雲妮1234的个人专页

出街食飯，最緊要環境好，坐得舒服😊極力推薦＜港宴海鮮火鍋＞環境靚，唔會迫我哋一行5人，被安排左去半包箱既位置，感覺好好呀🥰我哋最後選擇大鍋打邊爐（因為有一人火鍋）揀左花膠雞冬瓜鍋湯底滾起既時候，我哋每人都飲左兩，三碗有花膠嫁象拔蚌價錢抵新鮮打邊爐又點會冇牛。。呢個細size既牛肉拼盤靚牛最後送既甜品，仙草芋圓，為呢一餐美味既邊爐劃上完美既句號。🤭🤭所有職員既服務態度都好好👍👍值得推薦俾大家😊😊…查看更多

經過上次入住，晏晝bk夜晚冇得食後，一直都好想食，所以明知一個月後自己會嚟酒店staycation,喺未book酒店情況下，book左餐廳先😂好耐冇試過咁期待一間餐廳喇，最後大家都超滿意呢餐！餐前包，老公唔鐘意食包，都好滿意，佢特別鍾意牛油凍海鮮拼盤，睇返先個有帶子，宜家諗返起，又唔覺有，唔通朋友仔食左？超正，我唔食生蕃茄，都好想繼續食，件蕃茄甜過蘋果，staff介紹時，都半信半疑，最後都聽佢介紹，冇叫就真係後悔牛肉他他，味道好好，唔覺係食緊生既牛肉。我哋食完前菜，先慢慢叫主菜，期間，我哋傾下計，飲下酒，唔經唔覺主菜都到埋。因為佢哋既扒類，會先炭燒，再rest，等佢熟到我哋指定程度。老實講，喺出面食，冇鐵板底，都好少叫到4／5成熟，因為我哋覺得staff係專業，所以就跟佢建議。羊架，堅係好正，肉嫩，juicy 點可以少得牛扒，太多選擇，我又憑自己直覺去揀，雖然得9安士，4個人share, 係唔夠，不過至在嘗試，最後叫左呢個唔係成日見到既部位“肉眼邊”朋友們都擔心會唔會太肥，難咬。Staff都專業咁同我咪講解一輪，最後都order 左。見佢個樣黑炆炆，真係好擔心佢會唔好食，切開之後，即刻想成舊放入口。。。陣陣炭燒味，加埋肉汁，難以形容咁好食。。。洋蔥圈，好少見到咁厚咁大既洋蔥圈，食落啱味，炸漿唔會勁厚，洋蔥都好大塊嫁，正。甜品，原本我哋想order兩份，staff覺得我哋未必食得曬，所以我order左一份，因為平時既Cream Brulee係細細兜，冇諗過咁大。。。Cream Brulee,入口淡淡茶香，滑身，蛋味就被茶味cover左點可以少得仔仔既兒童餐，如果個presentation可以再可愛d就更加好喇。。。主菜有好多野揀，我最後揀左通粉同蒸西蘭花。Service好好既一間餐廳。希望好快可以要嚟幫襯。想食既朋友，記得早d book定。…查看更多

星期六。 下午。 陰天第2次嚟日山康城，好耐冇食日本野，所以就揀左山一。門面都幾特別，佢位於商場既一角，近出口位置,要d時間去搵。Lunch Set都幾多選擇，有一頁係魚生，壽司，有一頁係全熟既食物，生同熟都各自有8，9樣選擇,比起出面餐廳仲要多好多選擇，唔驚冇野唔岩食喇我就叫左北海魚生飯（即係三文魚，三文魚子同海膽）成個set就好似上面咁，有湯同沙律，份量唔算多。d魚生飯唔係白飯咁簡單，而係用心製作過既有色有味飯，可以唔使另外加豉油落飯道。之後再叫左兩個小食煎餃子，稍為燶左d,食到有d苦味，不過個餡係唔差。炸雞，雞肉嫩滑,Juicy, 個醬有d辣辣地，都幾醒胃。我地同小朋友一齊嚟，服務員都會同小朋友玩下，臨走前，服務員姐姐仲送左糖仔俾小朋友，係一間小朋友友善餐廳。…查看更多

