Christal Chow的个人专页

地點系女人街入面好方面，清新cafe, 很喜歡內裡的世界地圖，感覺像能飛越全世界一樣。那個麻辣蜆意粉非常特別，好多蜆，味道其實唔錯，但對我來說比較辣，好彩仲叫左個全日早餐咖啡不過不失。可以再去。…查看更多

這間Cafe有一個吸引的名字叫做～等我們每人都在等我們想要的東西吧🙂希望大家都很快等到。這之前，我們就來喝杯咖啡吧～我叫了一杯Flat White, 不過不失的。朋友叫了Mocha. 他說朱古力味與咖啡味均衡，沒有搶了大家的味道Cafe竟然會有羊架菜式是非常小見的，就叫了一客。朋友說，生熟程度十分之好，剛剛好👍不過如能再多一點香草就完美了。還有水牛城雞翼，醬汁可以再濃郁一點。也叫了一個香辣雞條，可是雞條外表雖然鬆脆但鬆肉粉味道太搶，對整體有所影響。煙三文魚意粉，內裏也有熟三文魚，口感豐富有層次，不錯😊最後整個用餐感覺氛圍舒適再加了分.😁…查看更多

朋友揀呢間野食晚飯，未食過黎到見到餐牌，咦，原來主要食韓燒，加小量韓食。朋友揀呢間反而話唔食燒個part，揀主食得喇，是但啦咪試吓囉。叫左鮑魚人參雞湯，韓式炒年糕同泡茶炒飯同泡菜煎餅。前菜好多款，每樣都好食。而我食咗咁多樣嘢都覺得味道幾好。原來OpenRice訂位，埋單有85折…查看更多

荃灣地鐵附近，由南豐行過去荃錦，再行遠小小既大廈，入面都有不同食店選擇。朋友話好耐無食呢間，我就未食過就來試下😊見佢有一人鍋，有麻辣味道選擇，很為心動。不過朋友吃不到辣，就叫幾個食物分享來吃吧😗第一個上枱既係新竹炒米粉，份量OK有啲肉碎喺中間，味道唔錯。其實我又冇食過台灣當地既正宗新竹炒米粉嘅。所以唔知道真正嘅味道係點樣🤔但又幼幼既米粉口感比香港粥店嘅炒米粉好啲，起碼無咁硬同入味啲。我雖然佢有熱既煙，但係食落去系一啲都唔熱🤪好神奇。黑醋覺得好惹味，明顯好有黑醋嘅味道，炸得亦唔錯，香脆可口。比起好多酒家都更勝一籌。至於個鹽酥雞就普通啲，我朋友話有油溢味喎，我就食唔到，不過就覺得呢個較為普通比街邊嘅鹽酥雞店冇咁酥脆入味。只好似普通炸雞粒咁。飲品方面，朋友話呢間嘅仙草好飲喎，不過我就冇乜興趣冇試到，我就飲咗朱古力珍珠奶茶調配尚算合格，不過有啲珍珠粒好硬。埋單 價錢合理🤭可以再來既😁…查看更多

有日唔覺意系YouTube , 見到兩個後生靚妹YouTuber介紹呢間燒賣，本小姐不嬲都幾鐘意食燒賣既，咁咪諗住過來試下囉。一坐低，一切貌似正常。望下個燒賣餐牌….20粒燒賣要$220🤔🤔會唔會貴左啲呀？本來諗住叫幾粒算，好啦，一場黎到幾大就幾大。就系呢個勇敢既決定。 我，等左「50分鐘」‼️無錯，吹左3，5，7次之後，都竟然要等50幾分鐘先見到呢籠野出黎。激氣都激飽左。雖然阿姐 唔好意思前，唔好意思後，又話多人呀，又話師傅點點點呀咁😓 但都好難令人接受囉。所以完全無心情評價佢個20粒燒賣😤背脊骨落，總之唔好味👎茶，就唔好提呢啲啦。另外仲叫左芝麻卷同叉燒腸。芝麻卷味道係正常嘅，但係個叉燒腸好唔掂囉，個粉皮一pat嘢咁, 又厚又黏口。叉燒呢又鞋又肥又唔新鮮，仲慘過出面最cheap嗰啲叉燒,淘大叮叮腸粉都好食過佢😂⋯⋯完…查看更多

