1100foodsteps的个人专页

好多人都知sift cupcakes好好味, 但唔係咁多人知其實佢其他蛋糕亦好有水準, 更少人知佢地剛推出左afternoon tea set!!!! 知道哩個消息後, 落住大雨都同兩個姊妹衝上去試下!!間店非常細, 只有約7個Bar枱位, 2張2人枱, 同一張4人枱。3人或以上黎食記得book枱同reserve 4人枱!叫左一個afternoon tea set for two ($300+10%)。作位fans既我, 基本上除左咸點外, 三層架上既甜點全都試過, 但見到個3層架依然好興奮!!!!!!!!咸點有Gougere, Spinach and Lorraine Quiche 同Chicken & Mushroom Vol-au-vent。Gougere即芝士泡芙, 芝士味香濃, 唔錯。可惜個Quiche同Vol-au-vent雖然味道不錯, 但因為太小巧, 難以容納更多餡, 令到食落去好乾。Scones 一個2人set共有一個原味, 一個提子味, 但都幾大個, 兩個人share食都好夠食。不得不提, 哩度既scones牛油味香, 雖然有少少太濕, 但都非常好味! 當日提供既jam係黑加侖子, 較特別。Two mini cupcakes (triple chocolate, red velvet)哩度既cupcakes除左本身蛋糕既texture濕潤外, 個frosting真係無得輸!! Triple chocolate既chocolate frosting朱古力味濃厚之餘, 亦非常幼滑。女王食完好味到講左句”oh my god!” (其實本人第一次食, 心中都有咁樣叫左一聲 ) Red velvet cupcake上係cream cheese frosting, 亦都非常好吃!Two macarons (Salted butter caramel, strawberry)Macarons 個餅既水準雖然較一般, 但個餡亦整得好好。Two mini pastries (ispahan, chocolate hazelnut crunch)Ispahan, 即玫瑰, 覆盆子, 荔枝macaron, 玫瑰味香得黎唔假, 加上酸酸甜甜既新鮮覆盆子真係一絕! 惟唔知係咪因為係mini version既關係, 無荔枝果肉喺macaron入面。平時喺sift買既regular size ispahan係有荔枝架!!!Chocolate hazelnut crunch 既chocolate ganache非常香濃幼滑, 加埋個hazelnut dacquoise (蛋白餅)同prâliné crunch, 食落好有層次。飲品方面, 由於怕膩, 所以揀左普通既chamomile tea (好快就沖都好淡), 相信咖啡既質素可能會較好。******************************哩個tea set係配搭上黎講就一般, 因為咸甜點都係件件重量級, 所以食完會好膩。如果用一兩件清清地既mini sandwich黎取代點酥, 成個tea會balanced好多。唔太食得甜既女仔, 建議3人一set再加杯飲品便可。但總括黎講, 哩度既甜品水準好高, 雖不是酒店既service同環境, 但以$160@既tea set黎講都算係物超所值。…查看更多

是日同父母親大人plan去美國既行程, 為左想專心d傾, 就出去搵個舒服既地方坐坐。3人叫左一個set for two ($538+10%) 同一個set for one ($318+10%)。來lobster bar已係第3次, 哩度既tea set中既甜品基本上同lobby lounge一樣, 係咸點多一d蟹同龍蝦既原素。年多前黎, 加埋一都係$250一位, 宜家貴左少少呢。Request左fish tank圓枱卡位, 望下d魚, 都幾寫意。Scones 配clotted cream同strawberry jam, 口感不錯, 牛油味不突出但都唔錯。Bavarian cream, strawberry compote, vanilla macaron: macaron 水準不錯, 但哩個要快點食, 士多啤梨奶凍放耐左溶左會影響口感。Boston lobster cocktail, lime zest, pesto cone: 哩個都係要快食, 如果唔係個cone 會唔脆。上層Desir (Strawberry dacquoise with pistachio crunch): 名字有crunch, 但其實唔會食到有脆既原素。開心果味濃, 挺濕潤。