友人一齊來先試其他食店。今次我就選擇了林德記，搵到位坐低就叫咗碗牛腩、牛肚米粉加腩汁，等多一陣就來到了。很深顏色的湯底，不會過鹹，牛肚有６、７件，細細件，好淋好入味，不過牛腩只見到一件大的，其如既都係粒狀牛腩唔肥，不過都好淋，唔會“鞋”。以＄１９的價錢來講都算係咁啦。至於環境，都可以接受啦，有冷氣，地下又唔會好濕好髒，而且間唔中會見到有雀仔飛入來，都幾有懷舊的感覺。見到其他客人食的豬手都唔錯，下次可以試，而且對面的東莞佬粥店都好多人啊，下次一於同友人來上水搵食一日遊先，呵呵！…查看更多

之前在網上睇下太子這區有咩好野食，用紙寫下好幾間，川之味就是其中一間。其實我本來想去前面果間食點心架，不過好似得自己一個人，就唔多敢入去了。於是就選擇咗這間食米線，入去坐低之後，服務員就立即問食Ｄ咩，咁我就叫一個中碗米線要２級辣加杯凍豆漿。因為未試過的關係，所以唔敢叫太辣，因為之前在北角一間食豬扒酸辣米線，來到只係得個”麻”字，所以我就有點怕啦！來到的時候，都幾大碗，而且有好多料，不過本人就覺得唔多好食，因為所有材料好似全部都係白“霎”咁，一Ｄ都唔好食，而且個湯底都無什麼味道。初時食落口都唔覺得太辣，食食下就開始有辣的味道出來。我諗腐皮都應該幾貴，如果唔係點會得腐皮碎喎，我見對面的食客，連腐皮都無俾到，要客人問攞番（這個時候係唔忙架，都無咩人。）可能是我唔識食正宗的麻辣米線，又或者自己慣食濃烈味道的食物，所以這個都中碗米線不太適合我了。…查看更多

今日下午打電話去book 6:30 8人table，不過要8:30交檯，反正我們只是食野都唔會點講野就無咩所謂，如果唔係就要諗諗了。大約6點20分到達,在場所見就還有很多吉檯，可能是因為太早的關係吧！我們８人點了以下的食物： 冬蔭功～初時都幾易入口，越飲越辣，好香的香茅跟basil既味道，其實酸辣很平均，飲後會令人更開胃。友人叫了白飯來配合這個湯，他們說很好吃　４/5柚子大蝦沙律～這個前菜好開胃，汁料調得不錯，蝦很爽口3/5泰式蝦餅～這個我覺得是最出色的一個，不會成口粉，外脆內裡得juicy，一定要食　5/5泰式魚餅～不好食，不要叫，無魚味　2/5燒豬頸肉～配合汁料食都可以，可以不試　　2.5/5油酥薄餅～如果無比較，都食得過，不過之前試果一間很好食的薄餅，這裡就遜色了。公平一點，這裡的薄餅很重牛油味，所以會好酥不過都好油下，記緊一定要熱食，這個我不給分了。菠蘿海鮮炒飯～不是原個菠蘿截飯，只是一大條放在飯的旁邊，賣相無什麼特別，食落口都幾好味道，可能有腰果的關係，不過帶子就乾身了一點　3/5軟殼蟹紙米卷 ~ 好似跟Rice Paper無什麼分別，好似這間餐廳果樣靚ｄ，本人不太喜歡他們的sauce，因為果sauce帶點酸苦，酸的程度可以接受，不過苦的味道好像蓋過了酸的味道 2.5/5蜜糖雞翼～雞翼是燒烤過的，鋪滿了鹹甜醬料，有點似鹹板咕嚕汁，都可以的　3.5/5飛天通菜～好翠綠，好爽，夠味道。看英文description，是用黃豆醬加辣椒炒的，這個菜沒加辣椒的話就是一個潮州菜了 加了辣椒更開胃　3.5/5鹹魚炒芥蘭～一個字掂呀　4.5/5辣椒香茅爆大頭蝦 ～ 賣相都幾好，不過可能凍咗既關係，馬馬地　3/5咖哩牛腩～不是辛辣的咖喱，是帶甜的，本人不太喜歡　2.5/5泰式魚爐～已經熟了的烏頭魚，放在鐵爐上，來到時，把汁料放進，燒熱食，夠熱，如果不另沾上sauce，就唔夠味道。這個菜基本上就是潮州加上泰國香料而得來的　3/5燒魚～友人有食，我就沒有，他們都說很普通 2/5青口～這個反而有驚喜，同樣是放在鐵爐上，好大隻青口，吸入汁料，而且一點都不”鞋”口，很好 4/5香芒椰汁黑糯米，造型好靚，應該都幾花心思的一個菜。底部是很開稀咗既椰汁，兩層黑糯米中間爽住兩片香芒，面頭有兩片香芒，之後有一片網狀的焦糖，最頂的應該是唐人新年食果ｄ椰子條，不過這唔甜，而且有烤過（唔知係唔係用火槍呢）？碟旁有些糖霜，不過份量不多，可能已經吃得太飽的關係，我們８個人，只有兩個人吃完整個，好多都只是吃了一半，味道都可以，唔錯。黑糯米夠軟有得"趙"又夠暖，可能因為這個關係，４片香芒都是暖的，不過就帶點酸，整體來說，這個甜品都很好吃，不過甜多一點就更好了。　4/5由於是長檯既關係，不能拍照全部的食物，因為有些食物放了在另一邊，到食物換位時，自已又掛住食，忘了拍照了，真是不好意思。其實跟中菜相差不多，只是在味道上較酸同辣，燈光暗淡一點吧！不過，整體來說都很好，有下次。友人請食飯，埋單好像是$2,3XX…查看更多

