為食Ca的个人专页

一大班朋友聚會，揀左食呢間女人街食飯公司，食中餐就係可以大圓枱方便傾計💬網上話服務麻麻，我哋又唔覺喎，6:50pm入座，8:30pm準時交枱，大家有共識，每人食左$216，可能我地人多。食大排檔小菜，落單哥哥提醒話我地全部叫曬炸野😅….成班友唔怕熱氣死🤣XO醬海鮮小炒王豉椒炒蜆黑椒蜜餞薯仔牛柳粒避風塘炒鮮魷肥美燒叉燒脆皮炸牛腩酥炸小棠菜蝦餅酥炸蠔餅黑松露鮮蝦多士🔅野食大大碟，份量夠多，但某幾碟味道偏重，廚房落多左鹽。✅每枱都必叫黑松露鮮蝦多士，按人頭份量，一人一件，炸得幾香，好大舊蝦肉，黑松露聞落去好香，但食落去又冇咩松露味。✅黑椒蜜餞薯仔牛柳粒，薯仔好食甜甜地有蜜糖味，牛柳粒就偏咸。✅酥炸小棠菜蝦餅炸得酥脆！落左好多蝦肉！🔆其他野食海鮮類，我因為大肚就冇食到，其他人都食到津津有味，最後我地係食清曬冇浪費做大side鬼架～😊👍🏼🍻仲叫左兩支藍妹啤啤佢！用戰鬥碗黎飲！🤪同埋可樂忌廉汽水！🥜不得不提場內裝修都幾特別好適合打卡，走懷舊大排檔風格，但就嘈d, 講野要好大聲先聽到👂🏼…查看更多

呢間「玥」都開左差唔多一年，成日經過都見到有人食，今日終於去試下。我哋星期六下午1:00左右入去，等左10分鐘就有位，都幾多人食，環境幾好。我地四位用餐，一人一個餐，包前菜同蜂蜜綠茶（凍/熱），轉特色野飲每杯減$10， 野食好多款，價錢ok。🔅濃豆乳湯鮮腐竹擔擔麵🔅招牌牛肉麵🔅安格斯滷牛肉飯配蘭王溏心醉蛋（蛋有少少酒）配白飯🔅純素豆乳湯麵🔅小食：黃金蕎麥鹽酥雞（冇影到相😅）✅唔逐一講，我食招牌牛肉麵，個湯底幾清甜，牛𦟌幾淋👍🏼入味。配菜用西蘭花芯比較少見，好嫩，麵既份量亦唔少。✅我飲下我媽淡豆乳湯，湯底都幾濃豆乳味。✅個小食黃金蕎麥鹽酥雞值得一提，個甜酸汁好開胃好夾d雞！鹽酥雞炸到鹹香，又脆又唔會好鹹。✅其他果幾樣我親戚們食左都話OK, 我睇落去賣相都唔差，呢間野係有少少意料之外好食😋🤵🏻‍♀️服務唔錯，後生女有禮貌，每份餐都逐盤放返去相應既客人面前，唔係求其放，要求佢地比多份餐具都唔會黑你面。（其實呢啲係好基本既服務態度…唔知點解香港餐飲業食客咁可憐😔，要覺得呢啲應該讚）不過星期六人多，食完過多陣就要交枱，唔算好催既，香港地食野文化係咁🤷🏻‍♀️，冇得坐耐啲傾計💬。…查看更多

「蜜瓜白桃烏龍梳乎厘班戟」🥞超推薦！蜜瓜🍈真係超清甜！上面pat cream好滑有白桃味，加上青檸片,檸檬皮&清香木，個感覺好fresh,好light! 切開梳乎厘好軟綿綿，而且熱辣辣，早知叫多份啦！😍😍😍香煎大蝦帶子龍蝦汁意大利飯龍蝦汁好濃郁，大蝦同帶子微微煎香，整體都ok!明太子蟹肉扁意粉蟹肉好多撈埋明太子卜卜脆既口感，扁意粉好掛汁。呢間餐廳🍴下午茶☕️食pancake真係好正😊！…查看更多

環境有半落地玻璃窗睇到出面，自然光引入餐廳係舒服。意粉都ok, 唔會淋patpat ，份量好足夠，燒烤菇菠菜野菌橄欖油意粉價錢$82。叫左個朱古力鮮奶特飲加$32，ok, 唔會好甜，加埋一共$125，午餐黎講少貴。…查看更多

講到元朗豬扒飯，「成記」一定榜上有名！住左響元朗咁耐，今日終於去試下買個外賣返上屋企食！名不虛傳既豉汁雙蛋豬扒飯$55，豬扒大大塊，d肉好軟滑，好厚肉，唔係用鬆肉粉「拿」到淋曬，個豉油汁甜甜地，蛋係半流心煎蛋，畫龍點睛，餸飯一流！食多幾碗飯！唔怪之得咁多人讚。如果響附近返工食到呢個質素既「碟頭飯」lunch, 下半日扮工應該都易過d! 環境近公廁，大排檔環境就冇得要求咁多，我聞唔到有臭味既，不過怕熱又或者介意近公廁，我會建議買外賣。…查看更多

