lotte522的个人专页

今日特登約埋朋友黎土瓜灣食晚飯，星期六夜晚大概6點鐘到達，可能時間尚早，等左大約15分鐘就有位。首先叫左杯hazelnut latte & 友人叫左jasmine tea飲。杯latte好好飲，香濃幼滑，唔太甜，絕對唔係出面連鎖咖啡店既貨色，兩三啖就已經飲完。之後叫左個三文魚忌廉蘑菇核桃貓耳朵，好香濃既忌廉汁，d貓耳朵粉好煙韌，配埋核桃碎，好有咬口，成個粉好creamy。甜品方面叫左caramel banana waffle & strawberry cotton candy panna cotta。個waffle 一上枱已經聞到好香，香蕉表面係微微燒過，有焦糖係上面。有cream有雪糕同custard醬伴碟。個waffle一食落囗就有好香濃既蛋香味👍👍好好味，佢係我暫時食過最好味個waffle，喜出望外。至於個士多啤梨奶凍造型突出，好有創意，奶凍好滑，配埋士多啤梨醬食落酸酸甜甜，口感豐富。呢間舖頭由飲品、主菜到甜品都好令人滿意，誠意推介，下次必定會再黎試過其他菜式。…查看更多

之前透過openrice book左星期六6點鐘既枱，餐廳方面好好，係星期五已經透過Whatsapp send左d menu俾我睇，咁耐以黎book枱食飯都未試過，服務好細心👍👍。而到左當日，仲有人打電話黎confirm booking添。提早左到場，由於時間尚早，餐廳只有一兩枱客，侍應哥哥帶我入去餐廳裡面，俾我選擇位置坐，最後我揀左窗邊位近門口既位置。食物方面當然要試下Egg Benedict，我係為左呢個以黎^^。仲叫左個雞翼三重奏 & smoked salmon salad，飲品友人叫左杯rose green tea soda。雞翼三重奏，有lemon，rose，另外一個應該係原味。雞翼表面好香好脆，咬落去真係會食到玫瑰味，好特別。無諗過雞翼同玫瑰味都幾夾。杯rose green tea soda一黎到馬上吸引左我既視線，杯野飲真係好靚😍😍，好fresh，上面仲有我最鍾意既士多啤梨👍👍👍呢個egg benedict好豐富，有煙肉，薯餅，兩款唔同既腸仔，茄汁豆，roasted tomato。但可惜個Egg Benedict味道一般，唔係流心蛋，如果唔係就perfect。總括黎講，呢間餐廳食物水準普遍令人滿意。服務態度一流，職員親切友善。啱啱黎到坐低時，佢會主動問你需要凍水定暖水。喺我友人未到前，會主動同你閒聊一兩句。食飯期間仲不停幫你加水，又會問客人對食物質數滿唔滿意。我諗今時今日既餐廳又有邊間可以做到咁？feel到佢地真係好用心做呢間餐廳，希望佢地會繼續keep住咁既質素。我會再黎幫襯，下次會試下佢地既pasta & pizza^^ 。…查看更多

眼見最近韓風吹得咁勁，自己都忍唔住買左杯蜂巢雪糕試下。可能之前對佢抱太大期望，講真味道真係一般。雪糕都算ok滑，但就覺得唔夠香同奶味唔夠濃，同埋分易溶，個雪糕攞上手唔夠30秒就已經開始溶化。個蜂巢份量真係好少，食到到喉唔到肺。以$42呢個價錢真係覺得唔係好值。…查看更多

見到Starbucks又出左xmas flavors當然要試下啦！order左杯peppermint mocha，我話要少甜多cream，好明顯無人理我啦！打開杯野見到得少少cream，第一啖飲落去超甜！本來諗住硬住頭皮飲落去，但實在頂唔順。走去counter同姐姐講可唔可以加d cream or 奶，因為好甜。姐姐問我杯野係乜黎，我答佢係peppermint mocha。佢睇我隻紙杯話杯野已經少甜左，但我話都係好甜喎。姐姐二話不說主動話不如再沖過杯俾我啦，我立刻點頭話好。姐姐話原來呢杯野正常係3泵syrup，我初時話少甜就俾左2泵我，但我咁怕甜下次落1泵就ok。第二杯出到黎效果靚仔好多~起碼多左d cream，味道正常好多，飲到濃濃既咖啡味。第一杯簡直飲緊糖水咁。雖然我知道如果咖啡唔啱味可以主動叫佢地沖過杯，但我都要大讚呢間starbucks既服務態度👍👍👍！…查看更多

