Minipoo的个人专页

一心諗住帶住兩個小朋友母親節出街食飯會好煩所以一早上openrice睇下邊度有得訂定位佢地仲懶有誠意咁whatsapp提左兩次仲電話覆埋booking滿心歡喜咁諗住七點半前走仲有八折咁抵埋單果時我咁啱去左廁所,我老公又乜都唔知走左問返我老公先知道無畀八折打返去問佢又話我可以番轉頭退錢點知上到去佢又賴數同我講話其實佢地晚飯有min charge $120 (門口好細隻字寫左咁大把)我話大佬你openrice booking無講覆我兩次whatsapp電話無講menu無寫落單明知我地唔夠都半次都無提過連我老公埋單果時都無講根本就係唔想比折先搵辦法賴數囉其實我地唔係差好多就夠$120一個人知有min charge最多咪叫多少少睇返人地d食評原來我唔係第一個要同佢拗數真係好唔老實呢十年八年都無寫食評都忍唔住要出聲…查看更多

星期日山長水遠特登黎一試男友仔推介既魷魚面雖然自己都算一個八十後但係食左車仔面超過廿年,見證過車仔面既"進化"點左車仔面功力指標:魷魚+豬紅+豬皮+幼面魷魚:果然係幾入味,未算好深色,但係絕對唔係出面一般白sai sai又硬又無味既魷魚!豬紅:有驚喜!仲入味過魷魚,好香,無臭味豬皮:煮到夠哂淋,入味,亦都無哂豬皮既臭味雖然無叫無湯試埋個汁,但係絕對係令人懷念,車仔面"應有"既味道!男友嫌辣,但係我就覺得岩岩好雖然都食到流哂鼻水但係一啖車仔面一啖冰凍可樂,真係人生一大享受!!…查看更多

住外國多年都好怕食cup cake因為又甜,個樣又藍又綠咁好得人驚估唔到屋企附近竟然開左間淨係賣cup cake又成日都幾多人買喎終於忍唔住買左一個$28六件既mini set黎試因為遇左係第二朝做早餐所以問定店員駛唔駛雪,店員態度都幾好仲教我要用保鮮紙包住放係雪櫃下格最低果格第二日囉出黎放15 min先好食有成六種味,眼花度都唔記得食左咩味應該有朱古力,檸檬,綠茶,咖啡,etc除左其中有一隻好似食左成舊牛油咁其實其他味都好正!~味道好rich,每食完一個都有種好滿足既感覺~~連我唔食甜既男友都搶左個朱古力味黎食講句公道說話cup cake甜到漏係應份(呢度都唔算好甜喇)硬都係正常鬼佬d蛋糕一向都又甜又硬架啦!香港d牛油蛋糕仔就近磅喇又點可以同紙包蛋糕雪芳蛋糕比!補充一點就係我買既係mini size每次最多食兩件就覺得好夠(仲要係空肚既時侯)可能正常size對一般女仔黎講真係太大可以考慮下縮細d…查看更多

食妹記既機會真係可遇不可求而家仲有咩食巿可以咁串三點就收鋪?晨早考完試口淡淡見咁岩係附近落車,就上左去妹記叫外賣最愛的豬潤魚腩粥囉到返屋企都仲係熱辣辣其實粥都有好多種,唔係一定要好綿先叫做最好既好多地方都要加腐竹先做到妹記d粥睇落去好似好希,其實好鮮甜唔睇過其他食評都唔知原來鮮甜係因為用魚湯煲粥底真係唔覺有味精個人認為如果淨係魚腩就會太清淡加埋豬潤既香味同粉粉地既質感就岩岩好果幾條生菜仔少就係少左d,但係個少少脆脆既口感就有畫龍點睛既效果(就好似點解魚肉要配生菜差唔多)貴就係貴左d,不過一年都食唔到幾多次,唔差在啦!…查看更多

友人叫左個鵝肝配牛柳餐,有埋沙律,都只係$158我豪比佢叫左個美國頂級牛柳9oz就已經要$189兩塊扒好明顯唔可以用同一個標準黎比較啦如果無特別喜好既話,靚牛扒係應該叫medium rare(應該係四成熟左右),係講中文既地方我會自動調節叫五成熟普通既牛扒六七成已經盡喇,因為結果都會差唔多全熟好似聽聞過扒王係自己入口牛扒既,所以我個塊頂級牛柳食得出係靚貨,叫左五成熟,雖然紅紅地已經無血水,但係香得黎又唔會太淋,雖然叫左燒汁,但係我都差唔多全部空口食,已經好夠鮮味,如果佢落少d黑椒落返多少少鹽可能會仲香(個人喜好)友人塊扒叫左六成熟,基本上切開已經無紅色,食落係好淋,但係似用左梳打粉呢,不過都預左啦餐湯好難飲,好彩有塊靚扒補返數(我都覺得聞到好勁既煙味,唔係睇到樓下個食評,仲以為自己錯覺!)…查看更多

本來諗住係砵蘭街既茶餐廳,對佢服務都無咩期望,但係呢度都算乾淨,d阿姐十分好服務,試過男友淨係陪我去食,但係自己無叫,d阿姐們無黑面不得止,仲擔心佢會餓親!上次叫左魚頭+豬潤+芥菜既魚湯飯,真係成個魚頭咁上,十分足料,淨係食個魚頭都飽哂咁濟魚湯清甜,相信無味精,,十足媽媽既味道有友人曾經埋怨過點解係旺角搵唔到無味精既住家飯,終於比我搵到喇!仲要$28咋!邊度搵!!!~正~~~~…查看更多

