cherryoga的个人专页

作為一個熱愛藥膳雞湯米線既人當然要嚟呢間鋪試一試今次試左椰子雞湯同藥膳黃酒雞湯小食試左炸豆腐同粟米椰子雞湯個椰味好香濃好夠味唯一缺點係啲雞件完全無味 雖然份量比得好足但真係食一件就覺得算啦唔好嘥quota Btw主角係個湯 配上海麵一流👍冬天黎滾住黎食一定仲正我專程黎食呢個黃酒雞湯略嫌失望 酒味夠濃 但藥材味好淡 呢一間店鋪既《醉藥雞》就非常濃郁反之呢間就差啲 未必會再encore呢款同樣問題 雞件無味 口能未算柴 都係果句 飲湯食米線就夠炸豆腐唔錯，外脆內嫩滑，咸味岩岩好 亦唔會太油而椒鹽粟米就...麻麻地面頭灑左鹽同炸蒜整體有啲油 亦唔香 唔惹味 總括而言 食物都唔錯 冬天食一定仲正題外話 員工態度好好 有禮貌又有笑容👍👍…查看更多

一心嚟試下呢到試下個藥膳雞湯米線，感覺失望，只有好淡淡既藥材味，幾粒後加、仍然好硬既既紅棗。酸辣雞湯既湯底仲差，唔酸唔辣，仲有啲甜，好奇怪。雞翼可不試，似蠔油炆出黎既味…查看更多

呢間茶餐廳門口擺左檔雞蛋仔，成日都排長龍，點解？因為又平又出色囉！$10 雞蛋仔坊間咁多新款雞蛋仔，又雪糕又咸味乜款都有，賣到廿幾三十蚊，本人始終覺得都係原味最好食。呢到既雞蛋仔全部即叫即極，熱辣辣，皮脆內軟，裡面係實心軟綿綿既就算擺左十分鐘，個皮依然咁脆身。甜度適中，好香既牛油味，用十蚊就食到咁高質既雞蛋仔，排長龍都抵啦！…查看更多

畀＄38就可以嘆到個下午茶buffet，2.5小時任食，仲要免加一，真係超抵！ 呢個buffet主題係玩懷舊地道風，每款食物都好有港式情懷，好似碗仔碗、咖哩魚蛋蘿蔔、芝麻糕、燒賣、豉油皇炒麵、糖水等等一共12款美食。呢間社企向來主打素食為主，但下午茶buffet就葷同素都有，滿足哂唔同人嘅口味。呢款咖哩魚蛋蘿蔔，咖哩汁夠香濃，帶微辣，魚蛋入味又彈牙，蘿蔔清甜無渣。而番茄雜菜湯長通粉，加咗大量番茄、西芹同紅蘿蔔等等材料去煮，味道同羅宋湯好似，由於係素食，所以味道就相對清甜，唔似坊間加咗肉嘅咁油膩。 呢到嘅碗仔翅雖然無加肉絲，但加咗粉絲、木耳絲、筍絲既關係，口感都幾豐富，個埋醋一齊食，夠哂地道！ 豉油皇炒麵，面條炒得乾身香口，唔會太油，雖然配料單薄，但灑上咗芝麻所以味道都算豐富。鍾意混醬嘅你哋仲可以去自助醬汁區到加甜醬同麻醬添！ 仲有懷舊餅乾食，好似瑪莉餅同字母餅，成功吸引到唔少大人同小朋友添食。 呢到有棉花糖機畀客人自己DIY，唔少大人細路都排住隊出去試，名符其實有得食，有得玩。嚟到呢到，會發現大部分嘅員工都係長者，原來老闆娘以前係做社工，當佢接觸到好多關於長者患有抑鬱症嘅個案後，明白到社會上有好多長者唔單只有經濟困難，心靈上亦會覺得被社會淘汰，覺得自己好無用。所以老闆娘就希望以聘請長者嘅方法，盡自己能力去幫助社會上有需要嘅長者。佢希望可以畀長者有多一個選擇，畀佢哋選擇自己嘅生活方式，因為年老唔等於要留喺屋企眼光光等時間過，佢哋仍然可以走出嚟繼續投身社會。銀杏時光之前只係做午市同晚市，但為咗可以有更多長者得到工作機會，老闆娘決定做埋早市同下午茶時間。直到而家，呢到已經請咗四十幾位長者，佢哋會因應自己身體狀況而決定每日嘅工作時數。又平又抵食，仲要咁有愛，呢啲餐廳點可以唔撐先？…查看更多

