KnN_foodvibes的个人专页

🍙：黯然銷魂飯堡配粗薯&雜菜沙律食飯tastic唔洗等老麥出🤪 唔係好有米氣嘅我都心郁郁去左食 真係完全將黯然銷魂飯嘅元素改塑為飯堡形式呈現 由帶少少飯嘅飯做外皮 內裡叉燒 菜 煎蛋 豉油而成 好港式🤟🏼但因為豉汁好多而掛唔到係食物本身 所以不停流曬落包紙底層 食到成手都係好狼狽👻雖然selling point係港式但如果係日式燒汁我會鐘意多啲 其實味道唔錯的 但唔知係咪因為由碟頭飯變成個包 個人覺得有啲奇怪 可能只係本身都唔係特別好飯🤣 🥪：煙三文魚他他烤酸麵包配雜菜沙律Sourdough bread味道帶酸幾得意嫁 主要有半熟煙三文魚 青瓜 蕃茄 火箭菜 sourdough bread略嫌唔夠香脆 整體正常🐥：香草蜜糖雞翼好蜜呀 真蜜糖嗰種蜜 醬汁非常夠 雞翼厚肉又juicy 熱辣辣食一流 比起主食我更推介呢個👍🏼📝冚棒唥食物水準🆗 擺設裝修都幾有特色 好有港式味道 但座位較少可能會坐得冇咁舒服 佢哋除咗暗然銷魂飯堡 其實仲有泰式飯堡同埋素飯堡嫁 有飯tastic情意結嘅朋友仔可以去嗰度過下口癮…查看更多

全日供應Food Set $80 - 前菜&主食&飲品試左茶湯冷麵同茶湯麵兩款 熱食湯頭帶少許鹹味 而冷食味道清淡 雖然麵質一般但感覺好清新 配一款前菜凍豆腐 兩款配菜 一杯紅茶🎃和風燒南瓜大大份 唔好睇佢咁粗 燒得又甜又腍 南瓜控表示好滿意~🐔百香果雞翼 3大隻 個汁煮得好香好開胃🌸花茶賣相好少女 用乾花點綴 飲落都好味啲其實仲有蛋包飯 多士 戚風蛋糕 窩夫都想試今日係返工lunchtime黎 有時間限制 下次閒日黎希望可以悠閒地放空慢活一下☕️…查看更多

🍳：泡菜豬肉蛋包飯幾乎每檯都點的蛋包飯 店員一上檯都會幫你切 輕輕係蛋面𠝹開 慢慢翻開薄薄蛋皮 裡面嘅蛋汁就流到覆蓋成個飯 蛋食落好滑 飯本身唔乾 加埋好濃帶辣嘅泡菜 同埋豬腩肉 覺得好滿足呀🐷🐔：甜辣炸雞年糕薯條這個配搭完全是我的菜 炸雞雞皮算脆 甜辣汁味道唔錯 如果可以多返少少就更惹味 年糕稍稍炸過 薯條份量都幾多 有沙律醬同蕃茄汁沾 成盤性價比都幾高～📝星期五晚1930左右去到 都唔少人排緊隊但好快入得 新式韓國菜 食物內外兼備 座位環境舒服 列入可encore再encore list喔👍🏼…查看更多

中秋Happy Lunch食西班牙菜🏮🇪🇸Business Lunch Set $148-$278 頭盤+主菜+甜品+飲品🥖：order後先黎熱辣辣上檯嘅麵包 兩款都外香脆內鬆軟 知道個set多嘢食 全檯6人都食曬兩個包☺️🥗：菠菜沙律配香梨 藍芝士 煙肉 合桃清新之選 沙律配帶酸醋汁同香梨好開胃 我唔太接受藍芝士 好在佢無均勻地拌係全個沙律 所以味道唔會太濃 我稍稍成pat攞走佢就okay🙊🌟：招牌烤乳豬配香草焗薯 ($198)西班牙菜嘅signature 因為未食過怕唔鐘意所以自己無點 但同事比我試左一舊 食完對眼bling bling 再「um~~好脆好好食呀！」乳豬少肥帶油脂 但唔會太膩 招牌真係招牌 推介👍🏼🦑：墨汁意粉伴魷魚配香蒜蛋黃醬 ($158)意粉微硬較有咬口 係我嘅style😬配蛋黃醬其實唔會錯 而魷魚就比較柴同無咩彈性 同埋會食到個咀黑meng meng~~🥧：梨撻小小一件來完結午餐 撻皮濕潤左少少唔夠鬆脆 味道由於甜左少少所以蓋左梨味 整體一般 甜品另一選擇係朱古力雪糕 雖然無梨撻咁常有 但聽同事講唔錯 雪糕底鋪左一層脆脆 有啲誠意嫁~📝西班牙菜一向都唔平 午餐呢個價錢係奢侈左少少 但full course得黎質量又唔錯 等過多一排佢換menu會再去 不過到時我會叫佢個招牌乳豬獨食🐷…查看更多

