fish food的个人专页

一間好cozy的小店，座位好少，但好舒服好住家的感覺。雖然只有兩人，但服務很好，老板娘很nice，食物價錢也好合理，上次食過鴨胸沙律，大蜆意大利粉，今次叫佐帶子意大利粉，牛小排，連配湯的蒜茸包味道都好好。上次的大蜆今次的帶子都絕無欺客，大大只又夠鮮味，牛小排熟得剛剛好，汁好好味燒得很香，配上新鮮沙律唔會肥膩。…查看更多

同一條街的舊鋪結業的時候，都覺得好可惜少了一間價錢合理tiramisu又好好味的意大利餐廳。呢兩個月俾朋友發現它在離舊鋪唔算遠的樓上重開，一定要返來試。由街鋪轉去樓上，售賣食材的開架和酒櫃占了一半位置，裝修也簡簡單單，勝在舒服自在。可能因為新開番，禮拜五晚都好少人，價錢依舊比較合理，order了南瓜湯，薯仔沙律，煎三文魚，bologne意粉，同埋至愛的tiramisu。除了南瓜湯味道普通唔夠香濃以外，其他幾樣都系保持唔錯的水準，三文魚煎得皮脆好香，肉質也唔會老，side dish都好味。tiramisu系一貫的好好食，下次再來食過。…查看更多

被我地稱為叉燒的鴨胸，外形極似叉燒，一直系我地一班女仔同事的心頭好。之前一直在灣仔食，而家轉來上環繼續食。味道依舊好正，燒得外面脆脆地，裏面好juicy，汁好正，一d都唔膩，價錢好合理我覺得。自家蛋糕配高雄花茶都唔錯，waffle也中規中矩，不過始終鴨胸最出色。唯一不足上環店座位好少，就在商業大廈大堂旁邊，幸好晚上少人，都算自在，店主也非常nice。不過晚上9點大廈就要落閘，還是早d來比較好呢。…查看更多

與喜歡食上海菜的家人聚餐去試呢間新餐廳。想試下唔同的菜又懶得一個一個點，所以點了套餐。menu上散叫的點心涼盤30-70都有，質素而言價錢可以接受。因為之前已經先order了蛋白蒸蟹鉗，所以套餐裏面的蟹鉗餐廳幫我換了海參。菜式水準頗好，食物新鮮味道也很不錯，套餐品種多質素好。冷盤中的龍井燻蛋很香，脆鱔和醉雞也很不錯。蛋白蟹鉗鮮甜，散賣138，絕對值得試。蝦球，海參和蟹粉的小菜都勝在新鮮，味道唔會差。唯一不足是羊架真系好辣，套餐menu也沒表示系辣的，侍應也沒提醒。炒飯裏面也有羊肉，雖然味道ok也不膻，但也應有羊肉標誌，提醒食客。…查看更多

因為朋友喜歡成都的寬窄巷子，所以為了呢個可能其實沒咩關系的名來試。菜式當然是辣的，但落order時講明小辣，所以辣度可以接受。菜式分量較少，但味道唔錯。蒜泥白肉唔油膩的肉包住蔬菜絲在裏面，配香香的蒜，口感脆脆的很好吃。蝦仁蘿蔔湯清得來幾香，不愛酸辣湯的好推薦。麻婆豆腐特意叫了小辣，應該是豆瓣醬吧，很香微辣，豆腐新鮮送飯最好。土芹木耳很辣，吃不下了。。。特意還叫了不辣的糖醋魚，味道ok。侍應服務唔錯還好細心，唯一不足就是實在太昏暗，連帶位的侍應都問我地桌子的位置比較暗是否介意。想食好東西而已，就算多有情調也不用暗到睇唔到吧，連想影張相都影唔到，再好的裝修也睇唔清楚啊。…查看更多

呢間鋪的大部分食評是關於froyo的，今次我買了chiffon cake，earl grey garden, classic crunchy,golden mango。三件蛋糕都好清，味道淡淡的，蛋糕松軟，cream分量唔少，但唔會甜，是我喜歡的口感和味道。crunchy好脆比較甜，但同清淡的蛋糕配合味道最好。earl grey的香味則略嫌唔夠，mango就一般。但特別要講的是，外賣蛋糕的穩陣程度是我食過的鋪頭裏面最驚嚇的，雖然鋪頭的同事又放干冰又用膠紙”癡”住餅底卡紙，但蛋糕在沒碰撞沒傾側的情況下可以完全“訓”低，，上面的配料周圍散，蛋糕同cream更“癡”住盒邊。當蛋糕的價錢同好多出名餅店一樣甚至更高的時候，呢個外賣的包裝好難令人接受，如果蛋糕因為沒有餅底的原因系根本沒辦法“癡”住餅底紙的，我覺得應該想辦法有一個更好的容器裝好每一件蛋糕，如果唔系想外賣或者送俾人同人分享就非常唔得體了。…查看更多