好來都無同媽咪食飯，今日兩個人去咗德興食火鍋，８點幾去到，同知客講話訂咗兩個人，９點鐘，想提早食，佢話j無喎，我話我打過兩次來確定過既喎，佢話真係無喎，後來，佢都好好人，話一有二人位埋單就會俾我地．在等待期間，見到有部機入面裝咗ｄ竹蔗水，旁邊都有ｄ紙杯，供等位既人飲用，都幾好，唔知一向都有，還是現在先有，因為我之前食過兩、三次都唔見，不過每次都係去食宵夜既。大約等咗廿十分鐘都就有位，都好快，入到去見到好多人都叫咗豬骨煲，好開呀，好似有胡椒既味道，可惜我地兩個人食唔晒，而且又要叫其他野食，等下次多ｄ人先叫依個煲．所以今次清清地叫咗煲芫皮西蛋湯(不用加錢)，其實德興有好多湯底選擇，之前食過蘋果無花果雪耳湯底，真係唔錯．有一次加３８元要一個醉雞窩，不過就馬馬地，無咩酒味，寧願加錢要豬骨煲。我地兩個都好食得，叫咗好多野，其實火鍋，來來去去都係果ｄ，不過德興既肥牛都幾好，唔會只係得肥膏，都有牛肉既味道，而且火鍋料都幾好新鮮。當中最愛的是：肥牛、牛展、魚皮餃、花膠仔、花枝片、粟米、taro、鮮腐竹。我覺得依度既湯底好夠味道，講真唔使加醬料仲好食，只是鼓油就已經足夠，加太多其他既醬料，反而蓋過咗原有既鮮味，所以下次去唔要醬料，仲可以慳番１２蚊。值得一提既係，有一位女服務生，招呼十分好，又NICE二人加一加tips：合共港幣２８０到，真係都算抵食。如果９點來食宵夜，每人仲平多三十蚊到，請記得五六日及公眾假期要加多１０蚊，等下次再去食時，再睇清楚，告訴大家。…查看更多

