fung0715的个人专页

最近先知道沙田市中心開咗一間泰國餐廳，餐廳餐點由名廚主理，聽講開張之後一直幾有人氣。餐廳嘅特色裝修充滿泰式風情，彷彿置身喺泰國街頭，未開始食已經覺得返咗曼谷😋我點咗牛肉船面，絕對是必試之選。因為佢呢一碗集齊了鮮嫩牛肉、彈牙牛丸、軟腍嘅燉牛腱肉，同埋膠質豐富嘅牛筋用料十足。湯底更係精髓所在，感覺到經過長時間熬製，散發出極其濃郁嘅牛味，每一口都醇厚甘香搭配咗一款叫闊河粉，佢嘅口感好特別，好似粿粉(?)咁軟糯滑溜，可以完美掛上湯汁，整體味道極之惹味，令人回味無窮！！我太太就點咗另一款令人超驚喜嘅係「綠咖哩雞腿飯」。咖哩一上枱已經香氣撲鼻，辣度適中，而主角!!!雞腿!!! 更是烤得恰到好處，做到外皮香脆而雞肉依然保持鮮嫩多汁，平時健康無食雞皮都忍唔住食晒配上香口嘅咖哩汁，讓人不自覺地將飯食晒。餐廳嘅泰式鑊氣小炒同樣出色。「九層塔炒牛柳」鑊氣十足，九層塔嘅獨特香氣同埋軟嫩嘅牛柳完美結合，係伴飯一流嘅選擇。最後，飲返一杯清新嘅「青檸梳打」，少少酸少少甜嘅滋味正好化解了主菜嘅濃郁香口感，為今餐豐盛嘅午餐畫上圓滿句號。呢間餐廳無疑為沙田區嘅泰菜增加一個高質選擇一定會再戰…查看更多

位於尖沙咀重慶大廈地下新Food Court 「heath」的「Ha Noi 越南菜」是一間主打地道越南美食的餐廳。店內裝潢簡潔，充滿越南風情，氣氛輕鬆舒適，無論是朋友聚餐還是獨自用餐都十分合適。餐廳的菜單選擇豐富，而我就喺當中點咗三樣，包括越南拼盤小食、極品牛三寶湯河同埋河內牛丸湯河。小食拼盤是這裡的招牌之一，當中最令人驚喜的是春卷和炸雞翼。春卷外皮炸得金黃酥脆，內餡新鮮飽滿，入口即散發出蔬菜和肉類的香氣，油而不膩，令人一試難忘。炸雞翼則外層香脆，雞肉嫩滑多汁，調味適中，每一口都帶來層次分明的口感，是小食拼盤中的亮點。其他小食如越南拼盤，配搭新鮮蔬菜和特色醬汁，為味蕾帶來豐富的享受。主菜部分，極品牛三寶湯河的湯底清甜，牛腩、牛筋和牛肚各有特色，牛腩軟腍入味，牛筋彈牙，牛肚爽口，配上滑溜的河粉，令人回味無窮。河內牛丸湯河的牛丸彈性十足，肉味濃郁，湯底同樣鮮美，適合喜愛牛肉的食客。飲品方面，我哋就點咗青檸梳打同熱嘅蜜糖檸檬。青檸梳打帶有清新柑橘香氣，口感清爽，能有效解膩。熱蜜糖柑桔則甜中帶酸，暖胃又滋潤，食完熱氣嘢是餐後的理想選擇。總括而言，「Ha Noi 越南菜」無論在小食還是主食方面都表現出色。餐廳價錢合理，服務親切，是尖沙咀區值得一試的越南餐廳。整體用餐體驗非常愉快，從入座到點餐，店員都十分親切有禮，令我感覺賓至如歸。春卷和炸雞翼的味道讓我印象深刻，每一口都吃得出新鮮和用心。主食的湯底清甜，牛肉配料豐富，特別適合喜歡地道越南菜的朋友。飲品方面，青檸梳打和熱蜜糖柑桔都很有特色，為整頓飯添上完美句號。如果要給分數，我會給「Ha Noi 越南菜」10分。價錢合理，食物質素高，服務又好，是我會再訪的越南餐廳之一。…查看更多

