howings1996的个人专页

好耐無食過和民，印象中係貴價日本餐而家感覺係日式剎利牙咁，有好多性價比高的食物。叫左一個牛骨拉麵 芝士炸雞 明太子薯條 蝦刺身 同明太子玉子燒牛骨拉面 麵質同湯底都係我中意既 但如果叉燒有燒燒佢香口啲會正啲 個蛋無流心亦有啲扣分。炸雞個芝士醬好濃厚好好食👍🏻👍🏻蝦刺身都好新鮮咬落彈牙，玉子燒都食落多汁同滑嫩。薯條就正正常常咁。另外必須大讚既係有位有眼鏡既經理哥哥我地係果到食蛋糕唔洗收切餅費之外經理哥哥都主動拎啲碟呀餐具同刀比我地重主動幫我地影相❤️👍🏻最後埋單兩舊水，好難得性格比高之外服務重咁好！…查看更多

以前食過一次已經印象深刻隔咗一年半再黎食 食物質素依然咁出色呢到既服務依然咁好食左三道菜白酒聖子同大啡菇震撼我心羊架鮮嫩亦好夠味 不過對我黎講好似生左dd話說食完個聖子已經想打食評上黎OpenRice 一睇先發覺年半前都有留食評希望呢間咁好食既西餐可以長做長有！！！！…查看更多

之前食過兩次都好高質無諗過而加差到一個點，體驗真係好差6:18分座低 即刻落單7:00一件刺身都無，整係黎左啲天婦羅追左第三次同我講廚房無單叫我再落過，話系統有問題格黎枱枱都發哂火講真既 佢款式真係比一般放題店多有拖羅 長腳蟹 飲品甚至紅白酒都有但如果連上菜都有問題再多款都無用唔通我比千幾蚊黎食天婦羅咩後尾應該搞到7:10分左右先有盤刺身有位四眼哥哥都算盡力幫左手睇番其他人既食評我相信唔係單一事件，唔建議有下次…查看更多

作為擔擔麵愛好者、見到有米之蓮既擔擔面就沖左入去。入到去先見到OpenRice 幾多負評，但入左去點都要試試佢點餐前有位姐姐問我地食唔食花生我問佢係咪請我地食佢話六蚊一碟 食唔食都無所謂我幾中意呢種做法、唔會硬性收你錢點菜就叫左擔擔麵（走辣），改良擔擔面（辣），醉雞，小籠包同津白。改良擔擔麵，食落係幾好食，湯底除左有花生味，啲料重有小小豆豉鯪魚既味。麵質爽口彈口。雖唔係我食過最好食既擔擔麵之一，但佢食完成碗係有種舒服既感覺。醉雞黎講絕對係水準之上，酒味好濃而雞係好嫩口，而份量亦比一般醉雞大份好多（重要係雞髀）小籠包多汁好味，皮唔會太厚太薄。至於津白，原本預計佢得火腿菜同湯但佢個湯好足料 有雞 菇同豬肚等等飲完個肚好C伏既最後想講一講，平時打食評通常係好高質或者好垃圾先會打呢間店雖到水準之上但未去到最高質既店但呢間店比左種好親民好舒服既感覺比我雖然唔知佢既質素十幾年前係點，但佢而家既質素都係水準之上！希望大家可以多啲支持呢種本地小店…查看更多

食左咖喱牛腩撈面，豬手飯同加兩個小食食物黎講係好高質，我覺得暫時係香港食過既星馬菜最好食最岩我胃口牛腩多 面掛汁 味口亦好對我口味價錢稍貴但亦可以接受豬手食得出花招八角醃過 好入味但啲服務有啲趕客 問都唔問就收你啲野人地都未食飽 好似趕客走咁希望唔好為左做多枱客搞到咁囉…查看更多

