irene0514的个人专页

最鍾意去打卡cafe食嘢食嘢之餘又可以打卡影相，呢間係荃灣嘅就可以滿足曬大家嘅願望，除咗食物質素幾好之外佢仲特登設有一啲打卡位置，適合鍾意影相嘅女士，而且亦好適合小朋友，環境好乾淨我哋叫咗煙豬柳野菌茄醬意粉配沙律，茄汁十分美味，意粉仲好煙韌，口感係我食過咁多餐意粉裏面算係比較好嘅，而且好多cafe分量都唔係好多，但呢度嘅分量就好充足燒烤菇野菌牛肝菌醬薄餅配餐湯，餐濃係紅湯好濃郁好飲，餅底少少脆口唔會好熱氣，最特別係牛肝菌醬呢個醬汁好特別好新鮮，忍唔住都食左幾塊煙三文魚野菌黑松露醬忌廉意粉，黑松露味道好突出，又唔會過濃，煙三文魚都唔少，朱古力鮮奶超級好飲，而且仲有拉花圖案好細心，荃灣都成日去，下次一定會再嚟幫襯:)…查看更多

天氣越嚟越涼岩食雞煲火鍋，知道旺角開咗一間喺國內都幾出名嘅雞煲火鍋呢間雞煲火鍋喺國內有好多分店，經過朋友介紹之下就過嚟食，發覺食物味道真係唔錯，有好多款食物多超級好食😊我哋叫左木瓜椰子雞煲做湯底，第一啖一飲落口覺得十分清甜好飲，講真係未試過飲過咁好飲嘅椰子雞湯，推薦大家叫呢款湯底另外叫左海鮮拼盤，包括有鮑魚，生蠔及鮮蝦仲有菇菌拼盤，有雪耳及有一些唔同嘅菇菌類另外有冬瓜及華豐面，華豐面幾適合打邊爐用，麵質口感十分唔錯，飲品叫左一個椰青，椰青水十分清甜餐巾要額外收費，調味料按人頭收費，調味料係按自己需要加，呢度嘅雞煲火鍋真係十分好味，雞湯係十分清甜，而且都唔覺得有味精因為飲完之後唔會頸渴，反而都好解渴，仲有羅漢果水任飲，下次會介紹其他朋友過嚟食:)…查看更多

一家都好鐘意食點心，去左太子諗住搵間點心試下，見到呢間價錢唔算貴於是入黎試下，叫左7款點心，款款都好抵食又大件斑蘭焗叉燒包最好食，外皮好好食，餡料又多，我一個人都食哂3件。混醬路邊腸粉好滑，好食過好多地方。煎魚肉青椒好香口，魚肉都多，好好食。菜肉包好大個，餡料同樣好多，又入味。粉果都皮薄餡靚。黑糖蜂巢糕甜甜地又易入口。白灼菜心好鮮甜，食落好新鮮我地下次依然會選擇呢間點心，真係性價比十分高，超好食超正！…查看更多

台灣菜加台式甜品簡直就係我的最愛，同朋友黎到食芋見好圓我哋叫咗兩個套餐分別係，香煎騸牯牛冧肉煎蛋飯堂灼騸牯鮮肥牛牛丸湯麵騸牯牛品種比較少而且肉味都不錯，我哋都鍾意食呢款牛，而且唔會覺得鞋仲好鮮嫩，牛肉嘅鮮味好濃郁，食到陣陣牛嘅香濃味，麵質感都唔錯，麵質剛剛好。另外叫咗一款小食青蔥龍捲餅加蛋，龍捲餅裏面香蔥十分多，因爲我都特別鍾意多蔥嘅龍捲餅，而且餅嘅味道同餅底都煎得剛剛好，雞蛋配埋係裏面亦系另外一種新鮮食法。甜品係仙草一號黑糖刨冰，已經好少食刨冰，再食返真係覺得十分好味，刨冰裏面嘅配料仲有紅豆，綠豆，薏米及涼粉，所有配搭一齊都好好味，最後我哋都食曬成碗刨冰。飲品仲有兩杯，梨山奶綠超好飲下次過嚟都會再叫呢杯飲品，仲可以選擇少甜少冰，冬瓜茶味道都唔差，而且系大大杯好足夠最鍾意飲咁大杯飲品尤其係夏天，總結嚟講我哋都會再幫襯，下次又試下其他食物。…查看更多

