Ring Tong's Profile

先不談食物當日我同老公每人一碗粉麵佢一放低碗麵 我就順手將碗麵拉近自己諗住食啦點知雙手就即刻油立立佢啲碗，匙羹，筷子嗰啲全部都係油立立係油到會"線"走啲嘢嗰隻沒有清潔好的但呢一樣嘢已經感覺10分不良好，唔會再幫襯我老公叫咗牛腩河，我唔記得自己叫乜嘢河粉，好似係墨丸河，因為通常有墨丸我都會係叫呢一樣，味道嚟講真係冇乜10分驚喜，河粉都係普通，唔係好滑又唔係好嚡嗰隻，牛腩可以再腍啲同埋入味啲，但係都唔難食嘅個湯底就好普通，感覺係鹽水加少少味精嗰種，同樣地面頭都係鋪咗一層油.…Read More

元朗區我覺得呢間素食係最好食亦都最足料另外我鍾意佢哋乾乾淨淨，座位寬闊雖然只係簡單家庭式裝修，但係好舒服我本身食素，我老公不是素食者，有次佢陪我去呢度食，佢話原來都幾好食，因為呢間調味會比較適合經常食外賣的香港人，唔會太淡口而且好足料，佢哋個湯好夠料，所以冇肉類都可以好有味好甜佢哋係類似兩餸飯三餸飯咁，有幾兜俾你選擇，不過唔會放好耐，每一兜唔會好大兜，定期都會有新菜式出嚟，好新鮮我最鍾意食佢嘅麻婆豆腐 …Read More

本身係住附近，平時都會過來食午餐，近排佢哋出咗花膠雞煲，就是一試啦首先個湯底要大讚，香港已經好少舖頭做到呢個味道，出邊大部份餐廳都係同一個味精嘅味道，食完會好口渴… 呢個湯底食完唔會口渴，入邊有大量乾蔥、洋蔥、薑等配料，有火氣又香口❤️跟住要讚d雞肉，好～～～滑，唔係雪藏雞味，入味得來都仲食到啲雞味，特別係層雞皮，又滑又煙韌👍🏻花膠絕對係靚貨，又大又厚，炆到腍晒但係都仲有咬口！平時我哋好少食花膠，今次都忍唔住食晒😂然後要讚個份量，呢度只係一半不到嘅份量！因為得兩個人食，所以諗住分開兩三餐食。我哋跟足店主推介嘅食法，食完啲雞，加少少水再煮南瓜，金菇同烏冬～ 嘩，正到丫，啲烏冬掛晒汁～ 下次朋友到訪可以唔使頭痕食乜嘢，叫個雞煲加啲菜同肥牛打邊爐就搞掂～ ！…Read More

第一次食素食西餐，比想像中好，我今日叫咗青咖喱會意粉飯，好好食，如果可以行多少少就更好！另外覺得個南瓜紅蘿蔔湯湯好有誠意好好飲，都幾大碗下但係我都飲晒。眼見其他食客嘅食物樣子都好吸引，而且都好鬼大碟！細食嘅人記得叫佢小飯小意粉之類，唔係就會好浪費....今日飲咗佢嘅latte , 因為係素菜餐廳，所以唔係用牛奶，首先，我個人覺得素奶配咖啡點都係唔好飲，試過唔同嘅素奶都係唔得，但拋開個人口味，佢嘅奶打得唔好，成杯啡唔滑，要努力改善！個人意見，如果少啲人造肉嘅選擇會更好，人造肉未必健康，她只是不是肉類... 用天然的素材更加好吧！…Read More

明明話星期一唔開工，今日（星期三）去到，有人係入邊，我哋喺出邊等等吓，佢哋同我地講今日唔開 😲專登同朋友今日入來食，結果白行一趟！（好彩隨便行咗去另一間食都好食）鐘意就唔開  .\_/.好心就比條link/fb更新開工schedule 啦！太唔專業喇！…Read More

剛剛搬過來錦上路呢一邊，估唔到村屋入邊都有咁好食嘅Pizza，唔係Pizza Hut嗰啲港式野，真係店主自己做嘅Pizza皮，唔會好似麵包咁厚，又唔會脆到變咗餅乾，同喺外國食嘅感覺差唔多，當然餡料用料會有唔同啦。叫過幾次，水準都保持好好，湯都OK，其他嘢都好滿意。價錢方面好實惠，屬於平民價錢。唯一唔滿意就係店主嘅態度，唔知點解唔可以好冷靜咁落單...次次都好似好嬲咁....而且因為係一兩個人做嘢，要預多啲時間，早啲叫定，不過係值得等待的。…Read More

早兩個星期第一次食，所以食左大路既小籠包，排骨粗面咁上下既野，饅頭，同唔記得咩前菜，都below average 😭 係個門面好少少，座位都算舒適一定唔會再去，屯門大把選擇好過佢…Read More

好吾地道，吾似泰式，味道亦一般。我地坐室外, 所以見到幾隻大強周圍跑，而佢地習慣左吾會理，我地幾台人大叫，佢地先踩死大強。仲有，d職員係會吾出聲就向你上邊遞餸，好危險，明明側邊有空位行多兩部都吾肯！講番野食：冬陰公：吾夠香草味，亦無青寧味，仲飲到好濃醋味。仲要分量少得可憐。生蝦：隻蝦算新鮮同甜，可惜個醬一d都吾泰式。濕炒河粉：好少粉，上面好多菜充斥住。好港式白雲鳳爪：千其吾好叫！無味的木瓜沙律: 港式版炒爺菜苗：算幾好明爐魚，條魚好滑，但一樣吾係泰式的…Read More