kaka_55的个人专页

平日既西貢真係好舒服，遊人比假日小好多。行過既時候比呢間鋪頭吸引左，一於試吓今日唔係太熱可以坐戶外，更添一點輕鬆既感覺。我地嗌左兩杯野飲：假的真不了蝶豆花、玫瑰花蜜、青檸梳打雪碧，岩晒打卡📸一直都覺得蝶豆花既顏色好靚❤️唔係好甜，冰涼既感覺好解暑。好雙乳的莓莓藍莓加士多啤梨乳酪，粉紅色已經好少女感。再嗌左：牛油果蟹肉他他脆餅鮮甜既蟹肉，配埋牛油果，意外地好好味。有種入口即溶既感覺。芝士肉醬田螺焗酥盒外表酥脆，肉醬加埋田螺好好味😋最好一啖食左佢！好滿足！巨型豬扒跟薯菜岩晒食肉獸🐽好大塊既豬扒！！係無改錯名的😂肉質唔會韌，仲好Juice！大大份好適合幾個friend一齊share。配埋粟米仔，蕃茄等蔬菜，減低罪惡感😆有驚喜既食店！價錢合理而且好好味😋Staff亦非常helpful 值得一試 …查看更多

大冒險家一直都係我係迪迪尼入面比較喜歡既餐廳❤️今次入黎玩，見差唔多lunch時間啦，一於食完再玩啦！黎了大冒險家，見到竟然有半自助餐，當然要試下啦，多啲選擇麻分左5個時段，每個時段75分鐘。我地就係12點個轉，等左一陣就可以入座。如果有興趣，記得提早上網訂枱啊主菜揀左：- 香煎精選海魚配燒薯·炒雜菜及檸檬牛油汁魚肉都算幾滑，配埋檸檬牛油汁唔錯- 燒雞髀配蕃茄炒飯、炒時蔬及甜野小朋友既選擇就少啲喇，只有呢個餐。雞髀🍗幾大隻，肉質就一如既往😂唔夠滑。自助餐食物方面，就係冷盤，甜品同飲品。有三行咁多，但左右兩行都係一樣款式既沙律冷盤，中間就係甜品🍮- 煙三文魚·青瓜沙律配青檸蜜糖汁煙三文魚配埋青檸檬汁好開胃。另外吞拿魚·粟米及甜椒沙律配柚子豉油汁，都好好味😋有甜椒🫑。- 法式焦糖咖啡燉蛋熱辣辣，甜度剛剛好，忍唔住食添多次總結都唔錯，下次入園再食過…查看更多

打邊爐同燒肉係我既最愛❤️訂位既時候一心諗住係食燒肉，無諗過係度仲有埋打邊爐！喜出望外啊！係校長燒肉可以一次過滿足晒我兩個願望😍Staff帶我地坐低，簡單介紹完就飛出去兜個圈啦！我發現食物既種類真係好多！壽司自取，刺身就排隊拎。- 帶子同三文魚🍣好新鮮，可以encore😋燒烤食物，種類都好多，花多眼亂！- 醬奄牛肉，好鍾意呢個牛肉，好入味，又快熟，好岩我呢種心急既人😛- 台灣腸，燒完好香，咬落個皮脆卜卜。- 豬頸肉，又係好入味，最鍾意佢點煮肉質都唔會過老。午餐肉，我覺得一定要食！好好味😋燒完個面脆脆，入面既肉軟棉棉。火鍋，我揀左最鍾意既麻辣湯底，湯底味道十足。放左啲娃娃菜，冬瓜同蝦入去，蝦肉鮮甜。娃娃菜好入味🥰熟食區，唔止平時見到既炒飯，菜類等等，仲有蝦餃燒賣！好有特色！食飽飽，仲有好多甜品可以揀😍可惜食太飽，已經試唔再，下次再戰過😝Staff都好細心，見我地張牛油紙燶喇，都會主動幫手換紙，值得讚👍🏻…查看更多