今日收工經過灣仔有d肚餓，諗起附近開左間人氣甜品店，於是走過去幫襯。黎到見到個menu，但搵極都唔見我想試既Oddies Garden，原來店員哥哥話每隔幾個月就會out出一款舊既雪糕，再加番一款新既，今期新加左Ohh Tea! 無左Oddies Garden，好失望呀~於是轉移目標去雞蛋仔，揀左火腿芝士味$19。隔左幾分鐘，熱辣辣既雞蛋仔到手。裡面都有幾多火煺絲，遍佈係成個雞蛋仔到。但我食唔到裡面有芝士味 ，有少少失望>.<個雞蛋仔表面唔算脆，係屬於軟淋淋個款。或者下次再試下佢地既雪糕。…查看更多

太興新開張都將近有一個月時間，趁今日開工前嘆番個早餐先。叫左個火腿通粉早餐，本來對集團式茶餐廳既早餐就唔會抱有任何期望。直至見到個炒蛋後，簡直令我喜出望外。炒蛋呈現金黃色，又香又滑，切開仲有蛋汁流出黎，加埋微微烘過既多士一齊食簡直一流。火腿通粉裡面加左少少生菜絲，而招牌冰鎮奶茶就茶味濃郁，有一貫水準。衷心希望呢到既食物質素唔會下降，越做越差，可以保持住呢個水準啦。…查看更多

趁今日假期可以帶狗狗一齊出去玩，於是揸車黎到元朗呢個高爾夫球場附近既茶餐廳。今日天氣超熱，由於帶左狗狗，所以只可以揀戶外坐，馬上叫左杯綠茶紅豆冰消下暑先。見到d紅豆都幾大粒，煮得都幾軟身。但個雪糕就無乜綠茶味。再叫左個豬扒包，豬扒包𥚃面夾左d炒洋蔥，但我自己本身因為唔鍾意食洋蔥，所以無食洋蔥。個包裡面塊豬扒係連骨，所以食落時有d麻煩，要切走d骨先食得。略嫌個包太乾身，塊豬扒都算juicy唔油膩，如果個包再焗至軟身會好味d。小食煙肉腸仔卷，睇落好似好heavy，加埋d茄汁一齊估唔到又幾好味。煙肉表層煎到脆卜卜，包住軟淋淋既腸仔，同d茄汁一齊食，酸酸甜甜，變得無咁肥膩。用餐途中見到好多主人帶埋狗狗一齊，如果出外可以同狗狗一齊食飯，都係一件幾咁開心既事。…查看更多

早前行過希雲街見到有間新開cafe好似唔錯咁，又有免費wifi，所以行入去試下。由於好耐無食過crunch cake，所以想叫黎試下，但味道只屬一般，普通海綿蛋糕，質地唔算鬆軟，d cream唔係好香好滑。跟住叫左個 T-Bone steak brownie with vanilla ice-cream，用鐵板上，T骨brownie上面好似有d扮mustard既cream係上面，整到成塊好似T骨牛排咁，幾有創意。仲有杯朱古力醬添，好似真係食緊鐵板餐咁。但切開brownie時已經覺得好難切，食落口好硬身，無平時食brownie個種濕潤既感覺。食左一半已經唔想食。…查看更多

得知銅鑼灣開左間fusion中菜，當然要一試。其實自己曾經食過佢既午餐同晚飯，如果係一大班人食晚飯既話，就唔係咁建議黎呢到，事關佢d野食真係好符合佢個名－"小碟"。如果兩三個人黎飲茶既話，都可以不況一試。首先係菠蘿咕嚕肉，原來係菠蘿包＋咕嚕肉，第一次咁食法，都幾特別，d汁酸酸甜甜幾開胃。咖哩牛腩配酥皮撻，又係第一次咁食法，味道都ok。春風得意腸，味道普通，相比之前兩個就無乜特別。三小碟，份量太小，味道一般，食唔食都無所謂本身自己好鍾意食雪山叉燒包，但又唔係周圍都有得食，所以知道有得食時都幾開心。…查看更多