中層Envie (White choclate coconut mousse, strawberry jelly): 哩個我幾鍾意, 椰子味幾香, 中間仲食到有strawberry jelly酸酸甜甜既味, 唔錯。Delice (Strawberry mascarpone biscuit roll): 賣相討好, 但非常非常既鬆軟, 食落有少少唔討好既”入口即溶”感。Plaisir (Strawberry marshmallow, Chocolate coating): 不過不失既棉花糖。下層Alaskan crab meat, tarragon and avocado sandwich: 蟹肉份量不少, 配上牛油果同新鮮麵包, 很好吃!Black truffle and duck liver pate with walnut bread: 合桃包非常硬, 鴨肝醬有點少, 黑松露味淡。Oak-smoked salmon and herb cream cheese on rye bread: 麵包軟熟, cream cheese同煙三文魚好搭, 幾好味。******************************近一年黎shangrila食tea不下6-7次了, 食得多自然唔會覺有特別驚喜, 但次次都依舊令人滿意! 哩度既服務好好, 待應非常留意客人既需要, 加上環境舒適, 每次黎都食得好舒服。Lobster bar既咸點係比lobby lounge吸引, 但哩度live music只有piano, 而我較喜歡出面既violin + cello + piano呢!…查看更多

剛完成了一份重要的工作, 就有借口要男友陪我食個TEA, 放鬆放鬆。佢同一般男仔一樣, 平時都唔會想食Tea, 所以今次佢肯黎真係好難得!Afternoon tea下午3時開始, 無得訂位的。我2時40分左右到, 已有12人左右排隊。剛好我黎果日係"Find My Joy & Peace” Afternoon Tea第一日, 享用頭10 set tea 既客人可到Joy n Peace 換取jelly 涼鞋一對! (即頭20人, 每一set有1雙) 我無特登早好多黎排都有, 真係好開心!! ^___^哩個tea set 兩位用 ($418+10%), 內容挺豐富, 但可惜無食物既menu提供, 只能考驗我同男友既味覺啦!下層Scones 較濕, 唔太鬆。特別在除左提子味外, 仲有一個粉紅色的香蕉味! 果醬方面, 亦係較特別既無花果果醬, 樓下EXpresso coffee bar可單買, 係酒店自家製。香蕉味既scone配無花果果醬, 幾特別!葡撻亦係EXpresso coffee bar獲好評既食品, 放左成個鐘先食, 酥皮依然好鬆脆, 入面既蛋亦非常非常creamy, 好好味!中層好多咸點都做得幾用心。蟹肉茄子綠椒串係afternoon tea係唔多見配搭, 食落有驚喜, 味道唔錯。煙三文魚碎蛋蕃茄包係無得輸既組合。火腿哈蜜瓜撻不過不失。有隻蝦果個咸點有d特別, 我同男友食左綠色的撻皮後, 都覺得有點蝦醬味, 唔知有無試錯呢?上層上層既甜點令人眼前一亮, 配色同造型都非常符合女仔既喜好。相片唔可以完全反映實物既美, 但我真心覺得, 哩set tea係我近一年內食過~20次tea中, 賣相最吸引我既一set!味道黎講, 以黃色既cheesecake最好味, 黃色蛋糕芝士味好濃但唔甜, 配上上面好靚既紫色綿花糖剛剛好!!芒果奶凍蛋糕亦幾好味, 個mango puree好香甜。好欣賞佢有個detail位, 就係上面既啫喱係鑽石型的!!! 好靚 :)個éclair有d香橙味, 但個puff皮好淋, 亦太多cream, 所以食落唔係咁好味。另外仲有件士多啤梨Madeleine, 好濕潤同好重杏仁味。三層架外, 仲有兩件好靚既作品, 我見大家都係最後先食, 因為唔捨得食啊!orange earl grey chocolate cake, 真心, 非常好食。朱古力味香之餘, 難得香橙味同earl grey味都好突出。如果唔係留到最後飽哂先食, 應該會覺得更加好味，連男友都話好好食!隻High heel應該係朱古力, 非常硬, 應不預客人食。上面係custard加新鮮生果, 味道唔太特別, 但賣相已贏哂!飲品方面, 揀左”joyful” 草莓椰汁乳酪凍飲, 同earl grey。 “joyful”既椰汁味幾出, 同草莓, 乳酪幾搭, 令人滿意。總結黎講, 哩個tea有唔少驚喜位, 味道唔錯, 賣相出色, 非常值得一試! …查看更多