朋友請食飯，介紹咗依間幾食火鍋，所以我地就去試一下。大約６點４５分上到去，見到好似無咩人，點知食食下都幾多人上來食,。我地當然叫咗豬骨煲啦，來到時，都未覺得香，加埋ｄ火鍋料之後，就有香味了。我地當晚叫左超多野食，食物方面，都可以既，可以話係不過不失啦，當中我兩都覺得午餐肉最好食，不過炸腐竹就唔得啦，因為有“益”味。最值得讚既就是服務生態度很好，會不斷同你加湯，而且招呼十分好。不過，個人認為德興會較為好。埋單三百幾，是朋友請的，多謝晒…查看更多

下午的時候，亞嫂打電話來話晚上去日航食自助餐，真係開心。晚上７點到達，就現場所見，都好多人，都有８成滿。睇到有好多野食，放低手袋，第一時間出去睇下有咩食，不過今日由於工作上有點兒不快，所以全晚都不是食好多，其實食物的味道應該不錯，只是心情有點被影響，呵呵蝦天婦羅：一定要食，一點都不油膩，而且外脆內熱，加一點蒜蓉醬（橙橙地色），好好食蒜香牛柳粒：細細粒，容易食。好鮮牛肉的味道，不會好硬，不過食多會滯黑豚豬扒：又係一個好好食既豬扒，不會好肥，而且帶小小根，好好海膽炒飯：不錯，不會油膩印度油酥餅：可能放耐咗，有點硬，不脆，配咖哩，是一個很好的配對清酒煮硯：所見到的，全都是硯殼芝士焗蠔：凍咗，不太好食，不過都幾香，應該熱既時候，會好食ｄ，不過蠔身太瘦有一個湯係自己選配料俾佢煮的，個湯太鹹了甜品食咗：焦糖燉蛋、Tiramisu、芝士蛋糕、栗子蛋糕,可能心情不太好，所以無咩mood試晒佢地啦．．唉，因為佢地話Ｄ甜品好好食！算啦，等下次去食先補償番啦．我最鍾意這裡的蛋糕切到細細份,，而且個別地放入雪櫃，一來可以保持溫度，而來又乾淨，唔會俾人亂咁切，很好的做法。餐茶來到既時候，我地出咗去攞Haagen Dazs雪糕食，今晚有４種口味，朱古力、士多啤梨、草莓、夏威夷果仁 我地都覺得比起洲際，實在抵好多，其實唔好話抵唔抵呀，最主要既係，我地都覺得日航既食物比起洲際的都還要好，洲際主要係有個海景睇、有竹生翅、生蠔、多ｄ種類的魚生。可能個人喜歡熱盤多過魚生，所以會喜歡日航多一點，不過最主要既係，洲際唔知幾時開始實行咗分兩個時間，食得兩個鐘，好似好趕咁，同埋又難book位，所以好來都無去洲際食....用HSBC埋單有８折，８個人加埋tips合其港幣2,500，謝謝亞嫂…查看更多

同朋友補祝生日，不知道食什麼菜好，就試下食素食，因為之前睇過食評既介紹都唔錯，所有就來試一試。整個場入到去好舒服，燈光柔和、裝修都唔錯架。當晚不是初一、十五，所以現場所見的就唔係太多人，朋友聚舊、食飯，的確係一個唔錯既選擇。粟米粥: 味道都可以，粟米好甜，友人超鍾意食小龍包：好一般，真既小龍包好食好多，可能係因為沒有真正肉汁既緣故豆腐餃子：賣相好靚，應該係全晚最功夫既一道菜，真的好清淡，不過總是覺得入面既菜有青既味道三鮮卷：最喜愛的一道菜，不會好油膩。外層係一層麵飽，中間有蛋白皮入面包住三鮮，味道剛剛好，下次一定會再食(好似有甜酸汁跟埋)蜜汁脆鱔：其實我倆都好飽，不過在網上看到很多人說這個好食，所以心思思叫咗一個。這道菜一定要熱食才好，因為耐咗，會變我好硬，友人覺得太甜，不是很好，又或者因為飽既關係啦，所以都覺得好一般。這間素食真的不錯，如果下次食素食的話，會再返來。這間其實之前都有同一個素食朋友去過銅鑼灣黃金廣場大自然素食，個人認為有點兒貴，可能佢係新派形式啦，有魚生、壽司咁，不過我自己都係喜歡全統既食物。現在的素食，不論外型，味道，真係模仿到同真的一樣，真犀利以上消費合共：港幣３５０…查看更多

