ckyiu的个人专页

經推介下，到了這個小屋苑的新開泰菜小店。來之前看過菜單，覺得菜式較為特別，平日較少見的泰菜款，可能是泰西混合？先叫了兩道蔬菜為主的前菜：金柚大蝦沙律配熱情果醬，味道清新，尤其微微酸甜的汁較特別，很開胃馬拉盞炒椰菜苗，味濃，椰菜苗要炒至軟硬適中不容易，這次是不錯的　主菜來了！！串燒 (差不多各叫一款)　慢煮燒烤乳豬配焦糖菠蘿串燒的孓然粉若落得稍多會變得苦，這些是剛好，香而不苦未吃過這款小烤豬，聽聞是西班牙做法。皮是超薄，很脆！那些焦糖菠蘿，及點著吃的汁，酸酸甜的，降低了豬的滯口感最後純粹因為口痕，叫了泰風味椒鹽鴨舌要特別讚的，是蝦片，薄、香、脆，但丁點炸過了的感覺也沒有整體而言，除了菜式款有驚喜，味道也有驚喜！…查看更多

我們很早入座，未有其他已訂住的食客，有機會與廚師多談幾句，聽到餐廳過去少少歷史，原來也經歷了十數年話不多說，我們訂的是情人節二人餐，在已訂的餐單上加多四隻生蠔，共六隻。生蠔來到，急不及待，完全忘了拍照，吃到一半才想起！生蠔海水味重、肥厚、配上檸檬汁，加起來鮮味非常！柚子汁田園沙律：感覺太田園，除了配料扣了些分，整體也很清新充滿「濃」蝦湯味的湯！好溶不會太咸，好好味！主菜來了！燒美國安格斯牛排 (每人各8oz)，聽廚師講，原來為了預備晩餐，早上已開始預備及挑筋！我們也是會自煮的人，叫了三成熟，能做到這樣的效果，要有相當經驗及技巧！只有一句「讚！」見到鄰桌叫了一碟蝦刺身，叫了一隻來試！蝦腸挑乾淨了！蝦肉半透肥厚，蝦頭的膏汁多至傾出！鮮而完全沒有絲亳腥味！又是很濃的蝦汁，意粉微硬但非常香！蝦肉又是肥肥厚厚的！超滿足！完美「。」tiramisu不是港式那種，有酒味，若下層部份比例加番，效果更好！但仍美味！整體上：上菜速度適合慢吃，因為每一度菜逐樣煮，等是正常及應該的！…查看更多

慶祝老公生日，想佢食得舒服又開心想有好景觀、好環境，又希望在預算之內我倆也是飲酒的人，有酒也是我考慮在預算之內揀了好幾間，最後被這間的景觀吸引，而包酒的價錢也完全在預算之內！我們座位旁的大玻璃窗酒的餐牌，正價加一我們選了$100那類，感覺超抵！不知是否極少人在午餐飲酒，枝氣酒只拿來倒給我們。到了他們倒第二枝時，我怕浪費，想阻止。(不知是否經理)有高級前來問我是否有甚麼事，很有禮貌的解釋了飲不完的他們會有其他用途，叫我不用擔心。我們座位的景觀自助頭盤包括了的生蠔size嬌小，即開很新鮮，還會送去你的枱配上氣酒 / 白酒，很滿足！其他食物沒刻意影了，因openrice已有不少上主菜前送上的應是搽麵包用... 因為沒吃包包，也忘了刻意試味很欣賞裡面的細緻主菜來了！碳燒美國安格斯西冷牛扒配燒婆羅參及芹菜頭松露忌廉香煎澳洲羊扒配紅燈籠椒及燒番茄伴羊肉汁整體不錯喔！配埋紅酒，吃的過程超享受！餐廳用自助甜品區拼來的「生日蛋糕」先將要寫的內容電郵去餐廳，餐廳也沒有拒絕我有點長的生日句子！電郵回覆已收到，及衣著的提醒之前雖看了不少評語，包括其他網的內容。有好些對食物的評語也是一般，或覺得差。我倆認為自助頭盤、甜品選擇洽到好處，主菜的食物份量剛好，尤其貴精不貴多。連我大吃老公也100分滿足！我們不期望３ＸＸ元要有超高的質素，一般自助午餐動不動平的也要２ＸＸ在香港週圍是人逼人的情況下，３ＸＸ元的３００算在這裡的環境及服務。…查看更多

見到下午茶有個「金牌豬扒包」套餐，就試下啦～唔平的，都要HK$30...個包包嚟到，望到個size時心諗... 唔通因為係下午茶套餐所以咁細...?!size比我在麥記買個最普通既漢堡包還要細，塊扒更薄...奶茶算是不錯，夠濃。而且，我也是因為聞到奶茶香才決定入去的...…查看更多