以前出面食開嘅芋圓都好普通，唔係好粉就冇芋頭味，呢間嘅真係好好食又煙靭又有芋頭味！喺黃埔行完街想食吓糖水，就見到人唔多就排咗陣，入去嗌咗個黑糖芋圓同埋芝麻豆乳芋圓。講真個性價比真係幾好，份量夠，價錢唔算好貴，質素都幾高！舖頭裝修到幾靚，好舒適！真係好食過鮮芋仙好多好多倍，如果佢有其他分店就更加好啦！…查看更多

行過見到冇人排隊，所以就諗住去試吓呢間拉麵店。聽講過去好多人排隊食，就諗住期望會好好食。入到去間舖頭好細，只可以容納六名食客。坐低就嗌咗一碗雞白湯拉麵同埋鰹魚拉麵，仲加配咗一份餃子。兩碗拉麵好快就上枱，首先講咗個鰹魚拉麵。可能我問題啦，真係一啲鰹魚味道都食唔岀，同醬油拉麵冇分別。個面底又唔係特別好食，叉燒仲要好鬼好鬼薄，仲搭配咗一舊雞胸肉同埋個流心蛋，係嘅都算夠飽嘅。然後講另一個雞白湯拉麵的，的而且確雞白湯係幾濃厚，大致上嘅餸同埋個麵都係同個鰹魚拉麵一樣，多咗洋蔥同青菜。開頭以為個雞白湯拉麵係滾住上所以有泡，之後先發覺原來係個職員攞個攪拌機打到有泡，唔知係咪我見識少，未見過係咁樣打泡。不過個湯都算幾好就算啦。個餃子就普普通通，最後埋單就220幾蚊，心諗啲人點解要排咁長龍去食一個咁普通嘅拉麵，我諗其他食評都係買返嚟？我唔知嚕。…查看更多

以碎冰配新鮮生果作底的乳酪奶昔 ，真係特別清涼可口，十分適合炎熱的天氣。這樣的搭配不僅增添了層次感，還能讓人感受到一種清新的享受。每一口都能感受到冰冰涼涼的觸感，咁啱是日天氣去到25,26度，飲完真係讓人瞬間消暑。這裡的生果乳酪奶昔用大大杯盛裝，讓人覺得非常抵食。這樣的份量不僅能讓你享受到滿足感，還能一次過品嚐自選的水果，我就揀咗芒果！從甜美的芒果到帶微酸嘅乳酪 ，有種獨特的風味。此外，因為可以選擇不添加糖，以我唔好食甜嘅人來講相當滿意，適合注重飲食的朋友們，無需擔心過多糖分帶來的負擔。而我太太就加糖嘅山楂乳酪奶昔，就食得津津有味！舖頭的位置也相當方便，無論是上班族午餐時段的快閃，還是朋友聚會後的甜點選擇，都能輕鬆到達。這樣的便利性成為一個隨時都能享用的健康選擇，而我就喺剛剛食完燒肉放題路過來refresh下嘅一員舖頭仲有其他清新飲品食物，好值得下次經過再試！總的來說，不僅好味道、好份量，還兼具健康與便利，是值得一試的美食。無論何時何地，都能讓人感受到清新的愉悅！…查看更多

