我唔算係個ramen控,但偶爾都會好想食,今日收工未諗到食咩就喺屋企附近兜咗入條巷仔發現咗間新開雞白湯拉麵就直接入座。有d出奇間店應該係10月頭先開,但都keep住坐滿9成,店主忙中依然好親切咁為我哋介紹食物。點咗2份拉麵同4個小食🙈😂海鮮雞白湯底意外地同蜆肉同蠔非常夾,搭配起嚟感覺好鮮甜😋炸蠔唔只價錢親民,亦冇因而粗製濫造,一口皮薄鬆脆,oi shi~不過個人更偏好「唐揚雞胸 豬叉燒雞白湯」,唐揚雞胸炸皮不厚不薄,望落金金黃黃,炸得恰到好處不過火,而雞肉依然保持嫩滑;白雞湯底亦甚為濃稠,一飲嘅時候會諗起「媽媽落重料煲嘅湯」咁張住個嘴😍店主推介嘅海鹽柚子梳打水喺平常心下一試發覺原來海鹽同柚子味好匹配,梳打水上再擺上一塊青葉頓時提升清新感☘️雞翼我哋點哂兩隻味,兩隻都烤得好香口,再配埋帶出雞香嘅調味令味道升華,雖然店主介紹返細隻嘅「彩雞」係mix嘅BB,不過我哋都覺得「阿波雞」肉質結實好食d~好食嘅拉麵店,得閒要再去食下🤭…查看更多