　因為有朋友生日想食海鮮，問住西貢的友人意見有何建議，便提議了他家的「飯堂」了！　一坐低，同行的朋友便讚裝修得，環境好！如果唔係天氣熱，會想坐花園位置呢 一週前打去book枱，之後又打成幾個電話問左唔同既問題，尤其問食既方面最多。(當然同時都煩埋介紹我去既朋友，有咩必食之選)部份食物需要 / 最好預先講定，尤其部份食物係餐牌沒有的。打左好多次去，接電話係同一位，完全丁丁不耐煩都冇...！美味的晚餐開始了!! 第一味 -- 冬瓜盅!!D料足到... 啪左兩碗(普通飯碗)已開始有飽肚感... @_@[留意：要預先電話order]第一味 -- 薑葱炒蟹不算特色，但炒得美味的薑葱炒蟹。同埋...好夠肉，好新鮮 第三味 -- 釀蟹藝兩個人食一個已夠了！成個口都太豐富了！！大家係勁讚不絕口，勁有口感！[留意：要預先電話order]第四味 -- 泰式倉魚沙律招牌菜之一[留意：訂菜時同佢地講明要一條大倉魚，不要兩條小的]因為真係好大條，食極都係仲食緊佢... 但隔左好耐都仲係唔腥，炸而不油，太好味！配著酸酸的汁，太好味了！！第四味 -- 油浸斑斑本黎佢都好味的，但同其他相比又遜色左啲...可憐的小斑斑... 因為太飽，只食到一半咋...第X味 -- 胡椒蝦又係勁好味之選 -- 胡椒蝦香、脆、可整隻連頭吃，又係炸而不油 第X味 -- 子薑菠蘿咕嚕肉、忘了甚麼牛肉沒有拍照，因為對手實在太多食物汁了，又捨不得放低Ｄ食物！咕嚕肉雖然普普通通，但都算ＯＫ，尤其子薑！！！牛肉方面，肉粒炒得熟之餘，仍維持其肉汁，大家食左咁多款好味食物之後，對住Ｄ最普通既牛肉都忍唔住講左句「好味！」餐飲 -- house wine (白酒)$50一杯足足的份量，味道舒服，也夠果味！總之... 抵飲house wine之選，任何推介請找老闆娘句號 -- 扮生日蛋糕的心太軟一個因為太飽，而是日精選蛋糕又沽清了，便只要了一個心太軟做生日蛋糕。這個已是最普通的食物，味道可以但不算太特別，可以一試。但若想找溶漿便...　免了…查看更多

因友人想吃特別的菜式, 所以去了這間店。推介：不"蘇"的烤羊, 很好味~~!!! 有味的飯質感很好, 一定要食~~!!! 但, 不明白為何烤牛肉熟得太過份了... :(不建議吃牛牛...服務由頭到尾也很好, 我們飲很多清水, 通常也會自動來為我們添水~另外, 最窩心的是... 我那晚咳得很厲害, 侍應突然遞上一杯放了兩片鮮檸 + 薄荷葉的清水, 做了一個掃喉嚨的動作, 示意讓我舒緩喉嚨的~微少的招待, 但顯出餐廳員工對客人的細心~ :)…查看更多

買了「$124嘆 MaMa Kitchen 4道菜二人餐，加送$50現金券」, 餐單如下：****是日餐湯及餐包(各2份)**** 頭盤****挪威三文魚凱撒沙律****主菜 (以下4款可選1款，二人份量)****香茄海蝦蟹柳意大利麵****或煙三文魚芝士忌廉汁意大利麵或冬陰公炒飯或媽媽鮮茄焗豬扒飯甜品****碳燒一口蛋糕****冷/熱飲品2杯已包加一服務費今晚終於都去左使用果$124二人餐的卷, 意見如下...湯 -- 因為西湯賣晒 (其實我地7點零鐘已去到, 咁早賣晒了!!!), 所以俾左中湯我地。個中湯其實好夠料, 只係同個西包夾既感覺有點奇... 餐包 -- 包面熱, 但包底係濕的... ＝＝""" 而牛油... 係溶的... 挪威三文魚凱撒沙律 -- 兩片煙三文魚 + 羅馬生菜一堆, 但份量少得... 似一人量... (但菜很不錯的~~)水 -- 我地問佢地想要兩杯水, 但竟然要另外買, 因為我地既餐唔包水...喎...!!!!!! (去左法國高級大餐廳?! 水都係玻璃瓶礦泉水?? 要另外買!!!!!) 飲品 -- 因為冇糖漿, 所以做唔到凍檸水... (我都係第一次聽...!!)豬扒飯的味道係不錯的~~~!!!餐飯係飽肚的, 但$124呢個價... 就真係頂多頂多只值$124, 完全睇 & 食唔出有團購的價值...(每人$62的感覺, 是可以去選擇更食好味 & 更多選擇的店 / 食物~~~) :(最後, 唔知係未因為我地食完便直接離開左 (完全忘了$50卷的事...)所以沒有收到$50卷...…查看更多