向來我係鍾意食上海嘢，因為上海菜真係好好食今次同朋友去開天水圍呢度都有唔錯嘅上海嘢食:)朋友介紹左兩款面第一款係花雕醉雞麵花雕醉雞向來都係我好鍾意食嘅食物之一，因為食到好香濃嘅紹慶酒味好濃味好好食，醉雞味道確實唔錯，而且湯底唔係一般清清淡淡嘅湯，湯底味道都好濃郁，廚師有落過功夫，我覺得做得幾好。而朋友都好推薦排骨擔擔麵佢話呢度嘅擔擔麵湯底幾好食，有啲辣辣地又好惹味，而且上海排骨又炸得好脆，係佢好鍾意嘅口感，我試咗一嚿都覺得唔錯，另外我哋叫咗兩款小食一款係上海小籠包小籠包皮薄餡料都唔少，上海鍋貼好香脆食完一隻忍唔住即刻要食第二隻，加埋兩枝樽裝黑豆漿飽足哂…查看更多

係手打檸檬茶fans，經常出街都會飲今次同朋友order左兩杯飲品，一向黎到都會點鴨屎香檸檬茶佢地既鴨屎香檸檬茶超好飲，檸檬味道除左濃好多之外，成杯茶味道都好清香好濃郁，夏天好消暑解渴，超級推薦鴨屎香檸檬茶朋友果杯開心果輕盈乳奶味都一樣濃郁，有陣陣開心果味道鐘意開心果都可以一試，我就最鐘意飲檸檬茶，黎緊都會推出好多新款飲品，大大杯都好抵飲有好幾間分店，揀一間方便自己既，係商場里面好方便，下次經過都會幫襯。…查看更多

食過Pause it 佢哋嘅幾間分店食物水準一直都係維持中上，除咗食物高質，職員服務都唔錯:)拉花朱古力超好飲，係我鐘意既味道而我每次都好鍾意佢哋嘅全日早餐:)呢度嘅全日早餐真係好豐富，今次唔例外都有點全日早餐下午茶餐，早餐有司華力腸，超大條嘅腸仔，茄汁豆，水窩蛋，多士，雜菌，沙律菜，仲有煙肉，分量都一樣好足料，另外朋友就叫Mushroom spinach benedict，份量都唔少，有水窩蛋芝士沙律菜，今次兩樣食物都唔錯，賣相同味道都唔差而且店舖環境好寧静好適合一班朋友傾下偈，又或者情侶拍拖聚會，元朗分店近西鐵元朗站，係商場里面好方便，:)鍾意食egg benedict既朋友唔好錯過呢度喇。…查看更多

無得去韓國係香港都有好好味食物又高質既韓國食物今次呢間韓國餐廳位於旺角樓上舖，店員黎到招呼好好，好客氣食物必點鳳鵻燉雞無骨大大份的雞仲包括左一人份量冬粉冬粉口感好爽滑，條條都好入味，食物都煮得岩岩好，雞肉又嫩滑，加上好多配菜味道十分惹味，兩個人食都覺得好滿足，飲品方面我點咗百香果梳打梳打水裏有百香果的果香味好好飲，仲有粒粒百香果口感好正，另有配菜提供，泡菜，芽菜同青瓜食物味道水準高而且份量絕不少，今餐好豐富令我重拾在韓國的味道，環境又好寬敞，好適合朋友傾計聚會:)…查看更多

黎太子必食既餃子店黎咁多次太子都會幫襯，店鋪擴展了空間，在原先的舖位隔離亦開了多一間店鋪環境望落都好乾淨而且店員服務都好好做嘢又有效率，上菜都係最緊要快手，快手得嚟又有禮貌:)今次食咗湯餃同煎餃湯餃雙拼紫甘藍粟米鮮肉餃同西洋菜鮮肉餃煎餃就係紫菜鮮肉餃湯餃椰子海帶鮮豬骨湯底十分唔錯我覺得非常好飲，超級有椰子味好香濃而且飲完都唔會好頸渴無味精煎餃脆卜卜口感非常好，係我超鍾意個口感同味道，而且我覺得煎得啱啱好唔會過燶，又食到啖啖豬肉同紫菜，鍾意紫菜嘅話要揀這款試下另外有個秘汁滷水蛋，唔同出面一般嘅滷水蛋，滷水汁同蛋都做得好出色味道好好飲品選擇了青檸蜜，大大支都好潤喉位置係非常近太子地鐵站一出行一分鐘到了，價錢亦都相當合理而且性價比好高…查看更多