同老婆觀塘apm行完街搵嘢食，但又唔想食連鎖店，咁啱落雨又無遮，想搵間餐廳坐得舒舒服服又唔使淋雨，然後誤打誤撞下就揀咗呢間台灣食店，估唔到又幾好食相信台灣嘅地道美食無乜邊個係唔識，市面上亦都好多台式餐廳，但價錢貴份量少又唔特別，而我推薦呢間嘅原因正正就係份量多味道好而且價錢合宜我叫咗一份一人火鍋，係藥膳麻辣湯跟m5牛頸脊。而我老婆就叫咗個三寶牛肉麵加滷蛋。見d小食嘅相影到好靚所以好為食地叫多份鹽酥雞同皮蛋豆腐，跟咗罐台灣啤酒同白桃烏龍。火鍋係明火gas 爐，湯底本身有鴨血同百頁豆腐，好濃郁好香辣味除住火鍋湯滾起而飄散住一人牛肉份量都好夠食，薄切快拖即熟，好味得嚟牛肉味濃老婆叫果碗牛肉麵，一上台就有好香嘅滷水味，牛筋牛展牛肉加滷蛋，真係絕配湯底唔咸，如果要食再濃d，舖頭都吊住個banner仔教食客用佢地舖頭嘅醬料櫃加料，加咗仲好食咗之後份鹽酥雞就不得了，大大份啖啖肉，味粉適中，唔會炸到好乾，好好味好彩叫多份皮蛋豆腐，因為火鍋辣，配返一口清涼豆腐，解辣解油膩，非常適合望到舖頭裝修好靚，文青feel而且寬敞，店員都好快執枱同上菜 如果觀塘行街想坐低飲杯嘢或者食個靚飯，可以來一試…查看更多

生日飯揀嘅餐廳，因為次次屋企食都好大陣味宜家岀去食可以放肆d食餐廳裝修好靚，我哋叫咗第2貴果款，有卡位坐，好舒服員工友善招呼，細心教我哋點做有好多免費拎嘅食材都好新鮮餐廳仲好乾淨 唔會四圍又油又水點嘅牛都好足好靚，賣相吸引，食得好滋味之後食到要加湯打邊爐咁，真係好正會再幫襯…查看更多

羅馬pizza係pizza入面嘅首選叫咗一份，好香好味料勁惹味感覺真係好食過意大利嘅餐廳仲有個肉丸，個醬好食過個丸叫多份魚，焗到好脆好香，連汁都撈埋雖然連鎖店但呢間做得好過其他…查看更多

可能新開張，所以服務態度非常好嘢食好多款，款款都賣相好靚，味道都好好全部都係日本牛，價錢來講，性價比高食果陣無酒牌，所以自攜酒水老闆推介食冷麵，勁好食，燒完肉食好fresh一定會再幫襯…查看更多

三十幾度又人來人往嘅觀塘絕對係令人喘不過氣來，好想為自己充充電，又想靜靜地嘆個lunch，Kitto Katsu絕對係一個休閑舒適嘅綠洲餐廳比我嘅感覺係一種恬靜。穿過工廠風大廈嘅特色景觀，揭起門前日式門簾，一個充滿日色舒服嘅空間出現在眼前。這裡的特色菜品充滿驚喜，特別推薦店員特推嘅千層吉列豚和照燒蘆筍豚肉卷配天使麵。千層吉列豚是這裡嘅招牌菜之一。這道菜以北海道豚肉為主角，外酥內嫩。每一口咬下去，豚肉嘅香氣和酥脆嘅口感，再加上爆汁流心芝士，令人充滿驚喜。搭配日本珍珠米同埋特製惹味嘅咖哩，幸福感up!北海道豬製成嘅豚肉，獨特口感加上餐廳即叫即炸，保持咗豚肉外脆多汁嘅特色，每一口都帶來滿滿嘅美味。事關本人比較好炸物配咖哩:)，佢哋嘅咖哩好特別，香味撲鼻，似係日式咖哩改良過嘅味道，令人垂涎欲滴。另外，照燒蘆筍豚肉卷配天使麵也是令人驚艷嘅菜品。豚肉和蘆筍完美緊緊地捲在一起，經過照燒汁的調味，蘆筍鮮美令豚肉食起上來多一份質感。配上彈牙又輕盈口感嘅天使麵，帶來一種獨特嘅食慾享受。在飲品方面，叫咗個杯叫Unbloody Mary嘅飲品，不過無酒精成份。這款飲品以紅色蔬果汁和梳打水為基礎，口感清爽，解渴又健康。仲嗌咗杯叫夕燒嘅咖啡，係另一款特調飲品，以咖啡同新鮮橙汁為主，酸甜冰涼，係炎炎夏日帶來清爽醒神嘅好選擇。Kitto Katsu給人一種休閑舒適的感覺，讓我喺繁忙嘅都市中找到片刻寧靜。無論是菜品還是飲品，都展現了佢哋用心同品質。店員服務體貼而且充滿笑容為我哋簡介食物。如果你想要一個特別嘅用餐體驗，相信呢間係你不容錯過嘅地方！…查看更多