餐牌比起平時食既pizza express 少選擇，只有兩款combo，半自助式的，自己出去吧台倒水，用紙杯裝，不夠高級。食物質素還可以，蒜蓉包好食！雞翼都好食。四式芝士pizza是芝士控必叫，但食多幾塊有啲漏，整體調味較濃，我要飲3杯水先足夠。…查看更多

呢間「稚」之前食過好幾次，今次再同大家介紹下呢間小店，唔起眼但元朗人都叫佢做「貓飯」，主打日式定食。小店午市時間都滿座，店內充滿人氣動漫掛畫，睇得出店家對於熱血動漫既喜愛！蔥燒三文魚腩定食$84+$10貓飯三文魚腩油脂豐富，外皮焦脆，魚肉同魚油充滿魚香氣，推薦！西京燒比目魚定食$84+$10貓飯比目魚燒到外脆內嫩，表面略微焦香，魚肉鮮嫩多汁，唔會梅淋淋，推薦！貓飯其實是紫菜、木魚花、日本醬油、牛油，是此店特色，與貓無關，醬油撈飯又有牛油香味，肥得抵！飛驒和牛可樂餅$58可樂餅即叫即炸，外脆內軟，餡料有牛肉碎跟薯仔，軟綿綿，點沙律醬好好食！小店野食都幾高質，食得出用心經營，唔係亂咁黎，所以我都回訪過幾次。…查看更多

呢間「稚」之前食過好幾次，今次再同大家介紹下呢間小店，唔起眼但元朗人都叫佢做「貓飯」，主打日式定食。小店午市時間都滿座，店內充滿人氣動漫掛畫，睇得出店家對於熱血動漫既喜愛🤩蔥燒三文魚腩定食$84+$10貓飯三文魚腩油脂豐富，外皮焦脆，魚肉同魚油充滿魚香氣🤤推薦！西京燒比目魚定食$84+$10貓飯比目魚燒到外脆內嫩，表面略微焦香，魚肉鮮嫩多汁，唔會梅淋淋，推薦！貓飯其實是紫菜、木魚花、日本醬油、牛油🧈，是此店特色，與貓無關😹，醬油撈飯又有牛油香味，肥得抵！😂飛驒和牛可樂餅$58可樂餅即叫即炸，外脆內軟，餡料有牛肉碎跟薯仔🥔，軟綿綿，點沙律醬好好食！小店野食都幾高質，食得出用心經營，唔係亂咁黎，所以我都回訪過幾次。…查看更多

元朗雞地開左間小食店，細細間專做外賣生意，我見好似係由兩公婆經營，堂食得兩三張櫈。今次介紹招牌自家製老婆餅！我都係睇完其他blogger介紹先過黎買！老婆餅$10/個，等左20分鐘新鮮出爐，熱辣辣！金黃圓潤又薄薄的外皮好鬆軟，咬入面有一粒粒糖冬瓜粒，爽爽甜甜好特別！甜度適中，唔會好漏！有機會去雞地就買黎試下啦！不過要剩早，我有次夜晚過去賣曬了！…查看更多

🍽 餐廳：宏Hiroshi(尖沙咀）📍地址：尖沙咀彌敦道132號美麗華廣場1期4樓408號舖五一黃金週，襯假期約了好姊妹一齊tea tea。因為怕尖沙咀好多人，揀左美麗華廣場內的「宏」，真係人流較少！12:30pm到達都立即可以入座！此店由佐敦店轉戰尖沙咀The one, 再轉戰到美麗華，老店來的！主打最出名的日本蛋捲！蛋糕鬆軟有蛋味，cream唔會過甜同唔漏，有唔同口味，抹茶卷🍵、芝麻卷、香草卷、脆脆朱古力卷、香芋椰香芝士卷，HKD$32一卷，價錢不貴，我們三人各叫了三款口味分享來吃，不枉我們支持多年！其次是蛋包飯配燒汁，加$5轉咖喱汁，質素不過不失，有吉列豬扒、炸雞，燒雞等等的選擇。飲品普普通通，所以沒有特別下單。此店座位寬敞，日式設計，適合三五知己談天。…查看更多

有foodie介紹，都見網上評價幾好，所以今日帶埋阿媽黎麵屋飛丸食下佢個拉麵。2:00前去到見到幾位學生食緊，座位唔多都係5-6張枱左右，我哋呢個平日時間唔駛排隊直入。$90一個拉麵正常價錢，雞白湯拉麵係主打，我叫鹽味雞白湯拉麵，阿媽叫醬油雞白湯拉麵，麵既硬度可以揀軟/適中/硬，我揀軟麵，又真係軟身啲岩我。個麵黎到唔係熱辣辣，但份量的確幾夠，👍🏼鹽味同醬油雞白湯底都各有特色，有雞味，我鐘意淡d所以喜歡鹽味多啲，鐘意濃味既人可以揀醬油。入面粒雞肉丸幾好食，入面有雞軟骨爽爽脆脆咁，粒味玉蛋因為我大肚所以冇食，冇得評價，我媽話ok。雞胸肉同豬肩肉只係室溫既溫度，我冇追問店家係咪專登要整室溫唔熱，因為係慢煮出黎既肉，好滑唔鞋，但略欠肉的香味，一般般，我鐘意煎香既肉同埋熱d。加小食送野飲，我哋加左大阪風唐揚餃子，入面個餡有粟米🌽同似係雞軟骨丸既餡，幾特別喎，上面鋪滿木魚同沙律醬，好大粒餃子，幾好食。蟹子沙律我媽食既，我見佢食到爽爽聲，同埋好大碗好多蟹籽，應該都正常發揮👍🏼。野飲因為鋪頭冇位沖，所以只有汽水或者支裝雀巢檸檬茶或波子汽水飲。如果d肉熱返d,同埋豬肩肉有煎香既話我會再黎食過，因為個湯底同麵質係幾好食。…查看更多