日月堂台灣菜都係一直咁好食食左好多次台灣菜都係鐘意幫襯日月堂，無論麵同飯都一樣出色滷水雞翼麵同紅燒豬腳拌麵都做得好入味湯底同麵條好夾好入味，雞翼唔係細隻，都十分大隻多肉，口感勁正又入味，豬腳都好有份量又入味，全部都整得好入味小食有朱古力吐司同虎咬豬(包):)虎咬豬豬腩肉好香口，配搭好好食，吐司香脆可口，而且好大片，朱古力脆脆口感十分好飲品好大杯，百香果綠茶同桂圓紅棗茶都唔錯店員服務好又做野快手，個個都好有禮貌價錢黎講都好抵食，而且開左咁耐水準都保持到，所以幫襯幾次都係咁鐘意食，黎觀塘必到…查看更多

東南亞菜一向都係我首選喺荃灣呢間小越廚已經食過幾次，每次食完都覺得唔錯，而且經常都有好多人排隊幫襯，除咗店員招呼好之外當然食物都有咁上下質素同水準。我哋今次叫咗個三人套餐選擇咗火山排骨炭燒豬頸肉肉碎生菜包越南火車頭河粉另外叫咗兩杯龍眼冰一款飯後甜品椰汁芒果糯米飯三人套餐分量其實都幾多，食完之後超飽超飽，眼見好多人叫火山排骨，味道做得確實係唔錯，個汁好好食，排骨肉質都好嫩口，豬頸肉都係我哋好鍾意食嘅，一塊塊好香口，必叫菜式之一，火車頭河粉有牛三寶生菜包肉碎有啲辣，但味道十分唔錯，芒果糯米飯分量亦都唔少，芒果好香甜，黎到都要試下，龍眼冰好清甜好解渴，大大杯勁好飲，下次黎到都要再飲，餐廳近荃灣廣場，位置都幾好搵，店員服務都好好，餐廳價錢性價比好高，所以下次黎荃灣都會選擇…查看更多

搵到一家好多選擇臺灣菜，除咗有好多選擇仲有撈檬，撈檬味道唔錯:)店內好多人食嘢，好多人都好似我咁揀，好呷宮格:)呢個餐已經包括咗三款小食同一款主食，蒜泥白肉，臺灣腸，豬頸肉，米紙春捲同撈檬蒜泥白肉好香蒜味，而我都好鍾意食臺灣腸薄薄地一片而且口感好好，米紙春捲外皮好香脆，豬頸肉都炸得好香口，撈檬記得要落汁，因為真係一流好好食另外叫咗一個白灼生菜同一杯黑枸杞菊花茶特飲，味道都唔錯朋友叫左鹽酥雞滷肉飯，份量都幾多佢話食得好飽，鹽酥雞好香脆可口我哋都好鍾意食，口感都係我哋鍾意嘅口感，滷肉都整得唔錯，加咗一杯珍珠奶茶甜度適中店鋪環境同店員服務都幾好，上菜同埋單速度都好快，做嘢好有效率，而且會主動俾個籃我哋放袋好貼心:)店內都會播一啲臺灣歌曲仲有臺灣嘅佈置，鍾意臺灣味道嘅我覺得要嚟食，位置又好方便喺觀塘站行過嚟都係幾分鐘就到，而且枱面上有多款調味粉畀大家選擇，呢一樣都係好貼心嘅位我都係覺得我最鍾意去呢度，好多食物選擇呀，有多款食物都係我鍾意食嘅…查看更多

