IvyHaruko的个人专页

今次已經係今第二次黎武館食飯, 大半年前食過一次對佢地新鮮既食材念念不忘，於是趁12月預祝聖誕為藉口再來食好西吧。多謝林鄭，本身book 左星期五晚市堂食差Ｄ食唔成，好在老闆娘一早問定我會唔會考慮轉食午餐，最後鐵定在這個不太冷的星期六去享用呢餐期待已久的廚師發辦食材是一如以往的好，特別欣賞的是有幾道刺身師傅會用配返同一條魚嘅魚肝打成醬，去提升魚肉嘅味道，真係超級好味呀！ 仲有件青森大間拖羅醬油漬壽司，見到師傅拎件魚出黎果陣忍唔住叫左句「嘩好似舊和牛咁肥美呀！」師傅笑笑口話和牛都無呢個咁好味呀！的而且確，經過醬油嘅提味我覺得件拖羅已經進化左，入口有醬油嘅咸香味，又有返拖羅嘅肥美感，好滿足呀！ 突然記起幾年前有個自稱KＯＬ嘅人誤將件拖羅醬油漬當左係鴨胸，當下明白了，經過醬油漬之後真係比就咁食刺身提升左幾個lv，唔覺得自己食緊魚仲有小店嘅氣氛確係一流， 當日餐廳full house 坐左5pair 唔相識嘅客人，竟然會因為一啲topic connect 左大家傾左幾句，仲有當日有人生日我地都一齊唱左生日歌同佢慶祝，超正！omakase menu 每人1680食到飽住走，又有咁多新鮮食材我覺得真係物有所值又要搵個機會／藉口再黎食了..…查看更多

本身因為某youtuber慕名而來， 排隊等左半個鐘， 叫左個雞扒，五穀漁麵仲有豬肚雞麵，等左十五分鐘左右有人黎check 單跟住話d 麵要煮耐d 上左個雞扒先，咁ok 啦都明要一個個柯打咁煮。上左雞扒之後等左好耐乜野都無， 隔籬遲過我地黎都食緊野， 再追佢地就話d 麵要耐d, 前後等左成個鐘先話電腦壞左，問我地爭d乜， 仲諗住比支奶茶我叫我繼續等，我比返佢話唔係呢個問題， 如果仲未煮咁我就唔食喇再隔一陣碗麵終於到，但已經一肚氣藤椒雞扒：好惹味， 少少辣五穀漁麵：有d魚湯豆腐等，幾好食， 無個鯇魚好多骨豬肚雞麵：個湯無味，麵太淋嬲得滯無影相睇返comment好多人都有話廚房電腦成日壞， 如果係咁佢地不如寫手寫單好過，咁等法再好食都好難回頭幫襯…查看更多

今日約左一班姊妹去食飯, 五人中只來了三個, 由於太肚餓所以先點食物「食住等」燒鯖魚: 熱, 但好腥, 但已經是三樣食物中最好味的帆立貝壽司: 帆立貝欠光澤, 比超市貨式還要差, 恐怖之作, 三文魚壽司, 友人揭起三文魚慾加上芥辣, 嘩, 竟然發現內有一條1-2 mm的小虫在蠕動, 最恐怖的是它還是活的!!立刻把經理叫來, 經理只說了一句「等我睇下咩事」, 使把壽司拿走, 不夠一分鐘使拿來另一碟,全程半句道歉也沒有算了, 不等其他朋友到來, 轉場了…查看更多