團購網買左coupon -- $158(包埋加一), 其實唔係真係平左好多(每人大約平了$26.8)但諗住試下, 便買左卷, book左位去食下~~眼見有好幾個人都寫好差, 但我全家都覺得... 依家係$158, 選擇都唔算少喎... (even正價, 我地覺得價錢都算合乎中道) …查看更多

經過好多次, 又想試佢既貴川米線好多次, 今日終於在tea time試了~雖然已預左屋村茶餐廳的「川菜」不會似堅果d, 但真係冇預相差咁遠... 米線：比一般更"林"... :(辣味：(我叫中辣) dd都唔辣　酸菜：只咸唔酸　:(竹笙：爽, 都唔錯 :)腩肉：好似扣肉咁款, 味道還算好 蘿白：好"林"好入味, 雖然只係配菜, 但全碗最好味(真係好味的!!)便係佢... 價錢：不包飲品, 要另加錢... 但兩餸既價錢, 同正價只不過相差$2.................. 而可以揀既餸款, 便少左好幾款囉...!!! …查看更多

尋日久違了的友人飯局, 因為冇時間煮, 便第一次試下叫附近的外賣。又因為只有這間會送外賣, 所以也只有這間的選擇...由於係友人order, 今天望番張紙, 先知原黎叫左d咩...[尋晚雖然都有一齊食野, 但部份食物未能一下子便知係咩東東...]記得尋晚最好味既, 係焗芝士海鮮伊麵.... 既伊麵...!!其他食物, 實在一般一般... 事實係, 價錢唔平, 每盒都要$34-$42左右, 但size絕對只係普通size...…查看更多

為著專注一點清舊債(功課) & 預備新賬(下週要交的功課)　下午去了愛去的St. Peter City吃了個超拉長版dinner由4點坐到11點幾... 由cake食到熱檸蜜...都係同一個餐：金字塔黑朱慕士cake (跟餐 + $18)咖啡 (入會時送的優惠卷)南瓜湯 + 蒜蓉包一片迷你沙律d餸將意粉埋葬左既「招牌抄意粉」 <<第一次試, 好好味!! d洋蔥好甜呀!!>>雞中翼兩隻 (老細送的)熱檸蜜一壺另記此店有heart之處：1. 開左部notebook, 上唔到網, 老細好有耐性地check機(我部機 & 佢地自己既機), 最後多謝佢搞掂左~ 我可以好好的上網做野~2. 本黎因為唔想一個人霸住個d梳化位, 所以打算坐高椅, 但老板見反正都未有咩人, 便建議坐較舒服的梳化~ (其後便緊接來了兩批人, 但仍不會要求我離開一件生人霸六人梳化椅的位置~)3. 埋單時, 老細見我眼訓到... 咩咁... 本黎請飲杯咖啡, 但實在太夜 & 太飽了... 謝完又謝一番好意, 便謝拒了咖啡~!! (老細實在太好人了~~).....etc. (太夜, 好眼訓... 下次再去時再補充下~)總之, 每次也有非常好的接待~!!…查看更多

仍是覺得中環呢間比銅鑼灣 & 灣仔的好味仍是覺得酸辣好味 (如果多d酸菜更正斗)仍是覺得春卷 (即魚卷) 最好味仍是覺得腩肉係瘦而好咬口以上都係我所愛的, 只係員工則... 好一般... 甚至有時唔太理你咁...受了上一回的教訓, 叫大辣的結果有勁多油在面, 結果係食完個肚因為多油而唔舒服, 第日便係咁疴... 油...所以, 呢次去便同佢講大辣少油... 付款時講了一次, 佢冇反應... :(交單時同個姐姐講了一次, 佢冇反應... 見佢冇反應便再講一次, 佢都係冇反應... 我唯有講... 「我上次食完太多油, 第日係咁疴!!」... 另一個姐姐便終於有反應了!! ＝＝|||於是佢同後面講... 大辣淨要渣唔要油... 唉.............不過, 後黎再想想下... 智彗d的處理, 便是自己在櫃位加辣椒自己走油淨渣...講多, 都只係自己浪費氣力... …查看更多

冇睇錯... 依家係2008年...2007年禁煙的初期到打後一段日子，還真的煙味消失了很多(舊有的煙味便總是有點...)近黎再幫襯的兩次，竟係員工公然 (冇睇錯，係公然) 吸煙...佢多數食物的味道確是不差的, 只係有時色素稍為強左d (我地稱之為... 熒光豬扒)而川味辣食更係美味首選~ (只係咸左d... 同埋若再辣會更好) 食物方面算係抵食的, 尤其叫外賣果盒仲大份過堂食...食強記... 都係外賣好d...唔駛吸二手煙...…查看更多