沙田好運中心新開左間鐵板餐廳，一睇到個menu, lunch都係$48起，有珍珠飯或意粉任揀，加$10有湯或者汽水，仲要冇加一！餐廳乾淨企理，員工服務態度又好，有主動問野食岩唔岩食，沙田區黎講平通街！南瓜濃湯正正常常，好濃好企身，有啲飽肚感。香煎牛柳套餐鐵板牛柳外焦內嫩，有肉汁，上菜時熱辣辣，搭配新鮮蔬菜，口感清脆。蒜蓉香草汁調味恰到好處，意粉唔會過淋，好有港式大集團鐵板餐既風味。煎焗比目魚套餐外焦內嫩，魚肉口感滑順，同樣有新鮮蔬菜佢配菜，有粟米、甘筍和西蘭花，如果醬汁可以多啲會更好。薯條，即刻炸，熱辣辣都幾好食。香煎鵝肝外酥內嫩，鵝肝獨特既味道濃郁。如果可以搭配微甜的果醬，層次會更出色。飲品都係無酒精嘅汽水，道地巨峰提子，甘橘檸檬等，呢個價錢食到餐湯，主菜仲有小食同飲品真係好抵！…查看更多

最近筆者追求飲食健康，輕食都唔可以求其食，見到元朗元點開左呢間石磨樂豆 Jollibean輕食店，即刻同大家分享下：🔅季節限定鹹蛋黃碎蛋吐司 $33新加坡🇸🇬 揉合香港🇭🇰特色風味限定款吐司🍞，鹹蛋黃和碎蛋比例剛好，碎蛋軟綿綿加上咸蛋黃不會過鹹，用來作下午茶非常適合。🔅黑白芝麻豆腐花 $28豆味香濃，豆腐花好滑身，加埋芝麻糊好夾好香！🔅好立克豆乳(熱) 700ml $28好立克同豆乳比例剛好，兩樣味道都飲得出，豆乳香濃幼滑，筆者揀半甜，味道唔會太甜👍🏼啱晒秋冬飲！🔅奶蓋芋泥小丸子 500ml $38香濃芋泥有芋頭香氣，半甜甜度適中，小丸子口感Q彈，整體恰到好處！🥛品牌小背景：創辦人於新加坡旅行中，偶然發現到這個30年老字號品牌，品牌30年來都堅持每晚浸豆、每朝煮豆，希望將品牌延續，並使到年輕化，容易打入年青人市場，追求健康飲食。🫘原材料用上嚴選A級加拿大黃豆，每日石磨鮮製🔰設會員app，可享獨家優惠，預訂自取功能…查看更多

復古玩味茶餐廳，座位有啲迫，我哋兩個人坐單邊望住堆紙箱📦食下午茶。流心阿華田西多士，夠厚夠大份，果然係必點之一。入面係阿華田餡，出面係阿華田碎碎，都好脆，又冇我想像中咁甜，用薯條作伴菜，薯條係茶餐廳式粗又有波浪紋既薯條，好懷舊，不過茄汁吱得太多，Hi到阿華田西多，變到酸酸甜甜。蕃茄湯叉燒滑蛋餐肉通粉個湯底係甜既…..😅我地兩個都覺得好甜，似糖水，飲唔到鹹味….唔知係咪廚師冇落鹽，食左一半冇食。服務態度，送餐個姐姐都幾好，有禮貌同積極。…查看更多

宜家食野除左好食之外，餐廳裝修都係加分位。Royal Inn 響門口已經被佢高貴堂皇既法國皇室花園感覺吸引住🤩尖沙咀The One分店，係浮雕凱旋門入口已經擺滿聖誕裝飾🎄黑白格仔地磚，藍白色調佈置，入面用上藤椅，水晶燈，打造成個格調都好岩同女仔黎打卡影相。炭燒12oz安格斯西冷牛扒 $368肉味濃郁，肉質緊實，7分熟都能保持肉汁，配搭黑松露薯條$78，黑松露味香氣撲鼻，大推薯條🍟！流心布袋芝士紫薯意大利飯$158素食的意大利飯，流心布袋芝士攬拌時非常拉絲！芝士將每粒飯都包裹住，好香芝士味，紫薯味反而未太突出，不過意大利飯的確好好食，食用花同甘筍伴碟都好靚！…查看更多