而家系大商場搵間性價比高既午餐都唔容易🙈。有時都系將就下就算。呢間青衣城既而翡翠潮式小廚，勝在餐廳面積寬敞，特高樓底，有落地玻璃向河景，極大量日光☀️。就算午飯時段，食客都不擠擁，無需等位可吃頓悠閒的午飯。現在此餐廳都用QR code自助下單，減卻食客等待招喚侍應時間，都實在非常可喜。因見偌大的一個餐廳只有兩名服務員💁🏻‍♀️要兼顧傳菜下單招呼加茶，相信他們一定應接不暇。午餐沒收加一實屬合理，因為沒有什麼服務提供過🌝今次食咗個潮式小菜套餐，主菜都有好幾款菜式選擇，亦可以揀米粉飯或者粥其實都算好彈性😊加配時菜或湯就需要加$25，咁加埋就好似好貴🧐我揀左個咕嚕肉，睇落份量較少，好在我食量少，仍然夠食。朋友揀左方魚炒芥蘭…咁好似唔系太抵食，因為得6條菜🤭都系$78。兩個味道都正常既，無咩不足。我地都叫米粉，米粉份量正常，都好食，清湯仲有加幾片菜😉。另外欣賞既地方系佢壺茶，雖然唔知系咩茶，但幾好飲，我都幾喜歡🤭下次有機會問下佢系咩茶先😃…查看更多

系朗豪坊行街睇戲之後，路過見到4樓近朗豪坊電梯大堂下有一間大大地嘅餐廳瑟縮一角。好奇走去一睇，查下個名，呢間係鰂魚涌有一間，話系露營主題餐廳，我諗呢間都系啦。系門口望入去都算幾大。門口有幾張木款既郊野公園燒烤款式的枱凳，地下鋪咗草皮樣同埋假石春路既地墊，個剎那都有啲去左郊外準備燒烤嘅感覺🤭睇完戲落到去七點左右，但係入邊食客好少🤔門口2人，入面1人。門口有店員比餐牌睇下有咩食物先，都係一般西式薄餅意粉咖啡咁囉，但係好多人望完餐牌都掉頭走咗，個日有Soft opening 8折喎🤔都吸引唔到佢哋呀，唔知點解呢？其實如果因為價錢…..一個意粉/簿餅$158-188，咖啡$40-50。其實而家出面度度cafe餐廳都呢個價。或者可能啲人黎朗豪坊唔想食呢啲⁉️入去坐低叫咗嘢食。餐廳有好多綠色佈置，燈有用繩做裝飾，播啲英文歌，感覺都好輕鬆自在，嚟咗個大蝦意粉用咗個鐵飯盒裝，感覺真係好露營啊⛺️😃算係有驚喜，味道好正常ok, 兩隻🦐🦐都幾大隻既但係感覺份量就變咗好少囉😅然後個雞肉芫荽芝士薄餅，初初以為一絲絲嗰啲係菇🤔食落原來先至係雞肉。佢鋪滿手撕雞肉呀😀都好細條算係有驚喜，味道亦唔錯👍pizza呢 Size就正常番喇🤭🤭進食期間個服務員好細心咁，見到我哋食完隻蝦，好多蝦殼喺隻碟，佢幫我哋換碟呀😁感覺服務都幾周到。不過唔知係咪因為暫時冇其他人幫襯嘅關係比較得閒🤪😝anyways,都抵讚既😗有咖啡☕️呢，系驅使我入去幫襯既主要原因😈我系無啡不歡既，尤其見到Flat White❤️肥威，我會更加開心😃。佢個整咖啡櫃枱好似都幾大都好似幾專業咁。味道呢度OK啦。我冇乜特別好煩差嘅評語，但係我朋友話佢杯朱古力咖啡好好飲喎好濃郁💖…查看更多

