HinCheng822的个人专页

前幾日同老媽子去淘大，好耐冇食過粉麵決定入去試吓啦～我地嗌咗牛雜河，雲吞麵，魚蛋河。因為下午茶時間所以送熱嘢飲。首先嗰個牛雜河，牛雜湯夠濃夠香，河粉好滑身。魚蛋河啲湯係白色魚湯，我哋兩個都認同佢嘅河粉係好食。雲吞麵都唔錯，面都煮得夠彈牙👍🏻👍🏻👍🏻不過碟菜就太細碟推介要配河粉～…查看更多

如題😂去搞笑嘅，好啦都試吓啦，爆谷香得來夠林，老人家都啱食呀～肚餓嘅仲可以整個熱狗，新鮮滾熱辣～加埋杯即叫即針既汽水，簡直冇得彈呀～果然係睇戲三寶～一個都不能少呀😂…查看更多

呢間我定期都會去食下，因為佢個飯入邊嗰啲牛油啊，唔知咩醬啊溝得真係好好食，之前都試過晒佢嗰啲唔同種類嘅餐，但我最鍾意都係基本嗰個牛肉飯，因為呢個牛肉飯先充滿佢呢間嘢嘅特色👍🏻…查看更多

錦麗嘅粉麵湯底一直都好好食，而我每次食親都一定會嗌多少少泰國芽菜，貪佢生食浸熱湯夠爽口，一碗麵好唔好食就係好睇佢個湯底。而佢個湯底好夠味👍🏻但有少少意見。就係佢嗰塊葉好似冇之前咁新鮮啦～…查看更多

呢一間自助餐我都食過幾次，印象最深刻係佢個粥，佢嘅粥煲得好綿，夠入味，我都冇諗過去食自助餐會係咁食粥😂，另外值得一讚係佢啲海鮮同生蠔，最吸引之處係佢嘅生蠔係補得好快，而唔係嗰啲排晒長龍，一人兩三隻嗰啲，佢呢個真係任拎，呢兩樣嘢係最吸引之處👍🏻…查看更多

如果係觀塘區想食串燒可以試吓呢一間，原因係食物種類比較多，你燒串燒之前都可以嗌少少炸嘢食，即叫即炸熱辣辣穩陣。而我嘅步驟係前菜推介炸薯條等緊薯條嗰陣去雪櫃攞嘢飲同埋攞秋葵、螺肉呀雖然嘢飲種類唔算好多，但絕對夠你選擇每次嗌嘢食我都會嗌兩至三隻蠔擺喺側邊慢慢燒而啲店員都會提一提你燒海鮮嗰陣時要反一反，絕對係貼心嘅一個步驟。…查看更多

呢間嘢我我食過豬手麵同埋啲快餐，快餐嘅質素就唔講啦。但豬手麵又真係幾好，豬手有兩至三嚿，因應大細而比，煮得夠林身，不過味道係真係唔錯，得閒行過下午茶有興趣試吓啦～…查看更多

唔知點解呢間冇人寫食評，我諗係因為大多數老人家，唔緊要，我又寫下啦，之前食咗酸菜魚最近食埋水煮魚，佢有分大同細，不過我兩次都食大，酸菜魚都好食，不過太耐啦，唔係好記得。而水煮魚嘅辣到唔會太辣，辣到適中，適合大眾，魚肉夠滑身，屋村嚟講，佢真係算好高分👍🏻👍🏻👍🏻樓面姐姐服務都唔錯，可能街坊佳里…查看更多

周不時都會去呢間飲吓茶食吓嘢，最方便嘅係每張枱都有一個自動上水機，夠晒方便，大家都知㗎啦，有時忙起上嚟都冇人嚟加水，所以我覺得呢個做法幾好，qr code落單方便快捷，點心方便蒸嗰啲幾好，不過炸嘢就一般。整體嚟講算佢合格啦。…查看更多

大家都講得好啱，呢間不嬲都係快靚正，但係最遺憾嘅係米線嘅口感差咗，生腸冇以前咁爽口，而家係硬嘅，而外賣嘅蒜泥白肉，雞腳筋，都比以前小咗好多。咁樣唔得個喎。食材差咗都算，仲要少咗🫵🏻…查看更多

呢啲麻辣鍋其實都係好穩陣嘅菜式～好難整得唔好食既，不過佢好就好在唔太油，都係同一般乾鍋一樣一堆乾辣椒咁款，都係配返啲彈牙爽口嘢就最夾，鮑魚，蓮藕片，魷魚鬚，牛百葉呀 ok啦…查看更多

爭鮮壽司，不嬲都係要求唔高嘅就OK，唯一好處就係就腳同快捷 早餐買碌手卷就走得 一出閘返屋企前買一盒又得，得左，推介玻璃蝦 赤貝 盒裝10嚿三文魚，仲有白色嗰個唔記得咩名😂…查看更多

其他都正常水準，所以冇乜特別好講，香芒蟹肉炒飯，反而呢一度炒飯，顆粒分明，蟹肉鮮嫩，每一口都能感受到蟹肉的鮮美。加埋芒果 新鮮又清新，即刻令到呢度再層次感上升呀 不過我諗芒果靚唔靚都好睇彩數😂點都好，係有運仔嘅…查看更多

其實我覺得以前嘅鐵板餐真係比而家嘅鐵板餐好好多 以前係酥皮湯加粟米 而家唔知點解變咗一串唔知係未薯片咁嘅嘢都唔知咩嚟（串嘢仲超級熱氣），強烈要求變返粟米 唔好再整個串野就最好啦 唔該哂～仲有收銀員嘅態度可以好啲…查看更多

觀塘區不嬲都人多，度度都好多人排晒大隊，見pizza hut出面小人排隊，就㩒定飛仔，其實食咩薄餅都冇咩所謂 但就一定要有芝心😂加堂食熱辣辣，仲可以拉下絲。雞翼拼盆都唔錯，穩陣野 比較林身啱老人家食～如果唔想坐到咁逼，又唔想周圍環境太嘈，呢度都係唔錯嘅選擇呀…查看更多