有朋友一早排隊攞定位，大約７點幾到就可以入去。在門口等候期間，真係不斷都有人等位，估唔到依間開咗一段時間的餐廳仍然咁多人，真犀利呀．．其實依間我係第一次去食，因為每次都要等好來，而且我的另一半唔係太鍾意食炸物，所以一般都好少去的。今次友人話要食，所以我終於有機會去嘗試一下啦我們今次坐唔到近WINDOW，不過都係卡位，都好啦．．我們３個人，原先叫兩SET，後來再REFILL飯，話要每人一個SET先可以，咁唯有叫３SET啦，不過真係好飽，食唔晒，今次我們叫咗以下既食物：章魚芥辣毛豆 ($42)好一般雜錦刺身（$188）每種魚生有三件，都好新鮮吉列大蝦併豬扒定食($196)大蝦一定要趁熱身，幾好。厚身既豬扒，不過無咩肉汁炸日本生蠔定食 ($186) 熱食好好味道，就算放涼咗，都唔會有腥味，而且唔會出晒水，真的不錯。我反而鍾意食依個多過豬扒，因為在外面食的炸蠔，大部份既粉漿會有好多油吉列豬扒定食 ($148)總括來講，我唔覺得好食到好似報所講既咁好，不過如果以炸物來說，依度都做得唔錯，因為唔會油淋淋，就算擺來咗，食落口依然是脆的。個人覺得以依個價錢食這個食物，不如去大戶屋食仲好，以吉列豬扒來說：在大戶屋到食加埋一，都唔超過$100，在依度，未加一都已經$148，其實兩者既味道都係差唔多，因為Ｄ汁料都係一樣既。由於太肚餓既關係，只拍下兩張照片。埋單合共: $836…查看更多

在openrice看到有COUPON，就即管同屋企人來試一下，食日本放題同酒店自助餐就食得多，反而在酒家入面食中式放題就第一次。兩日前打電話去BOOK３位，７點至７點半，我們７點多就到達江山笑，外面的門口都幾高貴，不過入到去的裝修就好一般，。當時都坐滿，侍應生帶我們入去坐之後，隔一陣有位經理好NICE地問我們是否第一次去食，跟住就教我們應該要怎樣下單，當日每人有一客免費蘇格蘭聖子皇釀翅或者加２０元可升級至鮑魚件鵝掌，我們要了兩客聖子加一客鮑魚給媽媽，１０分鐘到，鮑魚件鵝掌先到，雖然細細隻鮑魚，不過好有鮑魚的味道，不是仿，是真的，過多５分鐘到，兩客聖子皇到，很熱，很香蒜蓉的味道，不錯。接著，我們叫了以下的食物：生滾芫茜廣島蠔湯 (好鮮味)鮑參翅肚湯 (bad)話梅車厘茄 (幾好味）天師素鵝（油了一點）鯪魚球（幾好）蒸鮮肉窩貼（一般）碧綠炒珊瑚蚌（好好味，encore了兩次）南乳香酥雞（好乾，無南乳味）台式三杯雞（好夠味）　頭抽沙薑雞（不知道是來錯還是自己寫錯，來到的是冷盤，沒什麼味）咕嚕肉（一般）木魚花肉蒸水蛋（蛋好滑）避風塘花枝片（略微淡，好油）瑤柱海鮮粥（一般）鮑魚汁味噌飯（好味道）桂花糕（幾好，清清地，食完好舒服）紅棗糕（好熱，不太甜）海底椰川貝杏仁茶（好好，不會太甜）紅酒熱鮮檸柑桔蜜全晚的食物都好夠熱，不過味道稍為淡一點，service好好，每位服務員好有禮貌，真係值得加分，會再來食　三個人加埋tips合共$770…查看更多