好耐好耐好耐無食燒肉！！必須要解放一下☺️呢間係美女姐姐之前食過，又有好高評價既燒肉店，放工就直奔燒肉臻，帶我試下🥰而且有sake free flow😍😍，$248一位 90mins，實在太吸引！而杯就係經過消毒，客人自取，每杯30ml，可以試均咁多款唔同既Sake🥰前提要叫既係Staff超級Nice！每樣食物，點燒都會好細心介紹同埋教我地點燒。我地坐bar枱，另一番風味。海鮮會由Staff幫手燒，而肉類就自己動手燒。醬汁有三款：柚子胡椒for海鮮，芝麻燒汁for紅肉，蕃茄酸汁for內臟。甲羅燒：只可以話，呢個甲羅燒係食過最好味既！！非常鮮甜，蟹味好濃😋😋南非鮑魚：一人一隻，外表睇起黎已經好靚仔，乾乾淨淨，食上黎消甜爽口。蒜蓉龍蝦🦞：海鮮愛好者既我已經心心眼！唔會overcook，肉質爽口鮮甜。廚師發板牛肉盛盒：有牛心、牛舌、牛小排、和牛背峰、和牛三角峰小排，一共有7款牛肉。個人最鍾意既人和牛三角峰小排，雪花絞濃密豐富，入口即溶😋😋日本國產肉眼：肉質柔嫩，紋理脂肪分佈平均，齒頰留香。另外仲order左啲內臟既食物，個人就唔係好鍾意😂係鼓起極大勇氣下試左雞頸同雞心。雞頸：其實都係一片肉連皮，比較容易接受，唔講都唔知係雞頸，係油脂較多啲啲，食落都好香。雞心：一粒似橄欖形既肉肉，食落口感有啲似係豬潤，而且一啲都唔會覺得騷，因為個人原因，試左一次就夠😁😁值回票價又高質既燒肉，絕對要Encore啊！…查看更多

同美女姐姐行完街，要搵個地方食餐好既諗起尖東呢間意大利餐廳，之前已經想試。可惜今日落雨，只可以坐Indoor，indoor裝修以紅色為主，好Grand。一入座Waitress已為我地送上餐前麵包。打開Menu已經被Oysters，海鮮拼盤吸引住，可惜大部份既海鮮已經sold out，唯有下次再試。Grilled Romaine and Avocado：原條烤過既Romaine 加上牛油果汁，鮮甜又香口，好適合我呢啲鍾意食菜嘅人。Sautéed New Zealand muscle：用白酒煮嘅兩款青口，口感好嫩，唔會煮得過老，配埋醬汁食好好味。Angus beef skewer：成個串燒架上枱，好有特色，medium Rare嘅牛肉啱啱好，配埋小洋蔥小蘿蔔一齊烤，食起上嚟唔會好油膩。Tiger Prawn Linguine：Linguine 係我最鍾意食嘅意粉，配埋蕃茄汁大蝦，夜晚戒澱粉質嘅我都忍唔住食多幾啖。我就嗌咗一杯White wine，美女姐姐帶咗signature Cocktail：Ice Volcano，用Pineapple Juice、Lime Juice等等Max埋一齊，最後放上半個熱情果，上枱時Waitress係熱情果上點講火，又睇得又飲得。總括而言，食物質素好好，Cocktail 亦唔錯，下次再嚟要食海鮮拼盤…查看更多

Happy Hour早到唔洗等位~Mixed Oyster Platter,  美國、澳洲同西班牙, 隻隻都好新鮮我地嗌左一杯Sauvignon Blanc, 一杯Chadonary, 一齊食, 好正！！烤三文魚牛油果沙律配糖心蛋, 三文魚肉質岩岩好, 唔會好柴沙律菜都好新鮮。蟹肉南瓜湯, 好香濃既湯, 係唔錯, 對於我黎講有小小咸。Olives, 因為自己同朋友都好鐘意食所以特別問餐廳單嗌一份。香草牛油焗新薯, 麻麻地食薯仔既我, 都覺得呢個好好食！！外皮係咸香, 薯仔肉係清甜, 都食左兩舊Homemade Ice cream唔岩我地食, 多口問下可唔可以改其他口味, 侍應介紹蕃石榴雪芭, 大約等左10分鐘, 味道無令我地失望清清甜甜, 本身飽飽地都忍唔住食多左兩啖環境好適合傾計, 我地坐左4個鐘, 侍應亦非常Helpful, 要讚啊！！…查看更多

