circlelyli的个人专页

純粹路過見到新開，行去門口睇吓，職員態度非常好，有禮親切，見價錢尚可接受便一試。職員告知，暫時未有位，因為我哋五大兩細，幫我哋預留，叫我哋行一陣，有位會打俾我哋通知我哋。入座後，地方唔錯，先嚟頭盤三碟，有支豆中華沙律。我哋揀咗398套餐，食A四和牛，職員先嚟一個豬牛拼盤，上面有齊各類肉類嘅名。肉類紋路好靚，同埋都好味。另外我哋加$30就可以享用甜品吧同任飲汽水。甜品出奇地比我想像中好，雪糕係機唧出嚟，都幾好味。…查看更多

大埔既韓國菜，我剩係試過三間。我比較鍾意媽媽, 特別係佢既煎餅~我係平日夜晚8點左右去到, 所以冇咩人, 唔駛等就有位lu~一坐低, 每人一份三式泡菜。韓國既卷物一向都冇日本壽司咁好食, 所以呢個芝士卷亦都唔例外, 純粹覺得有d飯落下肚, 填飽自己小小, 唔駛叫太多野食。之後個個牛肉鍋, 細細煲, 但好足料。牛肉好諗、好入味。個水餃面我家姐好鍾意食, 話d面好彈牙, 但我覺得好似冇落味粉煮既公仔面, 水餃亦都煮得過龍, 一夾就爛。唔緊要! 成晚既重點係個泡菜煎餅!!!!!!!!!!個熱la la 既煎pan一放低, 個陣香氣隔離幾枱都聞到。邊邊同個底都煎到脆脆, 中間好軟熟, 泡菜味唔太重, 剩番泡菜香, 同有小小辣, 越食越過癮~!…查看更多

晏晝一支公食飯，可以行遠d,就去左聯發啦～多士夠厚烘得夠脆, 但又唔會硬掘掘。火腿好似冇煎過咁就爭d。旦 ----- 絕對係重點, 夠滑!!!個面個人就唔係好鍾意食有印味既沙嗲, 所以食左兩啖就冇食lu~~!(好浪費tim~~!!) …查看更多

行過緊係要試下抺茶味大判燒, 令我諗起細個八百伴。我個抺茶味唔夠熱, 食既時侯個皮已經硬左, 入面既抺茶味太苦, 好唔開心。但老公叫個個烘茶味反而好味, 夠熱, 不過始終表面唔夠軟熟, 但餡就甜度適中。…查看更多

一向唔鐘意食泰國菜既我，又成日見佢人頭湧湧咁，都提唔起興趣食。不過我見有個朋友成日都黎食早餐，又諗住失眠後對自己好d,去食個貴d既早餐，就諗起so Thai so good~七一紅日之後既十點幾，只有兩、三枱既太太客。所以唔駛等，仲有個好寧靜、好舒服既角位坐。叫左個set B,因為賣相靚d。先食d菇，除左用「菇有菇味」之外，真係諗唔到其他形容詞。蕃茄有焗過，暖暖地，好juicy，但係d沙律菜就唔夠新鮮。炒旦望落去好似實的的，但原來好滑，仲熱既，不過食到一半就好放去碟邊，如果唔係就痴住塊鬆餅。鬆餅暖暖地，個邊有好少好少既跪，入面好軟熟，好鬆軟，正！有半個圓形同夠厚，所以食完好飽～…查看更多

得知佢係元朗既分店, 勾起我既好奇心, 試下佢。 我去既時間係佢開鋪既頭幾日, 又落雨加晚飯時間, 所以係無人既。我叫左個芒果拿破倫, 因為叫D屋企整有難度既野食 wakaka....個拿破倫好跪, 加埋分量岩岩好既custard, 芒果粒好足, 酸甜度配合得剛好。因為我同大部分人一樣, 都係抹茶控一名, 例必要試下抹荼心太軟啦~~可能佢即焗, 所以等左大約成20分鐘, 不過可以理解既~~~好香既抹茶味, 切開中間見到d抹茶流出黎都值回票價!!! 則邊既白玉、紅豆, 簡直係perfect match啦~~混埋個用模倒出黎圓卜碌既雪糕球食, 一絕! 不過就唔係好明點解雪糕球一定要set死個隻味, 唔可以轉~~ 雖然係貴左少少, 但仲會繼續幫襯, 因為想試埋其他, 同埋佢半開放式既鋪位, 其他地方好難有ga la, 合哂我"河車"…查看更多