一直住在北角，都無來過依間食，在網上看到很好的評價，所以今晚就決定來試下。我在９號果日已經book咗位，所以一去到坐好快被帶入座，去到時都７點多，見到好多人，今日唔係假期，又唔係星期五，都咁多人，咁肯定食物質量都唔會太差。入到去，都幾有韓國式既感覺，幾warm，最好既就係唔會好勁煙味，而且環境都幾乾淨，服務員都好有禮貌，有笑容，真係唔錯。最好既就係無限時間，唔知係唔係weekday既關係，就算兩個人都唔會有限時間，希望店主一直keep住咁就好啦。至於食物方面，如果話要跟銅鑼灣漢和韓國料理相比的話，我會覺得，供應食物的種類就少咗好多壽司、甜品跟熱食，同埋無魚生供應，不過我覺得反而無咗依ｄ仲好，因為係食韓燒，所以應該集中在燒烤既食物，如果真係要食魚生、壽司依類既，咁不如去食日本餐。食物太多了，不能詳細盡錄，韓國前菜、海鮮、豬、牛、羊、雞、粟米、鮮菇．．．都有，跟本就試唔晒所有，我覺得食物都醃得好夠味，唔會太鹹，剛剛好，不過墨魚仔就偏鹹咗少少。個人覺得，靖魚、雞軟骨、雞翼、腎好好食，其實好多都好好食架，只不過以上講既幾種，係encore 再encore。其實佢既人蔘雞湯都唔錯，幾濃架。我會介紹朋友來這間食多ｄ。如果真係要試這間韓燒，就算係兩個人，最好先BOOK位，因為我見到有兩個人walk in，服務員話無BOOK位的話，就無位了！每位$128＋10%＝$141 (應該是weekday既價錢)…查看更多

今日放工，跟女同事食晚飯，其實我地都食過幾次，依間裝修後都幾靚，不過食物就無咩改善到，兩個人叫了以下食物：焗豬排飯好想試下這間的豬排飯，熱辣辣，整個飯連豬排都有蕃茄汁鋪面，不過塊豬排好肥，太淋，似用鬆肉粉醃過，唔好食，我覺得大家樂的一哥焗豬排飯仲好食過佢呀焗牛油果海鮮飯這個飯反而有驚喜，顏色都好靚，飯面上有蟹子，跟飯一齊食，有爽爽既感覺，都幾好食日式炒雜菜好一般，似用甜豉油炒菜，可能我唔識欣賞啦，覺得大排檔仲好食過佢每個飯加＄４２，有餐湯，牛油餐飽跟餐飲 埋單連加一大概＄３２３，友人請我食，同我慶祝生日。其實晚飯來講唔算貴，不過食物真係馬馬地。…查看更多

今次係我第二次去這間食上一次食是５個人，我覺得這間適合二至四人去，因為食物既份量好少，得４件到，所以如果多人去食就要叫雙重，如果叫一份，會有到喉唔到肺既感覺。友人同我提前慶祝生日，兩個人叫咗以下食物：奇異果汁有優惠，買一送一，普普通通的一杯果汁，不過有點稀蒜蓉包幾好食，好脆，好有蒜蓉味牛油雞翼新鮮熱辣，好脆，不過要熱食，如果唔係凍咗食無咁香（本人覺得唔及燕萍咁香口好食，不過我是在燕萍未搬既時候食過，所以係好來之前既事，唔知現在點）牛油果軟殼蟹米紙卷一般啦，軟殼蟹唔肥膩好脆，不過唔鍾意ｄ醬汁，因為有陣薑味，馬馬地，友人話春卷好食ｄ扎肉豬頸肉河內炒米粉我覺得全晚最好食就是這個，炒米粉旁邊有花生、辣椒，跟米粉撈埋一齊，辣辣地好香，好食，濕濕地，又唔會太乾食，唔錯唔錯這間是屬於美心集團之一，所以食物都有一定既水準，環境跟佈置都唔錯，這間幾適合情侶去食，因為望住維港夜景食飯，感覺真係幾好，window seat 有限，所以book位時，記得講，等佢地盡量可以安排到。…查看更多