tracyhkh的个人专页

Blue Bottle Cafe都喺東涌開咗一段時間啦，今日係第一次去試，咁就淨係嗌咗一杯Matcha latte，咁order咗之後佢會俾返一個提示器你嘅，咁你個order得咗佢就會震你先需要去拎，佢抹茶味道都濃郁，會有個拉花靚靚哋咁啦，店內環境好舒適，見到有人會不斷清潔枱面，咁佢位於東薈城同諾富特酒店之間，樓底非常高兩邊都係落地玻璃，如果行街行得攰，呢度會係一個幾唔錯，可以休息又飲吓嘢嘅地方，佢哋係有個廁所嘅，所以唔使擔心要去好遠搵廁所。…查看更多

難得今日下午去到Bakehouse，條隊唔算好長，大概等咗唔到10分鐘就買到啦，今日買咗佢哋嘅蛋撻，大澳蝦子卷同埋巴東牛肉批，整體嚟講都算係唔錯嘅。佢哋個蛋撻皮非常嘅脆，亦都有層次感個蛋撻好滑亦都好香，一定要試一試佢嘅蛋撻，可以焗翻熱佢更加好食😋至於佢嘅大澳蝦子卷，食落鹹鹹地幾有蝦子嘅香味，但係味道一般，巴東牛肉批就非常嘅香，入面好足料，如果係想食一個味道濃啲滿足感多啲嘅麵包，就一定要揀巴東牛肉批。…查看更多