悠悠閒等人門面好高級，感覺舒服特色裝潢，樓底高，絕對係朋友傾計飲野好地方朋友未到，就去Happy Hour下，點知又太早，有d餓，唯有叫個意粉，打算4點後再叫小食。。我地叫左個蒜香帶子墨汁意粉食左啖。。。已經。。。唔想再食，但為左唔好浪費，最後食曬。。。。原本想叫既小食，都。。。放棄 冇再叫野食lu.星期六下晝既Buy1 get 1 free 好抵飲呀。*飲品正常，所以冇特別影相*…查看更多

復活節假期，天氣炎熱，由碼頭行嚟大館，行到咩胃口都冇曬。。。見到出面個廣告，就即刻話俾身旁鍾意飲酒既老公知道喇。。。應該係時候想坐低飲杯野先再慢慢參觀其他地方。果日都算多人，但未至於排隊，但仍然未有位安排到，我地就留低左電話號碼俾餐廳，佢地有台就通知我地。我地行多大約10分鐘到就收到電話，再返返去喇。職員都有介紹，由最近既果杯最淡味飲起1.茉莉香片小麥啤2. 麥香紅茶爽啤3.鳳凰單欉淡啤4.正山普洱英式啤我（完全唔飲酒）試左啖，覺得啤酒味比茶味濃，茶味唔算突出，都係似啤酒😁可以免費加水，但唔知係嚟我揀呢隻茶，本身淡味呢？好似再加水，變成水，連茶色都冇埋，反觀隔離台紅茶，加第二次水既時候都仍然深色。行到攰，坐下都算係一個好地方（今次未試到點心，有機會下次試，因為眼見點心都好精緻）…查看更多

申請到自駕遊，同屋企人周圍兜，最後選擇嚟食素洗滌下心靈😂；對上一次喺寶蓮寺食素，可能已經係細個跟媽咪嚟食既時候lu。今次帶埋媽咪爸爸仲有仔仔嚟食，限聚令下，5個人分兩張台坐。喺門口買飛，入餐廳食，職員見我地4位大人，就介紹我地叫兩位珍味素，兩位貴賓齋，d送有分別，每樣揀4款，一定會飽肚，因為份量都唔細嫁。我地叫左呢8味。貴賓齋如下上面呢個送，絕對係好好味，估唔到素食都可以係好好味。珍味素如下唔知係咪用山水整，呢個豆腐既豆味超濃，唔可以錯過湯同白飯任裝，個素湯好正小朋友都鍾意食員工都好Nice,一次用餐良好既經驗，上到昂坪，唔知想食乜，食素都係一個唔錯既選擇😂…查看更多

尖沙咀鬧市中都可以有個綠油油風景既餐廳。可能o岩o岩開舖，我同朋友好好彩可以坐到兩張近玻璃窗台既其中一張；環境好好，完全可以舒緩對雙眼時疲倦。我好鍾意食Carbonara ，Menu上有呢樣，基本上都會order，好彩不負所望，好味gei友人叫左和牛漢堡，雖然我冇試食到，朋友話牛味濃，正常。最鍾意呢杯蜜桃茶+麥蘆卡蜂蜜棒，略嫌細杯左d呢間其實係一間兼賣健康食品既餐廳，食完行左轉，有好多買都想買嚟試下。…查看更多

某社交媒體關注組推薦，前一排睇完，估唔到咁快就有得試果然係推薦店，星期一既早上，都勁多人排隊。嚟到緊係要食名物～沙嗲牛肉麵好多食家都推薦叫鴛鴦麵（蟹王加大光麵）我地兩個人一人叫左一隻麵，再加埋嚟食食後感，沙嗲味好正，真係似打邊爐火鍋湯底果隻沙嗲，可能未食過蟹王麵，所以覺得蟹王麵掛汁能力高，蟹王麵比較濃味。聽講炸豬扒都好好食，所以叫埋普普通通，正常炸豬扒一個豐富既早餐又點少得茶走呢茶味濃，甜度適合，岩我口味。果然名不虛傳不過如果帶小朋友去食就可能比較麻煩，始終舖面位置較少，而且多人。…查看更多

