ckcelebre3的个人专页

一齊發掘香港嘅美食 😋.呢位朋友真係唔話得，竟然肯陪我入到大圍食平民嘢🤓 老實說，呢間主打街坊生意嘅餐廳一直喺我想試嘅餐廳名單入面，特別係佢最出名嘅香茅豬扒飯。.香茅豬扒雙蛋飯　$48-香茅豬扒飯即叫即製 🐖 雖然香茅味唔算好出，但豬扒醃得好入味，煎完之後好香、無油膩感，非常有水準 👍🏻 -老闆娘應我要求，將太陽蛋轉咗做炒滑蛋 🥚 炒蛋非常軟滑，上檯嗰陣啲蛋汁仲未凝固哂。個飯撈咗蛋汁，加埋豉油同薑蓉，味道好正 😝 出街食飯好少有添飯嘅諗法 🥰.越式鮮牛河 $35 🐄🍲 -鮮牛河上檯嘅時候牛肉仲係半熟，湯嘅熱度會令佢慢慢變熟。牛雖然係薄身，但勝在份量足。-湯底吸收咗牛肉嘅精華，很鮮味；河粉則非常幼滑。（真正嘅越式牛河會用牛骨煲成濃郁湯頭，再配上芽菜、辣椒、魚露、青檸、金不換。呢間餐廳雖然未做到呢個程度，但以CP值嚟講非常值得推介 🥳 ）.總結-林園雖然鄰近港鐵大圍站，但食物嘅價錢非常實惠，感覺佢都係做街坊生意為主。 🏘️👨‍👩‍👦‍👦-林園嘅裝修處處都有著滿瀉嘅老店味道，喺餐廳食飯，總係有一種被人情味同舊香港情懷圍繞嘅感覺 🌇.林園甜品粉麵小食大圍積福街60號祥興樓地下…查看更多

一齊發掘香港嘅美食 😋.今日喺中環做完gym，就同兩個朋友行咗去呢間日式餐廳試試。餐廳嘅環境好有日本風味，上至廚師、下至侍應都係講日文，服務殷勤。.Sutamina 豬燒肉定食 $91-定食嘅賣相似汁煮豚肉多啲。餐廳將豚肉切成薄片，肉味算濃同幾有咬口。再配上洋葱同微甜嘅醬汁調味，滋味十足！ 😋-作為配菜嘅麻婆豆腐好、豆瓣醬味好出，用嚟撈飯一流。😽-沙律菜同麵豉湯味道正常。沙律用咗少少胡麻醬調味，食落爽口。麵豉湯偏濃味，冇太多味精。🥰.燒牛舌套餐 $89-主角牛舌只有四塊，份量偏少。調味方面，只係用咗最簡單嘅黑椒同鹽。由於係薄切嘅關係，牛舌嘅肉質腍身嫩口、容易咬開。-跟餐嘅飯偏乾同硬，呢一點平衡返嘅話會更加好。😣.炙扇貝壽司卷 $158 🍣 -扇貝厚肉鮮美無腥味，卷物入面嘅玉子仍然保持到有餘溫，食得出係即製。-卷物嘅頂頭蘸上特製嘅醬汁，完美襯托出扇貝原本該有的鮮甜美味！😻.豬五花肉蔥卷 $55-腩肉 🐖 雖然不算肥，但油潤而帶脂香，味道唔錯.總結-餐廳以小店形式經營，定位比較貼近日式食堂。🙆🏻‍♂️-食物不過不失，相比起定食，呢度嘅卷物較為出色。.拉麺食堂 蔵中環歌賦街13號地舖…查看更多

一齊發掘香港嘅美食 😋.今日想介紹嘅係我嘅私心推介。呢間走日式風格嘅港式食堂，係我平時去食日式comfort food必去餐廳之一。.溫泉蛋烤汁牛肉丼 $65-平時去日本最鍾意食嘅松屋牛肉丼，估唔到呢度都食到。餐廳好巧妙咁將半流心嘅溫泉蛋放入牛肉丼入面，好有日本風味。-牛肉嘅份量好震撼，啲牛肉舖滿晒飯面。牛肉嘅肉質軟腍、肥瘦均勻，亦都封存咗好濃郁嘅肉汁。🤓-燒烤汁用咗濃郁同醇香嘅特製醬汁同洋蔥烹調，令成個飯嘅內外都滲滿牛肉香味。特製醬汁濃稠，配飯一流。🙀.燒咖哩芝士吉列豬扒飯　$69-呢個飯即叫即焗，上檯嘅時候隻碟仲係熱辣辣。-豬扒正如相一樣，超大塊之餘，亦都非常厚切。豬扒嘅外皮炸得酥脆，但裡面嘅肉質仍然非常幼嫩，食入口仲有少少肉汁，係一大加分位 👏🏻-相比起其他日式，今次食到嘅咖哩偏辣，但佢勝在香濃惹味，好適合中和炸豬扒嘅膩-燒芝士做到拉絲效果，而且同咖哩混合咗，鹹香味十足 👍🏻 .寒天蜂蜜分子綠茶 $24-綠茶微甜中帶點清新，甘醇的茶味結合了淡淡的蜜香，飲得出係自家、用心製嘅飲品 😊 .總結餐廳嘅定位係走本地平民化，但呢個價錢嚟講，有咁嘅食物水準，真係唔話得。.天下茶屋 (奇妙坊) (紅磡)紅磡必嘉街121號黃埔花園一期奇妙坊地下G6B號舖…查看更多