老婆生日，所以就book咗呢間餐廳食晚飯，OpenRice book專登喺留言度提出唔好唱生日歌，怕尷尬，想低調啲。之後6:00正我哋就入咗去坐低，環境好靚，裝修好浪漫，枱面蠟燭真係好特別，侍應都係用英文溝通。聽個侍應講佢推介食T骨同埋意粉，然後搵佢介紹咗兩支紅酒。一開始嚟咗盤冷盤嘅蔬菜，仲有一份嘅前菜麵包唔知叫乜名，都好好食然後就嚟咗個意粉，個意粉係蕃茄汁手工意粉，個粉係比較粗嗰款，味道係幾好食嘅，但係份量唔多。然後就嚟嗰個T骨，超級好食我哋嗌咗medium rare ，個面燒得好香，燶燶哋，有啲脆口，入面仲係好Juicy！雖然係一kg但係都食得晒！然後我哋就叫咗一份提拉米蘇，因為有事先同佢講係生日，所以插咗支蠟燭，亦都有好好睇我嘅comment所以冇唱到生日歌，細細聲同我哋講happy birthday然後隔咗陣已經有隔籬枱生日喺度唱生日歌，當係個員工同返我哋唱然後個舖頭啲員工送咗個dessert wine，係檸檬甜酒好飲過喺意大利飲 全晚都食得好開心好難忘:):)…查看更多

未步入麵屋常勝，已經彷彿踏進了一個時光隧道，門口放置兩部懷舊遊戲機，食客可以免費試玩，體驗7,80年代街機情懷入比舖頭，滿牆的海報和懷舊玩具，一門之隔，已讓人不禁回憶起過往的美好時光。然而，麵屋常勝的魅力不僅僅在於它的懷舊氛圍，更在於它那一碗極上濃蝦湯叉燒拉麵。這碗拉麵以其濃郁的蝦湯為基底，讓人一口便感受到主廚的用心。蝦湯的鮮甜滋味彷彿來自海蝦的恩賜，讓人回味無窮。而叉燒的肉質柔嫩多汁，幾乎入口即化，散發出香氣四溢的肉香味，令人垂涎欲滴。如果你想要更多的選擇，他的吉列蝦絕對不能錯過。濃郁嘅蝦湯配搭香炸蝦嘅口感，豐富了拉麵嘅食感，增添了一抹鮮味。這道菜品給人一種豪華而又滿足的感覺，讓人愛不釋手。除了叉燒拉麵，吉列豚肉也是推薦之作。豚肉經過精心的燉煮，肉質鮮嫩，滋味濃郁，令人回味無窮。搭配上湯汁濃郁的拉麵，絕對是一對絕妙的組合，令人難以忘懷。在這些美味佳餚中，配料加上糖心蛋更是不可或缺的一部分。一口溢岀蛋黃濃稠，蛋白柔軟，每一口都散發出濃郁的蛋香，為拉麵增添了層次感。麵屋常勝嘅餐點不僅口味出眾，更能感受到主廚們的用心。他們嚴選新鮮食材，精心烹飪，給每一位顧客帶來一種美食的享受。而且，它強調嘅不使用味精，讓人安心享受美食的同時也保證了健康，每一碗都可以安心品嚐。談到性價比，絕對是一個不二之選。合理的價格，絕佳的品質和份量，讓每一餐都物超所值。總而言之，不僅僅是一家餐廳，更是一段回憶的延續。喺呢度，你可以品味到美食的極致，感受到時光的流轉。無論是懷舊的氛圍還是用心烹飪的料理，都讓人心生敬佩，麵屋常勝絕對是你的不二之選。讓佢帶你重溫時光回憶，讓味蕾感受到無窮的美味。…查看更多

