Winin's Profile

齊柏林熱狗店，好多分店。這次試富榮花園的分店。小店的牆上，貼了Anson Lo的 poster.火炙芝士辣肉醬熱狗$42，這辣肉醬熱狗，只是一點點辣，加了生洋蔥碎，芝士，味道好啱我。澳洲風情熱狗$38，有芝士、煙肉、菠蘿、紐倫堡腸。配有甜甜的菠蘿，和煙肉的熱狗，好味。+$12，加2款小食，我揀了粟米和可樂。可樂配熱狗牛油粟米，好食。這些Zeppelin的熱狗都舖滿芝士，但，外賣到家，就凍了，沒有拉絲了。…Read More

大角咀的這間小店味道很啱我的口味，價錢合理，木托盤上餐，好精緻。越式撈檬，豬扒。這是烤豬扒，好好味，唔會太乾。凍檬，青瓜絲，蘿蔔片加酸汁，很清爽。跟熱飲$40小食拼盤，蝦餅、雞翼和芝士年糕。蝦餅是薄身，點泰式甜辣醬芝士年糕和雞翼，好味。跟熱飲$38斑蘭架映西多士。跟熱飲$28，超抵。這西多士，超邪惡，好足料，好好食。有好多架映醬在中間，還有斑蘭和一大片牛油在面，好邪惡。百香果梳打，泰象梳打水加新鮮百香果加配$13…Read More

仍然在疫情中的聖誕，感覺全部食肆都興旺了，人山人海。預約了這間小店在平安夜食聖誕大餐。2位$688+10%。2人坐在望路面的位置，望住街坊walk dog, 路人散步走過，好寫意的小店。頭盤：龍蝦濃湯。有蝦肉的龍蝦湯，香濃好味。湯跟牛角酥，細細個，好香脆。黑松露帶子意大利飯。risotto好多時是偏硬，但，今次軟硬適中。兩隻刺身級的帶子，幾大隻，新鮮好味。牛柳。好靚，嫰滑。烤蒜頭，好驚喜。甜品：綠茶窩夫配雪糕。好豐富。見到隔離枱食聖誕雪人蛋糕，好得意可愛。餐飲：Warmer, 凍的荔枝玫瑰烏龍。Warmer, 係橙、檸檬、薑的熱飲。感覺好舒服，好味有益的飲品，還有小小的椰子味店內有粉紅色的聖誕樹和粉紅色的架啡機…Read More

這間荃灣Donki壽司，人氣超級火爆，時常人太多，㩒等位的飛都唔比㩒，真係連等位的機會都唔比你今日冬至，11點半來試試，等了大約20分鐘有位。二人吧枱，好濶落，有枝酒精，用ipad點餐，好方便。相片和壽司名字夠大，但，價錢和call服務員的字體太細。茶杯加綠茶粉，枱面自助熱水。wasabi在食物帶取。wasabi的味道係好味啲。有2款豉油在枱，全部日文，真係好似去了日本，要用相機翻譯，才明白。原來1枝係魚生的，1枝甜啲的。點了茶碗蒸$17，藍鯨吞拿魚赤身$12，蝦三貫（甘蝦、熟蝦、赤蝦）$17，和原條鰻魚$27。等一陣就到，壽司係放在火車仔，高速線送到，好得意。茶碗蒸嫰滑壽司味道正常。赤蝦就無壽司朗大隻。原條鰻魚，味道淡口，不是浦燒鰻魚的香甜濃味的。但，都是好好肉，無魚鰭，原條鰻魚是抵食的。半個燒三文魚頭$37，熱辣辣，脆脆的，好好食。Donki壽司的價錢和食物質素好ok, 選擇都好多，如果等位不用太耐，可以再食。…Read More

這個華麗寶盒下午茶，有齊香檳、黑松露、魚子醬、鵝肝，好巴閉咁，但，價錢都可以接受。在Openrice 訂位，有9折，不用等位。$388/1位，埋單合共$776兩杯香檳，見住啲汽泡在杯度升起，好靚。凍凍哋，易入口。西伯利亞鱘魚子醬，冰鎮一盒，用貝殼匙羹食，好型。Cold cuts係火腿、Parma ham、風乾腸、芝士、橄欖、杏甫乾、果仁, 分量幾多。Blinis and condiments，迷你鬆餅、洋蔥、芝士、乳酪、蛋、葱。小小咁加在餅上。好得意。黑松露濃湯，細細杯，好香。香煎法國鵝肝多士，好似有小小果醬，無咁油膩，好食Jewelry cake box, 有 香橙流心芝士蛋糕、柚子芝士蛋糕、朱古力脆皮蛋糕 和 朱古力Rum酒蛋糕。每件單賣$58。現在一盒4件，食完，超級滿足。咖啡，茶，無限添飲。…Read More