又到打邊爐季節已經好幾次係地道港式小店陳儀興玫瑰餐廳打邊爐除咗食物高質之外，呢度嘅服務人員全部都好有禮貌，而且全部都好好態度有求必應，上菜同埋單都好快手，又會主動問需唔需要加湯同有冇乜需要，所以我哋幫襯幾次都係呢個原因啦。推薦呢度嘅海蝦真係好新鮮而且好大只，咬落口啖啖肉質感非常好，蝦肉好鮮甜超新鮮豬潤都係唔錯嘅打邊爐食物，肉質都好鮮嫩好易入口，唔會好鞋極品黑豚肉係店長推薦，超大塊的黑豚肉而且份量亦好多，叫咗一碟都好大份，淥一淥就食得肉質口感都係唔錯獨門菠菜餃同魚皮餃都係好推薦大家食嘅，魚皮餃係店長推薦，菠菜餃連個餃子皮都係綠色超靚，而且好足料餡料超多，影相都見到係超大隻。我哋揀咗鮑魚花膠冬瓜盅做湯底，我覺得好啱女士飲，有花膠做湯底可以養顏，我哋首先飲咗個湯個湯好鮮甜，鮑魚都有幾隻，真係好足料啊，仲有啲海參同花膠，冬瓜都有好多，湯底裏面仲有雞，全部材料我哋都食曬，這一款湯底打邊爐真係唔錯，淥出嚟嘅食物都好美味，因為真係好少有鮑魚花膠做湯底，就算有都好貴而且好少見，但呢度食到嘅係非常足料而且性價比都好高。蔬菜我哋都揀咗幾款:)有苦瓜，勝瓜，皇帝菜同油麥菜蔬菜都非常新鮮，而且每一份都唔少，打邊爐必選響鈴，呢度嘅響鈴都好大份飲品佢就有汽水之外仲有啲清熱嘅涼茶，打邊爐又飲下涼茶係一個幾唔錯嘅配搭，見到大部份食客都選擇打邊爐，下次要打邊爐都會選擇黎陳儀興玫瑰餐廳😊…查看更多

星馬泰菜都係我口味，今次經過屯門友愛呢一間大哥去骨海南雞飯，呢度嘅食物唔錯除咗招牌菜海南雞飯之外我點咗個炭燒豬頸肉飯都好正都好推薦大家試下呢一款炭燒豬頸肉飯豬頸肉薄薄一片口感唔錯，而且味道仲有燒烤嘅味道，又香又易入口，而且豬頸肉分量仲要唔少，跟餐仲可以加小食同飲品，可以以優惠價去加，飯可以選擇少飯，正常飯嘅份量都好多，呢一個餐真係可以食到好飽。另外我哋仲叫左檳城滷水雙拼麵，有滷水牛肉同滷水豬腩肉，麵質口感唔錯，滷肉味道不算太香濃但整體味道可以的，反而呢種味道已經好適合我，我鍾意呢種味道，太香濃又未必係咁好食，就岩岩好。仲有班蘭咖央多士，咖央多士裏面仲夾住牛油，同班蘭味道好夾同好香，我哋都好快手食曬四件，仲嫌唔夠添，推薦推薦。仲有一碗細碗肉骨茶肉骨茶好足料，有少少辣嘅味道，有肉骨，淮山及紅棗等等，味道都好香濃，我亦都好鍾意這款肉骨茶嘅味道，有d藥材味但好香濃，推薦大家可以試下細碗肉骨茶。:)兩個套餐跟餐仲送一碗例湯，例湯都有雞肉同粟米，例湯都唔錯好好飲。跟餐可以叫埋飲品我哋叫左龍眼冬瓜茶，而家夏天飲真係一流消暑飲品，可以叫少甜，少甜都好好飲，飲品分量都唔細杯。另外仲有一杯利賓納都唔錯嘅，三杯飲品都幾好飲。餐廳服務員都服務好好，上菜速度十分快手埋單又快手，位置亦都好當眼好容易搵到，我哋都好滿意呢度嘅食物水準。…查看更多

平民價粉麵必食陳儀興牛什粉麵我經常係度食覺得唔錯最重要係好大碗呀夠哂飽肚，唔會好快就肚子餓，餐廳又坐得舒服，店員都好快手做事效率好高，咁熱既天氣下入到黎食麵都唔怕熱，冷氣好足夠我地點左一碗淨食陳記八寶丸裏面有好多隻丸，包括豬肉丸墨魚丸魚丸同蝦丸等等都有，八寶丸都好出色，同埋雲吞係自家製，師父每日新鮮包，當日都見到師父包雲吞，食得出有好新鮮嘅蝦肉味，仲要係足料嘅蝦肉推介這一碗，大大碗保證你食到飽:)另外一個粉麵套餐，招牌頂河魚蛋河，又係大大碗保證你食到飽，材料好多，好多粒魚蛋同魚片，入口嘅口感都好嫩滑，味道好新鮮套餐另外有一碟油菜同一杯飲品:)飲品我選擇咗金銀花茶:)另外仲有羅漢果茶同五花茶等等可以揀，熱氣嘅話都可以選擇這一類飲品真係好好，涼茶係自己煲嘅亦都好好飲，出開嚟旺角嘅可以不妨試下呢一間陳儀興牛什粉麵見到黎幫襯嘅人其實都唔少啊。…查看更多