chefyau1980的个人专页

爭啲俾啲劣評唔以為真 其實呢間嘢幾好食服務又好又好坐 湯底選擇多 一人一鍋又衛生 肉質唔錯 同其他任食一樣，雖然都係薄切 但係佢哋冇吝嗇喎 自助吧方面 雖然選擇唔算話太多 但尚可接受 最鍾意佢用鐵鍋 因為受熱夠快人均消費$290 90分鐘 夠鐘嘅時候雖然會cut order 但係唔會好迫切咁講你走 會俾你哋坐多少少時間，然後用溫柔嘅語氣 話已經夠鐘啦 👍🏻　環境舒服到真係想繼續坐 推介👍🏻蒜片豬油撈飯正石頭鍋湯底甜不辣會再有下次…查看更多

路過附近新開張日本料理外賣店 睇見出邊舖頭擺嘅外賣單張好似好多嘢食 價錢都好抵 估唔到出嚟嘅份量係咁大盒 攞咗外賣之後睇見個袋食物呈現出嘅顏色色彩繽紛 就知道食物應該好新鮮 返到屋企打開嚟食哇正到暈 配料真係好新鮮， 配料又多 飯嘅質感軟硬適中，帶米甜味 我覺得性價比高，所以上黎寫個好評 老闆娘態度親切 店舖環境整潔衛生 舖頭仔雖然細，但係都有兩個位可以坐 我覺得比起一般大型超市買嘅日本飯仲要抵最緊要係新鮮 真係誇張到第二日都仲想食 想試其他嘢 值得推介 推推推 …查看更多

食到令人肚痛的火鍋天氣涼咗 收工想食火鍋 響公司附近搵食 睇相呢間好似OK 就即刻產上去食嘢 點知入去惡夢就開始 點好菜之後 開始上肉類 全部黃甘甘 仲一疊疊黐實晒 見到唔多開胃 嗰刻淨係諗住淥熟啲嚟食 其實應該要叫佢換過俾我哋 跟住去自助吧夾菜 芫荽蔬菜 瓜類全部都係又黑又乾 浸水嗰啲配料有啲怪味 去到中段開始有中型同細型嘅曱甴陪住你食嘢 源源不絕 我哋職場捉咗一隻俾侍應睇，佢話工廠區係咁㗎啦 然後收走就算 點咗啲海鮮類 貝殼類可接受 但係蝦超霉 仲有串燒 尚可入得口 炸物係凍嘅 成個心情已經想快啲走 最後埋單同收銀講環境太惡劣 佢淨係免收我哋+1 返到屋企成晚肚痛 好恐怖嘅經歷冇下次 …查看更多

香港原味道 係會令人掛住嘅牛腩粉麵，同埋用人手逐粒包嘅魚肉燒賣 ~燒賣大大粒 魚肉又多 再配埋佢哋自己炒過嘅豉油 真係冇得頂👍🏻👍🏻~跟住再叫碗牛腩牛肚河 牛腩夠淋 牛肚爽口 仲有香濃嘅牛肉湯底 味道就似返以前細個響觀塘食嘅粉面街嘅味道 臨走前再打包一盒大嘅燒賣返去同屋企人分享 加埋全部都唔使$100真係好抵食 😋😋因為屋邨商場翻新 面臨被迫遷 老字號嘅店舖 在未來短短嘅日子好快就結業 要食就趁早喇 🫶🏻寫完食評已經開始掛住啦 😁…查看更多

見到OpenRice介紹呢個地方幾靚 同埋我嘅朋友食素，所以就揀咗呢一間餐廳 上到去大家都嘩一聲覺得好靚 好有少女feel， 我哋去到正正係黃昏時間 睇日落 簡直係Perfect 到揀食物Menu都介紹得好仔細 食物方面嗌咗Pizza 壽司拼盤 天婦羅烏冬 意粉 甜品同飲品 (見相片) 樣樣都好精緻好好味 整體來講服務都幾好 有禮貌 會時刻幫你斟水 環境真係好靚 成間餐廳都係打卡點 另外有露台座位 亦都可以行出去影相下次有機會試吓佢嘅下午茶先…查看更多

