冰燄火人的个人专页

灣仔返工的前輩推薦呢間野食, 話牛扒又大又正所以就黎嘗試一下. 人流極多, 記得提早預約, 即興來臨會掃興而歸.安排了近酒架的座位, 可以好好欣賞下庫存的紅酒瓶, 想點的話又可以即刻開瓶品嘗, 職員野禮貌地描述餐牌食物.牛扒之前的前菜係年西蘭花忌廉湯, 好溶好好飲, 牛扒大份硬度剛好多汁, 味道一流. 沙律分量也多, 很好的一餐.…查看更多

要非常強調呢間野係只收現金, 並不打算加入其他的收費方式. 所以帶不夠錢切記不要進內.早餐有些很有營養的, 例如豬潤, 例如鮑魚絲, 這些不是間間有. 味道也不錯, 而且分量也足夠.服務正常但非常慢, 因為員工數目真的非常不足, 沒有辦法希望老闆增加人手吧. 快食不建議.…查看更多

黑糖味道好重，唔會死甜，反而好香，飲落去好香鮮奶味 ; 紫米都煲到啱啱好，食落去好有咬口好味，有口感，份量好足，喝下去，但係一飲佢杯野係超級甜，係好似超糖一樣， 略嫌頗甜， 濃濃的黑糖香味， 珍珠很有咬口， 黑糖底照舊唔錯 ; 不過泰茶底就有啲失色。款式多多，好似小黑糖系列既珍珠富黑糖香而煙韌，失望係因為冰係固定份量，飲到最後冰融左，令到啲奶冇味，鮮奶雖然唔夠香，但都唔錯。               …查看更多

網上見呢間野非常人氣, 先入為主覺得多正評就實無死, 但結果只是獲得一個跟風教訓的機會.幾個特色卷物見網友影就好靚, 擺到埋身就真係同網上圖又頗大差別, 可能知道食客會擺上網先整公整少少.味道嘛, 真的很一般, 尤其是最重要的米飯似乎整得並不夠水準. 小龍與邪惡過多油脂, 擺位也有待改進, 或者太忙吧.埋單仲要好貴下, OL學生仔打卡或者貪新鮮食一次係可以一試, 但如果廚藝無進步的話食客就會厭倦不再上門.…查看更多

見客順便食早餐, 然後見到呢間餐廳最近又無及個人就自然行入去. 一入去打算坐入面卡位, 然後個阿姐就指住個門口位話'個邊'命令我坐那邊.已經不太高興, 明明得幾個人坐大把位係要逼曬一度, 其實頭先已經舉手點餐, 但三個阿姐個個都望到我但無一個過黎, 個個收拾檯然後發呆.然後我再叫了兩次, 三個好似仇家咁互望想點對方去但個個都唔甘心咁樣, 叫了第三次等了好幾分鐘, 唔想當眾發脾氣算了自己行出去食其他野.…查看更多

這裡的早餐毫無疑問是最好的, 之前只要上午經過就一定入去食個早餐, 尤其牛扒與煙肉都係非常好食.早餐選擇頗多, 但都係正宗的茶餐廳早餐. 最受歡迎就係牛扒/煙肉配蛋與焢多士的早餐, 牛扒質好份量夠又煎得多汁.煙肉很脆但並沒有焦, 蛋係最完美的太陽蛋, 而家好多餐廳都整唔到好的太陽蛋. 個點餐婆婆人很好, 還會和你聊下天.…查看更多

這裡最出名的似乎係晚餐小菜, 不過其實早餐都係爆滿. 古色傳統的茶樓感覺就是不一樣, 搭抬傾計然後慢慢食點心, 悠閒的過一個上午.有時候早上起身, 無所事事, 在家也是食麵包外賣或者去附近茶餐廳俗氣茶樓食早餐, 一點也不過癮. 盡是一些換樽不換藥的掛羊頭賣狗肉食店.這裡從小小的蝦餃, 燒賣, 到出色的金錢雞, 都很自己風格, 不是中央做定然後全香港都係那幾種的味道, 這種店已經買少見少, 要珍惜.…查看更多

雖然這個餐廳在一個非常繁忙的港鐵出口附近, 但一入去已經感覺和外面是兩個世界, 非常好坐的. 可惜已經結業, 不能再回味了.很多優雅的上班族選擇在此用餐, 不預約幾乎會有機會. 菜色的選擇除了一般的套餐之外又有大量的西式食品, 非常困難去選擇.點了青口, 牛扒, 漢堡, 甜品. 味道不能再挑剔, 非常好. 服務有水準之餘, 有感覺他們是用心的去服務顧客, 如果還有機會, 一定再去.…查看更多