年初四嚟食個午餐，出門口就經商場app排隊，時間岩岩好，直接入座，安排左梳化位置俾我地，環境舒服，可以坐得慢慢食，另有種BB 椅，方便小朋友。先嚟餐前小食我地兩個大人叫左以下食物，樣樣都係水準之作，特別係抄手，真係好好味。辣度適中小籠包皮薄多汁孜然手抓排骨，有俾埋手套，食既時候就唔會整污糟手啦澳洲和牛炒飯，醬油係屬於甜甜地，炒得乾身，口感不錯。整體用餐感覺良好，可能樓底唔算太高，隔離台傾計傾到興高采烈，好嘈吵。…查看更多

第一個既復活節假期晚餐，朝早經Openrice 訂台。兩家人齊齊用美食展開5連假既序幕。被安排到VIP房坐，感覺好好酸菜白肉拼小辣麻辣鍋件件鴨血都好大件嫁老油條濃香豆皮啤酒買2送1好抵飲。服務都好好呀發生左小插曲，做緊Promotuon,只要喺Fresh~海鮮城買野就可以9折優惠，點知喺未收到通知Last Order既時候就收到張單，要埋單，簽曬卡，先發現冇同佢地Show張海鮮城購物單冇左9折優惠。…查看更多

很意外的Semi buffet!!太古城帶俾人一個好舒服o既感覺!!!今晚同班朋友食飯,o係幾間酒店o既buffet o既選擇下,最後就揀左Feast!!呢道環境好好!!!咁o岩今日係星期3,佢地逢星期3晚,個buffet都會有主題,而今晚o既就係Seafood Night!!buffet bar 野食選擇並唔係太多,但係d 食物真係好有水準,d 蠔新鮮好味~仲有好多甜品好好食,最特別o既就係佢地o既雪糕!!不過係有d十分貪心o既人,師傅不斷開蠔,佢不斷夾,為求將隻碗整滿佢咁(我諗佢大概一次拎左一打).....佢地都有好貼心o既服務!!4歲以下小朋友係可以免費享用出面o既食物,佢地亦可以叫小朋友餐牌o既食物,個餐牌好可愛嫁~~5-11歲,就收半價,但main dish o既份量係大人份量!!!係一間可以再去o既食店!!…查看更多

其實都有睇過Open Rice大家o既食評,當中一定有好有壞!!相信每一間食店都會係咁!!都預先打左底,雖然叫o既o野未到,都再落order先,因為之前有食評講過d野勁耐~佢o地d野食,係就真係確實好食, 但係佢o地d手法,同呃人係冇分別!!!真係超奇怪,佢又唔係冇野俾你地食,只不過食極都係d熱氣炸野,要等幾個字先整到o既雪影包點....頗特別o既西瓜軟糕:以下送o既點心又真係幾好食食左一個鐘,見唔對路,一碟用籠蒸o既點心都未黎.....直至9點前,我地只係食左3籠用蒸籠出o既點心!咁我地就問下d侍應啦,8點o既時候,佢地都好樂意話幫我地跟,但到9點鐘,第一張落單o既蒸籠點心,都冇黎過,9點鬆d,再叫返個侍應,問佢d點心點,佢竟然大大聲咁話,黎o左喇,食左喇?我地幾個真係即刻o 曬咀!果晚見都未見過o既小籠包.....可來食過呢,況且我地有mark低黎過d咩....同埋就算真係黎左,你呢道係任食點心放題,要你再落,都唔係d咩一件事喇掛~9點5o既時候就放張單o係我o地張台面,示意要我地埋單,仲無啦啦話9點半唔再出點心....又o 曬咀,我地d野都未黎,點埋單呢??每人要俾2百幾,計計埋埋,仲貴過去間正正式式o既名牌酒樓食囉~真係超級唔抵!!!同朋友Garthering,最後食到成肚氣,都唔知為乜!!!…查看更多

正如總評所講,試一次就夠....,之前就係睇d食評ok,先成大班friend黎試下....但果晚o既晚餐...真係食到超嬲,不斷提我地交台,執台面未食完/用完o既餐具!!!極討厭行為~~大家都明果晚係星期5,想做多輪生意,但唔使由入座起,不斷催落單,不斷問仲有食物o既碟要唔要,每隔幾個字就提我地幾點要還台...最離譜o既係,台上仲有野食未食完,有個侍應竟然想收我地d碗筷囉....咩服務態度呢???野食有水準,但不斷被趕走o既話,d野食好食都冇用囉~極討厭!!!!!…查看更多