Targo Fung的个人专页

18/2/2025，第一日開張，見到潮牛放題，一於book枱試吓。牛款唔多，5樣，牛胸爽，吊龍，五花趾，匙X，雪花牛肉，心諗，好食其實都夠。6:30入座，先每樣order每樣一碟試試水溫，10分鐘後，第一碟牛到，五花趾，不錯，都新鮮，等多10分鐘，終於第二碟吊龍到，好味的，每碟牛有6至7片，份量很少。之後見咁耐，再加每樣兩碟，黎左雪花牛一碟，完全冇雪花，似普通滑牛，再追問佢，服務員已經話牛胸爽賣哂，拎咗幾碟五花趾比我地，到八點，已經話所有牛賣哂，得五花趾，下，我地4個人，食左一碟吊龍，雪花，8碟左右五花趾？！之後八點半仲lock埋QR code，完全冇問過我地，要求佢拎D唯一有既五花趾比我地，成餐，食丸多過食牛，D丸一餅野，未解凍。其他枱食客都係每人一個公仔面。埋單去收銀，個收銀話，係囉，冇限住D人食，所以估唔到D人叫咁多，冇咁多貨，下，你而家放題，我又冇肉食，折扣又冇，完全唔係路。請問叫人點唔北上消費？…查看更多

好耐冇食過咁辛苦既一餐間鋪好熱，好似冇開冷氣咁叫芝士咖喱雞扒飯，又比左豬扒，有少少芝士粉係咖喱上面咁，0芝味，豬扒好健康，完全肯定冇用梳打粉「拿」過，冇比味道，純天然，鞋到呢，刀切都好難。4重芝士焗豬，唔知有邊4重，0芝味，豬扒保持到水準，一樣鞋服務態度一般，餐具十分污糟，不會再有下次。…查看更多

叫左碟炒通菜，竟然有咁高蛋白質的食材附送 — 就係條4-5cm長，手指尾咁粗嘅蟲！並非一般菜蟲！已經唔敢再望下面有無其他佢D兄弟姊妹。“泰妃雞”嘅衛生情況令人震驚，相信舖頭並冇洗菜....竟然咁大條蟲都見唔到仲上埋碟。員工拎碗野過尼又插半隻手指落D湯度。唯一好彩係冇擺入口.....見到真係作嘔，同個樓面講，佢雞咁腳掉左我碟菜，又無拎去話下廚房D人，態度令人失望。希望今晚唔好嘔，好有心理陰影，女朋友差D想喊。…查看更多

等左十五分鐘，終於上枱，雞肉顏色有少少粉紅，D雞左拼右砌，完全唔完整，仲有D蔥係雞上面，我以為佢落錯蔥油雞比我。不得了，雞底下全是水和油，雞又有血，油雞是印尼的椰漿飯的味道，和海南雞油飯完全扯不上關係。$65當睇清楚尼間貴貴劣質冰室？做返火腿通粉啦…查看更多