明星嘅名氣大過食物嘅質素 睇到食店嘅客人 都係黎棒偶像場 但我就鍾意食泰國菜 又係新開嘅，所以黎試吓 先講環境其實幾擠迫 櫈背撞櫈背 坐卡位或者露台會比較好啲 先嚟過蟹肉炒飯 頂上邊個蟹鉗完全係麵粉製😆炒飯味到唔夠香 泰九拼盤 當中裏面嘅春卷 同泰式魚餅完全係一般超市買嗰類 超普通 串燒唔夠熱 除咗個蝦餅 同雞翼都比較好 最欣賞佢個杯椰香斑斕咖啡 雖然佢係落班蘭糖漿，但整體上係好飲嘅 食物質素比較普通 所以連甜品都唔響度食 蟹肉炒飯 $108 泰九拼盤 $188 凍椰香班蘭咖啡 $32另加一服務費 Total $361 唔會有下次囉…查看更多

係一碗值得等嘅麵 雖然等咗1.5小時 最後連啲湯都飲晒 湯頭濃郁 一飲就知道係落足料 叫咗一個蝦湯一個雞湯 濃郁到就好似出邊的高級食府用嘅高湯一樣 就算全部湯飲晒都唔覺得好喉嚨好乾涸 證明真係冇味精麵條好Q彈 同平時食嘅伊麵，好唔同 唔會好似出邊嗰啲咁淋 燒牛肉牛味重半山熟好好味 一口跟住一口 睇住老闆一個人做 都睇到佢係好辛苦嘅 但係知道用心製作，所以我覺得係值得 如果好彩唔一定要等1.5小時 可能有啲人等45分鐘 因為中間有啲人會因為等唔到咁耐而走位 老闆無論招呼顧客入座 落order 到埋單 佢都會講，唔好意思等咁耐 之後我都同佢講咗句，辛苦晒你 …查看更多

上OpenRice查到佐敦附近有生酮做賣點嘅越南菜餐廳 咁就去試吓啦，原來服務又好 樣樣食物都好好味 😋 會令人再去嘅一間餐廳 入到去裏面 雖然地方唔係好大，但勝在坐得舒服 我哋揀咗吧枱 吧枱下面會有掛鉤俾人哋掛袋 侍應開始招呼我哋會問有冇食過生酮飲食 因為我都有食過 所以佢冇再繼續介紹 但係反而佢有分享自己生酮飲食嘅經歷， 同客人互相溝通，真係好Nice . 期間客人越來越多，雖然店舖人手唔係咁多，但佢都不忘會收碟 又會留意你差唔多上菜嘅時間 。 兩個人order左一個二人套餐 $428 唔使+1套餐包括越南軟殼蟹米紙卷🌯全素生菜包🥬慢活堂越式香草烤雞半隻🍗招牌生熟安格斯牛河🍜咖啡千層糕🍰鮮青檸薄荷梳打🍹牛奶咖啡☕️聽夥計講呢間餐廳係一個腦科醫生開嘅 👍🏻…查看更多

價錢一啲都唔平 淡茂茂 個湯底就係一般嗰啲味精湯底 咖喱醬好明顯係現成 未經炒香過嘅醬料 其中一碗嗌咗個鯪魚肉配菜 超級魚腥味食唔到 如果你有炸過可能會好啲 油面太淋 餐廳應該係全新，裝修都坐得幾舒服，同埋周圍個感覺都幾乾淨呢樣係讚嘅 👍🏻 凍飲都可以 $10杯都好大杯，當然要配餐 另外朋友叫嘅兩碗 佢哋嘅評價係牛展都OK 其餘嘅配菜就係一般般 但係大家都異口同聲冇下次 不過新店佢有個promotion就係$39花膠鴨掌冬菇車仔麵 可能會好啲 相片沒有P過圖 口味大家見仁見智 …查看更多

聽啲同事講 間唔中響度買飯盒 話有三個餸 不過唔係次次的餸都咁好食 我因為趕時間咁岩經過咪買一盒試吓囉 點知真係中伏 其實響附近做嘢都知佢呢間啲人都態度好差㗎喇 不過理鬼得佢 我純粹經過買盒飯啫 店舖講明 飯盒唔可以少飯 佢唔俾少飯 咪唯有食埋佢囉 唔想浪費呀嘛 點知打開盒飯 勁臭油億味 飯盒上面擺咗三舊灰灰地色既臘鴨 即時撥開 跟住其他餸都係凍冰冰嘅 成個飯盒啲飯餸根本唔值$38 份量係好少 比起少飯更加少 人哋出邊啲三餸飯 仲多過佢好多 仲平過佢添 無下次Y …查看更多