平時唔係好敢食團購TEA, 怕中伏, 但因為試過同一集團既AVA Restaurant Slash Bar覺得OK, 所以就約左妹卡一齊食 : )上到去3點, 窗外當然無哩度出名的夜景。相反, 因為層數高加埋個落地玻璃, 實在係非常熱, 真係第一次流住汗食tea。坐低無耐, 就送上兩杯prosecco。再等多15分鐘左加, 個三層架就黎了。下層:Smoked salmon ball- 外型可愛的煙三文魚波, 360度都係煙三文魚呢! 味道正常, 但為了定形, 入面的面包被壓得好實。Prawn salad on Turkish bread- 配上青瓜, 幾清新。中層:“Burger” Lemon cup cake with mango mousse, brownies & butter cream- 又一可愛小點! 檸檬味既蛋糕被整成”漢堡包”既面包, 綠色buttercream作生菜, mango mousse (其實吃下更似加了gelatin的puree, 不是mousse)作漢堡肉, 同真burger放埋一齊好趣緻!!Warm raisin scones with blackcurrant jam- 非常mini既scone, 味道不錯, 但afternoon tea其中一樣最重要既食物得一淡, 真係有d唔夠喉…Chocolate ring- 和menu上的名不符, 不是ring, 是一塊軟心黑朱古力, 不會過甜, 亦幾滑。Cheese cake, Chocolate brownies- 賣相平平, 但味道比想像中出色。Carrot cupcake- 睇review見好多人讚哩個cupcake靚, 但我又只覺得一般, 妹卡更話蝴蝶下既葉似綠豆呢! 但carrot cake比預期好, 是較濕潤既texture, 而且有d cinnamon味, 不錯呢!上層:Cutie beef burger- 牛肉有牛肉味 (), 很好, 但d肉好好好肥啊!!Soft shell crab spring roll: 放到好後期先食都仲好脆, 而且亦好足料, 淡淡軟殼蟹肉!Oyster Rockfeller: 蠔穀細細的, 但隻蠔比想像中肥美!! 其實焗蠔做得好都可以好好味呢!! (心心眼)Foie Gras on toast: 我本身很喜歡既食品, 但哩件既鵝肝味有d唔夠香~飲品方面, 是freeflow的。選了peach garden, 有點驚訝, 竟然是杯上, 沒有跟茶壺! 雖然係可以叫waiter refill, 但感覺似係廚房沖一壺, 再倒俾唔同既客… 第3杯亦開始有d淡。食食下實在熱到不行, 諗住加錢加杯iced latte, 點知最後買單都無再收費。哩度freeflow既意思係menu上既飲品任飲??? 不過一杯prosecco, 一杯latte, 加一杯茶, 3個鐘, 分前中後期三杯飲品真係剛好, 再多反而係亂咁倒野入肚呢。以加埋一$165左右一位講, 哩到真係唔錯。如只想過過食afternoon tea癮, 而不是追求很高/很特別既食物質素或service, 絕對可以黎坐坐 : ) …查看更多

一早想試哩間蛋糕店好耐, 但因為地點問題, 一直都未有機會試。昨天放工特意搭車過黎, 希望食到d令我有驚喜既甜品。去到大概下午5點, 只係賣剩4-5款蛋糕, 每款只得番1-2件。做定功課想試既Rosenana原來要訂, Freesia亦已賣哂。好彩, 哩度既蛋糕真係好似其他食評所講, 件件都好似藝術品咁靚, 我好快就俾另外兩件俘虜左!揀左既係Royal ($60)同Akina($60)。Royal: 網站上既介紹 - Chocolate biscuit base with layers of yellow fruit compote, cocoa gelee and creamy caramel。一切開就覺得好驚喜, 每一層都做得好靚。芒果同紅莓味既果泥酸酸甜甜, 配上個caramel mousse既焦糖味香濃出色, 加埋朱古力sponge, 成件蛋糕既味好有層次, 又唔會過甜, 令人非常满意。Akina: 網站上既介紹 – Matcha tea biscuit base with mango compote and matcha tea mousse。外形上我更偏爱哩一件, 佢既形狀好特別(雖然相中可能不明顯), 而配色亦好靚。哩件既layers比Royal少, 味道亦較清淡, 但綠茶味算濃, 唔會俾mousse既奶味搶左, 食完都口中仲有少少綠茶既餘香, 唔錯! 葉子既糖味較重, 而白色既花花係白朱古力, 味道一般, 但真係好靚!食完哩兩件令人開心既藝術品, 真係好想快d去試埋其他蛋糕!!!!!!!!!…查看更多

