ttahting的个人专页

好耐冇寫食評.::在深水埗附近返工，放lunch嚟咗呢度食米線，湯底方面叫咗麻椒湯底，餸唔知揀咩好，於是選了招牌麻椒牛腩（+14）同埋魚腐（+8），湯底夠麻，小辣已經算幾辣，湯底偏重口米線方面，特意選了”爽d”, 但黎到都係偏淋..冇咩咬口..餸方面個麻椒牛腩真係令人失望，d肉碎到我懷疑自己食緊五香肉丁咁完全唔覺得係食緊牛腩👎🏿$14蚊黎講質素可以好少少..有待改善..魚腐就冇咩特別，不過不失啦…整體來說真係唔特別出色, 有更好的選擇冇咩都唔會再試了…查看更多

週年紀念日，咁岩信用卡有優惠，就book咗呢間米芝蓮餐廳一試！當晚食既菜式如下：每上一道菜，服務員都會好仔細講解雖然聽完都未必會記得，但細心位值得一讚！黃菜頭湯酸酸甜甜 幾開胃刺身賣相好靚，加埋青豆同乳酪粒 好夾鴨肝打成泡泡的青汁 中和了鴨肝的油膩魔鬼魚配蕃茄 主菜 Pork 橙酒梳乎厘 配柚子雪皅當日餐廳仲送咗件蛋糕如果加埋支蠟燭就更好了 甜點當晚特地自𢹂了一支紅酒慶祝🍷**餐廳會收取開瓶費總括黎講 服務食物都唔錯 值得一試！…查看更多

以前去日本會專登去食人氣Pancake店，而加唔洗✈️都食到今次黎試下呢間成日見人排隊既Pancake！同朋友兩個人， 閒日下午唔太多人大約等咗15-20mins就有位喇急不及待，點野食！大家都未食lunch,選了一咸一甜既pancake榛子朱古力焦糖香蕉pancake好好味😍香蕉 朱古力既味道本身已經夾加上空氣pancake , 唔錯！推薦煙三文魚牛油果Pancake配料既味道同質地比較實既pancake食落味道都唔錯，但糖漿份量少， 食到後面會有點dryGreen Tea Smoothie 👍🏻😝幾好飲 又大大杯，同朋友傾下食下已經1.5hrs離開店舖開始見到好多人等位。…查看更多

週六下午同朋友經開K11,就隨便搵左間餐廳食個下午茶呢間餐廳坐落幾舒服既，店員仲會比個籃仔放隨身身品，幾貼心食物方面就一般喇下午茶既選擇不多咖央西多士食落冇咩味既LATTE 幾好飲 拉花幾靚👍🏻雜莓咖啡雪糕waffle個賣相整得幾靚，咖啡雪糕好濃郁…查看更多

呢間係朋友介紹既餐廳，咁岩醒起就去食個lunch la.舖內座位雖不算多，但亦不算迫，Lunch Set包括了 麵豉湯 沙律 和主菜，都算幾豐富，-特上魚生丼賣相唔錯 有三文魚 帶子 蝦 等等，食材幾新鮮 ，份量都唔算少-三文魚海膽丼三文魚都切得幾厚，飯既份量都唔少- 池魚刺身 $198池魚都幾新鮮，切完擺到靚一靚 ，幾有心思，醬汁配上蔥花 蘿蔔蓉等配料，都唔錯食完仲可以選擇整湯/ 炸魚骨選了炸魚骨 因為未試過，脆卜卜 好香魚味，幾特別呀…查看更多

經常路過都見到有人等位既大排檔，某晚深夜肚餓，見佢開到凌晨3點終於一試！閒日凌晨12點幾黎到，店內竟然仲坐住好多枱人食緊野，但我選擇了外賣返屋企慢慢食，果然冇令我失望。黃金蛋黃魚皮，好heavy 好香脆 啖啖咸蛋黃 好味！酥炸黑松露菌醬芝心乒乓波牛丸呢個我覺得係必食！大大粒牛丸，肉質彈牙，咬開裡面係流心既黑松露菌醬，好特別黑松露味好濃好突出有驚喜！滿滿既黑松露菌醬最後點左星州炒米，唔知係咪個魚皮太重口，顯得呢個星州炒米有點失色，食落味道比較淡，但值得一讚既係裡面既蝦好大隻！下次要去堂食試下其他食物先得！…查看更多

記得好耐以前香港店未開張時，去曼谷會食呢間樂天皇朝，今次就同朋友相約旺角食lunch，一齊回味下當然要點呢個八色小籠包啦！同朋友一人4隻，其實食過幾次，全部口味都已經試過哂。最鐘意係🖤黑松露，本身係黑松露迷 味道好好！其次❤️麻辣都唔錯，味道好香，但食落唔會太辣，幾惹味！當然唔少得原味 ，點少少醋已經好美味，小籠包既皮夠薄，咬開都有唔少湯汁另外點了膽膽麵，又係經常會點既。麵既湯底好濃辣度好夠唔食得辣既人可能會覺得太辣而麵既硬度都適中，唔錯！…查看更多