朋友仔生日話想係中環dinner，立即諗起glasshouse。好懷念佢個banana creme brûlée，於是馬上book位。最後book左6點鐘，但要7點半交枱。首先order左個Crispy fries with black truffle mayo，d薯條熱辣辣，粗幼適中。d醬有好香濃既黑松露香味。一齊食簡直好食到唔停得口Rice paper & red beetroot roll，味道ok。呢個Pad Thai比較特別既係用左墨魚汁麵黎做，但食落味道一般，無論麵定係d材料本身口感都比較硬身，覺得d麵同d材料係分開，兩者好似無融為一體咁，自己唔係咁鍾意。最後既主角當然係banana creme brûlée初時見食評有人推介，心諗係咪真係咁好味呀？但點知第一次食時，第一啖放落口，我同個friend都同時望住大家，忍唔住講左句：真係好好味！味道同記憶中既一樣，好好味👍好軟滑。無諗過香蕉同creme brûlée兩者係會咁match。建議先加少少espresso試下個味先，如果一次過倒晒杯espresso落creme brûlée 驚會太苦，食唔到個甜味。…查看更多

約左朋友去尖沙咀食飯，點知要早一個星期前book先有位，超誇張由於當日預先book左位，唔需要等就已經入得去，但要限時交枱。食物方面叫左個黑松露薯條，可惜d黑松露醬太少，食到一半已經無晒醬。西班牙火腿菠菜奄列，裡面有薯仔，火腿&菠菜，一切開d蛋汁就流出黎，味道ok。見食評咁多人推介西班牙海鮮炒飯，當然要試下。黎到覺得好細碟，自己以前無食過西班牙炒飯，所以無得compare，但就覺得個炒飯好濕，有少少辣，味道就一般。最後令人驚喜既就係呢個甜品，伯爵茶焦糖燉蛋，有好香濃既Earl Grey味，鍾意Earl Grey既朋友一定鍾意！想再encore多一個，可惜已經太飽了！…查看更多

當然要趁平日放假時黎食人氣餐廳Dazzling Cafe，6點15分攞飛，大概7點30已經有位。飲品方面揀左熱既仲夏熱帶水果茶&玫瑰花茶，水果茶唔太甜，味道ok。意粉揀左明太子義大利麵，都幾creamy好味。最後登場既係就愛草莓蜜糖吐司，揀左酥脆版，yummy！加埋蜜糖好好味！但兩個女仔跟本食唔晒成個，有d浪費~如果下次唔洗等太耐，都想試埋鬆餅。…查看更多

難得今日有得早收工，6點鐘就已經到銅鑼灣排隊。等左大約半個鐘先有得登記，留低左名&電話，話8點15分再返黎。結果要等到9點鐘先有位，問我地介唔介意坐吧枱，有得食當然唔介意啦^^裡面環境氣氛幾好👍Order左Our famous prawn linguine，意粉口感比平時食既硬，大蝦夠新鮮&彈牙。Pumpkin Panzerotti 睇個樣以為會好creamy好香濃，點知食落去係甜，好奇怪。Fish in a Bag 有d鯷魚，飯同青口係錫紙裡面，味道麻麻。最後甜品叫左Tiramisu，口感比較濕，有少少橙味，味道ok。總括黎講，食物味道&價錢ok，但可能會唔啱香港人口味。不過會再黎幫襯，但可能要再等無咁多人先。…查看更多

第一次食咸味waffle，揀左個American style既BBQ Pulled Pork Waffill。等左大約5-10mins，熱辣辣即叫即製既waffle到手。包裝都幾方便，撕開就食得。但waffle裡面d餡料好似唔係好入味，明明話有cream cheese係裡面，但食唔到有芝士味。可能waffle都係甜食配雪糕會好味d。…查看更多

今日黎Angelina朝聖，初時以為假期會好多人，但好彩排隊既人唔算太多，等左大半個鐘已經有位。裡面既裝修都幾靚，感覺好grand。但座位真係好迫，枱與枱之間好近，完全聽到隔離枱講乜。張枱好細，食物唔夠位放。首先叫左個Angelina Brunch$398，由於無晒mini pastry，所以被逼只可以揀一個大既fruit danish ，味道普通。主角終於到場，Angelina hot chocolate，本身自己好鍾意食朱古力，但都頂唔順，唔太識得欣賞，襯熱飲可能好d，涼左之後更難入口。之後揀左個香煎薯餅，smoked salmon salad & 香煎法式多士，薯餅同法式多士比較好味d，個salad & 炒蛋就好普通。最後甜品揀左Choc Mont-Blac，本身自己都好鍾意食甜品，但食多幾啖之後已經覺得好漏。總括黎講，俾五百幾蚊食d咁既野完全唔值，試過一次已經足夠。…查看更多