本身想去食水戶，見到開左間新西餐門口店員又幾好招呼就入去試試叫左個青檸雞扒飯同植物肉漢堡先講青檸雞扒飯 個飯係唔錯的 不過食到後面好乾同好滯 個雞扒就好差 乾爭爭成條柴咁叫呢個餐都有個設想係青檸開胃同有啲refresh 感，但食到最後真係食唔落至於植物肉漢堡 我都係第一次食可能唔岩自己口味 唔可以話佢差但又覺得唔岩自己薯條係好食既另外加左個凱撒沙律 好食的總結黎講都要讚讚佢既環境係好既 好有心思既裝修，雖然上面既冷氣槽無封到，但我覺得還好座位間隔都舒服既 餐枱都闊落既（特別佢啲碟咁大）服務方面我覺得都算幾好門口既服務員我諗應該係經理果類同佢既對話中佢都不停sell 野例如upgrade 沙律 轉食和牛漢堡轉唔轉花茶等等雖然有小小煩 但起碼我地拒絕佢佢又無黑面，而且都幾有禮貌。同埋有個侍應哥哥似係考完dse 入黎做part time,個經理見佢有時唔係好幫到手都會主動過黎作為粉嶺牛，粉嶺好既西餐廳實在太少呢間店環境服務價錢都唔錯但如果佢啲食物質素無咩提升我諗佢可能挨唔到年底…查看更多

聖誕節睇完戲一出就見到佢之前都想食不過見佢比較貴就無試 正好聖誕節佢無加價 感覺就好似無咁貴一入去啲同事都好有禮貌又會包裝既濕毛巾感覺都幾好叫左一個豚鴨湯沾麵同辣拉面個經理落單果陣都同我地解釋個沾面湯可以之後加熱同出黎係70度 個辣拉麵就有花生堅果咁。我個人黎講都幾驚訝香港既拉麵店有咁好既服務 雖然佢講既野個牌都寫哂 不過我都好讚賞呢到既服務先黎左個豚鴨湯沾麵，佢個湯非常好飲同感覺用足料 飲完有種飲藥膳湯暖身心既感覺。見佢有個火一直燒住兜湯 食到尾個湯重熱辣辣值得一讚。叉燒燒過表面特別香 糖心蛋都係流心效果 蛋香好出。特別要提就係佢啲荀 係我食過咁多年最好食既荀 食落好似有啲油香味。 雖然讚左咁多，但其實我係唔多推介呢個沾麵，事關佢個湯其實比較稀，唔多令到個麵掛到湯。我個人唔多建議佢改濃個湯，我覺得直接轉佢做拉麵可能正啲至於我食果個辣拉麵，由於我係擔擔面愛好者，所以都幾期待佢個拉麵。我會用喜出望外黎形容。湯底非常濃，而且極之足料，既有京蔥絲，而有洋蔥碎粒同豚肉粒，舊叉燒當然都係燒過好好食。成碗拉麵似超足料擔擔撈拉麵多過似湯麵，對我黎講就覺得正到無與倫比。京蔥絲洋蔥粒加個湯底撈埋一齊…不得了無可否認既係 佢既價格比一般既拉麵店貴但食過好多拉麵店都有種乜料比成舊水食呢啲野 或者 同我係759買果包十蚊拉麵一樣既感覺呢間店就有種 雖然佢貴 但又唔會覺得唔值既感覺。無論係服務食物質素同環境都可以計入一流😋…查看更多

好耐無打食評好少黎炮台山 行過見呢間平平地就入左黎點知中左伏叫左個拉面加小咖哩豬排飯同一個漢堡扒炸雞扒飯加野飲拉面黎講應該係我食過最難食既拉面個湯底無咩味之外勁勁勁多油好似油浸面咁，啲油多到反哂光，啲拉面未煮透成餅面連住一齊。個蛋係熟蛋黎。咁多野最差真係拉面 完全食完個胃油膩到想嘔。最後要分開湯同面食至於個漢堡扒飯我會形容係劣食漢堡扒雖然唔好食 但都唔算好差，係啲肉鬆散左啲，但個炸雞扒既炸粉多過個雞扒成倍，唔講以為食緊炸粉，食完又係好「濟」好想嘔。個咖哩豬扒飯就唔差既一般水準可惜後上，我地食左拉面同炸雞扒已經食唔到其他野了…查看更多