一齊發掘香港嘅美食 😋.今日同兩位朋友食飯，由於佢地異口同聲話好耐冇食過中餐，我就立即book咗呢間喺屋企附近專食北京填鴨嘅餐廳試試 🤣. 古琴酒糟北京填鴨（半隻）$199 -古琴酒糟口味，其實係將酒糟、薑同葱等材料塞入鴨腔，令烤完之後嘅鴨肉更有酒香。片皮鴨上檯嘅時候除咗配上自家製嘅薄餅皮，仲有六款配料（包括：青瓜、京蔥、甜面醬、哈蜜瓜、蜂蜜黃梅醬同砂糖），可以任意配搭。-餐廳片出嚟嘅鴨片厚薄一致，盡顯師傅嘅功架。-不得不提嘅係隻鴨嘅鴨皮，新鮮熱辣之餘，仲烤得好鬆化、完全冇多餘嘅油脂。食入口外脆內嫩，好幸福。🥰-個人嚟講最鍾意嘅食法係將鴨片配埋蜂蜜黃梅醬咁食，食落口同出面食到嘅北京填鴨味道好唔同，感覺酸酸甜甜之餘，仲好清新，可以中和一下油膩感。🙈 另外將鴨卷餅包住青瓜、京蔥同哈蜜瓜、再沾上少少砂糖嘅食法都好好味。-鴨肉份量充足。我同朋友一行三人，半隻北京填鴨嘅話每人都分到4-5件。.花雕醉雞（例牌） $85 -上檯嘅時候空氣就彌漫住陣陣嘅花雕酒香氣，酒香撲鼻但唔會話好「攻鼻」。-🐓 食入口有陣陣清淡的酒肉餘香，但唔會太重。除此之外，仲食得出有少少玫瑰露酒嘅香味。-雞肉非常爽嫩，冇太多多餘嘅脂肪。經過冰鎮後，皮同肉中間有層薄薄呈透明嘅骨膠原啫喱。 .南翔小籠包 $78-小籠包一籠有六件，份量充足-小籠包以豬肉作餡，豬肉鮮嫩而且多汁，啲湯汁多到食完之後仲可以飲埋入面啲湯汁 🥟-餐廳細心嘅位係每個小籠包嘅下面都內置咗一塊細嘅甘筍墊底，避免小籠包夾起上嚟嘅時候黐住底紙而散開。👍🏻.瑤柱蛋白炒飯 $108-炒飯炒得好乾身，飯粒粒粒分明，一啲油膩感都冇 🍚-炒飯嘅配菜（包括裡面嘅瑤柱、蛋白、蔥花）都食得出有炒飯香，值得一提嘅係裡面嘅瑤柱味好出，非常好食！-蝦仁新鮮大隻，但略嫌蝦嘅份量較少 😖.總結-呢間餐廳嘅北京填鴨真係名不虛傳，特別係呢種古琴酒糟味道真係一試就上癮。最特別嘅係佢有多種配料同醬汁，大家可以自由配搭出唔同嘅組合，令每一舊食落口嘅味道都好唔同。非常推薦大家嚟試。😍.古琴雅苑 (太子集團中心)尖沙咀北京道12A號太子集團中心15樓…查看更多