朋友建議了到蘇豪東晚飯，其實並沒甚麼特別喜歡或想食的地方。我以往只試過週日午膳前來一個簡餐，印象不深，問其他朋友也沒太多意見。與友人一起看每間的環境與餐牌，最後被大海鮮拼盤吸引了，但再望望另一二人套餐的內容更見吸引，便進入此店了。可惜直接靠窗的位置被人訂了，唯有坐在半靠窗的位。但怕煙者選擇座位時，若鄰桌安放近大門處，還是不要靠近好了，我與友人該晚已中招，吸入二手煙...　套餐如下 (盡量數，只怕忘了1-2樣) ：小型海鮮拼盤生蠔 -- 每人兩隻，不過不失。我們另加了買三送一的生蠔，價錢方面是可以的，味道也較拼盤本身的來得鮮及肥美。(應是當然的吧...)翡翠螺 -- 每人一隻，鮮味，不錯蝦 -- 沒... 太大印象... 忘了怎情況... 了...青口 -- 本身不太好青口，感覺是不過不失沙律 (突然有印象中間是有個沙律...)好像是凱撒沙律，但不知為何像半失憶狀，記得不太清楚湯黑松露忌廉湯 -- 味道頗香，友人形容像飲杯好立克　龍蝦忌廉湯 -- 味道也是香濃的有趣的... 是當我們幾乎將湯喝完時，突然送上兩個小包... (難道此店的禮儀習慣是讓人用水送包的...)和牛串燒牛的質感很好，牛味也很有。(可惜有幾口有少少筋)已先代切成一小節又不完全分開，但一拉便開。一小口一小口地實在美味！！　意粉 (忘了是甚麼意粉)由於未吃完和牛便已送上，到試味時已冷了，但味道仍是不錯的。(只是油方面確太強...)也由於之前的食物已令我們頗飽，結果決定「打包」甜品心太軟 -- 很大個心太軟，送來時本身已有溶岩流出來了，外層脆脆的，味道很好！　雪糕 -- 吃不出特別好味與否...tiramisu -- 迷你版，由於吃了味道很濃的心太軟，未能太掌握到這tiramisu的味道，但質感不錯，不會港式tiramisu咖啡偏酸 (我本身不太喜歡偏酸的咖啡)印象深的是那杯奶... 燈光雖暗，但仍看得出奶色微黃，聞一聞沒有咖啡奶的味，感覺像淡奶... 當倒入咖啡後 (我已是將整杯奶倒進)，完全不能提高咖啡的口感及味道稍好的咖啡奶不用倒太多已可提高咖啡的口感了...　:(最後，經理前來問我們對食物的意見，我們告之整體不錯。也照實回答了和牛好味，惜有幾片有筋...另我說了句「不過如果咖啡係用咖啡奶會好些...」經理應了「這是咖啡奶來的！！」我很想問他是哪個牌子的咖啡奶如此像淡奶，我會認住那牌子提醒自己不要買此咖啡奶。(但只是望一望他，「哦」了一聲便甚麼也不想說)　＝＝|||最後是大約$650埋單…查看更多

上週日和友人偶然在街看到易拉架見有此cafe便上去試試一試便覺得找著一不錯的地方~食(和友人也叫了煙鴨胸薯蓉+ 薯條)：薯蓉-- 係主角!! 味道真的很好, 本身已很夠味, 而且一點也不乾, 易入口, 很吸引鴨胸-- 也是好味的, 但不怎麼特別(配襯了薯蓉~ ^0^ )薯條-- 厚切是好味的, 只是... 略為乾了點...餐湯-- 味道可以, 只是不夠熱。附上的包片則脆脆的不錯~飲(我加了$13點了壺strawberry花茶)：我平日少點花茶...勁濃, 厲害~~!! 好想佢俾水我自己添d添d... 沖第二回水也仍頗濃, 好夠誠意, 絕不求其~環境：一間店有三款椅... 環境算不錯, 也很乾淨座椅也舒服的~ 仲有宮庭式的高身椅~ 服務：是盡力+ 熱誠招呼的, 只是人手太有限, 有時想加水便等很久... ~_~... 好想自己出去倒, 不用麻煩(店細細, 我都唔太介意自己搞掂)不知為何sun的晚麻麻11點幾都突然殺上幾批人來填滿場...而even有人打黎問有冇10個位, 佢地都唔會問我地坐到幾點(我果張枱雖只有二人, 但都會好影響到佢地有冇位俾果10個客的...)。咁... 都食飽了... 聽到都唔介意閃開讓路...記得問佢申請張vip咭呀~ $10下回有9折, 另再送張咖啡coupon~…查看更多