上網睇到西灣河有呢隻大陸先食到既腸粉，所以特登黎試下，結果極失望！雞蛋腸粉 $2x腸粉超「鞋」，一d都唔滑，而且個汁仲好油好鹹，二十幾蚊真係唔洗食佢。朋友叫左燒賣，全部都係粉，好淋身完全無咬口。…查看更多

晚飯時間門口已經排長龍，不過兩個人就易d有枱，所以好快就入得。餐廳既環境佈置幾靚，整體令人覺得舒服，食物同服務方面都唔錯。番茄吞拿魚意粉有好多吞拿魚，配料仲有番茄肉、洋蔥、磨菇片，份量對女仔黎講岩岩好，味道酸酸甜甜，整體ok。蘆筍龍蝦汁墨魚汁飯墨魚汁飯味道都幾濃，好香，而龍蝦汁就偏鹹，由於汁多過飯，所以食到最尾會覺得好鹹，但味道係唔錯既，而且有唔少切粒既龍蝦肉、洋蔥、磨菇片 ，所以口感幾好。唯一不足既係得兩條極幼既蘆筍。芝士焗薯條芝士焗完偏乾，份量幾多，量條粗身過麥記果d，幾有咬口。煙三文魚Caesar salad 一上枱已經好搶眼，presentation幾好，沙律菜好爽口，醬岩岩好唔會太多，煙三文魚有三四大塊，仲有好多有麵包粒同煙肉脆粒，口感豐富！份量足，味道好，價錢抵！值得encore …查看更多

孜然金磚船＄12加咗孜然粉、七味粉同燒汁嘅炸豆卜帶點微辣，非常惹味。豆卜外脆內軟，入面仲好juicy，原來老闆娘喺炸之前，會將豆卜浸喺自家祕製嘅汁到，所以豆卜炸完之後完全唔會乾身日式金磚船＄15 面頭加咗沙律醬、燒汁同紫菜嘅炸豆卜，味道同章魚燒好似，估唔到日式醬汁同豆卜出奇地夾👍台式鹽酥雞＄20鹽酥雞香口之餘又嫩滑多汁，粉漿唔會太厚，薄薄一層炸到好脆口。雞粒喺醃製嘅時候調過味，所以食落有陣陣咸香味，再灑上七味粉，味道一流抹茶紅豆冰＄16抹茶味非常濃郁，裡面並無加糖，佢嘅甜味全靠入面嘅紅豆蓉，微甜嘅紅豆粒加埋香濃嘅抹茶一齊飲，絕配！好味又抵食既小店真係買少見少，點可以唔撐…查看更多

唔食牛既朋友出街終於可以食到肉醬意粉喇，因為呢到既肉醬係用雞肉mix豬肉黎整～不過肉質太淋無咬口，個汁偏酸，芝士既話個人覺得用芝士碎會好味d~另外就番茄雜菜意粉～全素～蔬菜既份量都ok，同樣地係個汁偏酸 最出色係呢款番茄甘荀餐湯，好清好甜～👍用黎點toast食好正！…查看更多

泰式原隻鹵水豬脾飯 $48呢個重量級豬脾，就咁睇個size已經大過個拳頭，而且仲好厚身，鹵水汁色澤偏深，味道香濃，帶微甜，豬脾鹵得入味，肉質軟稔配料仲會有幾塊薄薑片，酸酸甜甜又脆口，解膩一流！原來呢個豬脾飯每日限賣十幾隻，一到lunch time就賣哂，所以大家要食嘅話就要趁早啦！…查看更多