之前已聽過conrad四月出valrhona afternoon tea, 但只係閒日限定, 要食真係有難道。好彩突然有半有假, 梗係快快手約方方兩個人黎食啦! 一個禮拜前book, 但1500去度其實大把位, book時無special request都可以坐4人既window seat。果日天氣好, 真係坐低已經心情好左! :)唔洗睇menu已決定每人一份valrhona afternoon tea set ($238+10%)。份menu上既所有甜品, 都好清楚咁寫左各自用左既朱古力既可可濃度。先上茶, 我地叫左soft peach, 但佢黎左ginger and herbs… 個味一聞就唔鍾意, 換番soft peach後好好多, 係一個正常既桃味紅茶。過多~5分鐘就到, 但d scones就喺個3層架黎到15分鐘後先到, 黎到仲要係凍的….. 真係唔明點解要等咁耐…. 3層架上既野反而好新鮮, 熱辣辣。Chocolate Scones served with homemade Chocolate jam: Scones黎到後, 方方忍唔住出聲叫人整番熱佢, 個waiter都算係有禮貌, 好快幫我地換左番黎。同平時唔同, 哩個tea既scones除左jam同clotted cream外, 仲有個chocolate jam可以搽。d scones偏濕, 牛油味亦唔濃, 不過加埋d朱古力粒都算幾好味。一開始我見有jam, 以為個chocolate jam係純朱古力醬, 一食落去食到d果酸味有點驚訝。雖然chocolate jam有果味係正常, 但既然都已有homemade jam, 我會prefer佢俾D好滑既朱古力醬我。上層SandwichSmoked Salmon: 大大塊煙三文魚, 傳統既配搭。Homemade Foie Gras Terrine with Melba toast: 鵝肝味香, 配脆脆既Melba toast無得輸!Dutch Cucumber and Herb Cream Cheese: 成個tea最清既item。D青瓜好新鮮, 好fresh。雖然唔係咩特別既item, 但加左落成個tea度令個平衡更好, 唔會得d好漏既甜點/炸野。Drunken Chicken Sandwich: 名字吸引, 但無酒味, 雞肉亦較少, 係令人較失望既咸點。中層SavoriesSeafood Navrin with chive: 哩個係成set tea最令人驚喜既ITEM!!! 因為賣相唔吸引, 又好似有堆”過份健康”既菜喺底, 我差一點點就唔想食…. 但事實係, 佢好好味啊! 上層有好多魚同蜆肉配上好creamy既白汁, 加埋下面淡淡地味既青瓜同蘿蔔, 又好味, 口感又豐富! (雖然唔係太食到d chive)Salmon Wrapped in Brick Dough: 黎既時候熱辣辣, 較後期食, 個薄麵皮都仲好脆. 加埋厚肉又唔腥既三文魚, 好味:)Spinach Quiche: 酥皮脆, 蛋滑而且濕潤, 唔錯!下層SweetCrispy Chocolate Choux: 脆皮芭芙, 入面既朱古力好濃滑, 係其中一樣最出色既甜點。亦可能係因為佢係全部甜點中所用既朱古力濃度最高, 可可味出d又唔會太甜。Raspberry, Star Anise and White Chocolate Mousse: 有點太甜。食時已溶溶地, 質地變到水水的。star anise即八角, 起初有點擔心, 好彩食落唔覺。Passion-fruit and Chocolate Mousse Cake: 酸甜味好平衡既一個甜品。本身配了66%既alpaco, 但個人覺得如果可改配高d可可濃度既朱古力(Guanaja 70%)會更出色。Chocolate & Apricot Tart: 另一個做得好好既甜品。撻皮夠硬, D apricot果粒同個朱古力既甜度好夾, d cream亦好滑, 味道非常香甜。Chocolate Chip Chocolates with Cripsy Chocolate Pearls: 哩個有點過甜, 一拎起就散, 好似食緊好多糖咁….Aragani 72% 熱朱古力個朱古力球比想像中大! 唔係第一次咁沖, 但依然有點小興奮。可惜既係D奶太水, 朱古力相對比奶少, 沖出黎既熱朱古力好稀, 有點淡。******************************比起之前食過既godiva afternoon tea, 我覺得哩個tea朱古力既原素其實較少, 朱古力甜品亦較少驚喜, 但勝在咸甜平衡, 咸點唔會"為朱古力而朱古力", 加上用餐環境舒服, 喺一個唔錯既tea set :) …查看更多