這間犇殿台灣火鍋，下午茶2:30開始 ，1人火鍋或定食。今日食$78的桃膠燒酒雞鍋，加一, $85.8。我俾$100，真係找$14.20。唔cut零頭。1人鍋已經好多，好足夠，好大鍋疏菜，新鮮爽脆，唔會過熟。還有雞件，龍蝦丸，黃色的丸，和桃膠，份量都唔小。我鍾意食紅棗，這鍋還有2粒烏梅，好食。可以揀香菇飯，或者擔仔米粉，飲品在雪櫃，自取一款。甜品係龍眼，紅豆，花生，仙草。飯和甜品都有水準，好食。其實俾多$70，就可以$148，加一， 90分鐘任食牛胸腹肉，豬梅花，羊肉，燒酒雞，火鍋配料，飲品和甜品。應該任食扺啲。但，1人鍋已經好飽。…Read More

Glasshouse有幾間分店，以前去過形點食午餐，都幾好。這次去K11 Musea 就再試試。香草脆皮梳乎厘$128.脆皮，有啲似墨西哥包的皮，梳乎厘熱辣辣，好好食。不用點醬，已經好味，個醬是酸酸哋的莓醬。荔枝玫瑰冰茶$58加一後，$205。食個甜品，飲個茶，悠閒的一餐。K11 Musea, 好多名店，餐廳，地方好大，行出去，就係海旁，地點超級好。商場好靚，四圍都係藝術品，等的制, 喺本書上面，真係會揾唔到，成個地方都好有型。…Read More

今日食Curator的下午茶，差不多2點在門口排隊等位，等6張枱，等了45分鐘，企到腳痛。望住村上隆花花, Yoshitomo的piercing glance, 草間彌生的波點，心情會好啲。其實係估唔到要等咁耐這個藝術和風下午茶, $258, 包指定飲品，就係凍、熱的Americans, Honey Lime, Latte Coffee, Cappuccino, Flat White coffee, Green Tea Latte Coffee. 加$38 upgrade artsy print coffee/chocolate. Tea set有味噌蝦杯，糯米雞翼，三文魚三文治，馬卡龍配紅莓乾 抹茶醬，蘋果丹麥酥，窩夫。食物，好香，好食，好有水準。我揀了print花花叮噹，好搞笑的公仔，好得意。咖啡底，係室溫的。餐牌寫iced，奇怪點加冰，其實沒有冰的iced. 係唔熱唔凍，好smooth，好飲。在這裏打卡影相，好舒服。如果，睇埋這些藝術家的故仔，真是好有趣。…Read More

馬拉公公在美食廣場較入的位置，在好多間食店中，找了這間食，幾好食，唔貴，份量夠。檳城福建蝦麵$49這是滲滲，麵底是油麵和米粉。湯底好香濃，有蝦味，不辣的，係濃郁的湯。餸：豆卜、腩肉、蝦、魚片、蛋和豆角。這個滲滲，湯和麵都入味的，餸好食，份量又足夠。同時，這個麵食完唔會口渴雜錦囉吔$32有蘋果、石榴、青瓜、油炸鬼，和有點辣的醬，這個醬似食片皮鴨的醬，再加點辣醬，甜甜辣辣。顏色係一片醬油色，食落口才知食緊咩。像辣的水果沙律，可以試試。…Read More

深水埗開了好多小清新Cafe店, 這是較大間的餐廳。座位和空間感都很好。今晚大約8點來，不用等位，2個人坐這個位，真係好舒服，食物好味，上菜的速度適中，很好。雪糕波子汽水$38，Baileys朱古力$36, 因為點了意粉、肉類，飲品跟餐減$10.雪糕波子汽水的藍色真是好靚。慢煮腹肉牛排配芫荽蕃茄沙沙，$135慢煮牛肉好好味，沒有煮過龍，沒有變成湯渣，有肉味，軟淋。紫薯蓉和蕃茄沙沙，味道清爽。帶子墨魚籽龍蝦汁濶條麵，$138, 有4粒帶子，濶條麵香滑。黑松露炒蛋Croffle，$75，黑松露好香，一片片無味道的。Croffle係Croissant + Waffle. Croffle的味道軟軟，幾好食。泡泡檸檬柚子撻$72泡泡好得意，檸檬柚子撻，好酸。薄脆拿破崙$72薄脆，新鮮香脆，有好多榛子粒粒。好味。沒有加一，埋單$566…Read More