父親節前一日晏就同兩個老友刷個星級放題坐低頭半粒鐘得串牛舌加個忌廉湯真心燥，但之後啲野上得好快。只講食物 佢係我食過最好食既放題講講星級野食海膽creamy 無腥有海膽味，有一兩舊有沙但可接受。而且叫廿份真係黎夠廿份，I like it!乳龍蝦黎講肉質同海蝦刺身差唔多不過落枱佢居然無比剪刀我地…唔通佢想我地徒手開？！至於拖羅既話 比Donki好食但無壽司郎咁正，所以食左幾舊都收手了，反而個火拖羅壽司，入口即化好有飽滿感。池魚刺身差唔多食完先黎，飽到唔係好食到佢咩味星級熟食黎講個薄牛同芝士蝦好食同叫左兩輪其他野食就唔多講啦刺身壽司就係大喜屋水平反而熟食好多叫左兩三輪牛柳粒，牛舌，榴連炸彈全部都好高質最後想講四舊水食放題真係好貴不過佢食物種類同質素對得住佢個價錢開頭真係燥，比四舊水黎食牛舌但後來上菜速度係好快的而且不得不說佢係我食過最好食既放題…查看更多

家中長輩同女友慶生我都成日係ig 見佢賣哂廣告睇落真係幾打卡able 環境黎講個水晶燈同別出心裁既門係幾有特色既 不過坐就好逼 問佢有冇多張椅放野都話無服務黎講唔係好掂水都唔比杯，問完佢拎 全晚都無幫我地加過水。問佢關於OpenRice 的優惠係完全回答唔到。甜品上錯。甜品的內容上得唔岩，同佢講完之後完全無理我地。我覺得佢配置上想做到好grand 好打卡able ，不過service 其實都係最基本亦都可以講最重要既野黎。講番野食先叫左5個set 前菜既鵝肝涷，好creamy 亦有鵝肝味，浸過酒既青提都吸引，不過可能我無飲開酒 覺得酒味太勁。另外個鯛魚刺身個魚味好出，淡得黎好香魚味，我比較中意魚呢個前菜。湯黎講我自己幾中意，未食過咁脆既包！呢點真係要讚讚主菜就魚，牛，豬都有食魚黎講我唔太識欣賞，覺得無咩特別至於個豬，我就覺得普通咁，女朋友就話覺得好嫩好juicy 鵝肝牛就係我既主食，我覺得好普通，轉角食果啲鐵板牛好食好多。至於甜品就叫左腸蛋，美女野獸同雪糕蛋糕甜品可以話係佢地既特色黎 都有幾分期待腸蛋我個人黎講係幾中意既個腸仔食左又酸又甜又creamy 個蛋我就麻麻雪糕蛋糕黎講無特色但要講講個美女與野獸佢根本就係一舊月餅重要係好難食既月餅好似風乾左十年既月餅我覺得正常人比成舊水（原價）食到呢舊野一定會好燥底埋單5人2398，人均就四百幾你問佢係唔係好貴呢？我又未覺得好貴但食完之後真心覺得佢唔值因為我番到屋企果頭重買左盒爭鮮食總結黎講，呢間店有特色亦有Gimmick 不過環境舒適度，飽肚度，食物好食度同服務水平遠離佢價錢應有的水平。…查看更多

