Flyting1118的个人专页

夜晚係元朗搵食，想食清D，所以揀咗呢間餃子店🥟門口好易搵到入到去個裝修都有D驚喜，估唔到D圖同對白咁有玩味😂食物價錢亦唔貴，好合理我有好多野食想試，但由於得自己一個人，唯有叫樣最有興趣嘅，就係鹹蛋黃芥菜鮮肉餃🤩餃子入面放鹹蛋黃都比較少見，而個味道係好好味，估唔到咁夾呀！個麵叫咗店舖自家手作刀削麵，好滑加上有少少煙韌，唔錯👍因為有D清，我加咗D辣油，不過D辣油都唔係太辣，好似屋企食飯咁，清淡D又好食🤣…查看更多

因為呢間餐廳近公司，又抵食，D服務態度都幾好，所以食lunch就不時都會去☺️價錢的確好抵，我今次就點咗個紐西蘭西冷牛扒配蒜蓉汁🤩同幻想中牛扒餐有少少唔同，好似有少少港式化咗，但都係幾好食嘅，所以都幾驚喜😋塊牛扒唔會話整得好靱，加埋個汁係幾好食薯條炸得啱啱好，好香口！因為去個日接近萬聖節，所以成間餐廳都有好多佈置🎃其實平時去，個環境都係舒服嘅，可以坐下hea下又得總體來講都好滿意，係平價西餐嘅好選擇👍…查看更多

門口係條街度唔係太明顯，一入門口之後已經係一條可以打卡嘅樓梯😂環境好舒服，近睇D牆身真係會睇得出係手繪上去，唔係印出嚟嘅圖案!因為我係5點零鐘去到，而個lunch menu係5:30先停，所以侍應畀我order lunch menu入面嘅食物食物味道不過不失，但份量足夠嘅，都食得好飽🤣我亦幾欣賞佢D甜品，整得幾靚，好有心思😚侍應主要都係D年青人，服務態度好好👍去呢度食飯最緊要記得要留D時間打卡😂影下個咁特別嘅設計…查看更多

我哋食完飯之後去食甜品，入去見到間舖頭好大，有好多位，但個陣都好full，好好生意😂佢嘅menu好多選擇，我同朋友揀咗好耐吓，因為太多嘢想食😂影唔晒個menu，影咗2頁畀大家望下最後order咗心太軟配軟雪糕，個心太軟個流心係相當好食😋仲order咗baileys綿綿冰，我覺得呢個都幾特別，少D甜品店會見到雖然我唔飲酒，但我都接受到佢陣酒味冇幾耐就已經清唒😂會想再嚟食，不過個地點唔算好就腳，有機會先可以再食啦🤣…查看更多

環境燈光比較暗，而且夜晚原來有shisha食，我去食飯冇預計有人係好近嘅地方食shisha，所以覺得係坐到有少少唔舒服😅食物格價唔算貴，所以我都點咗好幾樣試吓一開始到咗黑松露薯條先，不過黑松露味唔係幾夠，我覺得可以再加多D呢個尼泊爾餃子可以話係必食啦🤣老闆好好人，話因為餐廳唔多人，肯整煎餃同蒸餃雙拼🤣不過食落其實味道冇話好特別🙊個pizza好食嘅，但就好濃味，比較容易「濟」我哋2個女仔叫得有點兒多，最後唔係好食得唒🙈總括嚟講，我會覺得個環境同食物味道都比自己預期中係有D落差…查看更多

一直都知呢間餐廳好出名，我想試咗好耐！當去到時6點15左右，門口已經有人排緊隊，所以我拎飛等位，其實都只係等咗15-20分鐘就有位為咗更有效率，侍應請大家係門口等位時已經order定食物，入到去即刻就有得食👍我叫咗個秘燒黑松露吉列牛配定食，好香黑松露味，中意食黑松露味嘅朋友更加唔可以錯過！朋友就叫咗個秘燒牛肉鍋配定食，本來以為會係牛肉片，但原來係類似牛腩個種牛，不過都係好香嘅果然係好好食嘅😋侍應服務又快手坐低到食完都係半個鐘內嘅事😂😂😂值得再食同推介朋友！…查看更多

夜晚係尖沙咀搵食，經過呢間餐廳，見到D裝修比較古色古香D入到去見到老闆係韓國人，而且食客亦有唔少係韓國人，就覺得應該幾正宗，於是就坐低試吓竟然上咗9碟前菜，好surprise😂😂個菜同薯仔好好味🤤同行友人已經成日話想食人參雞湯，今日終於食到🤣叫左半隻雞，整體嘅味道較清淡個石鍋什錦伴飯就好香好好味😋老闆見我係度用匙羹起個飯焦黎食主動行過嚟幫我起😸老闆見我地差唔多食晒，佢就拎咗碟橙出嚟，又一surprise🤣老闆同店員係會比較有性格，但都有provide應有嘅服務😉整體來講係值得推介，一路食已經覺得好滿足🤣臨走發現上面係仲有一層，但都好多人，我哋真係好好彩walk in到，之後食都係book定位好D…查看更多

放工係銅鑼灣搵食，經過見呢個裝修ok，而且唔貴，就入去試下，點知就發現驚喜🤤價錢的確抵，最低消費只係$38所以我就叫咗個三餸車仔麵，包括時菜、白蘿蔔、咖哩魚蛋，三個餸同個湯底都好好味，真係好想經常嚟食🤤😂環境都舒適，每張枱都有提供酒精搓手液，呢個都幾貼心嘅侍應嘅服務亦都好快，我成餐用咗半個鐘都唔洗😂我6:30pm入去都唔洗等，6:45pm左右發現店外已經開始有人龍🙈絕對係銅鑼灣嘅平靚正之選🤩👍…查看更多