做完野老闆帶路去Soho食番個brunchBrunch with 4 sides：- Mushroom係冷盤，好入味。- Cauliflower，就係菜花既味😂- Onsen Tamago，只可以話好好味！蛋黃係橙紅色- Crab meat，蟹肉好鮮甜，加埋檸檬汁更提鮮。Teriyaki Eel Rice：大大碗既鰻魚飯，鰻魚好好味，無咩骨，加埋一堆kale，即刻好健康可以一提，餐廳既水加左備長炭，淨化水質，而且人體更易吸收…查看更多

入南丫島行完山。食埋個海鮮餐先走天虹係南丫島比較出名，就試下佢啦。- 得獎咕嚕肉，係得過獎，味道都唔錯，肉既粉漿唔會好多，唯獨肉炸得唔夠酥脆。- 蒸元貝，蒜蓉比較咸，但蒸既時間都剛剛好。- 椒鹽生海蝦，好香好脆- 薑蔥波士頓龍蝦，除左鉗之外無乜肉，肉質亦一般。- 果皮蒸鮑魚，爽口彈牙- 鹹魚雞粒炒飯，好咸😂每一啖都係鹽食唔到⋯- 干燒伊麵，不過不失。雖然星期六食客都好多，有漏單情況，但係侍應都好好服務跟進番，值得一讚…查看更多

lunch hour周圍都排隊等位, 見呢間唔洗等..抱住一試心態..- 燉雞湯拉麵連雞排, 本身係手摲雞但係賣晒, 加$10轉左手打烏冬。烏冬係幾彈牙既, 湯底好清淡..完全食唔到係燉雞湯既感覺。而雞排入面有小小未熟..- 鮮蕃茄濃湯配炒蛋肉碎手打烏冬, 朋友唔係好餓, 所以走左炒蛋肉碎, 淨係食湯烏冬。蕃茄湯係可以既, 味道比較濃, 湯底可惜唔係蕃茄碎, 而且有兩大舊未熟既蕃茄。- 蟹柳烤雞扒胡麻醬冷烏冬, 胡麻醬撈埋烏冬食味道都唔錯, 份量都好足。…查看更多

5點幾到左Alto, 人未係好多, 咁岩天氣唔算太熱, 好舒服。我地訂左位係頂樓outdoor的位置, 自成一角, 好岩打卡望住維港既風景，岩岩好睇到日落🌄呢度好適合一班朋友一邊喝酒一邊傾計。Buffalo Chicken Fillets - 肉質幾滑烤大蝦 - 蝦肉係爽同彈牙值得一提係Tomahawk Australian - 好好食既牛肉，大大舊既骨頭裡面裝滿骨髓，試左一啖，個人覺得有啲油膩，大家都表示非常好吃😋…查看更多

最近去左幾次Sugar，鍾意個環境，真係好舒服。可惜食物一般。朋友揀既兩款cocktail - Rosy Spritz同Tango Jungle都偏甜。因為Halloween 特別嗌既- Yum Singggg 聞起黎有淡淡茉莉既香氣，偏甜😂叫左幾個食物，薯條係最好食。Garlic Shrimp 同Mushroom Risotto, 廚師好重手，真係好咸⋯唯有請廚房重新再做一個risotto ，正常咸淡的risotto味道不錯👌🏻…查看更多