順路經過金魚街試下陳記樓上地方好細但係就有成五六張枱,好迫下餐牌都無,但係唔緊要,都係諗住食燒鵝架啦我個燒鵝飯比我想像中細(應該比太興細),d肉好鞋,又無乜肥膏,感覺上同我早兩日食既美心無咩分別友人既燒鵝瀨好似好少少,比較肥同香,佢話好過美心好多倍之後先醒起原來幾年前已經試過新填地街果間(我諗同一老細掛?),仲同過自己講應該唔會再去今次結論係一樣既...…查看更多

久聞深水步既酸辣粉,佢終於開到去小妹既地頭,終於有機會試下喇!其實我ok食得辣,但係為左就友人,就全部叫哂BB辣口水雞: 愈食愈好食,麻得黎少少辣,又好香芝麻味夫妻肺片: 好鬼死細碟,得口水雞一半,食完都唔知咩味酸辣粉: d紅薯粉係好入味,但係好!咸!! 我諗小辣會好少少掛雞絲涼拌麵: 友人本來以為呢個唔辣,唔好睇佢係乾既就比佢呃左,結果原來四碟最辣最麻係佢!好似食緊wasabi撈麵咁!味道不過不失啦每個餐都要四十幾蚊,唔怪得之d食評都話幾貴啦結論:BB辣唔傷心試過就算,下次一定要試小辣…查看更多

久聞呢一間好多笑面既西餐,亦都久聞呢一間好港式既西餐,尋晚終於決定一試!入到去環境比女人街既餐廳仔好,個menu睇落仲有d似老富昌添,但係一落order就出賣左佢喇叫牛扒無得叫六成熟,淨係得五成同七成; 叫羊無得決定幾成添,唔通真係要佢教我食西餐?鴨胸配蘋果(?!)沙律???救命..係都用薯仔丫...個牛扒ok,識得上埋mustard,全個餐個薯菜最似樣最唔港式(減左d好嚇人既椰菜既話..)但係個羊架上到黎已經凍冰冰,仲要稔到好似用粉喇過咁,所以幾時都話係用羊黎試一間西餐係最好既...到甜品..友人叫左個心太軟,但係我咁大個女都未試過,所以唔comment..自己叫左個法式燉旦,上黎又係涷既,個面係燒過但係唔黑,個旦似布丁多d,真係唔知佢溝左d咩搞到咁硬..整體黎講味道無咩問題,不過三百幾蚊咁港式我應該唔會有下次.…查看更多

OT完想係屋企附近搵餐安樂茶飯食下,就去左隔黎街,隱密到你經過都未必會發覺既take a break.叫左個豬仔骨配薯皮,男友就叫左個羊架跟餐一係得餐湯(唔知咩青豆湯)一係得沙律,結果我地兩個都叫左個黑醋沙律我地兩個都唔係好肚餓,所以份量岩岩好,全部都好好味,好有home made feel唔知係唔係因為無味精又多菜,返到屋企竟然有個好滿足又舒服既感覺~…查看更多

友人生日,有幸分享到半件傳說中既芒果拿破崙個皮好脆,幾好味,d芒果custard其實好甜,不過岩我口味小妹見識淺薄,但係真係好想問,乜拿破崙唔係應該酥皮既咩?呢個直頭係脆皮囉!有d想比喊面,不過如果唔當係拿破崙其實無咩問題既...…查看更多

好多年前試過一次,淨係記得入左黑名單唔會再黎今次難得同爸媽一齊食晏,老爸竟然點名要食呢間,真係滴汗 叫左兩個最普通既回鍋肉同埋鱔餬客飯回鍋肉好鞋好硬,又無乜味,鱔餬仲食得落既不過個碗飯超硬,應該係隔夜飯,完全食唔落再入黑黑黑名單…查看更多

之前黎食過二人餐,記得食過pizza同埋炒意粉都好好味,食次就試埋意大利飯自選料多野揀到眼花,終於揀左什肉腸+什海鮮,配意大利茄醬初初仲諗住會係得茄汁咁樣,點知一上既時候聞芝士味,d料仲多過d飯,仲有一隻大隻青口係中間,好好味因為成九點幾十點先開飯,所以差唔多包場,直情覺得自己好似返左去soho食野!以咁既價錢食到有水準既意大利菜,絕對超值啦!…查看更多

一直都想搵個可以好安樂咁開飯既地方係旺角一帶真係無咩可能搵到今日終於食到去屋企附近既富華叫左個二人燒味套餐燒鵝拼燒肉(少少燒鵝要加成十蚊,好似有d唔抵)蘭花炒鮮魷仲有節瓜排骨湯無期望所以無失望,算係咁啦,返到屋企有d口渴,可能多多少少都落左味精,不過比起旺角d鋪頭仔坐得舒服,食得安樂過係大家樂,應該再有下次既:)…查看更多

一個懶洋洋平日既下午,難得係屋企附近出沒,所以鼓起勇氣去試下呢間開左好耐既車仔麵 三十蚊有三餸送野飲叫左豬紅,雞中翼,魚皮餃,幼面,凍檸茶其實三樣餸都幾好,份量都ok (女仔黎講),豬紅無臭味,雞翼幾淋幾入味總括黎講食得過,但係好似貴左少少,行多幾個街口去到朗豪坊既話二十蚊就食到,不過鬼叫我住何文田咩....…查看更多