mok_derek的个人专页

我都明而家生意難做，70幾蚊一個餐，我都唔望你俾啲好靚嘅嘢我，但我叫個茶薰鴨，你比個煙鴨胸我會唔會有啲過份呢？跟餐個紫菜湯，上菜嘅時候有隻好細嘅蚊滋仔，我都由佢，可能咁啱上菜嗰下飛咗落去，但個煙鴨胸實在太過分另外叫咗一碗喇沙，都費事影，啲湯係暖唔係熱，我相信應該係餐廳嘅職員細心驚客人會淥親，另外睇得出侍應好鍾意整潔，只要你一擺喺筷子唔夠五秒鐘就會埋嚟問你啲嘢係唔係收得，如果出面有人等緊位我絕對理解，問題係我坐喺門口出面冇人排緊隊，呢間嘢不論食物同埋服務質素都令我感覺到，冇生意係抵死嘅，絕對冇下次，我唔明佢啲笑哈哈點嚟，你話唔係買返黎我真係唔係好信…查看更多

叫左三碗麵，兩碗黎左，另一碗落左單等左四個字，之後問左個店員兩次，話煮緊等多兩分鐘,之後又等多十分鐘，佢先發現咁耐都仲未出，之後先去催廚房出左先...根本之前佢就無幫你去廚房跟過，剩係敷衍你...…查看更多

好少會寫食評，咁耐以黎第二次，從來都係唔好食先寫，真係請都唔會再黎，完全唔明個二百幾個好食係點黎，一係買返黎，一係成班人味覺有問題門口叫我入去，但裡面枱都未執好，入面嗰個待應又叫企係度等佢執好先座，佢係好快手執好丫，不過啲汁彈晒落啲櫈度，佢又完全唔知到野食個part個醬鴨根本就係滷水鴨完全唔係醬，仲要成張上菜飛浸左2/3落去，個待應係我面前抽返起直頭啲鴨係度郁我都算，個小籠包啲皮仲厚過我啲面皮叫個排骨麵由落單計等左半個鐘都未黎，催左三次，三次都係答你整緊，完全無行過去廚房/埋機幫你睇睇張單，大佬人地隔離枱同我差唔多時間黎食完碗麵走埋我都未黎，仲好意思叫我等多陣，好啦，碗麵黎到個待應盤都懶得拎，就咁將碟排骨疊上碗麵就咁上，ok,我明白做飲食係咁，你拎過係咁我都算，但你上到枱係咁依都同我分返開佢拎返落黎下嘛？就咁掉低就行左去？我見你個場又唔係真係爆晒，我完全唔明點解啲服務可以差到咁，嬲得滯相都無影…查看更多

落完單待應問我地張單有無問題，睇完有問題仲惡過你，問仲有無野改，話再改佢地廚房會鬧，問題係如果唔改得單咁你叫我check黎做咩？又話佢地啲野出得好快改單好煩， 但落完單我地足足等左二十分鐘，叫左一個大阪燒，一個炒麵，大阪燒ok，中規中距, 炒麵同menu張相兩回事，好細碟好油，但味道還算可以，但咁既服務態度真係無下次，基本上唔係食野食得耐，係等野食等得耐，所以門口排晒隊，同埋建議之後有活動既人唔好去，因為去完成身都一陣油煙味…查看更多

估唔到第一次寫食評係比左呢間野，真係未食過咁難食既牛肉面，難食到我要寫食評鬧，諗住是但食個下午茶，無諗過中伏，牛肉面個湯底有藥材味我都當係你既style都算，又話半筋半肉麵，根本幾舊都係牛筋得一舊肉，仲要索晒陣藥材味，最慘係啲麵硬，完全好似未煮熟咁既質感，另一豬骨湯底貢丸麵，個所謂個豬骨湯底好似水咁，搵啲雞粉開水都濃過佢...最搞唔掂個杯山楂茶，難飲度爆燈，飲左一啖即時擺底，完全地係一杯藥水，啲待應唔係鬧客，不過佢地自已講野好似鬧交咁，間野嘈到街市咁，係得個盬蘇雞正常啲，呢間野唔執真係一個奇蹟…查看更多