同同事來食晚飯，等了一陣有位。order了炒貴刁，燒茄子，蝦卷，木耳沙律和兩個甜品（大概叫三重朱古力和熱的椰奶綠豆沙）。貴刁中規中矩味道不錯，木耳沙律新鮮干凈爽口醬汁帶點辣頗惹味。燒茄子有蝦同牛肉粒在面，燒得剛好頗香，蝦卷的皮有點硬但味道可以。椰奶甜品甜到漏，兩個人都食唔完，朱古力蛋糕也很一般，30幾蚊再加一甜品不值得在這裏試。最唔掂的是服務，呢晚都叫滿，但鋪頭其實唔算好大太多人，更有一些已經食完吹水，但4個女侍應簡直是疲於奔命，急步走加小跑，非常踢腳混亂，其中一個更做到好辛苦的扭曲表情，睇見已經令人好不安。落order的時候我已經重復多一次講明四樣野，但食完三樣野再過了半個鐘，蝦卷依然無影，提醒了一次繼續等，繼續無影。之後再舉手想提醒順便叫埋甜品，一位女侍應非常自作聰明的拿了賬單過來擺低就走去旁邊落單，裏面仲包括埋根本無上的蝦卷，真是當場o嘴，我地解釋完繼續等，終於等到。食埋甜到漏的甜品想加水，當然唔會有回應啦，直到再叫另一侍應，居然拿了水樽離台一段距離已經遞過來講“你自己加”，再o嘴。當然想啦啦聲走人費事阻住人地，點知想俾錢都要繼續等，旁邊的台都開始等到周圍望叫人來，直到我地企起身，忙到暈的侍應終於肯拿帳單過來。你做唔切就唔好做甘多客啦，或者請多一個樓面啦，她們做到辛苦之余我地食得也辛苦唔安落，仲要俾10%服務費，就算好食到不得了也唔會食得開心。…查看更多

朋友介紹一起來食，好可愛又簡單的裝修，服務也幾好。兩個人點佐冷盤雙拼，蓮藕餅，餃子，咕嚕支竹，紅棗茶。餃子就一般了，其他都ok，不過要特別推薦咕嚕支竹，真系好好味阿，中意食支竹如我的人一定要試，醬汁味道同咕嚕肉好似，支竹咬落去軟硬適中，仲入晒味tim.好好味阿。不過位置比較逼，兩次去都好多人，價錢也唔算便。…查看更多

中意食crepes,所以決定過來試。晚上唔多人，裏面裝修簡潔但都幾舒服，系紅色的台面同紅色的menu有d太搶眼。。。同朋友點佐savoury crepes的poulet (chiken+mushroom),saint jacques(scallop)。兩個crepes都唔算用料豐富，簡簡單單，crepes比較薄，我覺得麥味ok，不過都太乾身，雞肉也比較乾，同scallop一樣都沒咩味道，我罕有的需要加鹽同black pepper,反而灑系上面的蔥令crepes可以香d，我覺得呢樣ok.之後再要佐sweet crepes的tatin同sucre。我唔中意cinnamon，所以唔評價tatin,但sucre系好味嘎，crepes有蛋香，小小鹹牛油又加d糖，味道剛剛好，3分系俾sucre的。…查看更多

晚上9點幾，走來很罕有的唔使等位的小館食野。小籠包，素鵝，杏仁糊，小籠包湯很香，素鵝剛做好的，新鮮好食唔油，杏仁糊也很香，中規中矩但唔算特別出色的上海菜，不過價錢ok,出品有保證，值得試下。…查看更多

