味覺在綫的个人专页

約左朋友太子見面，揀左呢間幾大間既茶記，一入門口，探完熱，坐底揀野食，1O分鐘都冇人理，樓面算多，但冇人理，明明見到都扮見唔到!諗住今日食邪惡D，所以點左個下茶餐A，炸雞脾跟薯條。凍檸茶，檸茶正常，茶底OK不太甜。薯條唔夠脆，而且好多油，有燶味同油溢味，要點茄汁先勉強食到。炸脾唔算大隻，形狀大小似雞扒，皮脆，但又係好油好油，而且冇味，超級難食，結果食曬D皮，D肉剩低一大半。中左伏，以後唔會再幫襯。…查看更多

最近愈開愈多冰室，今日途經灣仔，剛好見到呢間紅磡冰室分店，見唔駛排隊便入去試下，一開門，店員好醒目即刻招呼我，剛好有張2人枱，唔駛同人搭枱。menu菜式選擇頗多，我揀了下午茶餐，冰室粗炒和凍檸茶。唔駛5分鐘，檸茶先上，檸茶茶味濃郁，今日天氣咁熱，飲一啖即刻透心涼。再等了10分鐘，粗炒終於來了，雖然是下午茶，但份量頗細。同隔離枱下午茶餐星洲炒米份量相差一半材料有椰菜，木耳，肉絲，一入口覺得好咸，㕑房重手左好多呢!結果食左一半便放棄了。…查看更多

聖誕假期開始，約埋3個好友一齊去試下呢間位於商業中心2樓既李公館嘆茶食點心。星期六，客人不算多，裝修幾特別。點左壺桂花鐵觀音，飲落啖啖桂花味，好清新!點心紙選擇頗多，傳統的，新派創意的都有。揀左D名字比較特別的點心先試最後點左個甜品~~銀耳椰皇燉桃膠，桃膠有益健康，加埋雪耳，海底椰，最適合呢個天氣滋潤一下。4個人食到捧住個肚走，好耐冇食過一間咁特別既點心了，十分滿足!朋友仲即時約埋下次要試晚飯呢度地方，服務都ok,樓面會自動自覺主動收碟加水…查看更多

下午茶時間，見冇乜人，點左2隻窩貼，一個菜飯和一杯豆漿，因為好耐冇食過菜飯，所以點左個豬扒菜飯。窩貼:多餡多汁，不過好似冇索乾淨D油咁，十分油膩。豬扒菜飯:完全十分唔掂，菜飯用炒的方式去做，非常十分之乾，真係乾到粒粒分明，仲要完全無味，中伏。豬扒幾不塊，不會太油，收貨。豆漿:不會太甜，有豆味。…查看更多

食完晚餐，諗住食個甜品，便諗起呢度。諗住又要等位，點知好好彩，唔駛等，門口有一張。坐底左，冇人理，自己出去拎menu,點左個菠蘿杏仁豆腐，菠蘿係罐頭貨，杏仁豆腐硬過大菜糕雞翼尖必食，個汁好惹味，結果掃曬，一隻都冇淨腸粉魚蛋，魚蛋有果皮味，十分彈牙。腸粉好滑，加上豉油，芝麻和混醬，又係掃光。…查看更多

星期日約左小學同學食晚飯,選了這間在公司附近的泰菜,之前已試過午飯!７點鐘準時到達已經全場爆滿,因為下午已經電話訂了位,但也等了20分鐘才可入座.而且要1個半小時交枱!一坐低,即刻點菜,選擇頗多,點左以下幾個,侍應是泰國人,要用英文點菜,大約15分鐘,菜分別送到,速度頗快因為太辣關係,點了一杯泰式奶茶,呢個唔得!超甜!總括黎講,環境舒適,價錢不貴,食物質素不錯,可以再嚟!…查看更多

新開張,Walk in 上去試下,六點鐘,因為時間尚早,得幾枱客.唔駛等,即坐.地方幾大,環境ok!肚餓先點菜,菜式比較大路,個伙計幫我地寫餸,點知轉頭返埋嚟話唔記得我地食乜！真攪笑!!!上菜快,先嚟一個煎墨魚餅,墨魚唔彈牙,冇乜味腰果ok!再嚟一個咖喱牛腩煲(跟煎米粉),講真,牛腩買相和味道同普通茶記無分別,麻麻地!但煎米粉底幾好,煎得啱啱好,唔會太油膩!最後點左個杞子豬潤魚滑浸時蔬,豬潤普通,魚滑唔掂,唔彈牙,冇味,而且一早整定!埋單時,有糖水贈送,因為唔收＄,所以唔會有要求!總體來說:食物質素及招呼同一般茶記分別不大,仍有很大進步空間!!!…查看更多

一朝早同阿妹辦完公事四圍揾野食,因為唔熟地頭,結果揀左呢間喺平台嘅一粥麵,店內大部份都係公公婆婆!等左陣,好快有位!餐牌幾乎同大家樂一樣,粥同即拉腸粉都有,選擇都幾多.鮮油餐包:麵包軟,不太大.太陽蛋:唔太熱:(火腿通粉:呢個ok!火腿絲都多,有Ｄ粟米粒,加埋通粉一齊食,幾有口感,通粉亦唔會太淋.冰镇奶茶:奶味和茶味都夠,但略甜同唔夠凍.…查看更多

今晚同朋友仔睇浩南哥演唱會,因為遲放工,結果紅館周圍都冇位食飯!近近地唯有落尖東睇下邊度有位就食邊度啦!結果揀左太興,因為人龍最短,5分鐘就有位了!仲係卡位添!幾舒服打開餐牌,燒味飯要$65 (送飲品),貴左Ｄ喎!因為我係牛魔王,所以我揀左瑞士汁牛柳絲炒河 ($65),約10分鐘,上菜了,牛河份量不多,有2條菜,炒得幾油下,牛柳條幾淋,但最大鑊係個汁,好甜,好甜,好甜...雖然預左瑞士汁係甜啫,都唔係甜到咁啩!結果食剩一半!(好浪費,不過已經好努力)凍檸茶:茶味ok!夠凍!合格!朋友點左星洲米,size,價錢一樣!佢話普普通通,d料都足,味道都ok嘅!…查看更多

今日返工落車啱啱見到最近雜誌啱啱介紹完嘅車仔麵店,見時間尚早就入去試下啦.跟雜誌推介一樣,點左過"三拼招牌麻辣撈面",豬腸,牛腩,仲有招牌手打墨魚丸(另加$2).等左5分鐘,上菜了!睇落好似幾大碗,因為粗麵上面放左韭菜.芽葉同腐皮.招牌麻辣汁k啦!少麻少辣,撈埋個麵都ok嘅!但唔係話特別好味.粗麵:冇梘水味,夠彈牙!牛腩:夠淋夠入味!豬大腸:洗得乾淨,但好甜,唔似食緊大腸囉:(招牌手打墨魚丸:只得2粒,仲超級細粒,細過咖喱魚蛋,不夠彈牙,冇乜味道:(…查看更多