作為2023新年第一餐茶，當然要食好啲啦，聽聞呢間都幾出名OK，所以過嚟試吓😌.1月2日早上10:30就過黎walkkin, 接待員第一件事就問我有冇預約，我話冇呀，心諗咁早唔會無位掛，最終坐到近門口既枱，發現原來好多人都會先訂位嚟飲茶。入到去發現原來幾大，但係原來無窗望唔到室外環境。講番食物，梗系揀左啲打左星星既得獎點心，竹炭叉燒包啦，芝麻卷啦，筍尖鮮蝦餃，同埋XO醬煎蘿蔔糕。竹炭叉燒包呢都好特別外層似菠蘿包好鬆軟，熱辣辣咁，感覺幾特別唔錯👍攞獎都值既🤔芝麻捲呢都比出面啲酒樓同糕餅小食店濃郁好多，口感有彈性，味道系我食過中最好既🤭中間個層白色唔知係咪白芝麻整，黑白相間有層次，唔係成條黑媽媽，外表都會加佢分🫠。四粒蝦餃都幾大粒，不枉佢個價錢都好其他酒樓高啲。不過食落覺得塊皮都唔系軟熟囉，有啲厚，一筷子一夾落去啲仲黐實隻筷子然後舊蝦餃就散咗喇。感覺咁既蝦餃就唔系一隻好蝦餃🤷🏻‍♀️入面冇廉價肥豬肉，隻蝦都大既。但我覺得都唔算好好味🤦🏻‍♀️XO醬煎蘿蔔糕。佢都幾大碟喎，佢都多瑤柱絲，整嚿嘢咋得幾脆幾均勻又唔厚粉。加埋啲辣椒油一齊食都幾唔錯，呢碟都可以攞80幾分。真系要挑剔吓既，或者可能係因為個蘿蔔糕入邊冇乜冬菇同臘腸啦😆不過算啦做人都冇乜多要求😂整體嚟講，都OK嘅。環境服務速度同茶各方面都達標。…查看更多

想不到中式包點在平民小店中亦推陳出新。看這個美麗的玫瑰樣子配合浪漫的淺紫色，光是看，心情也大好了。真有點捨不得吃。味道更是推薦，清淡中滲出紫薯的味道。中間放了一小塊紫薯除了為外觀加分外，更是帶出整個包的紫薯味道出來。喜歡中式包點的你，真是不容錯過。照我看，買幾個來送給愛人，更是物輕情意重哦!…查看更多

知道這間店子開了一段時間，一直找機會幫襯。我認為也許它是和意粉屋是有關聯的，因為它們是共用一個登記入座的counter。餐廳是狹長的空間，走廊兩旁分別是靠牆的2坐位及4座位，轉角尚有有一個轉角的地方，不過看不到入面，不知會否寬敞一點。說回食物，餐牌選擇不少，很吸引。尤其那個部隊鍋，差不多每枱都叫一個，我想這定必是招牌菜。但我並不想吃太多，叫了個五花腩芝士麵餐。五花腩芝士麵，五花腩冧而入味，麵上有大片半溶芝士，非常滋味。加上有兩款小小的配菜，分別是泡菜及另一款不知名的菜，配襯麵食簡直一絕。不可以不提的是它跟餐的甜品～咖啡奶涷～它是我吃過的同類甜品中最好，要給5星星的好評。它的咖啡味濃郁細滑，質感軟而不溜，加上有冰坐著，簡直冰凍迷人，令人愛不惜口。可是為什麼沒有散叫呢！ 總結，不錯的韓式餐廳，價錢合理，食物中上，可以一去再去…查看更多