又黎到我其中一個最鍾意食下午茶既地方 :) 每次黎都食得好飽好滿足, 服務好好。食物質素雖然未至於有驚喜, 但依然係達到一個令人滿意既程度。另外, 佢會一個月左右轉一次seasonal既tea, 加埋長期都有既traditional afternoon tea set, 每次黎都有兩個選擇。今日同4個好朋友冰山, 女王, 方方同呀bee黎食。平時係weekday黎食, 黎到先知原來weekend既afternoon tea係由兩點至四點, 有限時。(雖然最後坐耐左都無人趕, 只係15:45左加要買單) 哩度其實可以訂枱, 但我前4日打黎已full booking, 只剩下walk in位。lobby位唔多, 我地又5個人, 所以我13:40左右就黎到坐低先。我同女王揀左The best of strawberry afternoon tea ($538 for two +10%), 方方同呀bee揀左Traditional afternoon tea ($488 for two +10%), 而冰山... 佢就揀左雜錦便當!!! 次次黎都係叫哩個Rose with french vanilla。飲左2個幾鐘, 沖到第3,4次水都仲有味。黎哩到食tea其中一樣野係d service勁好。有好多好靚女既旗袍姐姐, 佢地個個都好有禮貌。喺哩度唔洗叫人加水, 佢地會幫你自動加。壺茶好似飲極都仲有咁 :) 食tea最緊要梗係scone啦! 每人有2個scones, 一個有提子,一個原味。d clotted cream好滑, scones暖暖地, 唔會太濕/乾, 又有牛油香, 係其中一間我較欣賞既scones。下層既咸點好多都加左士多啤梨既原素, 例如個煙三文魚加左士多啤梨莎莎醬, 西班牙火腿意大利包加左蕃茄士多啤梨醬等。其實個士多啤梨味唔算好出, 只係多左少少甜味, 所以都叫幾夾, 但又唔係好突出。咸點中最鍾意差唔多次次黎食seasonal tea都有既鴨肝醬鄉村包, 鴨肝味非常香濃, 而且面包亦好鬆軟。烚河蝦菠菜包都好好味, d蝦好新鮮爽口。中層係甜點。白朱古力椰子慕絲配士多啤梨啫喱既椰子味好淡, 如果濃d會好味d! 朱古力士多啤梨棉花糖亦較普通。個士多啫喱卷蛋好鬆軟, 同上次strawberry theme既sponge cake個味好似, 唔錯。上層有兩杯士多啤梨奶凍, 上面有一粒雲尼拿macaron。個奶凍幾滑, 但macaron比奶凍出色。雖然唔算好chewy, 但雲尼拿味好濃好香! 另外仲有一款開心果味既蛋糕, 開心果味幾重, 入面仲有d custard。除左食物同service外, 哩度仲有一樣我好鍾意既野, 就係有現場音樂: violin x2+cello+piano。更令人開心既係可以點歌! 哩次我地好唔客氣咁問旗袍姐姐攞紙筆, 分2次, 共點左6首歌! 由disney d 歌到wonderful tonight, 再到salut d'amour, aria in G等佢地都一一滿足哂我地要求。咁既環境, 服務, 食物, 音樂邊度搵?!! …查看更多

I made my booking 6 days before, and were told that only outdoor seats are available. It was hot and windy when we got there, and it wasnt a very comfortable environment to enjoy tea when the wind is blowing your hair all the time.My expectation for this restaurant is quite high, as I have read and heard a lot of positive comments about it before i went there. The afternoon tea menu was actually quite attractive, with 5 savouries, 6 pastries and two scones for each person.The scones were quite good, buttery flavor and moist enough. I also love the texture of the clotted cream, but I felt that the homemade jam isnt very special, and it was too sweet for me to enjoy its fruity taste. The savories: The caesar salad wasnt really