一早過中環做野，又未夠鍾，一於搵個地方坐住等…鋪頭位置好易搵，就係大館對面，石板街行到尾就到。早上開鋪無耐我就到左，只有一枱客人，好難得既寧靜感如果晏啲既時間應該比較多人，想要靜靜地都要早啲去。店面都係以花花作為裝飾，令人仿似置身花園入面咁平時唔飲咖啡既我，因為太眼瞓，嗌左杯Mocha, 同埋Blueberry Muffin☕️Mocha有濃濃朱古力味，但又唔會太甜，味道偏苦。加上甜甜既Muffin，味道岩岩好，鬆軟香濃…查看更多

放工近近地約埋朋友仔一齊去中環食雞好易搵, 就係蘭香園對面, 係樓下已經見到大大個黃色牌.好欣賞餐廳既: 一齊叫雞我地好早到, 已經有一枱客, 坐低後Staff已經主動過黎介紹menu雞翼放題有分3隻口味, 10隻口味同埋17隻口味。咁我地就揀左$178, 10隻口味既！可以試多幾款啊麻！仲可以任飲啤酒我地每款兩隻兩隻咁叫, 第一Round食左咖啡味, 黑芝麻海鮮蜂蜜, 田園風味, 蒙古燒烤味同埋巴馬臣芝士蒜蓉味。咖啡味: 鍾意咖啡既人值得一試, 帶有炭燒香氣既咖啡味。黑芝麻海鮮蜂蜜: 甜甜既蜂蜜, 加埋海鮮味, 呢款可以話係我最愛田園風味: 呢款係Staff推薦, 真係無介紹錯!配住香葱粒一齊食, 比較清新。蒙古燒烤味: 充滿香香既孜然味道, 呢款肉質比較乾身d.馬臣芝士蒜蓉味: 雞翼上面充滿芝士粉同埋蒜蓉, 鍾意芝士既人一定要試第二Round就叫左水牛城, 泰式甜辣醬同埋死神醬水牛城: 呢個味道都為人熟悉, 微微辣, 好味道.泰式甜辣醬: 呢個大讚酸酸辣辣, 又好夠Juicy 死神醬: 鍾意食辣既真係一定要試! 唔好比佢面既辣椒嚇親無想像中咁辣的。跟住黎多Round, 泰式甜辣醬, 黑椒檸檬, 黑芝麻海鮮蜂蜜同巴馬臣芝士蒜蓉味.黑椒檸檬: 又係大讚 擠d青檸汁伴住食, 好清新.鍾意食雞翼既我地, 決定下次可以再黎叫過雞…查看更多

外賣自取😆次次係OpenRice提早15分鐘嗌完就過去拎，時間岩岩好，真係好方便丫今次無晒河粉，雖然有啲可惜，就嗌左米線，都好唔錯啦。好欣賞佢個麵底都係撈晒汁真係好入味啊。白蘿蔔，個人喜好係必點好幸運次次食親都係好甜而且無渣的。食車仔麵一定要嗌既豬大腸😆我覺得都幾衛生，真係好好味😋通菜就正常，之前食西洋菜就更加埋沈上去既乾蔥蒜頭，真係香噴噴3餸$40幾蚊個人黎講，份量好足，真係覺得好抵食啦！…查看更多

同幾個朋友一齊入長洲行下平時都係食中式野多~夜晚就食海鮮.今日2點幾入到黎就試下新野食西式, 支持小店落船之後就即刻過黎排隊, 前而都排緊3枱..一排就差唔多等左30mins終於可以入座.我地嗌左All day breakfast, 香蒜蕃茄豬面頰肉意粉, 日日唔同意粉同埋一份松露是蛋炒配煎薯餅。All day breakfast: 炒蛋又香又滑, 煎薯餅真係一絕, 係好好味。份量好足~係食唔晒的香蒜蕃茄豬面頰肉意粉: 呢個辣辣地, 蕃茄味好濃, 豬面頰肉好淋日日唔同意粉: 今日就係鴨胸意粉, 意粉軟硬度岩岩好~好味 松露是蛋炒配煎薯餅: 絕對係比佢驚艷到! 好欣賞佢個薯餅係一絲絲嘅薯條, 唔係外面既急凍薯餅, 食落好香有d邊係脆卜卜下次黎都一定係為左煎薯餅…查看更多