❄️：招牌涼皮涼皮初體驗 涼皮用木薯粉做 外貌似紅薯粉呈半透明至奶白色 但比較散碎同軟身 無紅薯粉嗰種煙韌同埋一注注連住食嗰種過癮叫左小辣但完全唔夠辣呀 配少量青瓜絲 大量莞茜 唔加餸感覺有啲齋😭🍜：重慶涼麵 加豆筋棍&牛柏葉相比涼皮 我更鐘意涼麵有咬口嘅麵質 同埋較入味 配料其實同涼瓜大同小異 呢碗我地加左本身吸汁嘅牛柏葉 同埋聽都未聽過嘅豆筋棍 係豆製品黎 個樣似大蔥切開一段段咁 食落有啲硬亦欠缺豆味 未食過唔食都無咩可惜~🐔：口水雞1份 ($40)口水雞份量算合理 一份入面有隻雞翼 舊舊雞都有骨非啖啖肉類型 辣味單一 食唔到口味雞多料辛香料交織嗰種川味 亦無麻辣味道 佐料只有芝麻同大量莞茜蔥 整體一般般🥒：拍青瓜伴木耳清新開胃 以蒜及醋味做主導 無辣 木耳比例較少得幾塊 但算爽口 青瓜粒處理得ok唔會有苦味~📝之前睇到好多人推介 所以賣甩👦🏻去嚐辣 但好似抱得太大期望 無想像中咁好食 同埋鋪面好細只得一張細長檯 可容納10人左右圍住立食總括黎講 食品確實無驚艷到要慕名而來 而堂食要係門外排隊等一段時間(都幾多人食) 用餐要企係到食 同埋偷睇到廚房一位職員嘅無帶手套放食材入碗🙈但都欣賞小店帶美食嘅努力 食到嘅建議起碼叫中辣👅…查看更多

👧🏻都幾重視早餐 覺得一天以good breakfast開始係美好嘅事☺️🍌：Fruit Bowl with Milk ($70)見到色彩繽紛已經心花怒放🌺滿滿多種生果 下面有yogurt & nut churchy 再配鮮奶 成個組合好fresh好健康🌱食完成碗原來都夠飽飽 如果多啲地方有得食就好啦💚🥚：All Day Breakfast ($98)賣相+variety💯 最可以睇到技術含量應該係炒蛋同烤磨菇蕃茄 炒蛋睇樣已經知滑溜溜 而磨菇加左香草去烤好惹味 值得一提係麵包烘得外脆內軟 無搽任何dressing都已經好有麵包香味yummy! 薯餅好脆唔會油淋淋 其餘茄汁豆 德國腸 火腿 煙肉都豐富成個all day breakfast😋🥞：Pancake (extra +$12)軟綿綿嘅pancake配鹽味牛油同糖漿 鐘意呢個質地嘅pancake唔會實的的 重點係價錢好reasonable!📝自從前年去完加拿大 就好懷念好chill嘅西式早餐☀️Coffee by Zion真心食物內外兼備 另外仲有Egg Benedict / bagel等等都好吸引 相信我好快會再去出走一趟💨…查看更多

🤩：鑊仔蕃茄 洋蔥 薑燴羊肉印度咖哩確實好香辛料味 比日本咖哩惹味好多 因為👦🏻我地max都係只會叫小辣 咦👦🏻都食到喎仲可以猛沾其他食物 雖然係小辣都覺得佢香料味好足無因為低辣度失色 相信叫中辣大辣再會過癮啲！羊肉有羊肉騷味 咖哩都會混左少少羊味 不過唔會太濃 應該唔抗拒羊嘅都食到🐑🤩：芝士烤餅 cheese nan印度菜點可以唔點烤餅 好多人黎都會叫佢地嘅芝士烤餅 果然~~呢到烤嘅烤餅無平時啲烤餅咁油 啖啖都食到夾係薄餅入裡嘅芝士 雖然無拉絲亦唔係太濃芝士味 但我覺得岩岩好唔會喧賓奪主 仲可以沾埋咖哩一齊食 如果再熱啲啲就更好啦yummy🧀🤩：什菜咖哩角拳頭咁大 熱辣辣漲卜卜嘅咖啡角 趕不及待放入口熱到差啲辣親條脷👅 個皮脆到卜卜聲 入面係主要係滿滿咖哩薯泥 加唔係幾食得出嘅少量什菜 咖哩味如果可以再濃啲就更好啦 整體都係好滿足👍🏼😋：蒜蓉炒椰菜簡簡單單炒椰菜唔會太油 平衡一下濃味嘢🆓： 威化胡椒餅甫坐低就免費送嘅胡椒餅 薄薄一塊確實好脆 似食緊胡椒味嘅單層威化脆餅咁 但呢種味道非大眾化未必人人接受📝正宗印度餐廳 價錢大眾化 OpenRice book位有9折 又有胡椒餅送 食物質素又唔錯 唔介意佢位於街市內嘅絕對可以一試👳🏾‍♂️…查看更多