同女朋友慶生，佢收工在大埔於是簡左呢間在大埔的西餐，我地最後都食得好滿意先講環境，雖然佢唔係金碧輝煌好high class 果種，但枱同枱之間都相隔遠，而且佢比左張四人枱比我地兩個，坐得好舒服再講食物，叫左個黑松露芝士薯條，青口多士同150日牛同飲左個啤青口多士好食到想連兜湯都飲埋，多士外小小脆內軟，個湯入左啲椒呀洋蔥呀，雖然好濃味但飲多兩啖都唔會覺得好滯，主角青口好新鮮而且量多。第二樣上既係黑芝薯，叫佢純粹因為OpenRice 所有食評都有佢既出現就試試。黑松露味濃，芝士味重，薯條食到最後重脆另外150日牛，牛味濃！量多！係我食過同價位既牛最好食既。最後唔知關唔關訂枱時寫左有人生日，店員話餐牌無寫但有甜品提供的。係焦糖芝士蛋糕配開心果雪糕🍦特別想講一講呢間餐廳的服務主要由一個女店員睇哂全間店但佢一個人carry 哂個店面好利害有主動幫我地換碟加水又問我地洗唔洗等食完薯條先上牛上完甜品換左個男店員出黎搵佢幫我地影相影得好認真👍🏻重特別開燈幫我地影女朋友都話呢間店值100分無論環境食物同服務都好到位埋單825但覺得抵！而且會想再去…查看更多

要係大埔搵唔洗排隊既餐廳唔易無訂位只有求其簡叫左個咖喱牛腩飯同醉雞飯醉雞飯好有誠意 有桂花酒既味道但我想講佢連最基本既切雞都切唔好，好似碎屍案咁啲雞未切好連成一舊舊，斬到啲骨好「參」口，食到個咀都損哂咖哩飯份量太少，黎到心諗做乜比個兒童餐我（我食完重小小餓）但咖哩味道係特別既，落料好足亦有甜味，牛腩好食。但份量感覺有啲度縮同埋佢紙巾唔供應要額外買 總結黎講68蚊食個晚餐算唔貴食物味道都吸引但唔會食下次…查看更多

中午行過睇下個餐牌老闆好友善咁推介佢地菜單佢話佢地係意大利人，個廚師重拎過個degree 咁就同佢講轉頭番黎試下，夜晚差啲無位。全部都係外國人得我地一枱香港人叫左三樣野第一個前菜四式ham 伴芝士鮮橄欖老闆話呢款野係佢地killer 好好食，真係食完已經kill左我第二樣野係pasta ，我覺得相比啲ham 就無咁特別，中上級數但印象唔算好深刻第三樣係牛柳，好多汁又好香牛肉牛油味成餐飯食得好開心，老闆又主動又友善絕對會回頭…查看更多

行街行到腳軟軟，咁岩見到呢間麥太甜品店就入去座下休息下順便食個tea 首先叫左個芝士蛋糕，廿幾蚊算正常價，睇落無咩特別但食落就有驚喜。第一啖放落口味道相比其他cheese cake 例如New York cheesecake 係偏淡。但食食下混合埋個餅底又覺得個芝士味釣番出黎，我估佢個餅底用左有鹽牛油去溝，同佢偏淡既輕芝士相輔相承，重點係其他重味既芝士蛋糕食落雖然好過引，但食多兩啖就覺得好heavy 唔想食。呢種我就覺得食完一啖又想食多啖。本身食完呢隻味想試埋隻士多啤梨🍓點知已經賣哂，唯有下次再戰！另外重叫左個黑糖奶涷，佢個口感係比較creamy d果種奶涷。個奶味好香濃好好食😋食得出個奶涷落左好多高質奶。黑糖汁在奶涷底，黑糖味淡但我個人好中意，因為無搶哂奶涷味！可以話呢個係一個奶味為主角，黑糖為配角既高質黑糖奶涷！快快手食完兩個甜品後因爲重好攰就坐左陣打機，店員都無趕過我走，同埋離開果陣都好有禮貌，感覺服務態度非常令人舒服😌…查看更多