salad at all, but I've enjoyed the variation and the chicken was well seasoned. However, this is the only item that I think would be better if it comes in a slightly larger portion. (The others well all of the right portions because of their sweetness or strong flavor.)The prawn/ avocado/ lobsterjelly has already melted when I ate it. (Another reason for not choosing outdoor for this tea.) It was okay but I may enjoy a tradition avocado prawn sandwich more.The king crab brioche was my favorite savouries. The crab was prepared with some ginger and they went pretty well together.The foie gras creme brulee was sure a special item. It was more salty than sweet. You would probably like it if you love caramelized foie gras. The smoked salmon tarlet was just like any ordinary salmon tart. It was neither good or bad.The pastries:The seasonal fruit tart I had was pear jelly tart. The pear was nice but it was a bit too sweet for me.Strawberry jelly white chocolate creme might have tasted better if it hasnt melted. The jelly was very sweet and the white chocolate flavor isnt very pronounced.The lemon cupcake was okay, with a strong lemon flavor. However, I personally think that it would be better if they have used a cream cheese frosting.The chocolate marquise has some crispy biscuits with peanut butter at the bottom, and was quite nice.The Tart Mont Blanc and Praline eclair were both okay, but not very special. I chose "sweet memories" for tea, it was a rose tea and it tasted very nice with sweetness. I also ordered an iced latte ($50). Overall, the afternoon tea was still quite good and it was worth trying those special items. The food may taste better if they havent melted yet. (We have been sitting there for 1.5hr when I ate some of them, so I dont blame the restaurant!)…查看更多