因為住這個地方附近的熟人帶領下先知道呢間一般人唔會搵到的食堂, 在工廈裡面的餐廳其實好多, 觀塘新埔崗葵涌長沙灣柴灣火炭一大堆, 水準飄忽.一座低見到牆壁上已經有很多小菜選擇, 不夠的話還有餐牌. 選擇了最熱門的椒鹽鮮魷, 鼓椒炒蜆, 果皮鮑魚, 炒尿蝦. 然後很快已經有完成品上桌.份量也對得起個價錢大大盤, 味道不俗火候夠. 員工都勤快俐落, 值得再去光臨的一間晚市餐廳.…查看更多

探友人前黎食個台灣野, 見間野裝修得幾企理然後就入去食個快飯. 座位舒服環境很好, 應該係一個閒談的好地方.坐低看餐牌, 圖片非常美麗, 應該係少女最中意打卡的甜點以及台式食物, 牛肉麵滷肉飯等看起來都不錯, 一貪心就點幾樣.之後等呀等等呀等, 其實已經兩點打後好多人都埋單走但本人的食物一樣都沒有到, 然後半個鐘先有個野飲, 同埋漏了個小食.明明電子入單但點解可以漏呢? 隔離台都係投訴同一樣野先好笑, 短時間連續兩個漏單, 其實個待應是否未訓醒, 同埋廚房吾夠人?…查看更多

見客順便食早餐, 然後見到呢間餐廳最近又無及個人就自然行入去. 一入去打算坐入面卡位, 然後個阿姐就指住個門口位'謂'我示意我坐那邊.已經有點不高興, 明明得幾個人坐大把位係要逼曬一度, 然後即刻問'叫乜?' 我就看餐牌啦, 之後佢就'摺'一聲行開, 駛吾駛咁呀又吾係熟客點會即知.之後有個西裝佬入黎直接坐我原本的位置, 個阿姐無出聲然後直接等個阿叔點野. 之後我叫點野完全當我透明, 然後就無然後我直接行出去無食.…查看更多

呢間野其實好出名, 因為都幾平的價錢就可以食好多種類的食物食到飽. 而且添加的速度都快, 食物質素也合格. 所以午餐時段就排隊都排死.見其實入面的員工數量都唔算少, 不過可能太多檯, 同埋個個都自掃門前雪, 唔係附近幾檯就完全唔理, 見好幾台食客舉手舉到要行去問先黑口黑臉應.食物種類非常多, 肉類每種都有三四種醃法又幾種切法, 燒烤可以邊爐可以, 熟食都有甜品也是很多的種類, 另外飲品也是非常豐富的, 所以客似雲來.…查看更多

幾個人想好好地看住維港食一餐, 幸運的坐到窗口位, 但不幸的遇到肥矮態度差的待應. 點餐的時候不明白究竟個餐包甚麼, 只問一句個待應就無禮貌話-呢度囉. 然後指住個牌, 癡線.旁邊不知係日本定華僑遊客, 身光頸領, 個女待應態度又正常返. 而家又唔係爛身爛褲, 都係著正常衫, 係要歧視咁樣玩階級. 但其他幾個待應又幾正常. 唔之呢位重量級待應還有工作.味道方面, 海膽三文魚子飯好食到無得頂, 魚生也配得上呢個價錢, 再加埋個境係幾值得的, 只係個別員工的態度外. 的確受歡迎, 很多客人等候呢點可證明.…查看更多

經過九展發現很多地方都排隊但係呢間也比較少人, 因為肚餓唔想等就光顧呢間野, 點知就出事了.個飲品係淡的稀的, 1/100那一種淡淡的清香. 個奴肉飯, 是那種之前網上隔離營那般的外判等級.餓意慢慢的消除, 只食了三成的飯就食唔落, 太疲倦連投訴的氣力都無, 坐的士返屋企食個杯麵算了.…查看更多

灣仔鬧市中就是有這一間茶餐廳, 非常古老傳統的餐廳, 無倫煮咖啡或者烤三文治都係保持傳統風格.座位係最傳統的摺凳, 大排檔一般的擺設, 餐單簡單樸實, 都係三文治飲品麵類一般的食品, 外賣的人比堂食多.價錢無特別平但因為味道幾好又傳統, 所以每日都係客滿熱鬧. 值得一去的咖啡室.…查看更多