Samothy's Profile

星期五一家人家常便飯, 打去訂位, 因為之前試過有酒席坐得好逼, 所以問下有冇酒席, 佢話冇先訂, 但去到又係俾張8人枱, 但我哋有10個人, 因為我去到嗰陣屋企人已經坐低咗, 所以都算。冇人招呼, 叫個經理搵人沖茶, 佢可以見到你, 但就咁喺你枱邊行過唔理你。卒之搞咗好耐先有茶飲。叫咗晚飯套餐(燉湯, 例牌义燒, 蒸黃立䱽, 蝦仁炒蛋, 蟹肉菜苗) 加一特價龍蝦伊麵底, 另加孖寶炒龍躉球同燒鵝半隻, 再加一個拔絲骨。套餐嗰幾樣都OK, 龍蝦都可以。之後嗰啲等咗好耐都冇嚟, 睇番落咗嗰張單, 原最尾嗰3樣都漏單冇落到。咁咪加番啦, 炒班球ok, 拔絲骨麻麻, 最經典係燒鵝到, 碟入面完全冇汁同冇醬跟, 我咪搵個侍應問, 好難先搵到個, 問佢點解冇汁? 佢話你嗰隻琵琶鴨係冇汁, 我話你睇下咁大隻鵝頭喺度, 你唔好話佢係雞!? 做酒樓侍應鵝同鴨都唔識分!? 會唔會有啲搞笑? 同埋隻鵝亦都唔好食, 好乾好鞋。。。埋單, 我哋10個入面有個坐BB櫈嘅, 佢都計埋茶錢。見到10蚊8蚊, 算喇! 反正都唔會再嚟。…Read More

同太太同埋小朋友喺竹園附近探完人，夜晚經開就諗住食埋先返屋企。入到去，地方都好光猛四正。叫咗：蒸肉餅，咖哩牛腩煲同炒菜，仲有蒜蓉包。蒸肉餅：可以，純粹叫俾小朋友食咖哩腩：幾香，炆得幾淋，好味！估唔到蒜蓉包好好味，點咖哩汁，一流！呢餐可以呀，咁嘅價錢算幾值。服務算幾好，有機會會再幫襯。…Read More

5月20-21日兩日一夜威尼斯人+美食遊, 到第二日專登由威尼斯人過路環色完葡撻再過黑沙灣食法蘭度, 明細如下:去到唔知要去度中間個花園仔等哎位, 由鬼佬處理, 幾得意, 我地未到兩點就到, 到兩點二左右已經有位...ok~去呢度之前已經知道係冇冷氣...咁有心理準備...都算啦~~到點菜, 都知佢唔係好多花款, 得兩版...咁我地四個人就叫o左: 一隻乳豬(o黎呢度都係想食呢個), 半隻燒雞, 澳門炒飯同灼菜心(佢個memu冇菜架~呢個我諗係為中國人而切)...咁結果如下:有兩個主菜就有兩個包送...呢度D人話好食喎~不過都幾ok...外脆內軟...燒雞...普通冇乜o野....有薯條墊底...但最搞笑呢度係冇茄汁提供...炒飯...都係冇乜o野...都算係幾乾身幾好食...有D腸仔同D肉呀炒埋一碟....菜係用蜆水灼熟...冇油架~佢俾o左支橄欖油俾我地自己淋...冇乜味架~好在d菜叫做新鮮...最搞笑係乳豬...佢兩點半同我地講乳豬賣晒...叫我地食其他o野...咁我地o黎呢度主要係想食乳豬...咁咪問佢咁幾時有囉~咁果度d阿姐話: 我唔知架~d師傅冇講喎~(佢完全冇諗過去問廚房囉~佢凈係想你叫過第二樣o野...咁我咪話: 咁你地今日成日都唔會有乳豬架喇~!?佢直頭冇理我~離譜!)咁之後就叫o左個蒜燒骨頂住...但到食咁上下覺得都飽諗住cancel o左去...去俾錢果陣個收銀叫我地等陣...到3點(等o左個幾字)話已經整好o左...監粗打包俾我地拎走...=_="...令我最慶o既係走果陣經過廚房...就見到一隻隻已經燒好晒o既燒豬...我咪問d侍應點解頭先又冇燒豬...如果係就有o既我地可以等呀~最好笑係個侍應話d燒豬未燒好個喎...咁我o係廚房見到果d係咩o黎架~!?...果度d侍應差成咁...就算d o野幾好食都冇用 (何況d o野又唔係話特別好食, 起碼唔值山長水遠去到黑沙灣食...)...佢地繼續keep住呢d服務態度囉~又睇下佢d生意會好得幾耐...總之一句講晒..."唔會再有下次"~~!!!…Read More

