Quinta的个人专页

前幾日咁啱經過，見到斑蘭雞蛋仔，即刻買底黎食，即叫即整，望落去其實同普通雞蛋仔無乜分別，只係變左少少綠色，攞上手，立即try try，的確外脆內軟，但。。。食唔到有斑蘭味，失望，不過口感的確係唔錯！…查看更多

之前已經想試，但成日都唔得閒，今次終於食到喇！揀左荔枝味雪糕，清甜嘅荔枝味，加少許荔枝肉，雪糕好味而外皮揀左雙料朱古力同普通朱古力，個人認為普通朱古力較佳，店員話最佳食法好似漢堡包咁一啖咬落去，但其實係無可能。。都係用膠匙羹黎食吧啦…查看更多

今日本身諗住去元朗搵食，但最終老公話要過海，所以去左cwb。夜晚我揀左位於灣仔嘅滿江紅小甜甜，之前未食過，但聽朋友講好好食，而且我地兩個都鍾意麻辣，所以決定一試！去到門口要等兩張枱，大概15分鐘，入到去睇完餐牌我地揀左幾樣野。麻辣魚春魚卜鍋，魚春好好味，魚卜就有啲腥不過最好味反而係鍋入面嘅白蘿蔔。。酸辣涼粉，酸辣味唔出，而且啲涼粉好淋。。原味焗蜆，呢個好好味，好鮮甜！仲叫左杯青檸樹，一般吧，都可以試下嘅。全部加埋食左二百四十幾蚊，唔。。。但其實我老公一啲老唔飽，未必有下次。…查看更多

去到銅鑼灣，突然想食拉麵，即刻search openrice, 搵到金田家，其實登龍街真係開左好多間拉麵舖，下次可以再黎呢條街搵食！入到去，有好幾款拉麵選擇，我就揀左雞白湯豚骨拉麵加溏心蛋，拉麵不像平時食嗰啲，但十分彈牙，湯底好濃，不過80幾蚊一碗拉麵其實幾貴，份量亦不多，溏心蛋都非常入味，原隻上，無切開的，整體感覺都不錯，滿意！…查看更多

經過幾次，除左第一次唔見有人排隊之外，之後每次都見到一條龍，今日特登過黎食，買左3樣野，埋單108，最驚喜係個思樂冰，上層紅色係士多啤梨味，下層藍色係荔枝味，我覺得好好食，本來想食麵包熱狗，但賣晒，得返薯條熱狗，外面薯仔，裡面腸仔，其實中間仲有層麵包，但我覺得一般，魷魚揀左spicy，我覺得炸得唔錯，但一定要攞定多張紙巾出黎，如果有濕紙巾仲好，唔係嘅都食得幾拿西。。。整體上都唔錯，都會再試過其他野食！…查看更多

老公想食點心好耐，今日終於一齊出街，揀咗老點點心。第一次黎食，咁啱又過左lunch time, 所以唔使等。total叫左5樣野，嚮鈴腸粉，味道不錯，不過賣相不討好，所以無影相。琵琶豆腐，我覺得好食，但我老公頂唔到嗰陣芫茜味，如唔鍾意芫茜嘅朋友真係唔好叫！小漢堡，個沙律芥末汁唔錯。鮮竹卷，我老公鍾意。燒賣，賣相靚靚，亦美味。灌湯餃，夠份量，夠味！價錢都不算貴！下次我要試脆皮麥心小煎堆！…查看更多

到了旺角，竟然無特別想食嘅野，所以決定開個openrice搵好野食，search到呢間韓式快餐，韓國野就食得多，不過就未試過喺快餐店食，之前都想試下呢間，咁啱就喺附近，決定一試。自己一個，叫左個魷魚壽司同香蔥芥末雞翼，先黎左個壽司，平時好少食到，通常都係牛肉午餐肉，呢個魷魚壽司幾足料，口感十足，不過咸左啲，麻油味不足，而雞翼就即炸，賣相很好，但一定要連葱食，如果唔係就會食到好重嘅雪藏味，而個汁就偏咸，不過芥末味好香！…查看更多

早幾日book左呢度同朋友tea一tea,喺openeice見到啲相好靚，絕對係女士想到嘅地方，喺樓下搵左一陣，上到去打開門已經見到一班女士，在場嘅客人都只有女士雖然全部都係girls,但都唔太嘈，可以同朋友傾下計。第一次上黎，試左個士多啤梨果茶，淡淡帶點酸，不錯。朋友試了蜜桃，都是清清的。食物方面，不過不失，沒什麼特別，但個cupcake味道好怪，試了一口已經要說再見。基本上，環境，服務都非常好，girls talk 嘅地方一流！…查看更多