終於搵到一個放半畫既日子去食啦～我地係星期四既2:30左右到，去到時前面已有兩、三張枱既人排緊隊。我地大約等左4、5個字左右就有枱啦！雖然排隊既位置唔係咁好，不過久唔久就有侍應用台灣國語同你講：腰哨等啊～咩悶氣都冇哂😜入到去地方好大，見到藍白色既配搭，令人好舒服。初時諗住個吐司要等好耐，因為趕住去睇戲，所以order時叫一併上。點知原來呢度個上餐速度係ok快😔個雞肉𤩑撒沙律，每塊菜都沾到少少汁，雞肉夠熱、夠味同夠嫩，初時只係驚唔夠飽先叫呢個，好彩有叫到，因為真係幾好味！之後個明太子意粉，一黎到覺得個portion好少，但食落係夠既！（男仔另計😆）每條意粉都充滿橙紅色既汁，唔會多到滴汁，又唔係少汁到見到白色意粉，撈得好均勻！味道唔會太搶，岩岩好！食緊意粉既途中，個吐司就黎左！😱心急既我食左第一粒吐司，超驚喜！原來唔係以前係女人街某間餐廳食個個咁，原來佢每一粒都有烘過，4面都脆，加埋蜜糖甜甜地，一啖就俘虜左女仔既心💓我自己飲個杯蜜桃茶，其貌不揚，但有蜜桃清香同甜度適中。我老公個杯綜合水果，飲既時候要小心生果會跌出黎😂老公話似飲緊唔係好甜既益力多咁～好難想像。…查看更多

 成日都聽人講話排長龍,所以一路都冇勇氣去試, 不過路過就另計。當日係平日既2、3點, 門口居然冇人排, 入到去岩岩好有位~!我地叫左兩個tea set, 包一杯$40以內既飲品。上餐都幾快, 不過估唔到係雞翼黎先。上網話鍾意食甜一定要試,果然無錯!蜜糖味重,細細隻, 不過因為單骨, 『吉』唔實, 食既時侯有d倫盡,第一次拍拖就唔好食呢個啦~! 側邊既薯條就差d, 一係就整粗d, 一係就整幼d脆d, 宜家有d唔上唔落。不過碟邊有d菜,成個餐變得好豐富, 好似我唔係細食既人都飽。另外個toast以為面包一塊加球雪糕勁唔抵, 不過原來好值得等。塊包烘得脆脆, 個面甜甜脆脆, 唔知係咪加左砂糖烘。塊包索哂d抺茶雪糕, 食完仲想食。另外杯iced choco好濃味, 唔太甜, 岩岩好。反而杯green tea latte就淡味左d, 不過食d濃味野, 飲啖呢個解解渴都唔錯。…查看更多

身為大埔人，有新野一定要去試啦～我係平日4、5點去既，人唔多只係有d學生，雖然位置唔多，但好快就有位啦～點餐要去櫃檯點係有d麻煩，不過可能店主想大家欣賞牆上既介紹，了解完先叫餐啦～等食時可以傾下偈，因為真係要有d耐性等美食。雜誌介紹既抺茶西多士，賣相好靚，中間有d好似年糕既野，好「in un」，不過最好有3、4個人share，因為食到一半就好溜，覺得有d死甜。之前係尖沙咀食過一個唔好食既pancake,所以先入為主，覺得呢個都唔好食點知喜出望外。個邊邊脆脆，中間熱騰騰，配埋雪糕一齊食，一絕！值得一讚店主既心思，因為成間鋪既裝修都食具都配合番個店名，應該用左好多時間搜蘿👍…查看更多