同意之前果位講...估唔到開o左唔夠一個禮拜就有食評...仲要全部都係喊面~話說今日下晝Lunch諗住都幫襯下啦~(之前成日見佢好似好多人咁, 點知原來係假像, 因為佢要o係門口買飛先)...講真選擇唔多...都o岩o既~太多可能搞唔掂~但點知點原來小o野揀都一樣搞唔掂~我食拉麵 - 神戶牛肉粒拉麵麵豉湯底 - 送小食38蚊跟熱茶~我同事 - 豬軟骨拉麵豬骨湯底 - 送小食38蚊跟熱茶~首先發現o既係小食唔得...送o既係八爪魚(紅色果d) 同螺肉, 凍到d汁都杰撻撻, 見到都唔想食~再o黎...拉麵d湯唔夠熱~完全冇辣口o既感覺~湯凍o既原因係d麵係整定擺o係個碗度....搞到變o左個餅...d湯一淋落去咪即刻凍晒囉~仲要自己發番開d麵~離譜~~最後係d所謂"神戶牛肉粒"...又係凍o既~~~想點~!?佢收得呢d價唔該佢整好d~味千都係咁上下~唔係話味千好好但點都好過佢囉~之前d人講得o岩~冇下次呀~!!!…Read More

同事生日就試下呢間, 都係叫點心o者~d侍應都幾落力sell套餐.點心就一般啦~又唔係差但又唔係好好囉~之後叫o左個肉碎抆米就認真麻麻喇~又抆得唔乾身, 又冇乜味...最離譜仲要漏單, 等o左四個幾字(果陣已經好多客走o左, ok多吉檯)不過呢d o野試過就算啦~如果以飲茶炒o野計~"君彩"肯定好食過佢~~!…Read More

今晚同屋企人一齊去海港食晚飯...叫o左o既餸如下:燒鵝一隻; 乳豬拼海蜇; 古鹵黑豚肉; 香蒜牛仔骨; 竹笙燒豆腐; 翅湯淋津白; 溫公齋煲; 龍井河蝦仁同埋冬瓜盅~首先講service先...明明唔係冇人格~落單都要等好耐下....落單果位肥姐...佢真係當你自己屋企人咁粗聲粗氣唔在講...最緊要係佢介紹果個冬瓜盅...OK~!報告D餸o黎到同試過之後如下:燒鵝一隻--我未見過明明order一隻燒餓, 但o黎到隻鵝鴛鴦色o既~兩邊唔同色, 但可以點呢~又肥喎~好差~~!乳豬拼海蜇~份量少, 不過都過得去...算ok咖喇~~古鹵黑豚肉--d肉好多粉, 完全冇以前咁好食~香蒜牛仔骨--d肉完全俾d粉拿到d玉淋到霉~竹笙燒豆腐--豆腐心冇乜味~個皮有dd"益"~翅湯淋津白--津白好老, 大塊又咬唔開~溫公齋煲--有d甜...不過已經叫做接受到~龍井河蝦仁--蝦...好多都腥o既~無啦啦又d琥珀合桃伴碟, 不倫不類...最離譜o既係冬瓜盅~唔係原隻冬瓜o既...得其中一節o係個膠o既窩度, 湯冇乜味~完全唔掂~咁o既水準仲好意思收1000蚊~茶餐廳炒小菜都好過佢~我已經決定bad list將軍澳呢間海港~…Read More

琴日咁o岩要入元朗見客, 之前梗係上o黎望下入到去有咩好食. 就見到呢間0喊面o既舖頭. 要試下喇~~去到點半鐘左右, 幾多人. 但都搵到位. 叫o左個油雞鵝飯+支細五花茶. o野未到睇下D環境. 一定唔係靚裝修果D, 不過都算企企理理.飯到~! 鵝o既皮真係仲有D脆, 唔肥同好鮮味. 正~! 查實雞都幾嫩, 算係水準以上架喇~不過只係鵝對比之下顯得太出色o者...全程都唔夠半個鐘就消滅o左碗飯~雖然32蚊o係元朗食個雙拼燒味飯唔算平, 但如果係好食o既我覺得OK喎~另外順帶一提o既係雖然佢呢度只不過係燒臘飯店, 但唔代表佢地冇Service. 我琴日咩住個袋, 食飯果陣擺o係大髀上面, 佢地個姐姐一見到即刻拎o左張凳俾我擺o野. 同埋琴日Lunch整個過程, D Staff雖然係忙, 但佢地都係有笑容o既~做街坊生意做到咁, 仲想點呀~!?…Read More

公司春茗o黎呢度食, 六個人每人一套餐另外有個別同事upgrade翅加花膠同埋最尾個甜品杏汁蛋百再加官燕, 個人意見如下:翅- 普通金華火腿湯底, 翅針幾粗, 算ok鮑魚- 唔知幾刀頭, 套餐都唔慌大得去邊, 不過抆得過淋, 冇乜咬口, 冇阿一果度咁好食鵝掌扣遼參- 鵝掌真係幾淋幾入味, 好! 不過最衰個遼參完全唔入味, 非常之麻麻~!其他o野略過, 最尾upgrade杏汁燉蛋白, 加官燕係幾好味! 不過甜D.總括o黎講OK...最重要係唔駛錢. 哈哈~!…Read More