一齊發掘更多香港嘅美食 😋.今日嚟試嘅係由日本遠道而嚟嘅過江龍「多賀野」。呢間餐廳喺日本少有名氣，曾經連續四年獲得東京米芝蓮推介及Tabelog全日本拉麵大獎，今次即管試下佢開到嚟香港嘅分店水準係點啦~.極上蟹皇沾麵　$188-呢款沾麵係餐廳嘅皇牌推介，喺店員推薦之下決定一試。-送餐盤上有原隻炸軟殻蟹，外皮炸得非常香脆，但略縑有少少乾。-沾麵嘅湯底非常濃郁。店家嘅湯底以鮮魚湯熬製，再加入松葉蟹膏同埋啖啖嘅蟹肉絲，飲起嚟份外鮮甜 -沾麵旁邊另配有蟹膏同少許蟹肉，可以按個人喜好加入湯中，令蟹皇湯呢樣嘢食落更加有口感。特別鍾情蟹嘅我當然二話不說將全部蟹膏放曬入湯底，但會略為鹹咗一點。-溏心蛋呈流心狀態，蛋香濃郁，味道醇厚甘甜。-麵條係店家每日新鮮製作。拉麵浸入湯之後，仍然保持住煙韌彈牙嘅口感，真心世一！-最後食完拉麵之後，可以叫店員加湯，飲埋淨低嘅蟹皇湯。.黑松露沾麵　$178-黑松露沾麵嘅配菜係磨菇天婦羅同細粒嘅叉燒。磨菇天婦羅炸得恰到好處，而叉燒食起嚟亦都非常有咬口！-黑松露湯有極濃厚的黑松露風味，湯底香濃之餘，陣陣松露嘅香氣亦都瀰漫住整個用餐區。-有關沾麵同溏心蛋嘅評價，可以參考番上文。.其他-睇得出呢間餐廳有從食客角度考慮用餐體驗。有別於其他餐廳嘅做法，呢間餐廳嘅每個沾麵都會跟住一個小火爐俾你一路食，一路食煮熱個湯。即使同朋友食耐咗，都唔驚D湯凍曬，呢樣細微嘅嘢充分體現餐廳對食物嘅用心同執著。.多賀野 (K11 Musea)尖沙咀梳士巴利道18號K11 Musea 2樓220號舖…查看更多

一齊發掘香港嘅美食 😋.今日專程同朋友去位於深水埗嘅牛舌專門店，平時行過見佢都大排長龍，趁住今日人少少專程去試下 😀.環境-喺等緊入座、未入鋪頭嘅時候就已經聞到好濃郁嘅牛香味-餐廳地方唔算大，座位之間比較擠迫 🥺-以咁嘅鋪面，餐廳嘅抽風算做得唔錯，即使好多檯都點鐵板，但油煙都唔算太大.鐵板二重牛舌 $98-一上檯就見到鐵板上放咗兩大塊嘅牛舌，店員介紹分別為牛舌芯及牛舌尖 😮 -牛舌芯煎得恰到好處，中心粉嫩，食落口軟韌而且有口感 -牛舌尖外爽內嫩，帶有牛香及淡淡嘅焦香味道，食落口比較淋同爽口-鐵板下面有生洋蔥托底吸收牛舌嘅味道，但略嫌唔夠汁-建議可以喺鐵板上面加多少少燒肉汁將牛舌一齊煮，令佢地更加入味.鐵板安格斯牛板腱配牛舌尖 $98-安格斯牛板腱同牛舌各需要嘅烹調時間唔同，所以放喺同一塊鐵板上會出現牛板腱有少少 overcook嘅情況 -安格斯牛板腱食落口有啲韌，同埋比較難切開 😣.轉套餐(包湯,沙律,汽水,飯) 另加$28套餐飯升級為迷你滿溢牛舌筋溫泉蛋丼 另加$10-蛋熟嘅程度啱啱好，篤開之後蛋漿流曬出黎，撈埋嚟食飯一流-牛舌筋唔係湯渣嘅level，每一粒都非常入味、淋到可以一條條絲咁咬開，而且份量好多，鋪滿曬成碗飯-每啖飯都食到入味而且淋嘅牛舌，值得一讚 👍🏻-只需$10就可以升級食牛舌筋飯，非常超值.總結-之前未試過去一間專門食牛舌嘅店舖，由於係小店嘅緣固，值得一試 🙂-建議專攻鋪頭最為擅長嘅牛舌.GYU TOWN 牛舌專門店深水埗桂林街46B號地舖…查看更多

適逢朋友邀請，今日入到嚟大埔呢一間日式餐廳。餐廳有古典嘅裝潢，家俱隱約帶有洋食居咖啡店嘅味道。日式紅酒牛肉蛋包飯-餐廳嘅侍應好貼心，會為我地切開個蛋包飯，再上汁-切開之後，蛋包流出濃濃嘅蛋漿-蛋漿細滑，且帶有牛奶嘅味道，生熟程度亦都啱啱好-牛肋肉非常鬆軟，容易入口鰻魚玉子蓋飯-蓋飯選用原條鰻魚，足以包住整個蓋飯-玉子厚實，味道稍甜-白飯配上特製醬汁，同鰻魚嘅味道互相呼應-味道質感都無可挑剔炸北海道大蝦配豚豬扒-上檯嘅時候份量超級豐富-炸大蝦同豚豬扒嘅外皮都非常酥脆、食落口外脆內軟-不得不提佢自家製嘅沙律醬汁，清新可口，如果餐廳可以提供多D醬就更加好伯爵茶戚風蛋糕-食落口有淡淡嘅伯爵茶味 -蛋糕上有伯爵茶醬，有雙重口感喫茶ちょうぼ大埔安邦路8-10號大埔超級城B區2樓276號舖…查看更多