黎到麵麵毫無疑問要試佢嘅魚麵/魚烏冬 兩者分別在於魚麵係70%魚肉 比較幼身同爽彈 而魚烏冬係50%魚肉 比較粗身同煙韌 而我地不約而同都係要魚烏冬🙋🏻‍♀️🙋🏻‍♂️🤩：魚之戀濃魚湯魚烏冬🐟對於平時想食少啲澱粉質嘅👧🏻真係good choice~~ 魚烏冬真係彈牙 食落同烏冬&其實粉麵個口感真係完全唔同 幾特別! 而湯底係花膠豚骨濃魚湯 自稱係用花膠蓉+古烤骨+烤鮮魚熬9個鐘無味精 個魚湯味都幾濃幾豐富 👦🏻成碗一滴不漏飲曬～而確實飲完之後真係唔點口渴 而配料就呼應其名「魚之戀」有6種魚製品 款款都唔錯 當中魚蛋真係幾彈牙😬yumyum🤩：Fish Nachos on the Boat 佢同原著版Nachos嘅不同之處係佢以炸魚皮代替chips 佢用嘅炸魚皮唔會太鹹 上面再加熱溶芝士 牛油果醬 肉碎 蕃茄粒 創意度加唔少分 仲會令你食唔停口 呢個墨西哥mix港式小食真心有驚喜!!😍📝清清地又唔馬虎嘅好選擇 專食魚麵嘅地方唔多 麵麵食物質素唔錯之外 裝潢都好modern有打卡feel 有一點一定要提就係員工服務態度都非常好 會主動行埋黎同你介紹餐牌 話換位佢地無黑面不特止仲好樂意地即時幫你調 上菜會提你小心熱 臨走提你唔好漏左把傘係遮架 今時今日服務令到客人有賓至如歸嘅感覺 絕對可以令麵麵走得更遠👍🏼…查看更多

Lunch Set = Mains + Salad Bar + Soup + Drinks 所有Salad Bar嘅都係任攞 沙律款式唔多但勝在都幾fresh同埋有煙三文魚同cold cut攞🥗 小小detail位已經為全餐飯留個印象位 今日餐湯係洋蔥湯 正常水準 另外甜點仲有爆谷食添🍿🤩燒美國帶骨保濕豬鞍配蘋果醬($168)厚肉豬鞍帶骨都好夠份量 食落一啲都唔乾 肉質未至於嫩但唔會諧口 一定厚有口質得黎亦整得好腍 伴碟蘋果上有片焦糖 再配蘋果醬感覺幾清新幾match🍎📝lunch time黎唔會好多人 兩次去都唔full 成team人去食傾計都好自在 餐廳仲有balcony位 秋冬天無咁熱無咁曬應該幾好氣氛~~ 嘢食環境一流 服務唔錯 價錢又合理 想好嘅餐廳多啲人認識 但又怕多左人爭位 好矛盾呀😝…查看更多

PICI係荔枝角新開左一排 終於都去食左 Lunch食好啲真係返去做嘢都開心啲😛$148 = Starter + Mains + Dessert / Drink❗️(已加一)Order後即刻會上pack法包 雖然係凍嘅但未算太韌🥖🆗🤩：Starter Starter係呢個set嘅重頭戲+回本位 Cold cut真係有一板六塊 Tuna Tartare算新鮮 伴紫洋蔥食 連唔食日式吞拿魚嘅我都覺得好味☺️ Salad個sauce酸酸地好開胃 沙律菜新鮮 配啲榛子嘅nuts畫龍點睛🥗😋：Mains主要係食Pici嘅意大利麵 今次試左3種 雖然我只係影左兩款🙈1️⃣Ravioli🥟意大利雲吞內有菠菜味+檸檬香 個人覺得幾好食 而且自己無咁易整到 所以3個mains入面最推薦呢個🙋🏻‍♀️2️⃣Tagliatelle🌱意大利寬麵 並唔可以同超市買到一pack/平時跟餐意粉嗰啲相提並論 PICI嘅意粉係呈四角長條形 更有質感同咬口 而Dressing味道主要黎至香草 所以食落會淡淡地 個人比較鐘意有少許調味 而意粉除左車厘茄芝士都無其他配料 所以整體水平正常3️⃣Pappardelle🍝意大利寬帶麵 比起寬麵再粗身啲厚啲 質感我比較鐘意上面嘅寬麵 感覺無咁重麵粉 但我就較鐘意呢個豬肉肉醬個sauce 肉醬辣豬腸面頰肉配蕃汁吊起個味 味道多啲層次感😋：Dessert奶凍同Tiramisu都係一大杯 奶凍係酸酸甜甜嘅莓醬 Tiramisu係咖啡粉 兩個質地同味道都唔錯 畫上完美句號呀🐷…查看更多