星期四上大陸之前經開...叫下午茶餐: 上海雲吞拉麵配豆漿另外散哎個小蘢包...拉麵睇住個師傅拉...點都ok~反而係雲吞唔係我想像中皮厚大隻果d...有d失望...豆漿送...算係咁啦~小籠包...麻麻...整體o黎講...31蚊...算平...o野食...一般...算OK啦~~~…Read More

琴晚由大陸坐巴士落o黎...一條冷心思思想去澳洲牛奶食個茶餐先返屋企...想去就去啦~一如過往...都係叫茶餐(茶餐抵呀嘛~26蚊..之前25蚊咋~)炒蛋...一如過往...滑~好味~多士...一如過往...厚~配埋塊火腿加d炒蛋食...正!叉燒通粉..一如過往..一般...呢過只要填飽個肚...OK架喇~餐茶...鴛鴦走...唔會有問題~成個過程好快...4個字左右...都係一如過往...快~至於D伙記...都係一如過往...我又覺有咩問題喎~!?成間餐廳都係人...都叫做Keep到有招呼啦~咁人地茶餐廳之嘛~!?仲想點喎~!?…Read More

星期四晚做完GYM...心血來潮o黎o左天后.都算係專誠o黎搵呢間餅店o既拿破侖試下.由於小弟對芒果情有獨鐘.所以就買23蚊o既芒果拿破侖喇~同之前個食評一樣.買一件都有盒?真係唔錯.行到出門口已經急不及待拎出o黎喇~講真賣相唔係非常靚果隻.但憑佢o既體積同重量睇o黎就唔定唔o野小.狠狠地咬過去.講真真係有d呢HEA.又要食得快又要就住唔好俾d custard跌出o黎.真係如果小d功力都唔得.芒果係鮮甜o既.custard係香滑o既.皮真係好鬆脆.好正!買o既時候都有小小質疑23蚊值唔值.但試過之後肯定會覺得值!...不過...感覺上太Heavy喇~絕對係減肥人士o既強敵...…Read More

早輪陪女友o黎灣仔整頭髮, 女友整頭自己就四圍踱. 行過呢間金牛就入去整過炸脾Tea. 好深色同乾身...可能係炸之前腌過卦~查實o黎得呢度俾咁o既價錢都唔係話想食d咩好o野. 食物o黎講都OK架喇~不過呢度對於我呢D70年代出世O既人O黎講係好有Feel~另外我個人覺得又係好有Feel o既港式快餐店: o係太子花墟入面o既好似叫"大快樂"o既快餐店. 凈係佢用o既綠色長型磚都知道係80年代o既產物. 勁有Feel...即時諗起80年代果蹅港產片. 尤其係校園青春片...Soory~~!!有D離題...^^"...…Read More

上星期中秋公司做節就話要o黎呢間Lunch. 都早d落o黎拎定位先架喇~但棋差一著, 十二點三o黎到諗住一點都會有位架啦~點知果陣已經人頭湧湧. 卒之我地係點半入坐. 等o左一個鐘頭三個字. 題外話.見其他食萍係咁炳個知客. 查實我自己覺得又唔係真係話好惡或者好冇禮貌咋喎~反而有陣時令我覺得煩或者係冇禮貌o既係d等緊位o既客.^^".講番正題...點心個別啦~部份真係好唔掂. 例如好似流沙麻蓉同煎堆仔. 一d都唔流沙...真係好流!五味雞...普通o野仲要係肉有d鞋...可能我唔識o野啦~食唔到有咩特別...乾炒牛河亦唔見得有咩特別, 同一般舊式酒樓出O黎O既水準差唔多~仲有其他點心同小菜都冇乜驚喜...普普通通. 講真如果要食風味O野...我反而覺得去川龍都好過佢. 起碼啖茶都好過佢先啦~等咁耐食D咁O既O野...算把啦~如果唔係咁多人都OK o既…Read More

某日夜晚同女友經開女人內街. 發現o左呢間踞扒o既地方. 查實好似開o左唔係好耐. 地方算唔錯. o野食亦算OK...我Order o左咖哩牛肉飯. 女友就Order o左牛小排7成. 我果個飯算OK. 女友果個就好好食. 雖然要成舊水但都物有所值. 原則上如果唔想食貴o既佢都有d7點半前38蚊o既鐵板餐. 唔錯~!…Read More

今日過開呢頭做o野.做完o野其實都唔係肚餓.但見d食家個個都話正咪試下囉~呢度地方細細都幾整齊.同埋麵係老細自己煮番.同埋經常都係笑容滿面.咁叫o左個牛丸麵.麵爽, 湯清甜.牛丸有5粒,其中兩粒係牛筋丸(好彈呀~)相比其餘果3粒就差d但都好好食.講真15蚊真係邊度搵呀?下次有機會都要o黎食多次~…Read More