下午同妹卡去完中央借書後, 口痕痕就去左妹卡介紹既WAFFILLS試下!!去到一坐低就叫左妹卡大力推薦既Milkshake(比利時焦糖餅乾奶昔) ($28)。本身我個人較虛, 好怕飲D好冰(eg. frappe)既野, 但哩杯又可解熱, 又唔會凍到個頭唔舒服。而重點係, 哩杯飲品既cookie味係好自然咁混入其他材料, 亦好夾, 唔會好似某咖啡連鎖店既cookie latte咁味道怪怪  仲有就係, 如果你好似我咁, 飲開某咖啡連鎖店既caramel latte要少甜的話, 你就會覺得哩杯飲既甜度岩岩好!! (當然好似我妹卡咁既嗜甜一族亦可以叫佢加caramel syrup。)但我個人覺得無咁甜, 飲得到埋佢個香蕉味會更好!!! 值得一提既係, 我覺得果個waiter姐姐好nice  :)  由於個吧枱枱面深度太淺, 我同妹卡都要坐得好近道牆, 好似喺度面壁思過咁。但由於其他枱都有客人坐左, 所以我地就照坐吧枱。喺等野食果時喺吧枱前既黑板塗鴉~~ waiter姐姐見到我地寫既野後, 主動喺有客人離開後問我地洗唔洗換枱, 真係好貼心!!!!!  飲飲下野, 主角Banana Glace Apple Waffill with Glacio icecream ($58+$30) 黎了! 我地加左一球banana and kiwi icecream (ice cream of the month)。一切開個waffle就見到d蘋果餡, 真係好令人興奮! 個waffle好新鮮, 熱辣辣, 又厚實, 加埋個酸酸甜甜既奇異果香蕉雪糕真係一流!   而其實本身香蕉+朱古力醬+雪糕+waffle就已係無得輸, waffle入面有埋個蘋果內餡真更特別!走前見到有得賣lotus既餅($22), 忍唔住買埋。第一次食哩隻餅係喺某TST大排長龍既人氣台灣cafe, 佢地serve coffee/ latte時會跟一塊餅, 果時食完已覺得好好味!! 非常香既caramel同cinnamon味!! 宜家無意中見到真係好開心  …查看更多

一早知道哩間餐廳好受歡迎, 要90分鐘交枱, 其實我同我朋友係明白亦係接受的。但奇就奇在d servers可以好自然咁, 好理所當然地令你坐唔到90分鐘都已經想走人就算。我比我朋友FJ早到, 所以我就等埋佢先叫野食。FJ一坐低，menu都未睇，已經有server問我地食咩，想我地落單。  咁我地就同佢講我地要d時間睇睇。最後我同我朋友叫左一個Pan Con Tomate y Salmon ($58), Spaghetti Carbonara ($68), Signature Fresh Fruit Tea ($42), Mocha Almond Roca Espuccino ($42), 甜品就打算食完主食先叫。唔夠5分鐘, 個carbonara已上枱。d汁非常稀, 蛋味亦欠奉。意粉尚算al dente, 但真係無味, d煙肉亦少得可憐。成碟意粉最重既味就係d pepper.....過多一分鐘, Pan Con Tomate y Salmon就黎了。賣相是okay的, 而雖然佢個tomato paste完全食唔到garlic既味(其實連tomato都係好少, FJ食完都唔知有tomato paste), 但d smoked salmon係唔錯既。當佢係一塊有smoked salmon既toast黎食係可以的。但重點係, 我同我個frd拎走果兩塊toast之後, 個server就立即收走左成隻碟。碟上既沙律菜我係未食過, 而個server亦無問過我收得未。成碟野係我枱上停留既時間, 計埋我影相, 應該得一分鐘!!!!!!!!   你可能會奇怪點解我唔出聲呢? 因為果時佢係快到我shocked左, 佢問都無問, 只係有人突然係我後面伸手拎走左碟野, 我係根本反應唔切!!!!!!!!!!至於飲品, Signature Fresh Fruit Tea 我係覺得唔錯的, 夠熱, 茶味香且濃, 果味亦唔假, 酸酸甜甜, 幾好飲。但個Mocha Almond Roca Espuccino........ 賣相, 真心, 係幾靚既, 但個味..... FJ話係果d朱古力金幣味(即係fake chocolate).....不難想像, 我地未叫人黎, 已經有server俾menu我地叫我地order甜品。果時我地先坐左<40min左右! 我地好合作既, 你要我地走, 我地就快快手落單, 叫做試埋個出名既waffle。我地叫左一個叫The Devil Eats Brownies既waffle ($82, full portion)。問心, 雖然未至於好好味, 但完全係收貨既, d waffle係脆既, d brownies既朱古力味亦唔假, 賣相亦相當唔錯! 食完waffle, 仲有15min+ 先夠90分鐘, 唔洗我叫買單, 已有人"多謝"一聲俾張單我地買。我地都食到無咩mood, 俾完錢就走人。To be fair, d野食唔係樣樣都咁難食, 可能都有人會接受黎影下相, 快手食完之後快閃既... 但對我黎講, 唔黎都絕對唔係一個損失! …查看更多