與同行的人覓食toast,真系好好食！意粉ok，但toast一定要試。外層脆脆，裏面厚身但好松軟，仲好香好香，食完繼續order楓糖toast，一樣好正，走的時候仲外賣一包tim，番屋企試過就甘食已經好香。不過朱古力味的toast就好似浸佐水的面包，口感幾差，吃唔晒仲俾拒絕幫手食的同行人話浪費，下次唔會再試。另外餐廳沒水供應，橙汁反而好似水，可惜可惜。。。…查看更多

當日去試先發現新開張，同行的人系中意食拉面的，我就ok。環境比較迫夾，不過都可以接受。叫佐白秀，黑秀，餃子同叉燒。餃子最正常。唔知系當日新開張或其他原因，我地都覺得拉面真系唔好食。首先兩個面都系好重碱水味，令我想起細蓉，仲要系走雲吞的細蓉。。。湯系濃，但濃到“傑”，系唔系太過佐呢？叉燒窿味好重，食唔到其他味，食唔晒，但已經覺得好滯好滯，喉嚨仲好似有野漿住0甘。。。…查看更多

可能系期待較高，所以食完系覺得有d失望。鋪頭decoration系幾cozy同 casual 感覺,不過鋪頭細細，晚餐都滿，而且都幾嘈，可能下午會比較舒適安靜。service亦都幾好，食完都會咨詢食客意見。與同行的人order佐野菌黑松露意大利飯及壹個意粉(forgot the name)。意粉系好食過飯。首先飯的賣相就不太吸引，兩塊大的菌類都比較干身，除佐油之外一d味都沒，飯系硬身的，雖然汁都幾creamy，但系好可惜一樣沒咩野味道，食佐一半已經好滯。之後我地再叫triple chocolate waffle 同caramel waffle。caramel waffle外層系比chocolate香，但兩個的外層都唔香脆，而且外層太厚，咬落去有d似面包邊。最失望系waffle裏面，兩個waffle除佐外層可以分到味道，裏面系一樣，一d味道都沒，價錢系ok嘎，不過食物味道同質素唔系甘適合我地0既口味。。…查看更多

醬料自助，贊！而且真系好好味，可以撈白飯食阿。。。雞都幾滑，好味！份量正常啦，38蚊我覺得都唔算太少啦。d飯我覺得太過一粒粒，個人口味就唔系太中意lor。不過個馬拉盞通菜要23蚊阿，份量就真系幾少了。。。…查看更多

之前睇某網站介紹過，而且話師承名師，所以想來試下，不過呢度的review一度令我想唔去試。最後因為“餵食”都系決定來。鋪頭的確好難揾，從K11入去系揾唔到嘎。。。其實系麼地道的停車場入口旁邊呢。裏面裝修的確好奢華，見到酒櫃多過蛋糕。。。甘0岩又搞緊試酒都幾多人，餅櫃門口有一個，放佐好少,如果唔系有位女士出來招呼我話裏面仲有，來買餅的我都有幾分尷尬。裝修雖然好靚，我覺得麻麻地comfy,所以俾2分講番蛋糕，我同女士講佐唔中意好甜的蛋糕，KUI好耐心介紹完，我揀佐以下幾款lady peach,tiramisu,madagascar coco,berry bubble,charcoal.從我個人口味來講，即使系kui介紹話會比較甜的charcoal我都覺得可以接受，5款蛋糕都唔會好甜，我中意！lady peach幾香又滑，除佐上面粒白色朱古力外，個蛋糕我覺得好味。charcoal綠茶+芝麻的組合我接受得到，仲有小小脆脆粒，芝麻味並唔會太濃，比起我都好中意食的某卷蛋鋪芝麻卷淡味好多，反而可以同綠茶match到，唔會太搶味。madagascar coco有d苦，我中意食black chocolate，呢個味道我接受得到wor。berry bubble的組合有d怪，裏面的blueberry 酸酸地系有d似jelly，外面加上cheese，嗯。。。食完覺得幾得意lor。反而tiramisu我就覺得一般啦，個mousse的口感有d怪，唔系我特別中意的口味。至於價錢就系坊間貴價餅店的價錢，30幾左右一件，我覺得可以接受。小小美中不足系pack的時候沒膠紙貼住餅底同個盒，番到屋企已經移位，不過要贊的是，件餅同張餅底紙貼得好實，所以雖然d餅移佐位，但系件餅沒散沒花，呢樣野就比好多同樣價錢的餅鋪犀利！竹炭栗子卷蛋系我下次的目標，而家話系推廣暫時系88蚊，請唔好甘快加價！…查看更多