見到咁多笑笑以為好好食，點知原來係大伏，不可一不可再！叫左個煙三文魚salad，正常既黑醋salad無咩特別墨魚汁risotto, 味道ok, 但飯係有d熟有d唔熟 仲要癡埋一舊白酒青口, 呢個完全係垃圾 廚師直頭係浪費緊食物, 青口有沙兼好鞋口, 殻多過肉 ,重點係完全無味 係少少味都無, 同埋成碗係一d汁都無, 我無食過白酒青口係一滴汁都唔會比。同個staff反映完問題後，佢表示幫我地cancel呢個食物呢間野唯一既可取之處係店員做野快 幾有禮貌, 但廚師咁既質素 …查看更多

第一次黎食，緊係要order個香蔥魚蛋米喇，因為最鍾意食蔥蔥蔥蔥蔥唔洗五分鐘就有得食，魚蛋彈牙又夠滑，唔知係咪加左蔥係入面既關係，魚蛋裡面多左d窿窿位，所以d湯會入左去，一咬，爽口彈牙之餘又多汁，正！最抵讚係呢到有冬菜、炸蒜、辣椒油、大辣辣椒油等等比客人加，呢d細節位好加分！而且呢到既辣椒醬係好辣好惹味 唔似坊間果d完全唔辣得個樣。…查看更多

火辣雞煲漢堡 Spicy Chicken Pot Burger $96(set)你無睇錯，雞煲同burger真係溝得埋架！炸到外脆內軟嘅雞扒好juicy，雞扒用香料醃製過，再淋上雞煲味既麻辣醬。醬汁好濃郁，有花椒香味，食幾啖已經覺得有啲麻，不過唔算辣。由於個醬真係雞煲醬，所以食落感覺好得意，明明食緊burger但又成陣雞煲味店員話辣道可以隨便揀，落order嗰陣講聲加辣就得架喇 而塊包就有成5.5寸，烘完後，麵包皮脆內軟，連埋大量嘅椰菜絲、洋蔥同雞扒一齊食，正！…查看更多

黃金招財菠蘿堡 ＄30菠蘿包越嚟越多新花款，呢款人氣菠蘿堡，原來係菠蘿包夾住巨型炸魷魚！！魷魚爽口彈牙，炸得好酥脆，面頭灑上香草同淮鹽，味道香口惹味吉列魚柳菠蘿堡＄35大大塊嘅吉列魚柳炸得好脆好香口，肉質夠實唔鬆散，柳連埋甜甜地嘅菠蘿包同菠蘿片一齊食，一甜一咸味道非常夾每款嘅菠蘿堡都有一塊輕輕煎過嘅菠蘿片、生菜、沙律醬，直頭係港版burger！呢到既菠蘿包有成十九款咁多，果然夠創意！…查看更多

紫薯蛋蛋＄24成底雞蛋仔都透哂d紫薯肉出黎，個皮好薄好香脆，每粒雞蛋仔都包住一至兩大粒嘅紫薯肉，超足料！裡面嘅紫薯好軟稔，亦無浸過糖水嘅假甜味，good! 老闆話呢款紫薯蛋蛋做到四月中就無，大家要試就趁早喇！ …查看更多

得悉呢到有好少有既雞酒食，緊係即刻黎試下啦！夜晚黎食好多人排隊，等埋加埋等野食既時間，夾夾埋埋都成一個鐘。雞酒米超足料，好多雞件、紅棗、木耳，仲有煮到入哂味既冬瓜。個湯有幾濃既酒味，甜甜地，好濃郁，雞亦夠滑！鐘意飲魚湯既人記得要試下天麻川芎魚頭湯，濃郁既藥材味，配湯入面有好多川芎、杞子、紅棗，真材實料！魚頭既份量好多，加埋米線，又飽又滋補！…查看更多