美國炸雞快餐店有好多間，想食的話，好多時都可以食到。這間 東京淺草 日本炸雞連鎖店就只有幾間分店，今日試試日本和美國有咩分別。這間 碧海藍天 分店，在Aeon門口，地方幾大，好濶落。坐得好舒服。果香鹽味醬炸雞丼 $49 +甘辛手羽 $10, 加一，合共$64。炸雞丼有好多蘿蔔絲和椰菜絲，新鮮爽脆，和炸雞一齊食，感覺無咁熱氣。炸雞好熱，皮脆肉厚，好好食。比美國炸雞好食太多，唔同level的。果香鹽味醬，咸咸甜甜的，幾好。因為有好多菜絲，加枱上的芝麻醬一齊食甘辛手羽 比 香炸雞翼, 貴$1。分別就是多了甜辣汁，我覺得有小小甜的味道，無辣味的。…Read More

炙和味的位置在時代廣場，商場外面，後面的，唔易揾。我星期日食午市放題連加一, 每位$273。可以由12點食到3點。2點半last order. 好多時間慢慢食。地方細細，食物、飲品都唔錯，。刺身，好靚。三文魚好厚馬刀貝，爽脆赤紅蝦，和甜蝦，都好食。鰻魚，幾厚身的，唔會有魚鰭，無骨，好味。燒菠蘿，好甜又多汁雞泡魚乾，好得意，要試。飲品可以揀特飲，啲杯好有型，唔大杯，好靚前菜：海蜇，香脆，幾啱食羊架，好大件，有肉 ，肥瘦適中，好靚。炸蠔，粉厚，麻麻地炸多春魚，是炸魚，沒有春的甜品，有雪米糍，馬卡龍等等。還可以揀Häagen-Dazs靚雪糕， 岩鹽焦糖雪條…Read More

魚一，好多人排隊的日本餐廳。要用QR code落單。今日食飯時，有位客人唔識用QR code落單，店員都細心教導。我自己識落單，真係快，又方便。自己食咩，點咩，對好，再送出。等食。今日食午市肥牛鍋定食。埋單$58。價錢實惠，又好味。前菜： 沙律菜加醬，疏菜新鮮，爽脆。三文魚湯：好多魚片，無骨，好滑，有魚味，不過，唔食得魚腥的，就唔食得咁的魚湯。其實好多時熟的三文魚，因為魚油多，會腥啲。過我ok.好味。肥牛鍋：有牛肉，好多疏菜，有豆腐，蛋。湯底加了味醂，甜甜的。和好大碗飯。…Read More

一幻拉麵店係來自北海道札幌，7月在荃灣開第5間分店了。我想試好耐，今日決定去這間海港城分店，有無敵維港海景，可以望住海景食嘢，感覺真好。食下午茶套餐，包括麵，小食，飲品。$68,加一，合共$75.揀了招牌蝦湯拉麵，原味，味噌，粗麵，有麵酥(紅薑天婦羅)，原味蝦湯，我覺得已經好濃厚，不是太膩，有蝦味。粗麵是我鍾意的正常粗幼拉麵，軟硬適中。麵酥，好快淋，要快啲食。蝦味飯糰: 好大一個飯糰，飯有調味，入面是小蝦仁，味道新鮮，好味。…Read More

一平安在美麗華廣場2樓。這層有幾間餐廳，都想食。結果 揀了 一平安 ，無揀錯，價錢合理，好味今日食下午茶套餐，好多選擇，除了拉麵，小食，飲品的餐外。還有迷你拉麵，迷你飯，飲品的餐。我叫了特制熊本蒜油豬骨湯拉麵，雞皮餃子，跟凍檸茶，加一，合共$91. 拉麵，湯底有蒜油，好香濃，唔會太過咸。麵，軟硬適中。餸：有2片肉，1件鹵豬腩，半隻塘心，1粒鹵鵪鶉蛋。份量好足夠，味道很好。雞皮餃子，重來未食過。原來就是炸雞皮包餃子餡，即炸熱辣辣，雞皮是煙靱的，好邪惡的小食。店員是懂廣東話的日本人，溝通好得意。好友善。…Read More