早幾日book定位，講明想要睇到海景嘅二人位，個日侍應都好好地安排咗☺️餐廳有分室內外位置，室外可以睇得清楚D海景，不過就冇冷氣🤣食物比想像中平一D，選擇幾多兩個人叫咗三個菜式，全部都唔錯，睇得又食得😋食到好飽好飽😂D肉好大份下，所以特登叫個沙律嚟中和一下😂德國菜普遍偏咸，一路食都飲咗幾杯水🤣整體來講都好滿意😚溫馨提示，最好book 6-6:30pm呢D時間，因為6pm左右，馬灣除咗沙灘，其他設施已經關得七七八八，冇乜嘢可以行/玩，所以去食晚飯就啱啱好👍…查看更多

特登嚟到呢間cafe chill下，周圍都有靚位可以打卡，真係可以坐足一個下午☕️唔知係咪地理位置唔算方便去，Cafe比想像中少人，一直都有位坐如果想望到/影到纜車，最靚嘅位當然係呢個窗下面嘅位，有時可能要等下先等到呢個位環境好舒服，有啲覺得自己去左歐洲咁😂門口仲有D香港本土文化嘅飾物、文具等可以買食物嘅選擇唔算多，味道ok😋雖然唔係話好好食，不過價錢算抵，而且望住靚景，簡單食一餐都已很不錯總體來說，都值得一去😊…查看更多

呢間餐廳周圍都擺滿可愛嘅擺設，而且充滿綠色植物，真係令人感覺好舒服，簡直係鬧市中嘅綠洲🌿不得不說，呢度嘅服務態度真係見過最好嘅餐廳，差D以為自己係日本😂一入到去，店員就會問你需唔需要個籃放袋，十分細心仲會為每位客人送上蝶豆花水，連杯水都靚過人🤣飲落去其實都冇乜味，好似清水咁之前黎過一次，食完個芝士焗黑松露薯條，之後一直都念念不忘，好想再食多次...要注意嘅係，個份量好大，我哋2個人其實都唔係好食得落😂好彩另外只係叫咗碟意粉，個賣相好有趣😂亦好好味😋想揀D特別嘅飲品，所以叫咗新鮮蘋果菠蘿石榴羽衣甘藍汁&新鮮蘋果紅菜西柚檸檬汁，兩杯都好fresh👍😋值得一讚嘅就係佢地用咗可重用嘅飲管，十分環保👏總結就係都係好滿意，係同朋友食飯聚會嘅好地方😊…查看更多

係大埔火車站附近想搵野食，入到商場見到牛気，就想食返個放題🤤D牛任叫，不過質素都唔差其他食物嘅種類亦都好多，sushi、甜品、沙律、飯、丸、蔬菜，而且飲品任飲諗住最後整返個棉花糖嚟食，不過部機好似係壞的，整左2次都唔得，所以就算了😂🙈店員們好忙，服務態度不過不失食物ok，我哋話係食到好飽咁走🤣👍每人200蚊左右，都可以話係幾抵食😉…查看更多

有返堂食後，見佢晚晚都坐滿人，有時仲有人排隊👀所以男友搵到工時，我哋都決定入去食燒肉慶祝下🎉我哋揀左「宴」黎試試，真係好好味！有6種肉，全部都唔錯🤤2個人食，份量啱啱好另外叫多個石頭鍋飯黎食，都係好味到冇得彈😋個底有少少飯焦，撈勻一齊食👍仲每人有份甜品送，餐廳話係自製嘅杏仁豆腐，我一向唔鍾意食杏仁同豆腐😂不過都覺得好食😋加埋粒雪米糍，真係大滿足🥰另外，服務態度好，環境舒適，所以係絕對值得再encore😉…查看更多

次次經過都見到佢大排長龍，所以一直都想試吓食有日入去睇下外賣會唔會可以快D，發現外賣其實冇乜人排隊，咁即刻買返屋企食下😋外賣嘅賣相雖然一般，但幾好食😋而且每個飯嘅價錢亦係40蚊左右，性價比相當高👍明白點解咁多人排隊😂會想之後繼續再試吓佢哋唔同嘅野食😉…查看更多

如果唔係疫情，應該會去咗峇里島旅行😂去唔到旅行，就去間充滿峇里島風情嘅餐廳，同男友慶祝佢生日🎂食物嘅價錢比我想像中平，可以放心叫🤣餐廳環境好靚，用竹做佈景，不過燈光較暗，影人像相就難D影得靚🤣我諗呢個係最大嘅打卡位(?)😂一盞大吊燈係天花吊落嚟，的確係好靚個廁所亦出乎意料地靚😂張相入面係個洗手盆，隔泥仲有梳妝枱櫈不過廁格完全冇燈，搞到我有D驚😂唔知點解要廁格唔開燈🙊D食物有水準，男友對個軟殼蟹讚不絕口，而我就最中意個炒飯😋個飯炒得口感比較軟，味道又好豐富問侍應推介用咩甜品寫happy birthday 會較靚，佢推介左呢個畀我，不過我就覺得怪怪地，三舊甜品有D似..拜山(?)😂🤭味道同口感上，我個人就唔係太中意個甜品將芒果同椰子放埋一齊總結嚟講，我哋食得好飽好滿足，服務態度亦很好😉…查看更多