新開嘅火鍋放題 店員服務幾好 見到隔離枱生日店員會主動同人哋影即影即有 夠鐘前 只會提示唔會刻意做啲小動作黎趕你走 今次就食最平價嘅套餐試吓 二人平均消費$250 自製飲品幾好飲 以依個價錢嘅食物質素已經係OK 啦 不過麻辣湯底鹹咗啲 😅環境坐得舒適乾淨 甜品豆腐花好食好滑仲可以自己加配料 薑汁皮蛋肉丸好特別 整體分數79分（100滿分）會再去食多一次想試吓養生牛奶鍋 同埋再試吓中價或高價D既套餐 當中有附加麻辣雞煲或老壇酸菜魚…查看更多

滿心期待新開日本料理 點知換來一個字伏起初有一位話自己係清酒師嘅人 好好禮貌咁招待我哋入店 入到店內坐咗5分鐘都冇人比Menu我哋 店內其實得幾張枱 裏面有兩個侍應唔似係熟手都唔緊要我哋會體諒 我哋想叫一條原條刺身 侍應唔係好清楚就叫咗嗰個所謂清酒師介紹 佢介紹咗我哋食深池魚$1188 味道同Market Place買嗰啲差唔多 呢個價錢實在太貴 問題係其中一個侍應話攞我哋嘅魚骨去煮湯 以為啖湯好好飲啦點知好腥 仲攞咗我哋啲刺身好耐都唔還返俾我哋 串燒方面 偏油 冇燒烤味 清酒蠔還好 都有甜味 最好食算嘅係個壽喜燒 價錢都算合理 最差就係食完好耐啲碟都冇人收 換碟都要人叫 好多嘢叫咗都甩漏 又唔通知 臨尾出門口仲冼一冼地下超油 唔會再有下次伏伏伏伏伏 一個非常差嘅體驗 …查看更多

會繼續幫襯嘅雞湯拉麵 真心推介好好味 雞湯濃郁 唔膩 雞塊嫰滑 叉燒肥瘦適中 流心蛋好好食 再加上炸牛蒡鋪喺面 少許蕃紅花襯托 成碗湯麵好有層次 好耐冇食過咁好食嘅拉麵 🍜 當場仲配埋日本桃酒精飲品更加絕配另外鰻魚飯 雖然鰻魚表面燶咗少少 但肉質新鮮 如果再多少少鰻魚汁更加好 白飯既容量可以再多少少 個伴飯魚湯 好好飲 另外小食都ok 炸雞件 Juicy唔油膩 餃子就比較普通啲 最可惜試唔到蛋白拉麵 希望下次promotion 會做得長啲 雖然地方細細但都乾淨 坐得舒服 …查看更多

真心覺得好味 之前行過見排晒隊 不唔有詐 都上吓OpenRice望下先 入到店面光猛 同人搭枱唔會覺得逼夾 伙計有禮貌 有一位長輩伙計仲會細心介紹食物嘅味道同配搭 好有親切感 講到食物滷水簡直入晒味包括滷水雜錦同埋滷水鵝片 方魚肉碎蠔仔粥好味 另外秘製花螺就遜色少少 比較淡味 辣味係夠但係唔夠濃味🤪 烏頭魚肉質嫩滑 不過本身條魚唔夠黃油不過都好好食 豆卜大豆芽都好夠味 用嚟送飯都一流 一定會再約朋友去試試雞煲小菜 見人哋隔離枱炒小菜都好正…查看更多

啱啱做完劇烈運動梗係唔想食啲太油膩太高熱量嘅食物 行過青衣城見到 今日第一日試業 韓式美食 賣點有自助素食餐牌款式多 分量正常 :)價錢中等 可惜飲品太細杯凍檸茶要＄28有啲貴 不過如果你食蔬菜類或者素食者可以係一個選擇 服務方面 員工都比較有禮貌可惜唔夠細心食物上咗枱連餐具都唔記得攞嚟 發現我已經係第二張枱 唔記得咗攞 地方坐得幾舒服幾闊落燈光光猛得來唔會殘眼 都幾有韓國feel嘅裝修 …查看更多