Hkvillager的个人专页

放假帶貓貓去街 撞手神搵到呢間寵物友善cafe 係門口見到已經覺得好靚 感覺似之前日本去過嘅田園餐廳咁。多數cafe 都得西式食物但呢到有餃子🤩 叫左一個all day breakfast 一份餃子 兩杯啡 完全食得出係用心製作 每杯啡都跟一張手寫卡 好睇又好食 餃子足料 有家嘅味道 個人覺得咸左少少。 all day breakfast 超正 特別係滑蛋香滑配合恰道份量嘅黑松露。Pancake 滲左少少蜜糖微微，再配幾粒水果 成件事好完滿😍…查看更多

個日一行十人去，佢地另外開間鋪比我地食，得我地一枱，個邊環境一般，似大排檔，但勝在冷氣夠同得我地一枱，好似自己開party 咁。工作嘅人都好細個，好玩得。突然仲送多個心太軟比我地，又有朋友生日，幫我地特製左個甜品寫左名好靚。…查看更多

之前都係兩個人去食，其實叫個炸雞同pizza 都捧住個肚仲要打包咁走，因為好滯，但真係太好味。佢個pizza 勁芝士，必食，海鮮pizza算係無咁滯。芝士拉到企起身仲未斷，pizza 邊用另一種芝士，我cool 緊牙都輕鬆食到，加上甜甜地同有杏仁片，超正。炸雞好滑，甜辣醬味道一流，係我食過咁多間炸雞同pizza 都係呢間最好食。海鮮忌廉意粉同青口都好味，因為樣樣都重忌廉同芝士，如果想食多幾樣野一定要3人以上去先得。服務方面，要用英文落單 因為都係賓賓侍應，但間間都好多人，侍應比較少，所以比較難搵到人幫手，但枱上面嘅餐具同手套有齊👍🏻上菜時間比較耐。成日好多人等位，一係早去一係遲去，如果唔係就拎左飛行下街先，或者可以用guru拎定飛先😀…查看更多

一行埋去，都唔知佢有冇開，又無客，又無人做野咁🤔 望多眼，原來一直有個妹妹係入面玩電話，好彩我有選擇困難症，企左係收銀前面諗多陣叫咩飲，終於妹妹行過黎等接order 啦🥳 叫左「熱特濃鮮牛乳炭焙烏龍牛乳水玄丸子」滿心期待😚 因為每次去愉景新城借廁所，都見茶古道知廣告燈箱張相好靚。但事實上，色香味俱無🤧  簡直係垃圾  ，唔知自己飲緊咩，一星係因為無得揀無星。一見到杯野咁白，明明係炭焙烏，一d 顏色都無，我諗住可能牛乳味重，點知無茶味無奶味，少少甜味，完全唔知自己飲左咩，重點係 仲要成$40 杯😡…查看更多

Book 左6點，早左10分鐘去，唔比入，話set 緊場。下！？6點第一個appointment , 5:50 都未ready ? 預客人一定唔早又唔遲咁到？🙄我地全個枱仲要搖搖下咁，大排檔都唔會啦。同待應講，佢較下個枱腳就穩左，但我真係唔expect 食一間都算中高價嘅日式餐廳會有咁嘅情況囉🙃 刺身叫左海膽，中拖，油甘魚，帶子。帶子新鮮，其他都好一般，海膽唔壓，但都唔甜，中拖無根但都無無咩味。反而熟食比較出色，串燒鍋物嘅質素幾好👍🏻用料唔錯，但天婦羅就好普遍。整體食物都ok ，服務就睇下你叫到邊個待應囉，但唔值呢個價。…查看更多

叫左個二人餐，份量算大👍🏻d 野一黎係有少少興奮😍因為睇落去都幾靚，但食落就真係十分一般，肉嘅口感幾好，但無肉味。蝦就幾新鮮👍🏻 湯底方面，有台底麻辣 （正常；少少辣）配花膠雞湯，花膠雞湯好濃好膠😋飲完湯先再加湯打邊爐。鴨血然豆腐無限加，待應會係佢地個煲到畢去你個鍋到，所以本身豆腐已煲到入晒味，好味👍🏻菠蘿沙冰就一人一shot 仔，到最後有酸梅湯沙冰👍🏻都唔錯 🤗 服務方面，唔知係分工問題定個場太大，待應態度係好，但分別叫左幾次（不同人）加湯同加茶，都應完無左件事🫠 …查看更多

買少見少嘅傳統上海野。外面睇好似老鋪，但其實好乾淨，而且工作人員都好後生好有熱誠，會好比心機好詳盡介紹菜式。食物保留傳統嘅味道，唔會好重味精。價錢超親民 咁咁多野都係$202 …查看更多

今次搵列呢間餃子店，有驚喜。「用心制作 用心經營」似係一家人經營嘅餐廳，明顯做到踢晒腳，但店員極友善。而且夏天咁熱，每枱都有風扇仔，真係好細心☺️ 食物方面，無味精，即叫即做，可能等得耐少少，但絕對值得👍🏻我會因為想再食而再次黎列長洲蔥爆牛肉餃子（煎）真係可以用「皮薄餡靚」黎形容，而且肉汁滿寫。菠菜鮮蝦餃（蒸）足料，無味精，蒸亦心較健康，個人覺得啖左少少，點少少辣椒油會比較惹味。酸椒湯，足料，比較偏酸，稀稠岩岩好唔會套水或太漿👍🏻印第安餃，因為太好味同肚餓，定份量比較少呢？所以後叫左呢個餃。今次係炸餃，但唔會有油膩感💕餃皮口感似薯片，肉汁豐富，味道正常 唔算大驚喜。…查看更多

好多年無去上水，最近聽朋友介紹而專程去上水食。對上一次覺得好食嘅醉雞米線 應該都起碼十年前 仲要唔係香港 今次終於係香港搵到食完會再想食嘅醉雞米線。湯底嘅酒香味 令我成碗連湯都飲晒 加上雞嘅份量夠多 最重要係 超～嫩～滑 （我好怕食鞋口雞）食完個人好㷫烚烚，叫多杯凍啡，絕對飲得出佢杯啡係有落心機，咖啡味濃厚，一凍一熱，都咁有水準 爽呀！工作人員都係後生仔多，快手得黎係有禮貌，個場係有播歌，有時會成班係到唱歌，好有小店嘅風味。…查看更多

之前尖沙咀食過，因服務態度極級惡劣，曾經blacklist. 由於食品質素的確幾好，而且可能係個別員工問題，所以今次朋友建議試下旺角分店，就故且比多次機會。旺角分店，服務好好多，有禮貌，令人覺得係客人嘅感覺，因為OpenRice book 有折，一坐低就同你講清楚咩係折咩無折，夠均真，成個場好爆，但侍應依然盡快過黎幫你。食品一直都有質素，除左好睇，而且好食，環境算靚，話晒都係新新地，但可能係Friday night, 呢個價錢呢講 坐到咁逼 有少少失望。 …查看更多

個日可能早，唔算好多人。環境及餐具衛生程度可接受，服務態度都幾好，姐姐友善，點心有質素，價錢唔貴。特別係個脆脆蝦腸粉同柚子蝦多士，一定要食。雞扎，鳳爪排骨飯都好滑，味道都好過好多茶樓。呢個價錢食呢個質素嘅點心，開心過去茶樓食點心。只係選擇唔夠多…查看更多