見到咁多好評，心郁郁想試呢間餐廳好耐，終於食到喇！同朋友兩個人叫左幾樣食物share。今日既主角 必食招牌菜。威靈頓牛柳賣相已經好吸引！呢個牛柳好特別，外面係用一層酥皮包住，中間有一層蘑菇碎，最入面就係牛柳。外面既酥皮脆，裡面既牛唔會話太熟，加埋蘑菇，真係外脆內軟😍味道好夾 好好味呀呢個菜式每日限量，需要預訂，想試記住book位時預先order定啊！另外，點左個芝士煙肉薯條🍟啖啖都食到煙肉，好足料估唔到份量好多！我諗四個人share都得總結呢間餐廳既食物都幾有驚喜，價錢又合理唔貴，值得一試…查看更多

閒日同朋友相約到Elements，隨意行入呢間餐廳，閒日下午既關係，人流不算太多，靜靜地，座位都算闊絡，坐得幾舒服，點左Carbonara ，個醬汁好濃郁，煙肉切到細細粒，唔錯！啖啖芝士，食哂成碟都幾”漏”成日諗唔到食咩好都會點呢樣，係幾好味既! 唔會失望之選飲品點左凍既Rose Latte,個賣相好靚，整到奶同咖啡分開一層層，上面再舖上玫瑰花瓣味道方面，玫瑰花味就唔算太突出。…查看更多

今次黎到銅鑼灣食野，唔太熟港島路 試試朋友介紹的米線入到舖內都幾多人，座位算舒適，唔會太窄點左腩肉 豬大腸米線 ，湯底味道好濃郁，但感覺略為咸左少少，米線軟硬度適中，幾有咬口幾彈牙腩肉煮到好焾 又不會太肥，又唔會好乾身，好美味！豬大腸本身已經整到好入味碗米線裡面仲落左好多酸菜 同其他配料，肚餓得濟食哂成碗，份量都唔小由於係第一次食 選擇了小辣，不算太辣，下次應該可以試中辣！青瓜就不過不失啦 冇咩特別驚喜。食開連鎖米線店，有時都想轉換下口味，米線控可以試試…查看更多

某天放工同朋友相約Happy hour,店舖位於尖沙咀 位置方便環境都幾寬闊 舒服好岩黎傾計飲杯野！叫左薯條同避風塘椒鹽魷魚鬚，小食係用點心籠裝住，幾得意，個魷魚鬚勁多炸蒜粒粒，又香又脆 味道適中唔會話太咸送啤酒一流🍻友人仲點左burger!睇落都幾足料 但我就冇食到。…查看更多

相約友人lunch,又係友人揀既少女風cafe，一入門口，已經比玻璃櫃入面既蛋糕吸引到，好精美😍友人點了個沙律，而我點了雞扒羅勒意粉。個意粉好香，羅勒味好濃郁意粉既硬度適中，都唔錯既飲品點左藍莓smoothie,係新鮮水果打成既 飲到d果皮😋食完飲完已經好飽 下次有機會要試下甜品！…查看更多

某日下午同好友黎到土瓜灣搵食，去左呢間Take a break cafe係門口已經見到Lunch time都幾多人幫襯急不及待點野食首先點左Burger拼薯角，仲有少少沙律塊牛肉好厚呀加埋片菠蘿又幾夾喎！裡面仲有芝士、菜同醬汁，食落啖啖肉 好juicy!另外點左個番茄肉醬意粉好多肉碎 味道夠濃，都唔錯飲品點左Rose Latte， 個拉花拉得幾靚配埋玫瑰花瓣，真係要相機飲先味道都唔錯 飲到玫瑰花既香味…查看更多

去日本一定會食水產，而加唔洗飛日本都食到喇😋店舖裝潢好有日本風味！第一次黎，揀左好多人地推介既食物刺身五盛新鮮厚切刺身，帶子好鮮甜😋蟹味噌甲羅燒店員會擺個爐係枱面幫你燒，濃濃既蟹膏😍配埋青瓜絲 蟹籽等配料，口感好豐富！值得一試烏賊燒🦑又係燒物，燒得唔會太乾 岩岩好😋食材都好新鮮👍🏻同朋友食到好滿足…查看更多

呢間Dazzling Cafe已經食過幾次，餐廳裝潢充滿少女味，幾適合女生們聚會👭今次同朋友帶埋👶🏻👶🏻黎，店員安排左外面較闊既位置，方便擺放bb車👍🏻點咗以下既食物:黑松露薯條🍟😋啖啖都食到黑松露 好足料！岩岩炸起脆卜卜 點埋醬食到停唔到，必食Baffalo wings算係整得唔錯，夠濃味 又香又辣！不過份量就少左啲最後緊係要食甜品啦，每次都會點蜜糖吐司個賣相好靚，最鐘意toast加埋d半溶既雪糕，好heavy但又好好味😍黎過幾次質素都keep得幾好👍🏻…查看更多