T A R T's Profile

繼星期五rest day同女朋友食完午飯後，星期六要番工。女朋友又咁啱下午出街，見我無帶飯就同我一齊食。葵涌多東南亞餐廳，睇咗幾間之後，最後決定食呢間。入到去唔多人，座位闊光線足。坐低揀午餐有飯有湯有撈。在海南雞同湯粉中選了湯粉。而另外一碟就揀咗炒金邊。湯粉轉咗冬蔭公湯底（女朋友鍾意），食落都唔錯，係欠缺海鮮（蝦）味。而個炒金邊亦算合格，無咩驚喜。午餐包飲品（冷熱同價），叫咗凍奶奶，清一清喉都唔錯。…Read More

諗食生日飯，有咩啱auntie，怕太多肉唔食、煎炸唔食，海鮮唔食⋯但又要揀啲平時少去食嘅、又食過好味道嘅餐廳。思前想後揀咗呢間之前食過個豬手好食，環境唔錯嘅餐廳。三日前打電話booking三位，本想食7pm，但餐廳話分段晚餐時間：6-8/8-end。咁就照book6-8了。6:35先到餐廳（己在樓梯影咗陣相～有燈泡裝飾的樓梯拱門），上到去門口問我哋有無booking，試吓話無會不會有得唔限時，點知都係要8點交枱⋯再帶位時問要室內定室外，睇咗陣室內的枱揀室外，但怕外面有人食煙所以要番室內枱啦。座位排得幾迫、四人枱唔太夠位放4人份的食物（好在我哋三人食）。叫咗兩份餐分三人食，先嚟麵包同湯：之後再嚟飲品同主菜：個豬手還是好味、但拼上有點少。（下次要叫番全隻，因為個龍蝦尾都麻麻。）而闊麵仍舊香噴噴。最後7:30已送單要埋，反正都食完時間啱啱好。去埋廁所再走人。出到去再喺平台影咗陣相，呢間下次同朋友嚟食都ok喎。…Read More

轉咗新office，有星期五rest day。約埋女朋友食lunch，原先揀西餐，但今晚又食西餐，所以轉咗食呢間。1:15去到仲有半滿，揀咗窗口二人座位，地方寬敞又舒適。點咗兩個set lunch。其間仲見到個名人單拖過嚟食飯，我都離遠偷偷大模施樣影咗佢相。黃薑飯個牛肉好食、個汁都好味👍🏻配埋好稔嘅蘿蔔（冬瓜？）炒麵個味都好濃👍🏻連熱咖啡（下次去可以試試轉特飲）埋單$106，整體質素不錯👌🏻…Read More