夜晚八點幾嗰陣行過餐廳，冇乜人排隊就入咗去試咗。餐廳好光猛好企理，樓底都好高，好舒服。鋪面見到好多唔同嘅菜式推介，就嗌咗一份水門撈麵同埋一碗泰北清冬陰魚片湯粉，再拼招牌水門雞半隻。先嚟咗個撈麵，份量好大份，啲餸都好多，一共有三種，分別係雞腳、鴨血同豬手。個撈麵汁唔會好鹹，每款餸都好入味，撈埋個面底感覺好match! 然後嚟咗水門雞半份，雞件好滑有雞味，配埋佢個特色雞醬，食唔停口！本身碟雞仲會配雞雜，成個配搭都好出色然後就嚟咗個清冬陰湯粉，佢隻冬陰唔係紅色嗰款，而係望落去好似清湯咁、但係個味道係好泰式酸辣個魚片都好鮮好有魚味，配合埋蜆嘅清甜，成個冬陰湯都好好飲，本身仲嗌咗個梳打水都飲唔晒！值得一試總結嚟講，間餐廳唔係平時出面食嘅泰國餐廳，好有地道風格特色！…查看更多

今日係元朗剪完頭髮之後，就喺附近搵間餐廳食，見到呢一間餐廳個名幾特別，門面有好靚，所以就忍唔住入去試吓間餐廳環境幾骨緻，裝修幾靚，鋪仔細細其實都幾寬敞。坐低之後就嗌咗個軟殼蟹喇沙湯麵，同行嘅朋友就嗌咗越式火車頭湯河，跟住嗌咗杯凍青檸梳打解暑嚟到杯青檸梳打，覺得好得意，因為有隻貓造型嘅冰放喺杯青檸梳打上面，個造型好cute，杯嘢飲飲落唔會好酸，仲清爽，一路飲一路睇住隻貓貓冰越飲越低，好搞笑跟住嚟咗碗喇沙先，嗰隻蟹都幾大隻，應該都有隻手板咁大！食落都好好食，冇冷藏味，入面仲幾鮮蟹味個湯底嘅椰奶味都幾香，非常出色，唔會飲完之後個口漿糊咁，加上個麵底真係好滑，唔知係點樣整嘅慘慘，成碗麵好快就俾我食晒，連湯都幾乎飲埋，真係非常出色同行朋友碗火車頭就以清甜為特色，啲牛肉味好香，蘿蔔仲要冇渣一啖喇沙湯底一啖火車頭嘅牛肉湯底，兩個咁樣輪住飲真係好過癮經過下次要試下呀！…查看更多

收工經過見到呢間舖頭，好似開張咗冇耐，見門面好靚，有個燈牌寫免費有雪糕食，所以就好想入去試吓一坐低個店員就好好心機咁介紹有咩佢哋嘅招牌菜，聽佢哋講，就嗌咗一個招牌豆花鱸魚，再配埋其他小食一齊打邊爐咁原來間舖頭係用Gas明火爐，唔係用電磁爐，呢個有個好處就係個溫度好平均地高，唔會好似電磁爐咁又慢又唔穩定！上菜啦！個鱸魚好大碟，就算係半條都已經夠兩個人食我哋仲唔知衰，再叫多半份鱸魚個味道係好惹味，個魚好滑好彈牙，重點係個豆腐花，個店員上菜嘅時候都有講個豆花係佢哋舖頭自己整，佢唔係出面街邊食嗰啲豆腐花，而係有少少似蛋白好滑香，配埋嗰個辣辣地嘅湯底味道，真係好一流，估唔到原來咁夾本身個煲入面都有啲土豆片芽菜同埋黃豆，我仲另外加咗海帶紅薯粉果d，食到好飽飽個店員收碟嗰陣仲問我哋仲使唔使加嘢食食到捧住個肚都係講緊三百幾蚊兩位，抵過其他大型連鎖店！本身仲話諗住食個雪糕，飽到食唔到下次再來要試下雪糕呀加上地方有好就腳，係厚福街後面，要約埋啲朋友一齊嚟再食丫…查看更多